ಪಾರ್ವತ್ಯಷ್ಟೋತ್ತರ ಶತನಾಮ ಸ್ತೋತ್ರಮ್ पार्वत्यष्टोत्तर शतनाम स्तोत्रम् parvati ashtottarashatanama stotram

Shri Parvati Ashtottarashatanama Stotram
 ಶ್ರೀ ಪಾರ್ವತ್ಯಷ್ಟೋತ್ತರ ಶತನಾಮ ಸ್ತೋತ್ರಮ್ 

ಮಹೇಶ್ವರೀ ಮಹಾದೇವೀ ಮಹೇಶ್ವರವಿಮೋಹಿನೀ ।
ಮಹಾಪ್ರಭಾ ಮಹಾಮಾಯಾ ಮಹಾಸುರನಿಷೂದನೀ ॥ 1॥

ಉಮಾ ಕುಮಾರಜನನೀ ಹಿಮಾಚಲತನೂಭವಾ ।
ಭವಾನೀ ಭಾವನಾಗಮ್ಯಾ ಭವಪಾಶವಿಮೋಚಿನೀ ॥ 2॥

ಶಿವಾ ಭವಾಂಕನಿಲಯಾ ಮೃಗಾಂಕಸದೃಶಾನನಾ ।
ಅಪಂಕಾ ಶಂಕರೀ ಶಾನ್ತಾ ಹೃದಯಾನ್ತಃಪ್ರಕಾಶಿನೀ ॥ 3॥

ವಿಜಯಾ ದುರ್ಜಯಾಮೇಯಾ ಜಯದಾ ಜಗದೀಶ್ವರೀ ।
ಆರ್ಯಾ ಪರಾಪರಮಯೀ ತ್ರಿಪುರಾ ಪರಮೇಶ್ವರೀ ॥ 4॥

ಕಾತ್ಯಾಯನೀ ಹೈಮವತೀ ಶಾಮ್ಭವೀ ಸುಮ್ಭಮರ್ದಿನೀ ।
ಶಾಕಮ್ಭರೀ ಕಲಾ ಕಾಲಿ ಭೈರವೀ ಭಯಹಾರಿಣೀ ॥ 5॥

ನಾರಾಯಣೀ ಪ್ರಾಣಮಯೀ ಶರ್ವಾಣೀ ಸರ್ವಮಂಗಲಾ ।
ಅರುಣಾ ಭೂರಿಕರುಣಾ ಶರಣಾಗತವತ್ಸಲಾ ॥ 6॥

ಹರಿಣಾಂಕಕಲಾಭೂಷಾ ಹರಿಣಾಕ್ಷಾ ಹರಪ್ರಿಯಾ ।
ಭಕ್ತಪ್ರಿಯಾ ಭಗವತೀ ಸುದಯಾ ದನುಜಾದಯಾ ॥ 7॥

ಪಂಕಜಾಕ್ಷಸಮಾರಾಧ್ಯಾ ಪಂಕಜಾಕ್ಷಸಹೋದರೀ ।
ಕಿಂಕರೀಮೂತಗೀರ್ವಾಣಾ ಪಂಕಜಾಸ್ತ್ರೋದ್ಭವೇಕ್ಷಣಾ ॥ 8॥

ಹ್ರೀಂಕಾರೀ ಶಬರೀ ತಾರಾ ಮಾತಂಗೀ ಮಂಗಲಪ್ರದಾ ।
ಅಂಗೀಕೃತಹರಾರ್ದ್ಧಾಂಗಾ ಶ‍ೃಂಗಾರಶರಣಾನನಾ ॥ 9॥

ಶ‍ೃಂಗಾರನಾಯಿಕಾ ಬಾಲಾ ಜಯಾ ಸಿಂಹಾಸನೇಶ್ವರೀ ।
ಕಾಮೇಶ್ವರೀ ಚ ಕಲ್ಯಾಣೀ ಸುನ್ದರೀ ಸುರಸೇವಿತಾ ॥ 10॥

ಚಕ್ರೇಶ್ವರೀ ಮಧುಮತೀ ಪಾರ್ವತೀ ಪದ್ಮಲೋಚನಾ ।
ಕೋದಂಡಿನೀ ಕುಂಡಲಿನೀ ಚಾಮುಂಡಾ ಚಂಡಿಕಾಮ್ಬಿಕಾ ॥ 11॥

ಚರ್ಚ್ಚಿಕಾ ಗಿರಿಜಾ ದುರ್ಗಾ ಸರ್ಗಸ್ಥಿತ್ಯನ್ತಕಾರಿಣೀ ।
ಸುಭಗಾ ಲಲಿತಾ ಗೌರೀ ಮಾತಾಮಣಿರ್ಗೃಹೇಶ್ವರೀ ॥ 12॥

ಲೋಕೇಶ್ವರೀ ಮಹಾರಾಜ್ಞೀ ಮಾಲಿನೀ ಮೇನಕಾತ್ಮಜಾ ।
ರುದ್ರಾಣೀ ಶಂಕರೀ ಶರ್ಮದಾಯಿನೀ ಸರ್ವಸಾಕ್ಷಿಣೀ ॥ 13॥

ಶ್ರೀವಿದ್ಯಾ ಶ್ರೀಕರೀ ಶಕ್ತಿಷ್ಷೋಡಶೀ ಶ್ರೀದಿಪೂಜಿತಾ ।
ವಾಗ್ವಾದಿನೀ ವಿನ್ದುಗೃಹಾ ಭವಸಂಕಟಹಾರಣೀ ॥ 14॥

ಕರಪಂಕಜಸಂಸ್ಪರ್ಶಪ್ರಧೂತಸುರಶಾಸನಾ ।
ಪಾದಪಲ್ಲವನಿಷ್ಪಿಷ್ಟಮಹಿಷಾಸುರವಿಗ್ರಹಾ ॥ 15॥

ತರುಣಾರ್ಕಸಹಸ್ರಾಭತನುಚ್ಛಾಯಾವಿಜೃಮ್ಭಣಾ ।
ವದನಾಮೋದಬಿಭ್ರಾಮ್ಯದಲಿಪಾಲಿನಿಭಾಲಕಾ ॥ 16॥

ನವಕುಂಕುಮಕಸ್ತೂರೀತಿಲಕಾಲಂಕೃತಾಲಿಕಾ ।
ಅಧರಾರುಣಿಮಾರಕ್ತಮುಕ್ತಾಶೋಭಿತನಾಸಿಕಾ ॥ 17॥

ಕನತ್ಕಪೋಲಯುಗಲಪ್ರತಿಬಿಮ್ಬಿತಕುಂಡಲಾ ।
ತಮಃಪ್ರವಾಹಪ್ರತಿಮಚಿಕುರಭ್ರಾಜಿದಿಙ್ಮುಖಾ ॥ 18॥

ಇದಮಷ್ಟೋತ್ತರಶತಂ ಪಾರ್ವತ್ಯಾಸ್ಸರ್ವಕಾಮದಮ್ ।
ಸರ್ವಸಮ್ಪತ್ಪ್ರದಂ ಶ್ರೇಷ್ಠಂ ಸರ್ವಸೌಭಾಗ್ಯಪುಷ್ಟಿದಮ್ ॥ 19॥

ಸರ್ವವಿದ್ಯಾಪ್ರದಂ ಸರ್ವಪುರುಷಾರ್ಥಪ್ರದಂ ಪರಮ್ ।
ರಹಸ್ಯಮಿದಮುತ್ಕೃಷ್ಟಂ ನ ಮೀಮಾಂಸಮಿತಸ್ತತಃ ॥ 20॥

ಯಃ ಪಠೇತ್ಪರಯಾ ಭಕ್ತ್ಯಾ ಸನ್ಧ್ಯಾಕಾಲೇ ಸಮಾಹಿತಃ ।
ಸ್ಮರನ್ನಪಿ ಮಹಾದೇವಂ ಪಾರ್ವತೀಸಹಿತಂ ಶಿವಮ್ ।
ಸ ಭುಕ್ತ್ವಾತ್ರ ಮಹಾಭೋಗಾನ್ ಶಿವಲೋಕೇ ಮಹೀಯತೇ ॥ 21॥

ಇತಿ ಪಾರ್ವತ್ಯಷ್ಟೋತ್ತರಶತಂ ಸಮ್ಪೂರ್ಣಮ್ ।
**********

श्री पार्वत्यष्टोत्तर शतनाम स्तोत्रम् 
महेश्वरी महादेवी महेश्वरविमोहिनी ।
महाप्रभा महामाया महासुरनिषूदनी ॥ १॥

उमा कुमारजननी हिमाचलतनूभवा ।
भवानी भावनागम्या भवपाशविमोचिनी ॥ २॥

शिवा भवाङ्कनिलया मृगाङ्कसदृशानना ।
अपङ्का शङ्करी शान्ता हृदयान्तःप्रकाशिनी ॥ ३॥

विजया दुर्जयामेया जयदा जगदीश्वरी ।
आर्या परापरमयी त्रिपुरा परमेश्वरी ॥ ४॥

कात्यायनी हैमवती शाम्भवी सुम्भमर्दिनी ।
शाकम्भरी कला कालि भैरवी भयहारिणी ॥ ५॥

नारायणी प्राणमयी शर्वाणी सर्वमङ्गला ।
अरुणा भूरिकरुणा शरणागतवत्सला ॥ ६॥

हरिणाङ्ककलाभूषा हरिणाक्षा हरप्रिया ।
भक्तप्रिया भगवती सुदया दनुजादया ॥ ७॥

पङ्कजाक्षसमाराध्या पङ्कजाक्षसहोदरी ।
किङ्करीमूतगीर्वाणा पङ्कजास्त्रोद्भवेक्षणा ॥ ८॥

ह्रीङ्कारी शबरी तारा मातङ्गी मङ्गलप्रदा ।
अङ्गीकृतहरार्द्धाङ्गा श‍ृङ्गारशरणानना ॥ ९॥

श‍ृङ्गारनायिका बाला जया सिंहासनेश्वरी ।
कामेश्वरी च कल्याणी सुन्दरी सुरसेविता ॥ १०॥

चक्रेश्वरी मधुमती पार्वती पद्मलोचना ।
कोदण्डिनी कुण्डलिनी चामुण्डा चण्डिकाम्बिका ॥ ११॥

चर्च्चिका गिरिजा दुर्गा सर्गस्थित्यन्तकारिणी ।
सुभगा ललिता गौरी मातामणिर्गृहेश्वरी ॥ १२॥

लोकेश्वरी महाराज्ञी मालिनी मेनकात्मजा ।
रुद्राणी शङ्करी शर्मदायिनी सर्वसाक्षिणी ॥ १३॥

श्रीविद्या श्रीकरी शक्तिष्षोडशी श्रीदिपूजिता ।
वाग्वादिनी विन्दुगृहा भवसङ्कटहारणी ॥ १४॥

करपङ्कजसंस्पर्शप्रधूतसुरशासना ।
पादपल्लवनिष्पिष्टमहिषासुरविग्रहा ॥ १५॥

तरुणार्कसहस्राभतनुच्छायाविजृम्भणा ।
वदनामोदबिभ्राम्यदलिपालिनिभालका ॥ १६॥

नवकुङ्कुमकस्तूरीतिलकालङ्कृतालिका ।
अधरारुणिमारक्तमुक्ताशोभितनासिका ॥ १७॥

कनत्कपोलयुगलप्रतिबिम्बितकुण्डला ।
तमःप्रवाहप्रतिमचिकुरभ्राजिदिङ्मुखा ॥ १८॥

इदमष्टोत्तरशतं पार्वत्यास्सर्वकामदम् ।
सर्वसम्पत्प्रदं श्रेष्ठं सर्वसौभाग्यपुष्टिदम् ॥ १९॥

सर्वविद्याप्रदं सर्वपुरुषार्थप्रदं परम् ।
रहस्यमिदमुत्कृष्टं न मीमांसमितस्ततः ॥ २०॥

यः पठेत्परया भक्त्या सन्ध्याकाले समाहितः ।
स्मरन्नपि महादेवं पार्वतीसहितं शिवम् ।
स भुक्त्वात्र महाभोगान् शिवलोके महीयते ॥ २१॥


इति पार्वत्यष्टोत्तरशतं सम्पूर्णम् ।
**********