ಶ್ಯಾಮ ಸ್ತೋತ್ರಮ್ श्याम स्तोत्रम् shyama stotram

ಶ್ರೀ ಶ್ಯಾಮ ಸ್ತೋತ್ರಮ್ ॥

ಅಬ್ಜಯೋನಿಶೂಲಪಾಣಿಪಾಕಶಾಸನಾದಿಕೈ-
ರ್ದೈವಸಿದ್ಧಕಿನ್ನರೈಶ್ಚ ವನ್ದಿತಂ ರಮಾಪತಿಮ್ ।  
ಚಕ್ರಪಾಣಿಮುತ್ತಮಂ ಗುಣಾಕರಂ ಕೃಪಾನಿಧಿಂ  
ಶ್ಯಾಮದೇವಮೀಶ್ವರಂ ನಮಾಮಿ ಪಾಪನಾಶನಮ್ ॥ 1॥  

ವೇಣುಗಾನತತ್ಪರಂ ಸ್ವಗೋಪ್ಯಗೋಪಮಂಡನಂ  
ಕಾಲಚೈದ್ಯದನ್ತವಕ್ತ್ರಮಾಗಧಾದಿಖಂಡನಮ್ ।  
ಪೂತನಾಬಕಾಸುರಾದಿಕೇಶಿಕಂಸನಾಶನಂ  
ಶ್ಯಾಮದೇವಮೀಶ್ವರಂ ನಮಾಮಿ ಶತ್ರುನಾಶನಮ್ ॥ 2॥

ಚನ್ದ್ರಹಾಸಶೋಭಿತಂ ಸುಪಿಚ್ಛಗುಚ್ಛಮಸ್ತಕಂ  
ಕುಂಕಮಾದಿಚರ್ಚಿತಂ ವಿಲೋಭಿಲೋಲಲೋಚನಮ್ ।   
ಹಾರಕುಂಡಲತ್ವಿಷಾಸುಶೋಭಿನೀಲಕುನ್ತಲಂ  
ಶ್ಯಾಮದೇವಮೀಶ್ವರಂ ನಮಾಮಿ ವಿಶ್ವಮೋಹನಮ್ ॥ 3॥

ಇನ್ದ್ರಮಾನಖಂಡನಂ ಗಿರೀನ್ದ್ರಶೀಲಹಸ್ತಕಂ  
ಗೋಪಬಾಲಧೇನುವತ್ಸಗೋಪಿಕಾರ್ತಿನಾಶನಮ್ ।
ಭಕ್ತಭೀತಿಹಾರಕಂ ದವಾಗ್ನಿಪಾನಕಾರಕಂ  
ಶ್ಯಾಮದೇವಮೀಶ್ವರಂ ನಮಾಮಿ ಭಕ್ತಪಾಲಕಮ್ ॥ 4॥

ಗೋಪಕನ್ಯಕಾವೃತಂ ಕಲಿನ್ದಕನ್ಯಕಾತಟೇ  
ಚಾರುನರ್ಮಶೋಭಿತಂ ಕದಮ್ಬಪಾದಪೇ ಸ್ಥಿತಮ್ ।  
ಬಾಲಕೃಷ್ಣಮೀಪ್ಸಿತಾರ್ಥದಾಯಕಂ ಪತಿಂ ಹರಿಂ  
ಶ್ಯಾಮದೇವಮೀಶ್ವರಂ ನಮಾಮಿ ಕಾಮದಾಯಕಮ್ ॥ 5॥  

ಕುಬ್ಜವೇಶ್ಮಮಧ್ಯಗಂ ಸಕಾಮಕಾಮಿನೀಧೃತಂ  
ಚುಮ್ಬಿತಾಧರಾಮೃತಂ ಪ್ರಸನ್ನವಕ್ತ್ರಪಂಕಜಮ್ । 
ಪ್ರಫುಲ್ಲಪಂಕಜೇಕ್ಷಣಂ ಸುಕೌಸ್ತುಭಾಂಗಭೂಷಣಂ 
ಶ್ಯಾಮದೇವಮೀಶ್ವರಂ ನಮಾಮಿ ಕೇಲಿಕಾರಕಮ್ ॥ 6॥

ನನ್ದಗೋಪಮಂಡನಂ ಯಶೋದಯಾ ವಿಭೂಷಿತಂ 
ಬಾಲಕೇಲಿಕಾರಕಂ ಮನೋಹರಂ ವಿಭಾಕರಮ್ । 
ಕಿಂಕಿಣೀಕುತೂಹಲೇನ ನೃತ್ಯಗೀತನಾದಿತಂ 
ಶ್ಯಾಮದೇವಮೀಶ್ವರಂ ನಮಾಮಿ ಯೋಗದಾಯಕಮ್ ॥ 7॥

ವಿಶ್ವಭಾವಕಾರಕಂ ಮನೋರಥಪ್ರದಾಯಕಂ 
ವೇದಶಾಸ್ತ್ರವನ್ದಿತಂ ನಿರಂಜನಂ ನಿರಾಮಯಮ್ । 
ಯಜ್ಞಕರ್ಮಸಾಧಕಂ ದ್ವಿಜಾರ್ತಿಮೋಹಬಾಧಕಂ 
ಶ್ಯಾಮದೇವಮೀಶ್ವರಂ ನಮಾಮಿ ಸಿದ್ಧಿದಾಯಕಮ್ ॥ 8॥

ರತ್ನಯುಕ್ತಮಸ್ತಕಂ ಮುನೀಪ್ಸಿತಂ ವರಪ್ರದಂ 
ಕೌರವಾದಿದುಷ್ಟರಾಜಪೀಡಕಂ ಕ್ಷಮಾಕರಮ್ । 
ಸೂರ್ಯಬಿಮ್ಬಮಧ್ಯವರ್ತಿತೇಜಸಾ ಪ್ರಪೂರಿತಂ 
ಶ್ಯಾಮದೇವಮೀಶ್ವರಂ ನಮಾಮಿ ಭಾನುಮಧ್ಯಗಮ್ ॥ 9॥ 
ವೇದಮನ್ತ್ರಯನ್ತ್ರತನ್ತ್ರಶಬ್ದಸಾರದಾಯಕಂ 
ಧರ್ಮಮಾರ್ಗವರ್ದ್ಧಕಂ ಹ್ಯಧರ್ಮಮಾರ್ಗನಾಶಕಮ್ । 
ರಾಗತಾಪಶೋಕಕೋಪದುಃಖದೈತ್ಯನಾಶಕಂ 
ಶ್ಯಾಮದೇವಮೀಶ್ವರಂ ನಮಾಮಿ ವಿತ್ತಸಾಧಕಮ್ ॥ 10॥

ಜ್ಞಾನಮಾನಬುದ್ಧಿವೃದ್ಧಿಕಾರಕಂ ಖಲಾಪಹಂ 
ದುಷ್ಟದೈತ್ಯನಾಶನಂ ಮುನೀನ್ದ್ರವೃನ್ದವನ್ದಿತಮ್। 
ಸರ್ವಲೋಕಸೇವಿತಂ ಶಿವಪ್ರಿಯಂ ಕ್ಷಮಾಕರಂ 
ಶ್ಯಾಮದೇವಮೀಶ್ವರಂ ನಮಾಮಿ ಸರ್ವಸಾಕ್ಷಿಣಮ್ ॥ 11॥ 

ಗೃಹಸುತಧನತೇಜಃಸ್ತ್ರ್ಯಾದಿಸರ್ವಪ್ರದಾತಾ 
ನಿಗಮಗುಣವಿನೇತಾ ಕಾಲಭೀತಿಪ್ರಭೇತಾ। 
ಅರಿಕುಲವಧಕರ್ತಾ ಭಕ್ತಕಾರ್ಯಾತಿಚೇತಾ 
ಜಗತಿ ಜಯತಿ ದೇವಃ ಶ್ಯಾಮದೇವ: ಪ್ರತಾಪೀ ॥ 12॥ 

ಸ್ತೋತ್ರಂ ಸದಾ ಕಾರ್ಯಕರಂ ನರಾಣಾಂ 
ರಾಮಪ್ರಸಾದೇನ ಕೃತಂ ಮನೋಜ್ಞಮ್ । 
ಯಥೇಪ್ಸಿತಾಶೇಷಮನೋರಥಂ ವೈ 
ಲಭೇತ ಸಿದ್ಧಿಂ ಕುಲಕೀರ್ತಿಮಾಯುಃ ॥ 13॥
*********

shrIshyAmastotram ..
॥ श्री श्याम स्तोत्रम् ॥

अब्जयोनिशूलपाणिपाकशासनादिकै-
र्दैवसिद्धकिन्नरैश्च वन्दितं रमापतिम् ।  
चक्रपाणिमुत्तमं गुणाकरं कृपानिधिं  
श्यामदेवमीश्वरं नमामि पापनाशनम् ॥ १॥  

वेणुगानतत्परं स्वगोप्यगोपमण्डनं  
कालचैद्यदन्तवक्त्रमागधादिखण्डनम् ।  
पूतनाबकासुरादिकेशिकंसनाशनं  
श्यामदेवमीश्वरं नमामि शत्रुनाशनम् ॥ २॥

चन्द्रहासशोभितं सुपिच्छगुच्छमस्तकं  
कुङ्कमादिचर्चितं विलोभिलोललोचनम् ।   
हारकुण्डलत्विषासुशोभिनीलकुन्तलं  
श्यामदेवमीश्वरं नमामि विश्वमोहनम् ॥ ३॥

इन्द्रमानखण्डनं गिरीन्द्रशीलहस्तकं  
गोपबालधेनुवत्सगोपिकार्तिनाशनम् ।
भक्तभीतिहारकं दवाग्निपानकारकं  
श्यामदेवमीश्वरं नमामि भक्तपालकम् ॥ ४॥

गोपकन्यकावृतं कलिन्दकन्यकातटे  
चारुनर्मशोभितं कदम्बपादपे स्थितम् ।  
बालकृष्णमीप्सितार्थदायकं पतिं हरिं  
श्यामदेवमीश्वरं नमामि कामदायकम् ॥ ५॥  

कुब्जवेश्ममध्यगं सकामकामिनीधृतं  
चुम्बिताधरामृतं प्रसन्नवक्त्रपङ्कजम् । 
प्रफुल्लपङ्कजेक्षणं सुकौस्तुभाङ्गभूषणं 
श्यामदेवमीश्वरं नमामि केलिकारकम् ॥ ६॥

नन्दगोपमण्डनं यशोदया विभूषितं 
बालकेलिकारकं मनोहरं विभाकरम् । 
किङ्किणीकुतूहलेन नृत्यगीतनादितं 
श्यामदेवमीश्वरं नमामि योगदायकम् ॥ ७॥

विश्वभावकारकं मनोरथप्रदायकं 
वेदशास्त्रवन्दितं निरञ्जनं निरामयम् । 
यज्ञकर्मसाधकं द्विजार्तिमोहबाधकं 
श्यामदेवमीश्वरं नमामि सिद्धिदायकम् ॥ ८॥

रत्नयुक्तमस्तकं मुनीप्सितं वरप्रदं 
कौरवादिदुष्टराजपीडकं क्षमाकरम् । 
सूर्यबिम्बमध्यवर्तितेजसा प्रपूरितं 
श्यामदेवमीश्वरं नमामि भानुमध्यगम् ॥ ९॥ 


वेदमन्त्रयन्त्रतन्त्रशब्दसारदायकं 
धर्ममार्गवर्द्धकं ह्यधर्ममार्गनाशकम् । 
रागतापशोककोपदुःखदैत्यनाशकं 
श्यामदेवमीश्वरं नमामि वित्तसाधकम् ॥ १०॥

ज्ञानमानबुद्धिवृद्धिकारकं खलापहं 
दुष्टदैत्यनाशनं मुनीन्द्रवृन्दवन्दितम्। 
सर्वलोकसेवितं शिवप्रियं क्षमाकरं 
श्यामदेवमीश्वरं नमामि सर्वसाक्षिणम् ॥ ११॥ 

गृहसुतधनतेजःस्त्र्यादिसर्वप्रदाता 
निगमगुणविनेता कालभीतिप्रभेता। 
अरिकुलवधकर्ता भक्तकार्यातिचेता 
जगति जयति देवः श्यामदेव: प्रतापी ॥ १२॥ 

स्तोत्रं सदा कार्यकरं नराणां 
रामप्रसादेन कृतं मनोज्ञम् । 
यथेप्सिताशेषमनोरथं वै 

लभेत सिद्धिं कुलकीर्तिमायुः ॥ १३॥
*********