Sunday April 19, 2026 CHAITRA SURESH RAO
ಶ್ರೀ ಲಕ್ಷ್ಮೀನರಸಿಂಹ ಕರಾವಲಂಬನ ಸ್ತೋತ್ರ
|| ಶ್ರೀ ಶಂಕರಾಚಾರ್ಯ ವಿರಚಿತ ಸಂಕಟನಾಶನ ಲಕ್ಷ್ಮೀನೃಸಿಂಹ ಸ್ತೋತ್ರಂ ||
ಶ್ರೀಮತ್ ಪಯೋನಿಧಿ ನಿಕೇತನ ಚಕ್ರಪಾಣೇ
ಭೋಗೀಂದ್ರ ಭೋಗ ಮಣಿರಂಜಿತ ಪುಣ್ಯಮೂರ್ತೇ |
ಯೋಗೀಶ ಶಾಶ್ವತ ಶರಣ್ಯ ಭವಾಬ್ಧಿಪೋತ
ಲಕ್ಷ್ಮೀನೃಸಿಂಹ ಮಮ ದೇಹಿ ಕರಾವಲಂಬಂ ||೧||
ಬ್ರಹ್ಮೇಂದ್ರ ರುದ್ರಮರುದರ್ಕ ಕಿರೀಟಕೋಟಿ
ಸಂಘಟ್ಟಿತಾಂಘ್ರಿ ಕಮಲಾಮಲ ಕಾಂತಿಕಾಂತ
ಲಕ್ಷ್ಮೀಲಸತ್ಕುಚ ಸರೋರುಹ ರಾಜ ಹಂಸ
ಲಕ್ಷ್ಮೀನೃಸಿಂಹ ಮಮ ದೇಹಿ ಕರಾವಲಂಬಂ ||೨||
ಸಂಸಾರ ಘೋರಗಹನೇ ಚರತೋ ಮುರಾರೆ
ಮಾರೊಗ್ರಭೀಕರ ಮೃಗ ಪ್ರವರಾರ್ಧಿತಸ್ಯ |
ಆರ್ತಸ್ಯ ಮತ್ಸರ ನಿದಾಘನಿ ಪೀಡಿತಸ್ಯ
ಲಕ್ಷ್ಮೀನೃಸಿಂಹ ಮಮ ದೇಹಿ ಕರಾವಲಂಬಂ ||೩||
ಸಂಸಾರ ಕೂಪಮತಿಘೋರಮಗಾಧಮೂಲಮ್
ಸಂಪ್ರಾಪ್ಯ ದುಃಖಶತಸರ್ಪ ಸಮಾಕುಲಸ್ಯ |
ದೀನಸ್ಯ ದೇವ ಕ್ರುಪಣಾ ಪದಮಾಗತಸ್ಯ
ಲಕ್ಷ್ಮೀನೃಸಿಂಹ ಮಮ ದೇಹಿ ಕರಾವಲಂಬಂ ||೪||
ಸಂಸಾರಸಾಗರ ವಿಶಾಲ ಕರಾಲ ಕಾಲ
ನಕ್ರಗ್ರಹಗ್ರಸನ ನಿಗ್ರಹ ವಿಗ್ರಹಸ್ಯ |
ವ್ಯಗ್ರಸ್ಯ ರಾಗರಸನೊರ್ಮಿನಿಪೀಡಿತಸ್ಯ
ಲಕ್ಷ್ಮೀನೃಸಿಂಹ ಮಮ ದೇಹಿ ಕರಾವಲಂಬಂ ||೫||
ಸಂಸಾರ ವೃಕ್ಷಮಘ ಭೀಜ ಮನನ್ತ ಕರ್ಮ
ಶಾಖಾಶತಂ ಕರಣಪತ್ರಮನಂಗ ಪುಷ್ಪಮ್ |
ಆರುಹ್ಯ ದುಃಖಫಲಿತಂ ಪತತೋ ದಯಾಳೊ
ಲಕ್ಷ್ಮೀನೃಸಿಂಹ ಮಮ ದೇಹಿ ಕರಾವಲಂಬಂ ||೬||
ಸಂಸಾರಸರ್ಪ ಘನವಕ್ತ್ರ ಭಯೋಗ್ರ ತೀವ್ರ
ದಂಷ್ಟ್ರಾ ಕರಾಲವಿಶದಗ್ಧ ವಿನಷ್ಟಮೂರ್ತೇಃ |
ನಾಗಾರಿವಾಹನ ಸುಧಾಭ್ಧಿನಿವಾಸ ಶೌರೆ
ಲಕ್ಷ್ಮೀನೃಸಿಂಹ ಮಮ ದೇಹಿ ಕರಾವಲಂಬಂ ||೭ ||
ಸಂಸಾರ ದಾವದಹನಾತುರ ಭೀಕರೋರು
ಜ್ವಾಲಾವಲೀಭಿರತಿ ದಗ್ಧ ತನೂರುಹಸ್ಯ |
ತ್ವತ್ಪಾದಪದ್ಮ ಸರಸೀ ಶರಣಾಗತಸ್ಯ
ಲಕ್ಷ್ಮೀನೃಸಿಂಹ ಮಮ ದೇಹಿ ಕರಾವಲಂಬಂ ||೮||
ಸಂಸಾರ ಜಾಲ ಪತಿತಸ್ಯ ಜಗನ್ನಿವಾಸ
ಸರ್ವೆಂದ್ರಿಯಾರ್ಥ ಬಡಿಶಾರ್ಥ ಝಷೋಪಮಸ್ಯ |
ಪ್ರೋತ್ಖಂಡಿತ ಪ್ರಚುರತಾಲುಕ ಮಸ್ತಕಸ್ಯ
ಲಕ್ಷ್ಮೀನೃಸಿಂಹ ಮಮ ದೇಹಿ ಕರಾವಲಂಬಂ ||೯||
ಸಂಸಾರಭೀಕರ ಕರೀಂದ್ರ ಕರಾಭಿಘಾತ
ನಿಷ್ಪಿಷ್ಟಮರ್ಮ ವಪುಷಃ ಸಕಲಾರ್ತಿನಾಶ |
ಪ್ರಾಣ ಪ್ರಯಾಣ ಭವಭೀತಿ ಸಮಾಕುಲಸ್ಯ
ಲಕ್ಷ್ಮೀನೃಸಿಂಹ ಮಮ ದೇಹಿ ಕರಾವಲಂಬಂ ||೧೦||
ಆಂಧಸ್ಯ ಮೇ ಹೃತವಿವೇಕ ಮಹಾಧನಸ್ಯ
ಚೋರೈಃ ಪ್ರಭೊ ಬಲಿಭಿರಿಂದ್ರಿಯ ನಾಮಧೇಯೈಃ |
ಮೋಹಾಂಧ ಕೂಪಕುಹರೇ ವಿನಿಪಾತಿತಸ್ಯ
ಲಕ್ಷ್ಮೀನೃಸಿಂಹ ಮಮ ದೇಹಿ ಕರಾವಲಂಬಂ ||೧೧||
ಬದ್ಧ್ವಾಗಳೆ ಯಮಭಟಾ ಬಹುತರ್ಜಯಂತಃ
ಕರ್ಷಂತಿ ಯತ್ರ ಭವಪಾಶಶತೈರ್ಯುತಂ ಮಾಂ |
ಏಕಾಕಿನಂ ಪರವಶಂ ಚಕಿತಮ್ ದಯಾಳೊ
ಲಕ್ಷ್ಮೀನೃಸಿಂಹ ಮಮ ದೇಹಿ ಕರಾವಲಂಬಂ ||೧೨||
ಲಕ್ಷ್ಮೀಪತೇ ಕಮಲನಾಭ ಸುರೇಶ ವಿಷ್ಣೊ
ವೈಕುಂಠ ಕೃಷ್ಣ ಮಧುಸೂಧನ ಪುಷ್ಕರಾಕ್ಷ |
ಬ್ರಹ್ಮಣ್ಯ ಕೇಶವ ಜನಾರ್ಧನ ವಾಸುದೆವ
ದೇವೇಶ ದೇಹಿ ಕೃಪಣಸ್ಯ ಕರಾವಲಂಬಂ ||೧೩||
ಏಕೇನ ಚಕ್ರಮಪರೇಣ ಕರೇಣ ಶಂಖ-
ಮನ್ಯೇನ ಸಿಂಧುತನಯಾ ಮವಲಂಬ್ಯ ತಿಷ್ಠನ್ |
ವಾಮೇ ಕರೇಣ ವರದಾಭಯಪದ್ಮಚಿಹ್ನಂ
ಲಕ್ಷ್ಮೀನೃಸಿಂಹ ಮಮ ದೇಹಿ ಕರಾವಲಂಬಂ||೧೪ ||
ಸಂಸಾರ ಸಾಗರ ನಿಮಜ್ಜನ ಮುಹ್ಯಮಾನಮ್
ದೀನಮ್ ವಿಲೋಕಯ ವಿಭೊ ಕರುಣಾನಿಧೇ ಮಾಂ |
ಪ್ರಹ್ಲಾದ ಖೆದ ಪರಿಹಾರ ಪರಾವತಾರ
ಲಕ್ಷ್ಮೀನೃಸಿಂಹ ಮಮ ದೇಹಿ ಕರಾವಲಂಬಂ||೧೫||
ಪ್ರಹ್ಲಾದ ನಾರದ ಪರಾಶರ ಪುಂಡರೀಕ
ವ್ಯಾಸಾದಿಭಾಗವತ ಪುನ್ಗವಹೃನ್ನಿವಾಸ |
ಭಕ್ತಾನುರಕ್ತ ಪರಿಪಾಲನ ಪಾರಿಜಾತ
ಲಕ್ಷ್ಮೀನೃಸಿಂಹ ಮಮ ದೇಹಿ ಕರಾವಲಂಬಂ ||೧೬||
ಲಕ್ಶ್ಮೀನೃಸಿಂಹ ಚರಣಾಬ್ಜ ಮಧುವ್ರತೆನ
ಸ್ತೊತ್ರಂ ಕೃತಮ್ ಶುಭಕರಂ ಭುವಿ ಶಂಕರೇಣ |
ಯೇ ತತ್ಪಠಂತಿ ಮನುಜಾ ಹರಿಭಕ್ತಿ ಯುಕ್ತಾಃ
ತೇ ಯಾಂತಿ ತತ್ಪದ ಸರೋಜ ಮಖಂಡ ರೂಪಮ್ ||೧೭||
|| ಶ್ರೀ ಲಕ್ಷ್ಮೀ ನರಸಿಂಹ ಪಾದಾರ್ಪಣಮಸ್ತು ||
********
