ಶ್ರೀಅಣುರಾಘವೇಂದ್ರ ಸ್ತೋತ್ರಮ್ ಅರ್ಚಕ ರಾಘವೇಂದ್ರಾಚಾರ್ಯ ವಿರಚಿತಮ್

 ಶ್ರೀಅರ್ಚಕ ರಾಘವೇಂದ್ರಾಚಾರ್ಯ, ಮಂತ್ರಾಲಯ 

ಶ್ರೀಅಣುರಾಘವೇಂದ್ರ ಸ್ತೋತ್ರಮ್

ಶ್ರೀಲಕ್ಷ್ಮೀವರವಕ್ಷಸಂ ಸುಜನಸಂರಕ್ಷಾನಿಬದ್ಧಾದರಂ

ಶ್ರೀಲಪ್ರೇಷ್ಠವಿಯನ್ನೃಪಾಲ ತನಯಾವಕ್ತ್ರಾಂಬುಜಾತಾರುಣಮ್ |

ಯೋಷಾಲೋಕನ ಮೋಹಿತದ್ವಿಜವರಾಘಾಘಂಕಟಕ್ಷ್ಮಾ ಭೃತೋ

ಭೂಷಾರತ್ನ ಮುಪಾಸ್ಮಹೇ ವಿಧಿಮುಖಾದಿತ್ಯಾರ್ಚಿತಾಘ್ರ್ಯಂಬುಜಮ್ || 1 ||

ಸನ್ನಿದ್ರಾಂಚಿತಲೋಚನೋಽಪ್ಯವಿರತಂ ಜಾಗರ್ತಿ ಲೋಕಾವನೇ

ಯೋಷಾಧಿಷ್ಟಿತಹೃತ್ತಟೋಪಿಯತಿಭಿರ್ಮುಕ್ತ್ಯರ್ಥಮಾಸೇವಿತಃ |

ಶ್ಯಾಮೋSಪಿ ಸ್ವಗುಣೋತ್ಕರೈರ್ಜಿತಪಯೋವಾಧ್ರ್ಯು೯ದ್ಭವೋ ಮಾಧವೋ

ದೇವೋ ಭಾವುಕಮಾತನೋತು ಸತತಂ ಶ್ರೀರಂಗನಾಥೋ

ಹರಿಃ।। 2 ||

ಸ್ಮೈರಾನನಂ ನವಘನಾಘನ ನೀಲಭಾಸಂ

ಶ್ರೀಜಾನಕೀಕನಕಪೀಠವರೇ ನಿಷಣ್ಣಮ್ |

ಬಿಂಬಾಧರದ್ಯುತಿಸುರಕ್ತತನುಂ ಸ್ವನಾಥಂ

ಸಂಪ್ರೇಕ್ಷ ಮಂದಹಸಿತಾಂಕಗತಾ ಸದಾವ್ಯಾತ್ ||3||

ಅಂಧೋ ಯತ್ಕರುಣಾಲವೇನ ಮಘವಾ ಮೂಕೋಪಿ ಭೋಗೀಶಿತಾ

ವಂಧ್ಯಾ ಯತ್ಪದಕಂಜತೋಯಸುಕೃತೇನಾಪ್ನೋತಿ ಪುತ್ರಾನ್ ಸತಃ |

ಯಂ ಸಂಸೇವ್ಯ ಪುಮರ್ಥಸಾರ್ಥ ಮಧುನಾಪ್ಯಾವಿಂದತೇ ಸಜ್ಜನಃ

ಸೋಽಯಂ ಮಂತ್ರಗೃಹಾಲಯೋ ಗುರುವರಃ ಸ್ಯಾದಿಷ್ಟಸಿದ್ಧೈ ಮಮ || 4 ||

ಯೋ ದಾನೇಽಪ್ರತಿಮೋ ಜನಾಃ ಪ್ರಮುದಿತಾಃ ಯಂ ಪ್ರಾಪ್ಯ

ಯೇನಾರ್ಥಿತಂ ದತ್ತಂ ಭೂಸುರಸದ್ಗುಣಾಯ ಸತತಂ ಯಸ್ಮೈ ಹರೀ ರೋಚತೇ ।

ಯಸ್ಮಾದ್ಬಿಭ್ಯತಿ ದುರ್ಮತಿನರಹರಿರ್ಯಸ್ಯ ಪ್ರಿಯಃ ಸರ್ವದಾ

ಯಸ್ಮಿನ್ ಭಕ್ತಿಯುತೋ ಜನಃ ಸುಖಯುತಃ ಸ ಶ್ರೀಗುರೋ ಮಾಮವ || 5||

ಶ್ರೀಪ್ರಹ್ಲಾದಃ ಸುಬಾಲೋ ನರವರ ಮೃಗರಾಟ್ ಪಾದಕಂಜಾಲಲೀಲಃ

ಬಾಹ್ಲೀಕೋ ಯಾದವೇಶಪ್ರಭುಪದನಲಿನದ್ವಂದ್ವಸೇವಾಧುರಂಧಾಃ |

ವ್ಯಾಸಾರ್ಯೋಮೇದಿನೀಂದ್ರೋಽಮಿತಮತಿಸಮಯಾಂಬೋಧಿಜೈವಾತೃಕೋಽಯಂ

ಸ ಶ್ರೀಮದ್ರಾಘವೇಂದ್ರೋಽವತು ಸುಪರಿಮಳಾಚಾರ್ಯ ಕರ್ಮಂದಿವರ್ಯಃ || 6 ||

 ||ಶ್ರೀ ಮಧ್ವೇಶಕೃಷ್ಣಾರ್ಪಣಮಸ್ತು||

**