ಲಕ್ಷ್ಮೀ ಹೃದಯ ಸ್ತೋತ್ರ ಭಾರ್ಗವ ಋಷಿ ವಿರಚಿತಮ್ लक्ष्मी हृदयं lakshmi hridayam by bhargava rishi

recite narayana hridayam first, then lakshmi hridayam

॥ ಓಂ ತತ್ಸತ್ ॥

ಅಸ್ಯ ಶ್ರೀ ಆದ್ಯಾದಿ ಶ್ರೀಮಹಾಲಕ್ಷ್ಮೀ-ಹೃದಯ-ಸ್ತೋತ್ರ-ಮಹಾಮನ್ತ್ರಸ್ಯ ಭಾರ್ಗವ ಋಷಿಃ(ಶಿರಸೀ),
ಅನುಷ್ಟುಬಾದಿ ನಾನಾಛನ್ದಾಂಸಿ (ಮುಖೇ), ಆದ್ಯಾದಿ-ಶ್ರೀಮಹಾಲಕ್ಷ್ಮೀ ಸಹಿತ ನಾರಾಯಣೋ ದೇವತಾ (ಹೃದಯೇ)॥

      । ಓಂ ಬೀಜಂ, ಹ್ರೀಂ ಶಕ್ತಿಃ, ಐಂ ಕೀಲಕಮ್ ।
ಆದ್ಯಾದಿ-ಶ್ರೀಮಹಾಲಕ್ಷ್ಮೀ-ಪ್ರಸಾದಸಿದ್ಧ್ಯರ್ಥಂ ಜಪೇ ವಿನಿಯೋಗಃ ॥

ಓಮ್ ॥ ``ಆದ್ಯಾದಿ-ಶ್ರೀಮಹಾಲಕ್ಷ್ಮೀ ದೇವತಯೈ ನಮಃ'' ಹೃದಯೇ, ``ಶ್ರೀಂ ಬೀಜಾಯೈ ನಮಃ'' ಗುಹ್ಯೇ,
``ಹ್ರೀಂ ಶಕ್ತ್ಯೈ ನಮಃ'' ಪಾದಯೋಃ, ``ಐಂ ಬಲಾಯೈ ನಮಃ'' ಮೂರ್ಧಾದಿ-ಪಾದ-ಪರ್ಯನ್ತಂ ವಿನ್ಯಸೇತ್ ॥

ಓಮ್ ಶ್ರೀಂ ಹ್ರೀಂ ಐಂ ಕರತಲ-ಕರಪಾರ್ಶ್ವಯೋಃ, ಶ್ರೀಂ ಅಂಗುಷ್ಠಾಭ್ಯಂ ನಮಃ,
ಹ್ರೀಂ ತರ್ಜನೀಭ್ಯಾಂ ನಮಃ, ಐಂ ಮಧ್ಯಮಾಭ್ಯಾಂ ನಮಃ, ಶ್ರೀಂ ಅನಾಮಿಕಾಭ್ಯಾಂ ನಮಃ,
ಹ್ರೀಂ ಕನಿಷ್ಟಿಕಾಭ್ಯಾಂ ನಮಃ, ಐಂ ಕರತಲ ಕರಪೃಷ್ಠಾಭ್ಯಾಂ ನಮಃ ॥

ಓಂ ಹೃದಯಾಯ ನಮಃ, ಹ್ರೀಂ ಶಿರಸೇ ಸ್ವಾಹಾ, ಐಂ ಶಿಖಾಯೈ  ವೌಷಟ್,
ಶ್ರೀಂ ಕವಚಾಯ ಹುಮ್, ಹ್ರೀಂ ನೇತ್ರಾಭ್ಯಾಂ ವೌಷಟ್, ಭೂರ್ಭುವಸ್ಸುವರೋಂ ಇತಿ ದಿಗ್ಬನ್ಧಃ ॥

                     ॥ ಅಥ ಧ್ಯಾನಮ್ ॥

ಹಸ್ತದ್ವಯೇನ ಕಮಲೇ ಧಾರಯನ್ತೀಂ ಸ್ವಲೀಲಯಾ ॥

ಹಾರ-ನೂಪುರ-ಸಂಯುಕ್ತಾಂ ಮಹಾಲಕ್ಷ್ಮೀಂ ವಿಚಿನ್ತಯೇತ್ ॥

ಕೌಶೇಯ-ಪೀತವಸನಾಂ ಅರವಿನ್ದನೇತ್ರಾಮ್
     ಪದ್ಮದ್ವಯಾಭಯ-ವರೋದ್ಯತ-ಪದ್ಮಹಸ್ತಾಮ್ ।
ಉದ್ಯಚ್ಛತಾರ್ಕ-ಸದೃಶಾಂ ಪರಮಾಂಕ-ಸಂಸ್ಥಾಂ
     ಧ್ಯಾಯೇತ್ ವಿಧೀಶನತ-ಪಾದಯುಗಾಂ ಜನಿತ್ರೀಮ್ ॥

  ॥ಶ್ರೀಲಕ್ಷ್ಮೀ-ಕಮಲಧಾರಿಣ್ಯೈ ಸಿಂಹವಾಹಿನ್ಯೈ ಸ್ವಾಹಾ ॥

ಪೀತವಸ್ತ್ರಾಂ ಸುವರ್ಣಾಂಗೀಂ ಪದ್ಮಹಸ್ತ-ದ್ವಯಾನ್ವಿತಾಮ್ ।
ಲಕ್ಷ್ಮೀಂ ಧ್ಯಾತ್ವೇತಿ ಮನ್ತ್ರೇಣ ಸ ಭವೇತ್ ಪೃಥಿವೀಪತಿಃ ॥

ಮಾತುಲಂಗ-ಗದಾಖೇಟೇ ಪಾಣೌ ಪಾತ್ರಂಚ ಬಿಭ್ರತೀ ।
ವಾಗಲಿಂಗಂಚ ಮಾನಂಚ ಬಿಭ್ರತೀ ನೃಪಮೂರ್ಧನಿ ॥

             । ಓಂ ಶ್ರೀಂ ಹ್ರೀಂ ಐಂ ।
ವನ್ದೇ ಲಕ್ಷ್ಮೀಂ ಪರಶಿವಮಯೀಂ ಶುದ್ಧಜಾಮ್ಬೂನದಾಭಾಂ
     ತೇಜೋರೂಪಾಂ ಕನಕ-ವಸನಾಂ ಸರ್ವಭೂಷೋಜ್ಜ್ವಲಾಂಗೀಮ್ ।
ಬೀಜಾಪೂರಂ ಕನಕ-ಕಲಶಂ ಹೇಮಪದ್ಮಂ ದಧಾನಾಮ್
     ಆದ್ಯಾಂ ಶಕ್ತಿಂ ಸಕಲಜನನೀಂ ವಿಷ್ಣು-ವಾಮಾಂಕಸಂಸ್ಥಾಮ್ ॥ 1॥

ಶ್ರೀಮತ್ಸೌಭಾಗ್ಯಜನನೀಂ ಸ್ತೌಮಿ ಲಕ್ಷ್ಮೀಂ ಸನಾತನೀಮ್ ।
ಸರ್ವಕಾಮ-ಫಲಾವಾಪ್ತಿ-ಸಾಧನೈಕ-ಸುಖಾವಹಾಮ್ ॥ 2॥

ಸ್ಮರಾಮಿ ನಿತ್ಯಂ ದೇವೇಶಿ ತ್ವಯಾ ಪ್ರೇರಿತಮಾನಸಃ ।
ತ್ವದಾಜ್ಞಾಂ ಶಿರಸಾ ಧೃತ್ವಾ ಭಜಾಮಿ ಪರಮೇಶ್ವರೀಮ್ ॥ 3॥

ಸಮಸ್ತ-ಸಮ್ಪತ್ಸುಖದಾಂ ಮಹಾಶ್ರಿಯಂ
     ಸಮಸ್ತ-ಕಲ್ಯಾಣಕರೀಂ ಮಹಾಶ್ರಿಯಮ್ ।
ಸಮಸ್ತ-ಸೌಭಾಗ್ಯಕರೀಂ ಮಹಾಶ್ರಿಯಂ
     ಭಜಾಮ್ಯಹಂ ಜ್ಞಾನಕರೀಂ ಮಹಾಶ್ರಿಯಮ್ ॥ 4॥

ವಿಜ್ಞಾನಸಮ್ಪತ್ಸುಖದಾಂ  ಮಹಾಶ್ರಿಯಂ
     ವಿಚಿತ್ರ-ವಾಗ್ಭೂತಿಕರೀಂ ಮನೋಹರಾಮ್ ।
ಅನನ್ತ-ಸೌಭಾಗ್ಯ-ಸುಖಪ್ರದಾಯಿನೀಂ
     ನಮಾಮ್ಯಹಂ ಭೂತಿಕರೀಂ ಹರಿಪ್ರಿಯಾಮ್ ॥ 5॥

ಸಮಸ್ತ-ಭೂತಾನ್ತರಸಂಸ್ಥಿತಾ ತ್ವಂ
     ಸಮಸ್ತ-ಭಕ್ತೇಶ್ಶ್ವರಿ ವಿಶ್ವರೂಪೇ ।
ತನ್ನಾಸ್ತಿ ಯತ್ತ್ವದ್ವ್ಯತಿರಿಕ್ತವಸ್ತು
     ತ್ವತ್ಪಾದಪದ್ಮಂ ಪ್ರಣಮಾಮ್ಯಹಂ ಶ್ರೀಃ ॥ 6॥

ದಾರಿದ್ರ್ಯ-ದುಃಖೌಘ-ತಮೋಪಹನ್ತ್ರಿ ತ್ವತ್-ಪಾದಪದ್ಮಂ ಮಯಿ ಸನ್ನಿಧತ್ಸ್ವ ।
ದೀನಾರ್ತಿ-ವಿಚ್ಛೇದನ-ಹೇತುಭೂತೈಃ ಕೃಪಾಕಟಾಕ್ಷೈರಭಿಷಿಂಚ ಮಾಂ ಶ್ರೀಃ ॥ 7॥

ವಿಷ್ಣು-ಸ್ತುತಿಪರಾಂ ಲಕ್ಷ್ಮೀಂ ಸ್ವರ್ಣವರ್ಣ-ಸ್ತುತಿ-ಪ್ರಿಯಾಮ್ ।
ವರದಾಭಯದಾಂ ದೇವೀಂ ವನ್ದೇ ತ್ವಾಂ ಕಮಲೇಕ್ಷಣೇ ॥ 8॥

ಅಮ್ಬ ಪ್ರಸೀದ ಕರುಣಾ-ಪರಿಪೂರ್ಣ-ದೃಷ್ಟ್ಯಾ
ಮಾಂ ತ್ವತ್ಕೃಪಾದ್ರವಿಣಗೇಹಮಿಮಂ ಕುರುಷ್ವ ।
ಆಲೋಕಯ ಪ್ರಣತ-ಹೃದ್ಗತ-ಶೋಕಹನ್ತ್ರಿ
ತ್ವತ್ಪಾದ-ಪದ್ಮಯುಗಲಂ ಪ್ರಣಮಾಮ್ಯಹಂ ಶ್ರೀಃ ॥ 9॥

ಶಾನ್ತ್ಯೈ ನಮೋಽಸ್ತು ಶರಣಾಗತ-ರಕ್ಷಣಾಯೈ
     ಕಾನ್ತ್ಯೈ ನಮೋಽಸ್ತು ಕಮನೀಯ-ಗುಣಾಶ್ರಯಾಯೈ ।
ಕ್ಷಾನ್ತ್ಯೈ ನಮೋಽಸ್ತು ದುರಿತಕ್ಷಯ-ಕಾರಣಾಯೈ
     ಧಾತ್ರ್ಯೈ ನಮೋಽಸ್ತು ಧನ-ಧಾನ್ಯ-ಸಮೃದ್ಧಿದಾಯೈ ॥ 10॥

ಶಕ್ತ್ಯೈ ನಮೋಽಸ್ತು ಶಶಿಶೇಖರ-ಸಂಸ್ಥಿತಾಯೈ
     ರತ್ಯೈ ನಮೋಽಸ್ತು ರಜನೀಕರ-ಸೋದರಾಯೈ ।
ಭಕ್ತ್ಯೈ ನಮೋಽಸ್ತು ಭವಸಾಗರ-ತಾರಕಾಯೈ
     ಮತ್ಯೈ ನಮೋಽಸ್ತು ಮಧುಸೂದನ-ವಲ್ಲಭಾಯೈ ॥ 11॥

ಲಕ್ಷ್ಮ್ಯೈ ನಮೋಽಸ್ತು ಶುಭ-ಲಕ್ಷಣ-ಲಕ್ಷಿತಾಯೈ
     ಸಿದ್ಧ್ಯೈ ನಮೋಽಸ್ತು ಸುರ-ಸಿದ್ಧ-ಸುಪೂಜಿತಾಯೈ ।
ಧೃತ್ಯೈ ನಮೋಽಸ್ತು ಮಮ ದುರ್ಗತಿ-ಭಂಜನಾಯೈ
     ಗತ್ಯೈ ನಮೋಽಸ್ತು ವರಸದ್ಗತಿ-ದಾಯಕಾಯೈ ॥ 12॥

ದೇವ್ಯೈ ನಮೋಽಸ್ತು ದಿವಿ ದೇವಗಣಾರ್ಚಿತಾಯೈ
     ಭೂತ್ಯೈ ನಮೋಽಸ್ತು ಭುವನಾರ್ತಿ-ವಿನಾಶನಾಯೈ ।
ಶಾನ್ತ್ಯೈ ನಮೋಽಸ್ತು ಧರಣೀಧರ-ವಲ್ಲಭಾಯೈ
     ಪುಷ್ಟ್ಯೈ ನಮೋಽಸ್ತು ಪುರುಷೋತ್ತಮ-ವಲ್ಲಭಾಯೈ ॥ 13॥

ಸುತೀವ್ರ-ದಾರಿದ್ರ್ಯ-ತಮೋಪಹನ್ತ್ರ್ಯೈ ನಮೋಽಸ್ತು ತೇ ಸರ್ವ-ಭಯಾಪಹನ್ತ್ರ್ಯೈ ।
ಶ್ರೀವಿಷ್ಣು-ವಕ್ಷಃಸ್ಥಲ-ಸಂಸ್ಥಿತಾಯೈ ನಮೋ ನಮಃ ಸರ್ವ-ವಿಭೂತಿ-ದಾಯೈ ॥ 14॥

ಜಯತು ಜಯತು ಲಕ್ಷ್ಮೀಃ ಲಕ್ಷಣಾಲಂಕೃತಾಂಗೀ
     ಜಯತು ಜಯತು ಪದ್ಮಾ ಪದ್ಮಸದ್ಮಾಭಿವನ್ದ್ಯಾ ।
ಜಯತು ಜಯತು ವಿದ್ಯಾ ವಿಷ್ಣು-ವಾಮಾಂಕ-ಸಂಸ್ಥಾ
     ಜಯತು ಜಯತು ಸಮ್ಯಕ್ ಸರ್ವ-ಸಮ್ಪತ್ಕರೀ ಶ್ರೀಃ ॥ 15॥

ಜಯತು ಜಯತು ದೇವೀ ದೇವಸಂಘಾಭಿಪೂಜ್ಯಾ
     ಜಯತು ಜಯತು ಭದ್ರಾ ಭಾರ್ಗವೀ ಭಾಗ್ಯರೂಪಾ ।
ಜಯತು ಜಯತು ನಿತ್ಯಾ ನಿರ್ಮಲಜ್ಞಾನವೇದ್ಯಾ
     ಜಯತು ಜಯತು ಸತ್ಯಾ ಸರ್ವಭೂತಾನ್ತರಸ್ಥಾ ॥ 16॥

ಜಯತು ಜಯತು ರಮ್ಯಾ ರತ್ನಗರ್ಭಾನ್ತರಸ್ಥಾ
     ಜಯತು ಜಯತು ಶುದ್ಧಾ ಶುದ್ಧಜಾಮ್ಬೂನದಾಭಾ ।
ಜಯತು ಜಯತು ಕಾನ್ತಾ ಕಾನ್ತಿಮದ್ಭಾಸಿತಾಂಗೀ
     ಜಯತು ಜಯತು ಶಾನ್ತಾ ಶೀಘ್ರಮಾಗಚ್ಛ ಸೌಮ್ಯೇ ॥ 17॥

ಯಸ್ಯಾಃ ಕಲಾಯಾಃ ಕಮಲೋದ್ಭವಾದ್ಯಾ ರುದ್ರಾಶ್ಚ ಶಕ್ರಪ್ರಮುಖಾಶ್ಚ ದೇವಾಃ ।
ಜೀವನ್ತಿ ಸರ್ವೇಽಪಿ ಸಶಕ್ತಯಸ್ತೇ ಪ್ರಭುತ್ವಮಾಪ್ತಾಃ ಪರಮಾಯುಷಸ್ತೇ ॥ 18॥

          ॥ ಮುಖಬೀಜಮ್ ॥ ಓಂ-ಹ್ರಾಂ-ಹ್ರೀಂ-ಅಂ-ಆಂ-ಯಂ-ದುಂ-ಲಂ-ವಮ್ ॥

ಲಿಲೇಖ ನಿಟಿಲೇ ವಿಧಿರ್ಮಮ ಲಿಪಿಂ ವಿಸೃಜ್ಯಾನ್ತರಂ
     ತ್ವಯಾ ವಿಲಿಖಿತವ್ಯಮೇತದಿತಿ ತತ್ಫಲಪ್ರಾಪ್ತಯೇ ।
ತದನ್ತಿಕಫಲ್ಸ್ಫುಟಂ ಕಮಲವಾಸಿನಿ ಶ್ರೀರಿಮಾಂ
     ಸಮರ್ಪಯ ಸ್ವಮುದ್ರಿಕಾಂ ಸಕಲಭಾಗ್ಯಸಂಸೂಚಿಕಾಮ್ ॥ 19॥

॥ ಪಾದಬೀಜಮ್ ॥ ಓಂ-ಅಂ-ಆಂ-ಈಂ-ಏಂ-ಐಂ-ಕಂ-ಲಂ-ರಂ ॥

ಕಲಯಾ ತೇ ಯಥಾ ದೇವಿ ಜೀವನ್ತಿ ಸಚರಾಚರಾಃ ।
ತಥಾ ಸಮ್ಪತ್ಕರೀ ಲಕ್ಷ್ಮಿ ಸರ್ವದಾ ಸಮ್ಪ್ರಸೀದ ಮೇ ॥ 20॥

ಯಥಾ ವಿಷ್ಣುರ್ಧ್ರುವಂ ನಿತ್ಯಂ ಸ್ವಕಲಾಂ ಸಂನ್ಯವೇಶಯತ್ ।
ತಥೈವ ಸ್ವಕಲಾಂ ಲಕ್ಷ್ಮಿ ಮಯಿ ಸಮ್ಯಕ್ ಸಮರ್ಪಯ ॥ 21॥

ಸರ್ವಸೌಖ್ಯಪ್ರದೇ ದೇವಿ ಭಕ್ತಾನಾಮಭಯಪ್ರದೇ ।
ಅಚಲಾಂ ಕುರು ಯತ್ನೇನ ಕಲಾಂ ಮಯಿ ನಿವೇಶಿತಾಮ್ ॥ 22॥

ಮುದಾಸ್ತಾಂ ಮತ್ಫಾಲೇ ಪರಮಪದಲಕ್ಷ್ಮೀಃ ಸ್ಫುಟಕಲಾ
     ಸದಾ ವೈಕುಂಠಶ್ರೀರ್ನಿವಸತು ಕಲಾ ಮೇ ನಯನಯೋಃ ।
ವಸೇತ್ಸತ್ಯೇ ಲೋಕೇ ಮಮ ವಚಸಿ ಲಕ್ಷ್ಮೀರ್ವರಕಲಾ
     ಶ್ರಿಯಶ್ವೇತದ್ವೀಪೇ ನಿವಸತು ಕಲಾ ಮೇ ಸ್ವ-ಕರಯೋಃ ॥ 23॥

॥ ನೇತ್ರಬೀಜಮ್ ॥ ಓಂ-ಘ್ರಾಂ-ಘ್ರೀಂ-ಘ್ರೇಂ-ಘ್ರೈಂ-ಘ್ರೋಂ-ಘ್ರೌಂ-ಘ್ರಂ-ಘ್ರಃ ॥

ತಾವನ್ನಿತ್ಯಂ ಮಮಾಂಗೇಷು ಕ್ಷೀರಾಬ್ಧೌ ಶ್ರೀಕಲಾ ವಸೇತ್ ।
ಸೂರ್ಯಾಚನ್ದ್ರಮಸೌ ಯಾವದ್ಯಾವಲ್ಲಕ್ಷ್ಮೀಪತಿಃ ಶ್ರಿಯೌ ॥ 24॥

ಸರ್ವಮಂಗಲಸಮ್ಪೂರ್ಣಾ ಸರ್ವೈಶ್ವರ್ಯಸಮನ್ವಿತಾ ।
ಆದ್ಯಾದಿಶ್ರೀರ್ಮಹಾಲಕ್ಷ್ಮೀಸ್ತ್ವತ್ಕಲಾ ಮಯಿ ತಿಷ್ಠತು ॥ 25॥

ಅಜ್ಞಾನತಿಮಿರಂ ಹನ್ತುಂ ಶುದ್ಧಜ್ಞಾನಪ್ರಕಾಶಿಕಾ ।
ಸರ್ವೈಶ್ವರ್ಯಪ್ರದಾ ಮೇಽಸ್ತು ತ್ವತ್ಕಲಾ ಮಯಿ ಸಂಸ್ಥಿತಾ ॥ 26॥

ಅಲಕ್ಷ್ಮೀಂ ಹರತು ಕ್ಷಿಪ್ರಂ ತಮಃ ಸೂರ್ಯಪ್ರಭಾ ಯಥಾ ।
ವಿತನೋತು ಮಮ ಶ್ರೇಯಸ್ತ್ವತ್ಕಲಾ ಮಯಿ ಸಂಸ್ಥಿತಾ ॥ 27॥

ಐಶ್ವರ್ಯಮಂಗಲೋತ್ಪತ್ತಿಃ ತ್ವತ್ಕಲಾಯಾಂ ನಿಧೀಯತೇ ।
ಮಯಿ ತಸ್ಮಾತ್ಕೃತಾರ್ಥೋಽಸ್ಮಿ ಪಾತ್ರಮಸ್ಮಿ ಸ್ಥಿತೇಸ್ತವ ॥ 28॥

ಭವದಾವೇಶಭಾಗ್ಯಾರ್ಹೋ ಭಾಗ್ಯವಾನಸ್ಮಿ ಭಾರ್ಗವಿ ।
ತ್ವತ್ಪ್ರಸಾದಾತ್ಪವಿತ್ರೋಽಹಂ ಲೋಕಮಾತರ್ನಮೋಽಸ್ತು ತೇ ॥ 29॥

ಪುನಾಸಿ ಮಾಂ ತ್ವತ್ಕಲಯೈವ ಯಸ್ಮಾತ್
     ಅತಸ್ಸಮಾಗಚ್ಛ ಮಮಾಗ್ರತಸ್ತ್ವಮ್ ।
ಪರಂ ಪದಂ ಶ್ರೀರ್ಭವ ಸುಪ್ರಸನ್ನಾ
     ಮಯ್ಯಚ್ಯುತೇನ ಪ್ರವಿಶಾದಿಲಕ್ಷ್ಮೀಃ ॥ 30॥

ಶ್ರೀವೈಕುಂಠಸ್ಥಿತೇ ಲಕ್ಷ್ಮಿ ಸಮಾಗಚ್ಛ ಮಮಾಗ್ರತಃ ।
ನಾರಾಯಣೇನ ಸಹ ಮಾಂ ಕೃಪಾದೃಷ್ಟ್ಯಾಽವಲೋಕಯ ॥ 31॥

ಸತ್ಯಲೋಕಸ್ಥಿತೇ ಲಕ್ಷ್ಮಿ ತ್ವಂ ಮಮಾಗಚ್ಛ ಸನ್ನಿಧಿಮ್ ।
ವಾಸುದೇವೇನ ಸಹಿತಾ ಪ್ರಸೀದ ವರದಾ ಭವ ॥ 32॥

ಶ್ವೇತದ್ವೀಪಸ್ಥಿತೇ ಲಕ್ಷ್ಮಿ ಶೀಘ್ರಮಾಗಚ್ಛ ಸುವ್ರತೇ ।
ವಿಷ್ಣುನಾ ಸಹಿತಾ ದೇವಿ ಜಗನ್ಮಾತಃ ಪ್ರಸೀದ ಮೇ ॥ 33॥

ಕ್ಷೀರಾಮ್ಬುಧಿಸ್ಥಿತೇ ಲಕ್ಷ್ಮಿ ಸಮಾಗಚ್ಛ ಸಮಾಧವೇ ।
ತ್ವತ್ಕೃಪಾದೃಷ್ಟಿಸುಧಯಾ ಸತತಂ ಮಾಂ ವಿಲೋಕಯ ॥ 34॥

ರತ್ನಗರ್ಭಸ್ಥಿತೇ ಲಕ್ಷ್ಮಿ ಪರಿಪೂರ್ಣಹಿರಣ್ಮಯಿ ।
ಸಮಾಗಚ್ಛ ಸಮಾಗಚ್ಛ ಸ್ಥಿತ್ವಾಶು ಪುರತೋ ಮಮ ॥ 35॥

ಸ್ಥಿರಾ ಭವ ಮಹಾಲಕ್ಷ್ಮಿ ನಿಶ್ಚಲಾ ಭವ ನಿರ್ಮಲೇ ।
ಪ್ರಸನ್ನಕಮಲೇ ದೇವಿ ಪ್ರಸನ್ನಹೃದಯಾ ಭವ ॥ 36॥

ಶ್ರೀಧರೇ ಶ್ರೀಮಹಾಲಕ್ಷ್ಮಿ ತ್ವದನ್ತಃಸ್ಥಂ ಮಹಾನಿಧಿಮ್ ।
ಶೀಘ್ರಮುದ್ಧೃತ್ಯ ಪುರತಃ ಪ್ರದರ್ಶಯ ಸಮರ್ಪಯ ॥ 37॥

ವಸುನ್ಧರೇ ಶ್ರೀವಸುಧೇ ವಸುದೋಗ್ಧ್ರಿ ಕೃಪಾಮಯಿ ।
ತ್ವತ್ಕುಕ್ಷಿಗತಸರ್ವಸ್ವಂ ಶೀಘ್ರಂ ಮೇ ಸಮ್ಪ್ರದರ್ಶಯ ॥ 38॥

ವಿಷ್ಣುಪ್ರಿಯೇ ರತ್ನಗರ್ಭೇ ಸಮಸ್ತಫಲದೇ ಶಿವೇ ।
ತ್ವದ್ಗರ್ಭಗತಹೇಮಾದೀನ್ ಸಮ್ಪ್ರದರ್ಶಯ ದರ್ಶಯ ॥ 39॥

ರಸಾತಲಗತೇ ಲಕ್ಷ್ಮಿ ಶೀಘ್ರಮಾಗಚ್ಛ ಮೇ ಪುರಃ ।
ನ ಜಾನೇ ಪರಮಂ ರೂಪಂ ಮಾತರ್ಮೇ ಸಮ್ಪ್ರದರ್ಶಯ ॥ 40॥

ಆವಿರ್ಭವ ಮನೋವೇಗಾತ್  ಶೀಘ್ರಮಾಗಚ್ಛ ಮೇ ಪುರಃ ।
ಮಾ ವತ್ಸ ಭೈರಿಹೇತ್ಯುಕ್ತ್ವಾ ಕಾಮಂ ಗೌರಿವ ರಕ್ಷ ಮಾಮ್ ॥ 41॥

ದೇವಿ ಶೀಘ್ರಂ ಮಮಾಗಚ್ಛ ಧರಣೀಗರ್ಭಸಂಸ್ಥಿತೇ ।
ಮಾತಸ್ತ್ವದ್ಭೃತ್ಯಭೃತ್ಯೋಽಹಂ ಮೃಗಯೇ ತ್ವಾಂ ಕುತೂಹಲಾತ್ ॥ 42॥

ಉತ್ತಿಷ್ಠ ಜಾಗೃಹಿ ತ್ವಂ ಮೇ ಸಮುತ್ತಿಷ್ಠ ಸುಜಾಗೃಹಿ ।
ಅಕ್ಷಯಾನ್ ಹೇಮಕಲಶಾನ್ ಸುವರ್ಣೇನ ಸುಪೂರಿತಾನ್ ॥ 43॥

ನಿಕ್ಷೇಪಾನ್ಮೇ ಸಮಾಕೃಷ್ಯ ಸಮುದ್ಧೃತ್ಯ ಮಮಾಗ್ರತಃ ।
ಸಮುನ್ನತಾನನಾ ಭೂತ್ವಾ ಸಮ್ಯಗ್ಧೇಹಿ ಧರಾತಲಾತ್ ॥ 44॥

ಮತ್ಸನ್ನಿಧಿಂ ಸಮಾಗಚ್ಛ ಮದಾಹಿತಕೃಪಾರಸಾ ।
ಪ್ರಸೀದ ಶ್ರೇಯಸಾಂ ದೋಗ್ಧ್ರಿ ಲಕ್ಷ್ಮಿ ಮೇ ನಯನಾಗ್ರತಃ ॥ 45॥

ಅತ್ರೋಪವಿಶ್ಯ ಲಕ್ಷ್ಮಿ ತ್ವಂ ಸ್ಥಿರಾ ಭವ ಹಿರಣ್ಮಯೀ ।
ಸುಸ್ಥಿರಾ ಭವ ಸಮ್ಪ್ರೀತ್ಯಾ ಪ್ರಸನ್ನಾ ವರದಾ ಭವ ॥ 46॥

ಆನೀತಾಂಸ್ತು ತ್ವಯಾ ದೇವಿ ನಿಧೀನ್ಮೇ ಸಮ್ಪ್ರದರ್ಶಯ ।
ಅದ್ಯ ಕ್ಷಣೇನ ಸಹಸಾ ದತ್ತ್ವಾ ಸಂರಕ್ಷ ಮಾಂ ಸದಾ ॥ 47॥

ಮಯಿ ತಿಷ್ಠ ತಥಾ ನಿತ್ಯಂ ಯಥೇನ್ದ್ರಾದಿಷು ತಿಷ್ಠಸಿ ।
ಅಭಯಂ ಕುರು ಮೇ ದೇವಿ ಮಹಾಲಕ್ಷ್ಮಿ ನಮೋಽಸ್ತು ತೇ ॥ 48॥

ಸಮಾಗಚ್ಛ ಮಹಾಲಕ್ಷ್ಮಿ ಶುದ್ಧಜಾಮ್ಬೂನದ-ಸ್ಥಿತೇ ।
ಪ್ರಸೀದ ಪುರತಃ ಸ್ಥಿತ್ವಾ ಪ್ರಣತಂ ಮಾಂ ವಿಲೋಕಯ ॥ 49॥

ಲಕ್ಷ್ಮೀರ್ಭುವಂ ಗತಾ ಭಾಸಿ ಯತ್ರ ಯತ್ರ ಹಿರಣ್ಮಯೀ ।
ತತ್ರ ತತ್ರ ಸ್ಥಿತಾ ತ್ವಂ ಮೇ ತವ ರೂಪಂ ಪ್ರದರ್ಶಯ ॥ 50॥

ಕ್ರೀಡನ್ತೀ  ಬಹುಧಾ ಭೂಮೌ ಪರಿಪೂರ್ಣಕೃಪಾ ಮಯಿ ।
ಮಮ ಮೂರ್ಧನಿ ತೇ ಹಸ್ತಮವಿಲಮ್ಬಿತಮರ್ಪಯ ॥ 51॥

ಫಲದ್ಭಾಗ್ಯೋದಯೇ ಲಕ್ಷ್ಮಿ ಸಮಸ್ತಪುರವಾಸಿನಿ ।
ಪ್ರಸೀದ ಮೇ ಮಹಾಲಕ್ಷ್ಮಿ ಪರಿಪೂರ್ಣಮನೋರಥೇ ॥ 52॥

ಅಯೋಧ್ಯಾದಿಷು ಸರ್ವೇಷು ನಗರೇಷು ಸಮಾಸ್ಥಿತೇ ।
ವಿಭವೈರ್ವಿವಿಧೈರ್ಯುಕ್ತೈಃ ಸಮಾಗಚ್ಛ ಮುದಾನ್ವಿತೇ ॥ 53॥

ಸಮಾಗಚ್ಛ ಸಮಾಗಚ್ಛ ಮಮಾಗ್ರೇ ಭವ ಸುಸ್ಥಿರಾ ।
ಕರುಣಾರಸನಿಷ್ಯನ್ದನೇತ್ರದ್ವಯವಿಶಾಲಿನಿ ॥ 54॥

ಸನ್ನಿಧತ್ಸ್ವ ಮಹಾಲಕ್ಷ್ಮಿ ತ್ವತ್ಪಾಣಿಂ ಮಮ ಮಸ್ತಕೇ ।
ಕರುಣಾಸುಧಯಾ ಮಾಂ ತ್ವಮಭಿಷಿಚ್ಯ ಸ್ಥಿಉರಂ ಕುರು ॥ 55॥

ಸರ್ವರಾಜಗೃಹೇ ಲಕ್ಷ್ಮಿ ಸಮಾಗಚ್ಛ ಬಲಾನ್ವಿತೇ ।
ಸ್ಥಿತ್ವಾಽಽಶು ಪುರತೋ ಮೇಽದ್ಯ ಪ್ರಸಾದೇನಾಭಯಂ ಕುರು ॥ 56॥

ಸಾದರಂ ಮಸ್ತಕೇ ಹಸ್ತಂ ಮಮ ತ್ವಂ ಕೃಪಯಾಽರ್ಪಯ ।
ಸರ್ವರಾಜಸ್ಥಿತೇ ಲಕ್ಷ್ಮೀ ತ್ವತ್ಕಲಾ ಮಯಿ ತಿಷ್ಠತು ॥ 57॥

ಆದ್ಯಾದಿ ಶ್ರೀರ್ಮಹಾಲಕ್ಷ್ಮಿ ವಿಷ್ಣುವಾಮಾಂಕಸಂಸ್ಥಿತೇ ।
ಪ್ರತ್ಯಕ್ಷಂ ಕುರು ಮೇ ರೂಪಂ ರಕ್ಷ ಮಾಂ ಶರಣಾಗತಮ್ ॥ 58॥

ಪ್ರಸೀದ ಮೇ ಮಹಾಲಕ್ಷ್ಮಿ ಸುಪ್ರಸೀದ ಮಹಾಶಿವೇ ।
ಅಚಲಾ ಭವ ಸುಪ್ರೀತಾ ಸುಸ್ಥಿರಾ ಭವ ಮದ್ಗೃಹೇ ॥ 59॥

ಯಾವತ್ತಿಷ್ಠನ್ತಿ ವೇದಾಶ್ಚ ಯಾವಚ್ಚನ್ದ್ರ-ದಿವಾಕರೌ ।
ಯಾವದ್ವಿಷ್ಣುಶ್ಚ ಯಾವತ್ತ್ವಂ ತಾವತ್ಕುರು ಕೃಪಾಂ ಮಯಿ ॥ 60॥

ಚಾನ್ದ್ರೀ ಕಲಾ ಯಥಾ ಶುಕ್ಲೇ ವರ್ಧತೇ ಸಾ ದಿನೇ ದಿನೇ ।
ತಥಾ ದಯಾ ತೇ ಮಯ್ಯೇವ ವರ್ಧತಾಮಭಿವರ್ಧತಾಮ್ ॥ 61॥

ಯಥಾ ವೈಕುಂಠನಗರೇ ಯಥಾ ವೈ ಕ್ಷೀರಸಾಗರೇ ।
ತಥಾ ಮದ್ಭವನೇ ತಿಷ್ಠ ಸ್ಥಿರಂ ಶ್ರೀವಿಷ್ಣುನಾ ಸಹ ॥ 62॥

ಯೋಗಿನಾಂ ಹೃದಯೇ ನಿತ್ಯಂ ಯಥಾ ತಿಷ್ಠಸಿ ವಿಷ್ಣುನಾ ।
ತಥಾ ಮದ್ಭವನೇ ತಿಷ್ಠ ಸ್ಥಿರಂ ಶ್ರೀವಿಷ್ಣುನಾ ಸಹ ॥ 63॥

ನಾರಾಯಣಸ್ಯ ಹೃದಯೇ ಭವತೀ ಯಥಾಽಽಸ್ತೇ
     ನಾರಾಯಣೋಽಪಿ ತವ ಹೃತ್ಕಮಲೇ ಯಥಾಽಽಸ್ತೇ ।
ನಾರಾಯಣಸ್ತ್ವಮಪಿ ನಿತ್ಯವಿಭೂ ತಥೈವ
     ತೌ ತಿಷ್ಠತಾಂ ಹೃದಿ ಮಮಾಪಿ ದಯಾನ್ವಿತೌ ಶ್ರೀಃ ॥ 64॥

ವಿಜ್ಞಾನವೃದ್ಧಿಂ ಹೃದಯೇ ಕುರು ಶ್ರೀಃ ಸೌಭಾಗ್ಯವೃದ್ಧಿಂ ಕುರು ಮೇ ಗೃಹೇ ಶ್ರೀಃ ।
ದಯಾಸುವೃದ್ಧಿಂ ಕುರುತಾಂ ಮಯಿ ಶ್ರೀಃ ಸುವರ್ಣವೃದ್ಧಿಂ ಕುರು ಮೇ ಗೃಹೇ ಶ್ರೀಃ ॥ 65॥

ನ ಮಾಂ ತ್ಯಜೇಥಾಃ ಶ್ರಿತಕಲ್ಪವಲ್ಲಿ ಸದ್ಭಕ್ತಿ-ಚಿನ್ತಾಮಣಿ-ಕಾಮಧೇನೋ ।
ನ ಮಾಂ ತ್ಯಜೇಥಾ ಭವ ಸುಪ್ರಸನ್ನೇ ಗೃಹೇ ಕಲತ್ರೇಷು ಚ ಪುತ್ರವರ್ಗೇ ॥ 66॥

॥ ಕುಕ್ಷಿಬೀಜಮ್ ॥ ಓಂ-ಅಂ-ಆಂ-ಈಂ-ಏಂ-ಐಂ ॥

ಆದ್ಯಾದಿಮಾಯೇ ತ್ವಮಜಾಂಡಬೀಜಂ ತ್ವಮೇವ ಸಾಕಾರ-ನಿರಾಕೃತೀ ತ್ವಮ್ ।
ತ್ವಯಾ ಧೃತಾಶ್ಚಾಬ್ಜಭವಾಂಡಸಂಘಾಃ ಹ್ಚಿತ್ರಂ ಚರಿತ್ರಂ ತವ ದೇವಿ ವಿಷ್ಣೋಃ ॥ 67॥

ಬ್ರಹ್ಮರುದ್ರಾದಯೋ ದೇವಾ ವೇದಾಶ್ಚಾಪಿ ನ ಶಕ್ನುಯುಃ ।
ಮಹಿಮಾನಂ ತವ ಸ್ತೋತುಂ ಮನ್ದೋಽಹಂ ಶಕ್ನುಯಾಂ ಕಥಮ್ ॥ 68॥

ಅಮ್ಬ ತ್ವದ್ವತ್ಸವಾಕ್ಯಾನಿ ಸೂಕ್ತಾಸೂಕ್ತಾನಿ ಯಾನಿ ಚ ।
ತಾನಿ ಸ್ವೀಕುರು ಸರ್ವಜ್ಞೇ ದಯಾಲುತ್ವೇನ ಸಾದರಮ್ ॥ 69॥

ಭವನ್ತಂ ಶರಣಂ ಗತ್ವಾ ಕೃತಾರ್ಥಾಃ ಸ್ಯುಃ ಪುರಾತನಾಃ ।
ಇತಿ ಸಂಚಿನ್ತ್ಯ ಮನಸಾ ತ್ವಾಮಹಂ ಶರಣಂ ವ್ರಜೇ ॥ 70॥

ಅನನ್ತಾ ನಿತ್ಯಸುಖಿನಃ ತ್ವದ್ಭಕ್ತಾಸ್ತ್ವತ್ಪರಾಯಣಾಃ ।
ಇತಿ ವೇದಪ್ರಮಾಣಾದ್ಧಿ ದೇವಿ ತ್ವಾಂ ಶರಣಂ ವ್ರಜೇ ॥ 71॥

ತವ ಪ್ರತಿಜ್ಞಾ ಮದ್ಭಕ್ತಾ ನ ನಶ್ಯನ್ತೀತ್ಯಪಿ ಕ್ವಚಿತ್ ।
ಇತಿ ಸಂಚಿನ್ತ್ಯ ಸಂಚಿನ್ತ್ಯ ಪ್ರಾಣಾನ್ ಸನ್ಧಾರಯಾಮ್ಯಹಮ್ ॥ 72॥

ತ್ವದಧೀನಸ್ತ್ವಹಂ ಮಾತಃ ತ್ವತ್ಕೃಪಾ ಮಯಿ ವಿದ್ಯತೇ ।
ಯಾವತ್ಸಮ್ಪೂರ್ಣಕಾಮಃ ಸ್ಯಾಂ ತಾವದ್ದೇಹಿ ದಯಾನಿಧೇ ॥ 73॥

ಕ್ಷಣಮಾತ್ರಂ ನ ಶಕ್ನೋಮಿ ಜೀವಿತುಂ ತ್ವತ್ಕೃಪಾಂ ವಿನಾ ।
ನ ಹಿ ಜೀವನ್ತಿ  ಜಲಜಾ ಜಲಂ ತ್ಯಕ್ತ್ವಾ ಜಲಾಶ್ರಯಾಃ ॥ 74॥

ಯಥಾ ಹಿ ಪುತ್ರವಾತ್ಸಲ್ಯಾತ್ ಜನನೀ ಪ್ರಸ್ನುತಸ್ತನೀ ।
ವತ್ಸಂ ತ್ವರಿತಮಾಗತ್ಯ ಸಮ್ಪ್ರೀಣಯತಿ ವತ್ಸಲಾ ॥ 75॥

ಯದಿ ಸ್ಯಾಂ ತವ ಪುತ್ರೋಽಹಂ ಮಾತಾ ತ್ವಂ ಯದಿ ಮಾಮಕೀ ।
ದಯಾಪಯೋಧರ-ಸ್ತನ್ಯ-ಸುಧಾಭಿರಭಿಷಿಂಚ ಮಾಮ್ ॥ 76॥

ಮೃಗ್ಯೋ ನ ಗುಣಲೇಶೋಽಪಿ ಮಯಿ ದೋಷೈಕ-ಮನ್ದಿರೇ ।
ಪಾಂಸೂನಾಂ ವೃಷ್ಟಿಬಿನ್ದೂನಾಂ ದೋಷಾಣಾಂ ಚ ನ ಮೇ ಮತಿಃ ॥ 77॥

ಪಾಪಿನಾಮಹಮೇಕಾಗ್ರೋ ದಯಾಲೂನಾಂ ತ್ವಮಗ್ರಣೀಃ ।
ದಯನೀಯೋ ಮದನ್ಯೋಽಸ್ತಿ ತವ ಕೋಽತ್ರ ಜಗತ್ತ್ರಯೇ ॥ 78॥

ವಿಧಿನಾಹಂ ನ ಸೃಷ್ಟಶ್ಚೇತ್ ನ ಸ್ಯಾತ್ತವ ದಯಾಲುತಾ ।
ಆಮಯೋ ವಾ ನ ಸೃಷ್ಟಶ್ಚೇದೌಷಧಸ್ಯ ವೃಥೋದಯಃ ॥ 79॥

ಕೃಪಾ ಮದಗ್ರಜಾ ಕಿಂ ತೇ ಅಹಂ ಕಿಂ ವಾ ತದಗ್ರಜಃ ।
ವಿಚಾರ್ಯ ದೇಹಿ ಮೇ ವಿತ್ತಂ ತವ ದೇವಿ ದಯಾನಿಧೇ ॥ 80॥

ಮಾತಾ ಪಿತಾ ತ್ವಂ ಗುರುಃ ಸದ್ಗತಿಃ ಶ್ರೀಃ
     ತ್ವಮೇವ ಸಂಜೀವನಹೇತುಭೂತಾ ।
ಅನ್ಯಂ ನ ಮನ್ಯೇ ಜಗದೇಕನಾಥೇ
      ತ್ವಮೇವ ಸರ್ವಂ ಮಮ ದೇವಿ ಸತ್ಯಮ್ ॥ 81॥

॥ ಹೃದಯ ಬೀಜಮ್ ॥

ಓಂ-ಘ್ರಾಂ-ಘ್ರೀಂ-ಘ್ರೂಂ-ಘ್ರೇಂ-ಘ್ರೋಂ-ಘ್ರಃ-ಹುಂ ಫಟ್ ಕುರು ಕುರು ಸ್ವಾಹಾ ॥

ಆದ್ಯಾದಿಲಕ್ಷ್ಮೀರ್ಭವ ಸುಪ್ರಸನ್ನಾ ವಿಶುದ್ಧವಿಜ್ಞಾನಸುಖೈಕದೋಗ್ಧ್ರಿ ।
ಅಜ್ಞಾನಹನ್ತ್ರೀ ತ್ರಿಗುಣಾತಿರಿಕ್ತಾ ಪ್ರಜ್ಞಾನನೇತ್ರೀ ಭವ ಸುಪ್ರಸನ್ನಾ ॥ 82॥

ಅಶೇಷವಾಗ್ಜಾಡ್ಯ-ಮಲಾಪಹನ್ತ್ರೀ ನವಂ ನವಂ ಸುಷ್ಟು ಸುವಾಕ್ಯದಾಯಿನೀ ।
ಮಮೈವ ಜಿಹ್ವಾಗ್ರಸುರಂಗವರ್ತಿನೀ ಭವ ಪ್ರಸನ್ನಾ ವದನೇ ಚ ಮೇ ಶ್ರೀಃ ॥ 83॥

ಸಮಸ್ತಸಮ್ಪತ್ಸು ವಿರಾಜಮಾನಾ ಸಮಸ್ತತೇಜಸ್ಸು ವಿಭಾಸಮಾನಾ ।
ವಿಷ್ಣುಪ್ರಿಯೇ ತ್ವಂ ಭವ ದೀಪ್ಯಮಾನಾ ವಾಗ್ದೇವತಾ ಮೇ ನಯನೇ ಪ್ರಸನ್ನಾ ॥ 84॥

ಸರ್ವಪ್ರದರ್ಶೇ ಸಕಲಾರ್ಥದೇ ತ್ವಂ ಪ್ರಭಾಸುಲಾವಣ್ಯದಯಾಪ್ರದೋಗ್ಧ್ರಿ ।
ಸುವರ್ಣದೇ ತ್ವಂ ಸುಮುಖೀ ಭವ ಶ್ರೀರ್ಹಿರಣ್ಮಯೀ ಮೇ ನಯನೇ ಪ್ರಸನ್ನಾ ॥ 85॥

ಸರ್ವಾರ್ಥದಾ ಸರ್ವಜಗತ್ಪ್ರಸೂತಿಃ ಸರ್ವೇಶ್ವರೀ ಸರ್ವಭಯಾಪಹನ್ತ್ರೀ ।
ಸರ್ವೋನ್ನತಾ ತ್ವಂ ಸುಮುಖೀ ಚ ನಃ ಶ್ರೀರ್ಹಿರಣ್ಮಯೀ ಮೇ ಭವ ಸುಪ್ರಸನ್ನಾ ॥ 86॥

ಸಮಸ್ತ-ವಿಘ್ನೌಘ-ವಿನಾಶಕಾರಿಣೀ ಸಮಸ್ತ-ಭಕ್ತೋದ್ಧರಣೇ ವಿಚಕ್ಷಣಾ ।
ಅನನ್ತಸಮ್ಮೋದ-ಸುಖಪ್ರದಾಯಿನೀ ಹಿರಣ್ಮಯೀ ಮೇ ನಯನೇ ಪ್ರಸನ್ನಾ ॥ 87॥

ದೇವಿ ಪ್ರಸೀದ ದಯನೀಯತಮಾಯ ಮಹ್ಯಂ
     ದೇವಾಧಿನಾಥ-ಭವ-ದೇವಗಣಾಭಿವನ್ದ್ಯೇ ।
ಮಾತಸ್ತಥೈವ ಭವ ಸನ್ನಿಹಿತಾ ದೃಶೋರ್ಮೇ
     ಪತ್ಯಾ ಸಮಂ ಮಮ ಮುಖೇ ಭವ ಸುಪ್ರಸನ್ನಾ ॥ 88॥

ಮಾ ವತ್ಸ ಭೈರಭಯದಾನಕರೋಽರ್ಪಿತಸ್ತೇ
     ಮೌಲೌ ಮಮೇತಿ ಮಯಿ ದೀನದಯಾನುಕಮ್ಪೇ ।
ಮಾತಃ ಸಮರ್ಪಯ ಮುದಾ ಕರುಣಾಕಟಾಕ್ಷಂ
     ಮಾಂಗಲ್ಯಬೀಜಮಿಹ ನಃ ಸೃಜ ಜನ್ಮ ಮಾತಃ ॥ 89॥

॥ ಕಂಠಬೀಜಮ್ ॥ ಓಂ-ಶ್ರಾಂ-ಶ್ರೀಂ-ಶ್ರೂಂ-ಶ್ರೈಂ-ಶ್ರೌಂ-ಶ್ರಂ-ಶ್ರಾಃ ॥

ಕಟಾಕ್ಷ ಇಹ ಕಾಮಧುಕ್ ತವ ಮನಸ್ತು ಚಿನ್ತಾಮಣಿಃ
     ಕರಃ ಸುರತರುಃ ಸದಾ ನವನಿಧಿಸ್ತ್ವಮೇವೇನ್ದಿರೇ ।
ಭವೇತ್ತವ ದಯಾರಸೋ ಮಮ ರಸಾಯನಂ ಚಾನ್ವಹಂ
     ಮುಖಂ ತವ ಕಲಾನಿಧಿರ್ವಿವಿಧ-ವಾಂಛಿತಾರ್ಥಪ್ರದಮ್ ॥ 90॥

ಯಥಾ ರಸಸ್ಪರ್ಶನತೋಽಯಸೋಽಪಿ ಸುವರ್ಣತಾ ಸ್ಯಾತ್ಕಮಲೇ ತಥಾ ತೇ ।
ಕಟಾಕ್ಷಸಂಸ್ಪರ್ಶನತೋ ಜನಾನಾಂ ಅಮಂಗಲಾನಾಮಪಿ ಮಂಗಲತ್ವಮ್ ॥ 91॥

ದೇಹೀತಿ ನಾಸ್ತೀತಿ ವಚಃ ಪ್ರವೇಶಾದ್ ಭೀತೋ ರಮೇ ತ್ವಾಂ ಶರಣಂ ಪ್ರಪದ್ಯೇ ।
ಅತಃ ಸದಾಸ್ಮಿನ್ನಭಯಪ್ರದಾ ತ್ವಂ ಸಹೈವ ಪತ್ಯಾ ಮಯಿ ಸನ್ನಿಧೇಹಿ ॥ 92॥

ಕಲ್ಪದ್ರುಮೇಣ ಮಣಿನಾ ಸಹಿತಾ ಸುರಮ್ಯಾ
     ಶ್ರೀಸ್ತೇ ಕಲಾ ಮಯಿ ರಸೇನ ರಸಾಯನೇನ ।
ಆಸ್ತಾಮತೋ ಮಮ ಚ ದೃಕ್ಕರಪಾಣಿಪಾದ-
     ಸ್ಪೃಷ್ಟ್ಯಾಃ ಸುವರ್ಣವಪುಷಃ ಸ್ಥಿರಜಂಗಮಾಃ ಸ್ಯುಃ ॥ 93॥

ಆದ್ಯಾದಿವಿಷ್ಣೋಃ ಸ್ಥಿರಧರ್ಮಪತ್ನೀ ತ್ವಮೇವ ಪತ್ಯಾ ಮಮ ಸನ್ನಿಧೇಹಿ ।
ಆದ್ಯಾದಿಲಕ್ಷ್ಮಿ ತ್ವದನುಗ್ರಹೇಣ ಪದೇ ಪದೇ ಮೇ ನಿಧಿದರ್ಶನಂ ಸ್ಯಾತ್ ॥ 94॥

ಆದ್ಯಾದಿಲಕ್ಷ್ಮೀಹೃದಯಂ ಪಠೇದ್ಯಃ ಸ ರಾಜ್ಯಲಕ್ಷ್ಮೀಮಚಲಾಂ ತನೋತಿ ।
ಮಹಾದರಿದ್ರೋಽಪಿ ಭವೇದ್ಧನಾಢಯಃ ತದನ್ವಯೇ ಶ್ರೀಃ ಸ್ಥಿರತಾಂ ಪ್ರಯಾತಿ ॥ 95॥

ಯಸ್ಯ ಸ್ಮರಣಮಾತ್ರೇಣ ತುಷ್ಟಾ ಸ್ಯಾದ್ವಿಷ್ಣುವಲ್ಲಭಾ ।
ತಸ್ಯಾಭೀಷ್ಟಂ ದದತ್ಯಾಶು ತಂ ಪಾಲಯತಿ ಪುತ್ರವತ್ ॥ 96॥

ಇದಂ ರಹಸ್ಯಂ ಹೃದಯಂ ಸರ್ವಕಾಮಫಲಪ್ರದಮ್ ।
ಜಪಃ ಪಂಚಸಹಸ್ರಂ ತು ಪುರಶ್ಚರಣಮುಚ್ಯತೇ ॥ 97॥

ತ್ರಿಕಾಲಂ ಏಕಕಾಲಂ ವಾ ನರೋ ಭಕ್ತಿಸಮನ್ವಿತಃ ।
ಯಃ ಪಠೇತ್ ಶೃಣುಯಾದ್ವಾಪಿ ಸ ಯಾತಿ ಪರಮಾಂ ಶ್ರಿಯಮ್ ॥ 98॥

ಮಹಾಲಕ್ಷ್ಮೀಂ ಸಮುದ್ದಿಶ್ಯ ನಿಶಿ ಭಾರ್ಗವವಾಸರೇ ।
ಇದಂ ಶ್ರೀಹೃದಯಂ ಜಪ್ತ್ವಾ ಪಂಚವಾರಂ ಧನೀ ಭವೇತ್ ॥ 99॥

ಅನೇನ ಹೃದಯೇನಾನ್ನಂ ಗರ್ಭಿಣ್ಯಾ ಅಭಿಮನ್ತ್ರಿತಮ್ ।
ದದಾತಿ ತತ್ಕುಲೇ ಪುತ್ರೋ ಜಾಯತೇ ಶ್ರೀಪತಿಃ ಸ್ವಯಮ್ ॥ 100॥

ನರೇಣಾಪ್ಯಥವಾ ನಾರ್ಯಾ ಲಕ್ಷ್ಮೀಹೃದಯಮನ್ತ್ರಿತೇ ।
ಜಲೇ ಪೀತೇ ಚ ತದ್ವಂಶೇ ಮನ್ದಭಾಗ್ಯೋ ನ ಜಾಯತೇ ॥ 101॥

ಯ ಆಶ್ವಯುಙ್ಮಾಸಿ ಚ ಶುಕ್ಲಪಕ್ಷೇ ರಮೋತ್ಸವೇ ಸನ್ನಿಹಿತೇ ಚ ಭಕ್ತ್ಯಾ ।
ಪಠೇತ್ತಥೈಕೋತ್ತರವಾರವೃದ್ಧ್ಯಾ ಲಭೇತ್ಸ ಸೌವರ್ಣಮಯೀಂ ಸುವೃಷ್ಟಿಮ್ ॥ 102॥

ಯ ಏಕಭಕ್ತ್ಯಾಽನ್ವಹಮೇಕವರ್ಷಂ ವಿಶುದ್ಧಧೀಃ ಸಪ್ತತಿವಾರಜಾಪೀ ।
ಸ ಮನ್ದಭಾಗ್ಯೋಽಪಿ ರಮಾಕಟಾಕ್ಷಾತ್ ಭವೇತ್ಸಹಸ್ರಾಕ್ಷಶತಾಧಿಕಶ್ರೀಃ ॥ 103॥

ಶ್ರೀಶಾಂಘ್ರಿಭಕ್ತಿಂ ಹರಿದಾಸದಾಸ್ಯಂ ಪ್ರಪನ್ನಮನ್ತ್ರಾರ್ಥದೃಢೈಕನಿಷ್ಠಾಮ್ ।
ಗುರೋಃ ಸ್ಮೃತಿಂ ನಿರ್ಮಲಬೋಧಬುದ್ಧಿಂ ಪ್ರದೇಹಿ ಮಾತಃ ಪರಮಂ ಪದಂ ಶ್ರೀಃ ॥ 104॥

ಪೃಥ್ವೀಪತಿತ್ವಂ ಪುರುಷೋತ್ತಮತ್ವಂ ವಿಭೂತಿವಾಸಂ ವಿವಿಧಾರ್ಥಸಿದ್ಧಿಮ್ ।
ಸಮ್ಪೂರ್ಣಕೀರ್ತಿಂ ಬಹುವರ್ಷಭೋಗಂ ಪ್ರದೇಹಿ ಮೇ ದೇವಿ ಪುನಃಪುನಸ್ತ್ವಮ್ ॥ 105॥

ವಾದಾರ್ಥಸಿದ್ಧಿಂ ಬಹುಲೋಕವಶ್ಯಂ ವಯಃಸ್ಥಿರತ್ವಂ ಲಲನಾಸು ಭೋಗಮ್ ।
ಪೌತ್ರಾದಿಲಬ್ಧಿಂ ಸಕಲಾರ್ಥಸಿದ್ಧಿಂ ಪ್ರದೇಹಿ ಮೇ ಭಾರ್ಗವಿ ಜನ್ಮಜನ್ಮನಿ ॥ 106॥

ಸುವರ್ಣವೃದ್ಧಿಂ ಕುರು ಮೇ ಗೃಹೇ ಶ್ರೀಃ ವಿಭೂತಿವೃದ್ಧಿಂ ಕುರೂ ಮೇ ಗೃಹೇ ಶ್ರೀಃ ।
ಕಲ್ಯಾಣವೃದ್ಧಿಂ ಕುರು ಮೇ ಗೃಹೇ ಶ್ರೀಃ ವಿಭೂತಿವೃದ್ಧಿಂ ಕುರು ಮೇ ಗೃಹೇ ಶ್ರೀಃ ॥ 107॥

॥ ಶಿರೋ ಬೀಜಮ್ ॥ ಓಂ-ಯಂ-ಹಂ-ಕಂ-ಲಂ- ವಂ-ಶ್ರೀಮ್ ॥

ಧ್ಯಾಯೇಲ್ಲಕ್ಷ್ಮೀಂ ಪ್ರಹಸಿತಮುಖೀಂ ಕೋಟಿಬಾಲಾರ್ಕಭಾಸಾಂ
     ವಿದ್ಯುತ್ವರ್ಣಾಮ್ಬರವರಧರಾಂ ಭೂಷಣಾಢ್ಯಾಂ ಸುಶೋಭಾಮ್ ।
ಬೀಜಾಪೂರಂ ಸರಸಿಜಯುಗಂ ಬಿಭ್ರತೀಂ ಸ್ವರ್ಣಪಾತ್ರಂ
     ಭರ್ತ್ರಾಯುಕ್ತಾಂ ಮುಹುರಭಯದಾಂ ಮಹ್ಯಮಪ್ಯಚ್ಯುತಶ್ರೀಃ ॥ 108॥

॥ ಇತಿ ಶ್ರೀಅಥರ್ವಣರಹಸ್ಯೇ ಲಕ್ಷ್ಮೀಹೃದಯಸ್ತೋತ್ರಂ ಸಮ್ಪೂರ್ಣಮ್ ॥
*************


॥ ॐ तत्सत् ॥

अस्य श्री आद्यादि श्रीमहालक्ष्मी-हृदय-स्तोत्र-महामन्त्रस्य भार्गव ऋषिः(शिरसी),
अनुष्टुबादि नानाछन्दांसि (मुखे), आद्यादि-श्रीमहालक्ष्मी सहित नारायणो देवता (हृदये)॥

      । ॐ बीजं, ह्रीं शक्तिः, ऐं कीलकम् ।
आद्यादि-श्रीमहालक्ष्मी-प्रसादसिद्ध्यर्थं जपे विनियोगः ॥

ओम् ॥ ``आद्यादि-श्रीमहालक्ष्मी देवतयै नमः'' हृदये, ``श्रीं बीजायै नमः'' गुह्ये,
``ह्रीं शक्त्यै नमः'' पादयोः, ``ऐं बलायै नमः'' मूर्धादि-पाद-पर्यन्तं विन्यसेत् ॥

ओम् श्रीं ह्रीं ऐं करतल-करपार्श्वयोः, श्रीं अङ्गुष्ठाभ्यं नमः,
ह्रीं तर्जनीभ्यां नमः, ऐं मध्यमाभ्यां नमः, श्रीं अनामिकाभ्यां नमः,
ह्रीं कनिष्टिकाभ्यां नमः, ऐं करतल करपृष्ठाभ्यां नमः ॥

ॐ हृदयाय नमः, ह्रीं शिरसे स्वाहा, ऐं शिखायै  वौषट्,
श्रीं कवचाय हुम्, ह्रीं नेत्राभ्यां वौषट्, भूर्भुवस्सुवरों इति दिग्बन्धः ॥

                     ॥ अथ ध्यानम् ॥

हस्तद्वयेन कमले धारयन्तीं स्वलीलया ॥

हार-नूपुर-संयुक्तां महालक्ष्मीं विचिन्तयेत् ॥

कौशेय-पीतवसनां अरविन्दनेत्राम्
     पद्मद्वयाभय-वरोद्यत-पद्महस्ताम् ।
उद्यच्छतार्क-सदृशां परमाङ्क-संस्थां
     ध्यायेत् विधीशनत-पादयुगां जनित्रीम् ॥

  ॥श्रीलक्ष्मी-कमलधारिण्यै सिंहवाहिन्यै स्वाहा ॥

पीतवस्त्रां सुवर्णाङ्गीं पद्महस्त-द्वयान्विताम् ।
लक्ष्मीं ध्यात्वेति मन्त्रेण स भवेत् पृथिवीपतिः ॥

मातुलङ्ग-गदाखेटे पाणौ पात्रञ्च बिभ्रती ।
वागलिङ्गञ्च मानञ्च बिभ्रती नृपमूर्धनि ॥

             । ॐ श्रीं ह्रीं ऐं ।
वन्दे लक्ष्मीं परशिवमयीं शुद्धजाम्बूनदाभां
     तेजोरूपां कनक-वसनां सर्वभूषोज्ज्वलाङ्गीम् ।
बीजापूरं कनक-कलशं हेमपद्मं दधानाम्
     आद्यां शक्तिं सकलजननीं विष्णु-वामाङ्कसंस्थाम् ॥ १॥

श्रीमत्सौभाग्यजननीं स्तौमि लक्ष्मीं सनातनीम् ।
सर्वकाम-फलावाप्ति-साधनैक-सुखावहाम् ॥ २॥

स्मरामि नित्यं देवेशि त्वया प्रेरितमानसः ।
त्वदाज्ञां शिरसा धृत्वा भजामि परमेश्वरीम् ॥ ३॥

समस्त-सम्पत्सुखदां महाश्रियं
     समस्त-कल्याणकरीं महाश्रियम् ।
समस्त-सौभाग्यकरीं महाश्रियं
     भजाम्यहं ज्ञानकरीं महाश्रियम् ॥ ४॥

विज्ञानसम्पत्सुखदां  महाश्रियं
     विचित्र-वाग्भूतिकरीं मनोहराम् ।
अनन्त-सौभाग्य-सुखप्रदायिनीं
     नमाम्यहं भूतिकरीं हरिप्रियाम् ॥ ५॥

समस्त-भूतान्तरसंस्थिता त्वं
     समस्त-भक्तेश्श्वरि विश्वरूपे ।
तन्नास्ति यत्त्वद्व्यतिरिक्तवस्तु
     त्वत्पादपद्मं प्रणमाम्यहं श्रीः ॥ ६॥

दारिद्र्य-दुःखौघ-तमोपहन्त्रि त्वत्-पादपद्मं मयि सन्निधत्स्व ।
दीनार्ति-विच्छेदन-हेतुभूतैः कृपाकटाक्षैरभिषिञ्च मां श्रीः ॥ ७॥

विष्णु-स्तुतिपरां लक्ष्मीं स्वर्णवर्ण-स्तुति-प्रियाम् ।
वरदाभयदां देवीं वन्दे त्वां कमलेक्षणे ॥ ८॥

अम्ब प्रसीद करुणा-परिपूर्ण-दृष्ट्या
मां त्वत्कृपाद्रविणगेहमिमं कुरुष्व ।
आलोकय प्रणत-हृद्गत-शोकहन्त्रि
त्वत्पाद-पद्मयुगलं प्रणमाम्यहं श्रीः ॥ ९॥

शान्त्यै नमोऽस्तु शरणागत-रक्षणायै
     कान्त्यै नमोऽस्तु कमनीय-गुणाश्रयायै ।
क्षान्त्यै नमोऽस्तु दुरितक्षय-कारणायै
     धात्र्यै नमोऽस्तु धन-धान्य-समृद्धिदायै ॥ १०॥

शक्त्यै नमोऽस्तु शशिशेखर-संस्थितायै
     रत्यै नमोऽस्तु रजनीकर-सोदरायै ।
भक्त्यै नमोऽस्तु भवसागर-तारकायै
     मत्यै नमोऽस्तु मधुसूदन-वल्लभायै ॥ ११॥

लक्ष्म्यै नमोऽस्तु शुभ-लक्षण-लक्षितायै
     सिद्ध्यै नमोऽस्तु सुर-सिद्ध-सुपूजितायै ।
धृत्यै नमोऽस्तु मम दुर्गति-भञ्जनायै
     गत्यै नमोऽस्तु वरसद्गति-दायकायै ॥ १२॥

देव्यै नमोऽस्तु दिवि देवगणार्चितायै
     भूत्यै नमोऽस्तु भुवनार्ति-विनाशनायै ।
शान्त्यै नमोऽस्तु धरणीधर-वल्लभायै
     पुष्ट्यै नमोऽस्तु पुरुषोत्तम-वल्लभायै ॥ १३॥

सुतीव्र-दारिद्र्य-तमोपहन्त्र्यै नमोऽस्तु ते सर्व-भयापहन्त्र्यै ।
श्रीविष्णु-वक्षःस्थल-संस्थितायै नमो नमः सर्व-विभूति-दायै ॥ १४॥

जयतु जयतु लक्ष्मीः लक्षणालङ्कृताङ्गी
     जयतु जयतु पद्मा पद्मसद्माभिवन्द्या ।
जयतु जयतु विद्या विष्णु-वामाङ्क-संस्था
     जयतु जयतु सम्यक् सर्व-सम्पत्करी श्रीः ॥ १५॥

जयतु जयतु देवी देवसङ्घाभिपूज्या
     जयतु जयतु भद्रा भार्गवी भाग्यरूपा ।
जयतु जयतु नित्या निर्मलज्ञानवेद्या
     जयतु जयतु सत्या सर्वभूतान्तरस्था ॥ १६॥

जयतु जयतु रम्या रत्नगर्भान्तरस्था
     जयतु जयतु शुद्धा शुद्धजाम्बूनदाभा ।
जयतु जयतु कान्ता कान्तिमद्भासिताङ्गी
     जयतु जयतु शान्ता शीघ्रमागच्छ सौम्ये ॥ १७॥

यस्याः कलायाः कमलोद्भवाद्या रुद्राश्च शक्रप्रमुखाश्च देवाः ।
जीवन्ति सर्वेऽपि सशक्तयस्ते प्रभुत्वमाप्ताः परमायुषस्ते ॥ १८॥

          ॥ मुखबीजम् ॥ ॐ-ह्रां-ह्रीं-अं-आं-यं-दुं-लं-वम् ॥

लिलेख निटिले विधिर्मम लिपिं विसृज्यान्तरं
     त्वया विलिखितव्यमेतदिति तत्फलप्राप्तये ।
तदन्तिकफल्स्फुटं कमलवासिनि श्रीरिमां
     समर्पय स्वमुद्रिकां सकलभाग्यसंसूचिकाम् ॥ १९॥

॥ पादबीजम् ॥ ॐ-अं-आं-ईं-एं-ऐं-कं-लं-रं ॥

कलया ते यथा देवि जीवन्ति सचराचराः ।
तथा सम्पत्करी लक्ष्मि सर्वदा सम्प्रसीद मे ॥ २०॥

यथा विष्णुर्ध्रुवं नित्यं स्वकलां संन्यवेशयत् ।
तथैव स्वकलां लक्ष्मि मयि सम्यक् समर्पय ॥ २१॥

सर्वसौख्यप्रदे देवि भक्तानामभयप्रदे ।
अचलां कुरु यत्नेन कलां मयि निवेशिताम् ॥ २२॥

मुदास्तां मत्फाले परमपदलक्ष्मीः स्फुटकला
     सदा वैकुण्ठश्रीर्निवसतु कला मे नयनयोः ।
वसेत्सत्ये लोके मम वचसि लक्ष्मीर्वरकला
     श्रियश्वेतद्वीपे निवसतु कला मे स्व-करयोः ॥ २३॥

॥ नेत्रबीजम् ॥ ॐ-घ्रां-घ्रीं-घ्रें-घ्रैं-घ्रों-घ्रौं-घ्रं-घ्रः ॥

तावन्नित्यं ममाङ्गेषु क्षीराब्धौ श्रीकला वसेत् ।
सूर्याचन्द्रमसौ यावद्यावल्लक्ष्मीपतिः श्रियौ ॥ २४॥

सर्वमङ्गलसम्पूर्णा सर्वैश्वर्यसमन्विता ।
आद्यादिश्रीर्महालक्ष्मीस्त्वत्कला मयि तिष्ठतु ॥ २५॥

अज्ञानतिमिरं हन्तुं शुद्धज्ञानप्रकाशिका ।
सर्वैश्वर्यप्रदा मेऽस्तु त्वत्कला मयि संस्थिता ॥ २६॥

अलक्ष्मीं हरतु क्षिप्रं तमः सूर्यप्रभा यथा ।
वितनोतु मम श्रेयस्त्वत्कला मयि संस्थिता ॥ २७॥

ऐश्वर्यमङ्गलोत्पत्तिः त्वत्कलायां निधीयते ।
मयि तस्मात्कृतार्थोऽस्मि पात्रमस्मि स्थितेस्तव ॥ २८॥

भवदावेशभाग्यार्हो भाग्यवानस्मि भार्गवि ।
त्वत्प्रसादात्पवित्रोऽहं लोकमातर्नमोऽस्तु ते ॥ २९॥

पुनासि मां त्वत्कलयैव यस्मात्
     अतस्समागच्छ ममाग्रतस्त्वम् ।
परं पदं श्रीर्भव सुप्रसन्ना
     मय्यच्युतेन प्रविशादिलक्ष्मीः ॥ ३०॥

श्रीवैकुण्ठस्थिते लक्ष्मि समागच्छ ममाग्रतः ।
नारायणेन सह मां कृपादृष्ट्याऽवलोकय ॥ ३१॥

सत्यलोकस्थिते लक्ष्मि त्वं ममागच्छ सन्निधिम् ।
वासुदेवेन सहिता प्रसीद वरदा भव ॥ ३२॥

श्वेतद्वीपस्थिते लक्ष्मि शीघ्रमागच्छ सुव्रते ।
विष्णुना सहिता देवि जगन्मातः प्रसीद मे ॥ ३३॥

क्षीराम्बुधिस्थिते लक्ष्मि समागच्छ समाधवे ।
त्वत्कृपादृष्टिसुधया सततं मां विलोकय ॥ ३४॥

रत्नगर्भस्थिते लक्ष्मि परिपूर्णहिरण्मयि ।
समागच्छ समागच्छ स्थित्वाशु पुरतो मम ॥ ३५॥

स्थिरा भव महालक्ष्मि निश्चला भव निर्मले ।
प्रसन्नकमले देवि प्रसन्नहृदया भव ॥ ३६॥

श्रीधरे श्रीमहालक्ष्मि त्वदन्तःस्थं महानिधिम् ।
शीघ्रमुद्धृत्य पुरतः प्रदर्शय समर्पय ॥ ३७॥

वसुन्धरे श्रीवसुधे वसुदोग्ध्रि कृपामयि ।
त्वत्कुक्षिगतसर्वस्वं शीघ्रं मे सम्प्रदर्शय ॥ ३८॥

विष्णुप्रिये रत्नगर्भे समस्तफलदे शिवे ।
त्वद्गर्भगतहेमादीन् सम्प्रदर्शय दर्शय ॥ ३९॥

रसातलगते लक्ष्मि शीघ्रमागच्छ मे पुरः ।
न जाने परमं रूपं मातर्मे सम्प्रदर्शय ॥ ४०॥

आविर्भव मनोवेगात्  शीघ्रमागच्छ मे पुरः ।
मा वत्स भैरिहेत्युक्त्वा कामं गौरिव रक्ष माम् ॥ ४१॥

देवि शीघ्रं ममागच्छ धरणीगर्भसंस्थिते ।
मातस्त्वद्भृत्यभृत्योऽहं मृगये त्वां कुतूहलात् ॥ ४२॥

उत्तिष्ठ जागृहि त्वं मे समुत्तिष्ठ सुजागृहि ।
अक्षयान् हेमकलशान् सुवर्णेन सुपूरितान् ॥ ४३॥

निक्षेपान्मे समाकृष्य समुद्धृत्य ममाग्रतः ।
समुन्नतानना भूत्वा सम्यग्धेहि धरातलात् ॥ ४४॥

मत्सन्निधिं समागच्छ मदाहितकृपारसा ।
प्रसीद श्रेयसां दोग्ध्रि लक्ष्मि मे नयनाग्रतः ॥ ४५॥

अत्रोपविश्य लक्ष्मि त्वं स्थिरा भव हिरण्मयी ।
सुस्थिरा भव सम्प्रीत्या प्रसन्ना वरदा भव ॥ ४६॥

आनीतांस्तु त्वया देवि निधीन्मे सम्प्रदर्शय ।
अद्य क्षणेन सहसा दत्त्वा संरक्ष मां सदा ॥ ४७॥

मयि तिष्ठ तथा नित्यं यथेन्द्रादिषु तिष्ठसि ।
अभयं कुरु मे देवि महालक्ष्मि नमोऽस्तु ते ॥ ४८॥

समागच्छ महालक्ष्मि शुद्धजाम्बूनद-स्थिते ।
प्रसीद पुरतः स्थित्वा प्रणतं मां विलोकय ॥ ४९॥

लक्ष्मीर्भुवं गता भासि यत्र यत्र हिरण्मयी ।
तत्र तत्र स्थिता त्वं मे तव रूपं प्रदर्शय ॥ ५०॥

क्रीडन्ती  बहुधा भूमौ परिपूर्णकृपा मयि ।
मम मूर्धनि ते हस्तमविलम्बितमर्पय ॥ ५१॥

फलद्भाग्योदये लक्ष्मि समस्तपुरवासिनि ।
प्रसीद मे महालक्ष्मि परिपूर्णमनोरथे ॥ ५२॥

अयोध्यादिषु सर्वेषु नगरेषु समास्थिते ।
विभवैर्विविधैर्युक्तैः समागच्छ मुदान्विते ॥ ५३॥

समागच्छ समागच्छ ममाग्रे भव सुस्थिरा ।
करुणारसनिष्यन्दनेत्रद्वयविशालिनि ॥ ५४॥

सन्निधत्स्व महालक्ष्मि त्वत्पाणिं मम मस्तके ।
करुणासुधया मां त्वमभिषिच्य स्थिउरं कुरु ॥ ५५॥

सर्वराजगृहे लक्ष्मि समागच्छ बलान्विते ।
स्थित्वाऽऽशु पुरतो मेऽद्य प्रसादेनाभयं कुरु ॥ ५६॥

सादरं मस्तके हस्तं मम त्वं कृपयाऽर्पय ।
सर्वराजस्थिते लक्ष्मी त्वत्कला मयि तिष्ठतु ॥ ५७॥

आद्यादि श्रीर्महालक्ष्मि विष्णुवामाङ्कसंस्थिते ।
प्रत्यक्षं कुरु मे रूपं रक्ष मां शरणागतम् ॥ ५८॥

प्रसीद मे महालक्ष्मि सुप्रसीद महाशिवे ।
अचला भव सुप्रीता सुस्थिरा भव मद्गृहे ॥ ५९॥

यावत्तिष्ठन्ति वेदाश्च यावच्चन्द्र-दिवाकरौ ।
यावद्विष्णुश्च यावत्त्वं तावत्कुरु कृपां मयि ॥ ६०॥

चान्द्री कला यथा शुक्ले वर्धते सा दिने दिने ।
तथा दया ते मय्येव वर्धतामभिवर्धताम् ॥ ६१॥

यथा वैकुण्ठनगरे यथा वै क्षीरसागरे ।
तथा मद्भवने तिष्ठ स्थिरं श्रीविष्णुना सह ॥ ६२॥

योगिनां हृदये नित्यं यथा तिष्ठसि विष्णुना ।
तथा मद्भवने तिष्ठ स्थिरं श्रीविष्णुना सह ॥ ६३॥

नारायणस्य हृदये भवती यथाऽऽस्ते
     नारायणोऽपि तव हृत्कमले यथाऽऽस्ते ।
नारायणस्त्वमपि नित्यविभू तथैव
     तौ तिष्ठतां हृदि ममापि दयान्वितौ श्रीः ॥ ६४॥

विज्ञानवृद्धिं हृदये कुरु श्रीः सौभाग्यवृद्धिं कुरु मे गृहे श्रीः ।
दयासुवृद्धिं कुरुतां मयि श्रीः सुवर्णवृद्धिं कुरु मे गृहे श्रीः ॥ ६५॥

न मां त्यजेथाः श्रितकल्पवल्लि सद्भक्ति-चिन्तामणि-कामधेनो ।
न मां त्यजेथा भव सुप्रसन्ने गृहे कलत्रेषु च पुत्रवर्गे ॥ ६६॥

॥ कुक्षिबीजम् ॥ ॐ-अं-आं-ईं-एं-ऐं ॥

आद्यादिमाये त्वमजाण्डबीजं त्वमेव साकार-निराकृती त्वम् ।
त्वया धृताश्चाब्जभवाण्डसङ्घाः ह्चित्रं चरित्रं तव देवि विष्णोः ॥ ६७॥

ब्रह्मरुद्रादयो देवा वेदाश्चापि न शक्नुयुः ।
महिमानं तव स्तोतुं मन्दोऽहं शक्नुयां कथम् ॥ ६८॥

अम्ब त्वद्वत्सवाक्यानि सूक्तासूक्तानि यानि च ।
तानि स्वीकुरु सर्वज्ञे दयालुत्वेन सादरम् ॥ ६९॥

भवन्तं शरणं गत्वा कृतार्थाः स्युः पुरातनाः ।
इति सञ्चिन्त्य मनसा त्वामहं शरणं व्रजे ॥ ७०॥

अनन्ता नित्यसुखिनः त्वद्भक्तास्त्वत्परायणाः ।
इति वेदप्रमाणाद्धि देवि त्वां शरणं व्रजे ॥ ७१॥

तव प्रतिज्ञा मद्भक्ता न नश्यन्तीत्यपि क्वचित् ।
इति सञ्चिन्त्य सञ्चिन्त्य प्राणान् सन्धारयाम्यहम् ॥ ७२॥

त्वदधीनस्त्वहं मातः त्वत्कृपा मयि विद्यते ।
यावत्सम्पूर्णकामः स्यां तावद्देहि दयानिधे ॥ ७३॥

क्षणमात्रं न शक्नोमि जीवितुं त्वत्कृपां विना ।
न हि जीवन्ति  जलजा जलं त्यक्त्वा जलाश्रयाः ॥ ७४॥

यथा हि पुत्रवात्सल्यात् जननी प्रस्नुतस्तनी ।
वत्सं त्वरितमागत्य सम्प्रीणयति वत्सला ॥ ७५॥

यदि स्यां तव पुत्रोऽहं माता त्वं यदि मामकी ।
दयापयोधर-स्तन्य-सुधाभिरभिषिञ्च माम् ॥ ७६॥

मृग्यो न गुणलेशोऽपि मयि दोषैक-मन्दिरे ।
पांसूनां वृष्टिबिन्दूनां दोषाणां च न मे मतिः ॥ ७७॥

पापिनामहमेकाग्रो दयालूनां त्वमग्रणीः ।
दयनीयो मदन्योऽस्ति तव कोऽत्र जगत्त्रये ॥ ७८॥

विधिनाहं न सृष्टश्चेत् न स्यात्तव दयालुता ।
आमयो वा न सृष्टश्चेदौषधस्य वृथोदयः ॥ ७९॥

कृपा मदग्रजा किं ते अहं किं वा तदग्रजः ।
विचार्य देहि मे वित्तं तव देवि दयानिधे ॥ ८०॥

माता पिता त्वं गुरुः सद्गतिः श्रीः
     त्वमेव सञ्जीवनहेतुभूता ।
अन्यं न मन्ये जगदेकनाथे
      त्वमेव सर्वं मम देवि सत्यम् ॥ ८१॥

॥ हृदय बीजम् ॥

ॐ-घ्रां-घ्रीं-घ्रूं-घ्रें-घ्रों-घ्रः-हुं फट् कुरु कुरु स्वाहा ॥

आद्यादिलक्ष्मीर्भव सुप्रसन्ना विशुद्धविज्ञानसुखैकदोग्ध्रि ।
अज्ञानहन्त्री त्रिगुणातिरिक्ता प्रज्ञाननेत्री भव सुप्रसन्ना ॥ ८२॥

अशेषवाग्जाड्य-मलापहन्त्री नवं नवं सुष्टु सुवाक्यदायिनी ।
ममैव जिह्वाग्रसुरङ्गवर्तिनी भव प्रसन्ना वदने च मे श्रीः ॥ ८३॥

समस्तसम्पत्सु विराजमाना समस्ततेजस्सु विभासमाना ।
विष्णुप्रिये त्वं भव दीप्यमाना वाग्देवता मे नयने प्रसन्ना ॥ ८४॥

सर्वप्रदर्शे सकलार्थदे त्वं प्रभासुलावण्यदयाप्रदोग्ध्रि ।
सुवर्णदे त्वं सुमुखी भव श्रीर्हिरण्मयी मे नयने प्रसन्ना ॥ ८५॥

सर्वार्थदा सर्वजगत्प्रसूतिः सर्वेश्वरी सर्वभयापहन्त्री ।
सर्वोन्नता त्वं सुमुखी च नः श्रीर्हिरण्मयी मे भव सुप्रसन्ना ॥ ८६॥

समस्त-विघ्नौघ-विनाशकारिणी समस्त-भक्तोद्धरणे विचक्षणा ।
अनन्तसम्मोद-सुखप्रदायिनी हिरण्मयी मे नयने प्रसन्ना ॥ ८७॥

देवि प्रसीद दयनीयतमाय मह्यं
     देवाधिनाथ-भव-देवगणाभिवन्द्ये ।
मातस्तथैव भव सन्निहिता दृशोर्मे
     पत्या समं मम मुखे भव सुप्रसन्ना ॥ ८८॥

मा वत्स भैरभयदानकरोऽर्पितस्ते
     मौलौ ममेति मयि दीनदयानुकम्पे ।
मातः समर्पय मुदा करुणाकटाक्षं
     माङ्गल्यबीजमिह नः सृज जन्म मातः ॥ ८९॥

॥ कण्ठबीजम् ॥ ॐ-श्रां-श्रीं-श्रूं-श्रैं-श्रौं-श्रं-श्राः ॥

कटाक्ष इह कामधुक् तव मनस्तु चिन्तामणिः
     करः सुरतरुः सदा नवनिधिस्त्वमेवेन्दिरे ।
भवेत्तव दयारसो मम रसायनं चान्वहं
     मुखं तव कलानिधिर्विविध-वाञ्छितार्थप्रदम् ॥ ९०॥

यथा रसस्पर्शनतोऽयसोऽपि सुवर्णता स्यात्कमले तथा ते ।
कटाक्षसंस्पर्शनतो जनानां अमङ्गलानामपि मङ्गलत्वम् ॥ ९१॥

देहीति नास्तीति वचः प्रवेशाद् भीतो रमे त्वां शरणं प्रपद्ये ।
अतः सदास्मिन्नभयप्रदा त्वं सहैव पत्या मयि सन्निधेहि ॥ ९२॥

कल्पद्रुमेण मणिना सहिता सुरम्या
     श्रीस्ते कला मयि रसेन रसायनेन ।
आस्तामतो मम च दृक्करपाणिपाद-
     स्पृष्ट्याः सुवर्णवपुषः स्थिरजङ्गमाः स्युः ॥ ९३॥

आद्यादिविष्णोः स्थिरधर्मपत्नी त्वमेव पत्या मम सन्निधेहि ।
आद्यादिलक्ष्मि त्वदनुग्रहेण पदे पदे मे निधिदर्शनं स्यात् ॥ ९४॥

आद्यादिलक्ष्मीहृदयं पठेद्यः स राज्यलक्ष्मीमचलां तनोति ।
महादरिद्रोऽपि भवेद्धनाढयः तदन्वये श्रीः स्थिरतां प्रयाति ॥ ९५॥

यस्य स्मरणमात्रेण तुष्टा स्याद्विष्णुवल्लभा ।
तस्याभीष्टं ददत्याशु तं पालयति पुत्रवत् ॥ ९६॥

इदं रहस्यं हृदयं सर्वकामफलप्रदम् ।
जपः पञ्चसहस्रं तु पुरश्चरणमुच्यते ॥ ९७॥

त्रिकालं एककालं वा नरो भक्तिसमन्वितः ।
यः पठेत् श‍ृणुयाद्वापि स याति परमां श्रियम् ॥ ९८॥

महालक्ष्मीं समुद्दिश्य निशि भार्गववासरे ।
इदं श्रीहृदयं जप्त्वा पञ्चवारं धनी भवेत् ॥ ९९॥

अनेन हृदयेनान्नं गर्भिण्या अभिमन्त्रितम् ।
ददाति तत्कुले पुत्रो जायते श्रीपतिः स्वयम् ॥ १००॥

नरेणाप्यथवा नार्या लक्ष्मीहृदयमन्त्रिते ।
जले पीते च तद्वंशे मन्दभाग्यो न जायते ॥ १०१॥

य आश्वयुङ्मासि च शुक्लपक्षे रमोत्सवे सन्निहिते च भक्त्या ।
पठेत्तथैकोत्तरवारवृद्ध्या लभेत्स सौवर्णमयीं सुवृष्टिम् ॥ १०२॥

य एकभक्त्याऽन्वहमेकवर्षं विशुद्धधीः सप्ततिवारजापी ।
स मन्दभाग्योऽपि रमाकटाक्षात् भवेत्सहस्राक्षशताधिकश्रीः ॥ १०३॥

श्रीशांघ्रिभक्तिं हरिदासदास्यं प्रपन्नमन्त्रार्थदृढैकनिष्ठाम् ।
गुरोः स्मृतिं निर्मलबोधबुद्धिं प्रदेहि मातः परमं पदं श्रीः ॥ १०४॥

पृथ्वीपतित्वं पुरुषोत्तमत्वं विभूतिवासं विविधार्थसिद्धिम् ।
सम्पूर्णकीर्तिं बहुवर्षभोगं प्रदेहि मे देवि पुनःपुनस्त्वम् ॥ १०५॥

वादार्थसिद्धिं बहुलोकवश्यं वयःस्थिरत्वं ललनासु भोगम् ।
पौत्रादिलब्धिं सकलार्थसिद्धिं प्रदेहि मे भार्गवि जन्मजन्मनि ॥ १०६॥

सुवर्णवृद्धिं कुरु मे गृहे श्रीः विभूतिवृद्धिं कुरू मे गृहे श्रीः ।
कल्याणवृद्धिं कुरु मे गृहे श्रीः विभूतिवृद्धिं कुरु मे गृहे श्रीः ॥ १०७॥

॥ शिरो बीजम् ॥ ॐ-यं-हं-कं-लं- वं-श्रीम् ॥

ध्यायेल्लक्ष्मीं प्रहसितमुखीं कोटिबालार्कभासां
     विद्युत्वर्णाम्बरवरधरां भूषणाढ्यां सुशोभाम् ।
बीजापूरं सरसिजयुगं बिभ्रतीं स्वर्णपात्रं
     भर्त्रायुक्तां मुहुरभयदां मह्यमप्यच्युतश्रीः ॥ १०८॥


॥ इति श्रीअथर्वणरहस्ये लक्ष्मीहृदयस्तोत्रं सम्पूर्णम् ॥
**********