ಭವಾನೀ ಭುಜಂಗ ಪ್ರಯಾತ ಸ್ತೋತ್ರಮ್ ಆದಿ ಶಂಕರಾಚಾರ್ಯ ಕೃತಂ भवानी भुजङ्ग प्रयात स्तोत्रम् bhavani bhujanga prayata stotram by adi shankaracharya

ಭವಾನೀಭುಜಂಗಪ್ರಯಾತಸ್ತೋತ್ರಮ್ 

ಶ್ರೀ ಗಣೇಶಾಯ ನಮಃ ।

ಷಡಾಧಾರಪಂಕೇರುಹಾನ್ತರ್ವಿರಾಜತ್

        ಸುಷುಮ್ನಾನ್ತರಾಲೇಽತಿತೇಜೋಲ್ಲಸನ್ತೀಮ್ ।

ಸುಧಾಮಂಡಲಂ ದ್ರಾವಯನ್ತೀಂ ಪಿಬನ್ತೀಂ

        ಸುಧಾಮೂರ್ತಿಮೀಡೇಽಹಮಾನನ್ದರೂಪಾಮ್ ॥ 1॥

ಜ್ವಲತ್ಕೋಟಿಬಾಲಾರ್ಕಭಾಸಾರುಣಾಂಗೀಂ

        ಸುಲಾವಣ್ಯಶೃಂಗಾರಶೋಭಾಭಿರಾಮಾಮ್ ।

ಮಹಾಪದ್ಮಕಿಂಜಲ್ಕಮಧ್ಯೇ ವಿರಾಜತ್

        ತ್ರಿಕೋಣೋಲ್ಲಸನ್ತೀಂ ಭಜೇ ಶ್ರೀಭವಾನೀಮ್ ॥2॥

ಕಣತ್ಕಿಂಕಿಣೀನೂಪುರೋದ್ಭಾಸಿರತ್ನ

        ಪ್ರಭಾಲೀಢಲಾಕ್ಷಾರ್ದ್ರಪಾದಾರವಿನ್ದಮ್ ।

ಅಜೇಶಾಚ್ಯುತಾದ್ಯೈಃ ಸುರೈಃ ಸೇವ್ಯಮಾನಂ

        ಮಹಾದೇವಿ ಮನ್ಮೂರ್ಧ್ನಿ ತೇ ಭಾವಯಾಮಿ ॥ 3॥

ಸುಷೋಣಾಮ್ಬರಾಬದ್ಧನೀವೀವಿರಾಜನ್

        ಮಹಾರತ್ನಕಾಂಚೀಕಲಾಪಂ ನಿತಮ್ಬಮ್ ।

ಸ್ಫುರದ್ದಕ್ಷಿಣಾವರ್ತನಾಭಿಂ ಚ ತಿಸ್ರೋ

        ವಲೀ ರಮ್ಯತೇ ರೋಮರಾಜಿಂ ಭಜೇಽಹಮ್ ॥ 4॥

ಲಸದ್ವೃತ್ತಮುತ್ತುಂಗಮಾಣಿಕ್ಯಕುಮ್ಭೋ-

        ಪಮಶ್ರೀಸ್ತನದ್ವನ್ದ್ವಮಮ್ಬಾಂಬುಜಾಕ್ಷೀಮ್ ।

ಭಜೇ ಪೂರ್ಣದುಗ್ಧಾಭಿರಾಮಂ ತವೇದಂ

        ಮಹಾಹಾರದೀಪ್ತಂ ಸದಾ ಪ್ರಸ್ನುತಾಸ್ಯಮ್ ॥ 5॥

ಶಿರೀಷಪ್ರಸೂನೋಲ್ಲಸದ್ಬಾಹುದಂಡೈರ್-

        ಜ್ವಲದ್ಬಾಣಕೋದಂಡಪಾಶಾಂಕುಶೈಶ್ಚ ।

ಚಲತ್ಕಂಕಣೋದಾರಕೇಯೂರಭೂಷಾ

        ಜ್ವಲದ್ಭಿಃ ಸ್ಫುರನ್ತೀಂ ಭಜೇ ಶ್ರೀಭವಾನೀಮ್ ॥ 6॥

ಶರತ್ಪೂರ್ಣಚನ್ದ್ರಪ್ರಭಾಪೂರ್ಣಬಿಮ್ಬಾ

        ಧರಸ್ಮೇರವಕ್ತ್ರಾರವಿನ್ದಶ್ರಿಯಂ ತೇ ।

ಸುರತ್ನಾವಲೀಹಾರತಾಟಂಕಶೋಭಾ

        ಭಜೇ ಸುಪ್ರಸನ್ನಾಮಹಂ ಶ್ರೀಭವಾನೀಮ್ ॥ 7॥

ಸುನಾಸಾಪುಟಂ ಪದ್ಮಪತ್ರಾಯತಾಕ್ಷಂ

        ಯಜನ್ತಃ ಶ್ರಿಯಂ ದಾನದಕ್ಷಂ ಕಟಾಕ್ಷಮ್ ।

ಲಲಾಟೋಲ್ಲಸದ್ಗನ್ಧಕಸ್ತೂರಿಭೂಷೋ-

        ಜ್ಜ್ವಲದ್ಭಿಃ ಸ್ಫುರನ್ತೀಂ ಭಜೇ ಶ್ರೀಭವಾನೀಮ್ ॥ 8॥

ಚಲತ್ಕುಂಡಲಾಂ ತೇ ಭ್ರಮದ್ಭೃಂಗವೃನ್ದಾಂ

        ಘನಸ್ನಿಗ್ಧಧಮ್ಮಿಲ್ಲಭೂಷೋಜ್ಜ್ವಲನ್ತೀಮ್ ।

ಸ್ಫುರನ್ಮೌಲಿಮಾಣಿಕ್ಯಮಧ್ಯೇನ್ದುರೇಖಾ

        ವಿಲಾಸೋಲ್ಲಸದ್ದಿವ್ಯಮೂರ್ಧಾನಮೀಡೇ ॥ 9॥

ಸ್ಫುರತ್ವಮ್ಬ ಬಿಮ್ಬಸ್ಯ ಮೇ ಹೃತ್ಸರೋಜೇ

        ಸದಾ ವಾಙ್ಮಯಂ ಸರ್ವತೇಜೋಮಯಂ ಚ ।

ಇತಿ ಶ್ರೀಭವಾನೀಸ್ವರೂಪಂ ತದೇವಂ

        ಪ್ರಪಂಚಾತ್ಪರಂ ಚಾತಿಸೂಕ್ಷ್ಮಂ ಪ್ರಸನ್ನಮ್ ॥ 10॥

ಗಣೇಶಾಣಿಮಾದ್ಯಾಖಿಲೈಃ ಶಕ್ತಿವೃನ್ದೈಃ

        ಸ್ಫುರಚ್ಛ್ರೀಮಹಾಚಕ್ರರಾಜೋಲ್ಲಸನ್ತೀಮ್ ।

ಪರಾಂ ರಾಜರಾಜೇಶ್ವರೀಂ ತ್ವಾ ಭವಾನೀಂ (ತ್ರೈಪುರಿ ತ್ವಾಂ)

        ಶಿವಾಂಕೋಪರಿಸ್ಥಾॅಂ ಶಿವಾॅಂ ಭಾವಯೇಽಹಮ್ ॥ 11॥

ತ್ವಮರ್ಕಸ್ತ್ವಮಗ್ನಿಸ್ತ್ವಮಿನ್ದುಸ್ತ್ವಮಾಪ-

        ಸ್ತ್ವಮಾಕಾಶಭೂರ್ವಾಯವಸ್ತ್ವಂ ಚಿದಾತ್ಮಾ ।

ತ್ವದನ್ಯೋ ನ ಕಶ್ಚಿತ್ಪ್ರಕಾಶೋಽಸ್ತಿ ಸರ್ವಂ

        ಸದಾನನ್ದಸಂವಿತ್ಸ್ವರೂಪಂ ತವೇದಮ್ ॥ 12॥

ಗುರುಸ್ತ್ವಂ ಶಿವಸ್ತ್ವಂ ಚ ಶಕ್ತಿಸ್ತ್ವಮೇವ

        ತ್ವಮೇವಾಸಿ ಮಾತಾ ಪಿತಾಽಸಿ ತ್ವಮೇವ ।

ತ್ವಮೇವಾಸಿ ವಿದ್ಯಾ ತ್ವಮೇವಾಸಿ ಬುದ್ಧಿರ್-

        ಗತಿರ್ಮೇ ಮತಿರ್ದೇವಿ ಸರ್ವಂ ತ್ವಮೇವ ॥ 13॥

ಶ್ರುತೀನಾಮಗಮ್ಯಂ ಸುವೇದಾಗಮಾದ್ಯೈರ್-

        ಮಹಿಮ್ನೋ ನ ಜಾನಾತಿ ಪಾರಂ ತವೇದಮ್ ।

ಸ್ತುತಿಂ ಕರ್ತುಮಿಚ್ಛಾಮಿ ತೇ ತ್ವಂ ಭವಾನಿ

        ಕ್ಷಮಸ್ವೇದಮಮ್ಬ ಪ್ರಮುಗ್ಧಃ ಕಿಲಾಹಮ್ ॥ 14॥

ಶರಣ್ಯೇ ವರೇಣ್ಯೇ ಸುಕಾರುಣ್ಯಪೂರ್ಣೇ

        ಹಿರಣ್ಯೋದರಾದ್ಯೈರಗಮ್ಯೇಽತಿಪುಣ್ಯೇ ।

ಭವಾರಣ್ಯಭೀತಂ ಚ ಮಾಂ ಪಾಹಿ ಭದ್ರೇ

        ನಮಸ್ತೇ ನಮಸ್ತೇ ನಮಸ್ತೇ ಭವಾನಿ ॥ 15॥

ಇಮಾಮನ್ವಹಂ ಶ್ರೀಭವಾನೀಭುಜಂಗ-

        ಸ್ತುತಿರ್ಯಃ ಪಠೇಚ್ಛ್ರೋತುಮಿಚ್ಛೇತ ತಸ್ಮೈ ।

ಸ್ವಕೀಯಂ ಪದಂ ಶಾಶ್ವತಂ ಚೈವ ಸಾರಂ

        ಶ್ರಿಯಂ ಚಾಷ್ಟಸಿದ್ಧಿಂ ಭವಾನೀ ದದಾತಿ ॥ 16॥

        

(ಭವಾನೀ ಭವಾನೀ ಭವಾನೀ ತ್ರಿವಾರಮ್-

        ಉದಾರಮ್ ಮುದಾ ಸರ್ವದಾ ಯೇ ಜಪನ್ತಿ ।

ನ ಶೋಕಮ್ ನ ಮೋಹಮ್ ನ ಪಾಪಂ ನ ಭೀತಿಃ

        ಕದಾಚಿತ್ಕಥಂಚಿತ್ಕುತಶ್ಚಜ್ಜನಾನಾಮ್ ॥ 17)        

ಇತಿ 

ಶ್ರೀಮಚ್ಛಂಕರಾಚಾರ್ಯವಿರಚಿತಂ

ಭವಾನೀಭುಜಂಗಪ್ರಯಾತಸ್ತೋತ್ರಂ ಸಮ್ಪೂರ್ಣಮ್ ॥

**************
[8:01 PM, 10/09/2019] SURESH HULIKUNTI RAO: 

भवानी भुजङ्ग प्रयात स्तोत्रम् 

श्री गणेशाय नमः ।
षडाधारपङ्केरुहान्तर्विराजत्
        सुषुम्नान्तरालेऽतितेजोल्लसन्तीम् ।
सुधामण्डलं द्रावयन्तीं पिबन्तीं
        सुधामूर्तिमीडेऽहमानन्दरूपाम् ॥ १॥

ज्वलत्कोटिबालार्कभासारुणाङ्गीं
        सुलावण्यश‍ृङ्गारशोभाभिरामाम् ।
महापद्मकिञ्जल्कमध्ये विराजत्
        त्रिकोणोल्लसन्तीं भजे श्रीभवानीम् ॥२॥

कणत्किङ्किणीनूपुरोद्भासिरत्न
        प्रभालीढलाक्षार्द्रपादारविन्दम् ।
अजेशाच्युताद्यैः सुरैः सेव्यमानं
        महादेवि मन्मूर्ध्नि ते भावयामि ॥ ३॥

सुषोणाम्बराबद्धनीवीविराजन्
        महारत्नकाञ्चीकलापं नितम्बम् ।
स्फुरद्दक्षिणावर्तनाभिं च तिस्रो
        वली रम्यते रोमराजिं भजेऽहम् ॥ ४॥

लसद्वृत्तमुत्तुङ्गमाणिक्यकुम्भो-
        पमश्रीस्तनद्वन्द्वमम्बांबुजाक्षीम् ।
भजे पूर्णदुग्धाभिरामं तवेदं
        महाहारदीप्तं सदा प्रस्नुतास्यम् ॥ ५॥

शिरीषप्रसूनोल्लसद्बाहुदण्डैर्-
        ज्वलद्बाणकोदण्डपाशाङ्कुशैश्च ।
चलत्कङ्कणोदारकेयूरभूषा
        ज्वलद्भिः स्फुरन्तीं भजे श्रीभवानीम् ॥ ६॥

शरत्पूर्णचन्द्रप्रभापूर्णबिम्बा
        धरस्मेरवक्त्रारविन्दश्रियं ते ।
सुरत्नावलीहारताटङ्कशोभा
        भजे सुप्रसन्नामहं श्रीभवानीम् ॥ ७॥

सुनासापुटं पद्मपत्रायताक्षं
        यजन्तः श्रियं दानदक्षं कटाक्षम् ।
ललाटोल्लसद्गन्धकस्तूरिभूषो-
        ज्ज्वलद्भिः स्फुरन्तीं भजे श्रीभवानीम् ॥ ८॥

चलत्कुण्डलां ते भ्रमद्भृङ्गवृन्दां
        घनस्निग्धधम्मिल्लभूषोज्ज्वलन्तीम् ।
स्फुरन्मौलिमाणिक्यमध्येन्दुरेखा
        विलासोल्लसद्दिव्यमूर्धानमीडे ॥ ९॥

स्फुरत्वम्ब बिम्बस्य मे हृत्सरोजे
        सदा वाङ्मयं सर्वतेजोमयं च ।
इति श्रीभवानीस्वरूपं तदेवं
        प्रपञ्चात्परं चातिसूक्ष्मं प्रसन्नम् ॥ १०॥

गणेशाणिमाद्याखिलैः शक्तिवृन्दैः
        स्फुरच्छ्रीमहाचक्रराजोल्लसन्तीम् ।
परां राजराजेश्वरीं त्वा भवानीं (त्रैपुरि त्वां)
        शिवाङ्कोपरिस्थाॅं शिवाॅं भावयेऽहम् ॥ ११॥

त्वमर्कस्त्वमग्निस्त्वमिन्दुस्त्वमाप-
        स्त्वमाकाशभूर्वायवस्त्वं चिदात्मा ।
त्वदन्यो न कश्चित्प्रकाशोऽस्ति सर्वं
        सदानन्दसंवित्स्वरूपं तवेदम् ॥ १२॥

गुरुस्त्वं शिवस्त्वं च शक्तिस्त्वमेव
        त्वमेवासि माता पिताऽसि त्वमेव ।
त्वमेवासि विद्या त्वमेवासि बुद्धिर्-
        गतिर्मे मतिर्देवि सर्वं त्वमेव ॥ १३॥

श्रुतीनामगम्यं सुवेदागमाद्यैर्-
        महिम्नो न जानाति पारं तवेदम् ।
स्तुतिं कर्तुमिच्छामि ते त्वं भवानि
        क्षमस्वेदमम्ब प्रमुग्धः किलाहम् ॥ १४॥

शरण्ये वरेण्ये सुकारुण्यपूर्णे
        हिरण्योदराद्यैरगम्येऽतिपुण्ये ।
भवारण्यभीतं च मां पाहि भद्रे
        नमस्ते नमस्ते नमस्ते भवानि ॥ १५॥

इमामन्वहं श्रीभवानीभुजङ्ग-
        स्तुतिर्यः पठेच्छ्रोतुमिच्छेत तस्मै ।
स्वकीयं पदं शाश्वतं चैव सारं
        श्रियं चाष्टसिद्धिं भवानी ददाति ॥ १६॥

        
(भवानी भवानी भवानी त्रिवारम्-
        उदारम् मुदा सर्वदा ये जपन्ति ।
न शोकम् न मोहम् न पापं न भीतिः
        कदाचित्कथंचित्कुतश्चज्जनानाम् ॥ १७)
        
इति श्रीमच्छङ्कराचार्यविरचितं

भवानीभुजङ्गप्रयातस्तोत्रं सम्पूर्णम् ॥
*********