ಶ್ರೀಶಂಕರಾಚಾರ್ಯಪದಾವಲಮ್ಬಸುವರ್ಣಮಾಲಾಸ್ತುತೀ
ಓಂಕಾರಪಂಕಜಮಧುವ್ರತ ವೇದಶೀರ್ಷ-
ಕಂಜಾತಬಾಲದಿನನಾಥ ಕೃಪಾಸಮುದ್ರ ।
ವೃನ್ದಾರಕೇನ್ದ್ರಪದತೌಚ್ಛ್ಯಮನಃಪ್ರದಾಯಿನ್
ಶ್ರೀಶಂಕರಾರ್ಯ ಮಮ ದೇಹಿ ಪದಾವಲಮ್ಬಮ್ ॥ 1॥
ನತ್ವಾ ಪದಾಮ್ಬುಜನಿಯುಗ್ಮಮಹೋ ಯದೀಯಂ
ವಾಚಸ್ಪತಿತ್ವಮಧಿಗಚ್ಛತಿ ಜನ್ಮಮೂಕಃ ।
ಸ ತ್ವಂ ಕೃಪಾರ್ಣವ ಸರೋರುಹಪತ್ರನೇತ್ರ
ಶ್ರೀಶಂಕರಾರ್ಯ ಮಮ ದೇಹಿ ಪದಾವಲಮ್ಬಮ್ ॥ 2॥
ಮತ್ತೋ ಮನಃಪ್ರಭವ ಏಷ ಪುರಾ ಯದೀಯ-
ನೇತ್ರಾಗ್ನಿನಾಪ ತರಸಾ ಭಸಿತಸ್ವಭಾವಮ್ ।
ಸ ತ್ವಂ ವಿರಕ್ತಿಮಚಲಾಂ ಪ್ರವಿತೀರ್ಯ ಮಹ್ಯಂ
ಶ್ರೀಶಂಕರಾರ್ಯ ಮಮ ದೇಹಿ ಪದಾವಲಮ್ಬಮ್ ॥ 3॥
ಶಂಕಾನಿವಾರಣಪಟೋ ಪ್ರಣತವ್ರಜಸ್ಯ
ಯಂ ಕಾಲಕಾಲ ಇತಿ ಕುಂಭಭವೋ ಜಗಾದ ।
ಸ ತ್ವಂ ವಿತೀರ್ಯ ಪರಮಾಯುರಭೀಷ್ಟಪೂಗಂ
ಶ್ರೀಶಂಕರಾರ್ಯ ಮಮ ದೇಹಿ ಪದಾವಲಮ್ಬಮ್ ॥ 4॥
ಕನ್ಯೇವ ರೂಪಗುಣಶಾಲಿನಮಾದರೇಣ
ಮರ್ತ್ಯಂ ಪ್ರಮೋದಭರತಃ ಸ್ವಯಮೇವ ಮುಕ್ತಿಃ ।
ಯದ್ವಾಕ್ಸುಧಾಪ್ರಣಯಿನಂ ವೃಣುತೇ ಹಿ ಸ ತ್ವಂ
ಶ್ರೀಶಂಕರಾರ್ಯ ಮಮ ದೇಹಿ ಪದಾವಲಮ್ಬಮ್ ॥ 5॥
ರಾಜಾಧಿರಾಜಪದವೀಂ ತರಸಾ ಪ್ರಯಾತಿ
ಯತ್ಪಾದಪಂಕಜಯುಗಂ ಸಕೃದೇವ ನತ್ವಾ ।
ದೀನಾಗ್ರಯಾಯ್ಯಪಿ ವಿನಾ ಕಮಪಿ ಪ್ರಯತ್ನಂ
ಶ್ರೀಶಂಕರಾರ್ಯ ಮಮ ದೇಹಿ ಪದಾವಲಮ್ಬಮ್ ॥ 6॥
ಯತ್ಯಗ್ರಯಾಯಿಜನತಾವನಬದ್ಧದೀಕ್ಷ
ತತ್ತ್ವಂ ಪ್ರಬೋಧ್ಯ ತರಸಾ ಬಹುಲೈಃ ಸ್ವಕೀಯೈಃ ।
ಗ್ರನ್ಥೈಶ್ಚ ಪೂರ್ಣಕರುಣಾಭರಿತೈಃ ಕಟಾಕ್ಷೈಃ
ಶ್ರೀಶಂಕರಾರ್ಯ ಮಮ ದೇಹಿ ಪದಾವಲಮ್ಬಮ್ ॥ 7॥
ಸ್ತೋತ್ರಂ ತ್ವದಂಘ್ರಿಕಮಲಾಲಿತಮಾನಸೇನ
ಸೂಕ್ತಂ ಪಠೇದ್ಯ ಇಹ ಭಕ್ತಿಯುತಾನ್ತರಂಗಃ ।
ಪಾತ್ರಂ ಭವೇತ್ಸ ಖಲು ಸರ್ವಸುಖಸ್ಯ ಸತ್ಯಂ
ನ ದ್ವಾಪರೋಽತ್ರ ವಿಷಯೇ ಮನಸಾಪಿ ಕಾರ್ಯಃ ॥ 8॥
ಇತಿ ಶ್ರೀಸಚ್ಚಿದಾನನ್ದಶಿವಾಭಿನವನೃಸಿಂಹಭಾರತೀಮಹಾಸ್ವಾಮಿಭಿಃ ವಿರಚಿತಮ್
ಶಂಕರಾಚಾರ್ಯಪದಾವಲಮ್ಬಸುವರ್ಣಮಾಲಾಸ್ತುತಿಃ ಸಮ್ಪೂರ್ಣಂ ॥
***********
श्रीशङ्कराचार्यपदावलम्बसुवर्णमालास्तुती
ओङ्कारपङ्कजमधुव्रत वेदशीर्ष-
कञ्जातबालदिननाथ कृपासमुद्र ।
वृन्दारकेन्द्रपदतौच्छ्यमनःप्रदायिन्
श्रीशङ्करार्य मम देहि पदावलम्बम् ॥ १॥
नत्वा पदाम्बुजनियुग्ममहो यदीयं
वाचस्पतित्वमधिगच्छति जन्ममूकः ।
स त्वं कृपार्णव सरोरुहपत्रनेत्र
श्रीशङ्करार्य मम देहि पदावलम्बम् ॥ २॥
मत्तो मनःप्रभव एष पुरा यदीय-
नेत्राग्निनाप तरसा भसितस्वभावम् ।
स त्वं विरक्तिमचलां प्रवितीर्य मह्यं
श्रीशङ्करार्य मम देहि पदावलम्बम् ॥ ३॥
शङ्कानिवारणपटो प्रणतव्रजस्य
यं कालकाल इति कुंभभवो जगाद ।
स त्वं वितीर्य परमायुरभीष्टपूगं
श्रीशङ्करार्य मम देहि पदावलम्बम् ॥ ४॥
कन्येव रूपगुणशालिनमादरेण
मर्त्यं प्रमोदभरतः स्वयमेव मुक्तिः ।
यद्वाक्सुधाप्रणयिनं वृणुते हि स त्वं
श्रीशङ्करार्य मम देहि पदावलम्बम् ॥ ५॥
राजाधिराजपदवीं तरसा प्रयाति
यत्पादपङ्कजयुगं सकृदेव नत्वा ।
दीनाग्रयाय्यपि विना कमपि प्रयत्नं
श्रीशङ्करार्य मम देहि पदावलम्बम् ॥ ६॥
यत्यग्रयायिजनतावनबद्धदीक्ष
तत्त्वं प्रबोध्य तरसा बहुलैः स्वकीयैः ।
ग्रन्थैश्च पूर्णकरुणाभरितैः कटाक्षैः
श्रीशङ्करार्य मम देहि पदावलम्बम् ॥ ७॥
स्तोत्रं त्वदङ्घ्रिकमलालितमानसेन
सूक्तं पठेद्य इह भक्तियुतान्तरङ्गः ।
पात्रं भवेत्स खलु सर्वसुखस्य सत्यं
न द्वापरोऽत्र विषये मनसापि कार्यः ॥ ८॥
इति श्रीसच्चिदानन्दशिवाभिनवनृसिंहभारतीमहास्वामिभिः विरचितम्
शङ्कराचार्यपदावलम्बसुवर्णमालास्तुतिः सम्पूर्णं ॥
**********
