ಗಾಯತ್ರ್ಯಷ್ಟೋತ್ತರ ಶತನಾಮ ಸ್ತೋತ್ರಮ್ गायत्र्यष्टोत्तर शतनाम स्तोत्रम् gayatri ashtottarashatanama stotram

Shri Gayatri Ashtottarashatanama Stotram
 ಶ್ರೀ ಗಾಯತ್ರ್ಯಷ್ಟೋತ್ತರ ಶತನಾಮ ಸ್ತೋತ್ರಮ್ 
ಹರಿಃ ಓಂ ।
ತರುಣಾದಿತ್ಯಸಂಕಾಶಾ ಸಹಸ್ರನಯನೋಜ್ಜ್ವಲಾ ।
ವಿಚಿತ್ರಮಾಲ್ಯಾಭರಣಾ ತುಹಿನಾಚಲವಾಸಿನೀ ॥ 1॥

ವರದಾಭಯಹಸ್ತಾಬ್ಜಾ ರೇವಾತೀರನಿವಾಸಿನೀ ।
ಪ್ರಣಿತ್ಯಯವಿಶೇಷಜ್ಞಾ ಯನ್ತ್ರಾಕೃತವಿರಾಜಿತ ॥ 2॥

ಭದ್ರಪಾದಪ್ರಿಯಾ ಚೈವ ಗೋವಿನ್ದಪಥಗಾಮಿನೀ ।
ದೇವರ್ಷಿಗಣಸನ್ತುಷ್ಟಾ ವನಮಾಲಾವಿಭೂಷಿತಾ ॥ 3॥

ಸ್ಯನ್ದನೋತ್ತಮಸಂಸ್ಥಾ ಚ ಧೀರಜೀಮೂತನಿಃಸ್ವನಾ ।
ಮತ್ತಮಾತಂಗಗಮನಾ ಹಿರಣ್ಯಕಮಲಾಸನಾ ॥ 4॥

ದೀನಜನೋದ್ಧಾರನಿರತಾ ಯೋಗಿನೀ ಯೋಗಧಾರಿಣೀ ।
ನಟನಾತ್ಯೈಕನಿರತಾ ಪ್ರಣವಾದ್ಯಕ್ಷರಾತ್ಮಿಕಾ ॥ 5॥

ಘೋರಾಚಾರಾ ಕ್ರಿಯಾಸಕ್ತಾ ದಾರಿದ್ರ್ಯಚ್ಛೇದಕಾರಿಣೀ ।
ಯಾದವೇನ್ದ್ರಕುಲೋದ್ಭೂತಾ ತುರೀಯಪದಗಾಮಿನೀ ॥ 6॥

ಗಾಯತ್ರೀ ಗೋಮತೀ ಗಂಗಾ ಗೌತಮೀ ಗರುಡಾಸನಾ ।
ಗೇಯಗಾನಪ್ರಿಯಾ ಗೌರೀ ಗೋವಿನ್ದಪದಪೂಜಿತಾ ॥ 7॥

ಗನ್ಧರ್ವನಗರಾಗಾರಾ ಗೌರವರ್ಣಾ ಗಣೇಶ್ವರೀ ।
ಗುಣಾಶ್ರಯಾ ಗುಣವತೀ ಗಹ್ವರೀ ಗಣಪೂಜಿತಾ ॥ 8॥

ಗುಣತ್ರಯಸಮಾಯುಕ್ತಾ ಗುಣತ್ರಯವಿವರ್ಜಿತಾ ।
ಗುಹಾವಾಸಾ ಗುಣಾಧಾರಾ ಗುಹ್ಯಾ ಗನ್ಧರ್ವರೂಪಿಣೀ ॥ 9॥

ಗಾರ್ಗಪ್ರಿಯಾ ಗುರುಪದಾ ಗುಹಲಿಂಗಾಂಗಧಾರಿಣೀ ।
ಸಾವಿತ್ರೀ ಸೂರ್ಯತನಯಾ ಸುಷುಮ್ನಾನಾಡಿಭೇದಿನೀ ॥ 10॥

ಸುಪ್ರಕಾಶಾ ಸುಖಾಸೀನಾ ಸುಮತಿಸ್ಸುರಪೂಜಿತಾ ।
ಸುಷುಪ್ತ್ಯವಸ್ಥಾ ಸುದತೀ ಸುನ್ದರೀ ಸಾಗರಾಮ್ಬರಾ ॥ 11॥

ಸುಧಾಂಶುಬಿಮ್ಬವದನಾ ಸುಸ್ತನೀ ಸುವಿಲೋಚನಾ ।
ಸೀತಾ ಸತ್ತ್ವಾಶ್ರಯಾ ಸನ್ಧ್ಯಾ ಸುಫಲಾ ಸುವಿಧಾಯಿನೀ ॥ 12॥

ಸುಭ್ರೂಸ್ಸುವಾಸಾ ಸುಶ್ರೋಣೀ ಸಂಸಾರಾರ್ಣವತಾರಿಣೀ ।
ಸಾಮಗಾನಪ್ರಿಯಾ ಸಾಧ್ವೀ ಸರ್ವಾಭರಣಭೂಷಿತಾ ॥ 13॥

ವೈಷ್ಣವೀ ವಿಮಲಾಕಾರಾ ಮಹೇನ್ದ್ರೀ ಮನ್ತ್ರರೂಪಿಣೀ ।
ಮಹಲಕ್ಷ್ಮೀರ್ಮಹಾಸಿದ್ಧಿರ್ಮಹಾಮಾಯಾ ಮಹೇಶ್ವರೀ ॥ 14॥

ಮೋಹಿನೀ ಮದನಾಕಾರಾ ಮಧುಸೂದನಚೋದಿತಾ ।
ಮೀನಾಕ್ಷೀ ಮಧುರಾವಾಸಾ ನಗೇನ್ದ್ರತನಾ ಉಮಾ ॥ 15॥

ತ್ರಿವಿಕ್ರಮಪದಾಕ್ರಾನ್ತಾ ತ್ರಿಸರ್ವಾ ತ್ರಿವಿಲೋಚನಾ ।
ಸೂರ್ಯಮಂಡಲಮಧ್ಯಸ್ಥಾ ಚನ್ದ್ರಮಂಡಲಸಂಸ್ಥಿತಾ ॥ 16॥

ವಹ್ನಿಮಂಡಲಮಧ್ಯಸ್ಥಾ ವಾಯುಮಂಡಲಸಂಸ್ಥಿತಾ ।
ವ್ಯೋಮಮಂಡಲಮಧ್ಯಸ್ಥಾ ಚಕ್ರಿಣೀ ಚಕ್ರರೂಪಿಣೀ ॥ 17॥

ಕಾಲಚಕ್ರವಿತಾನಸ್ಥಾ ಚನ್ದ್ರಮಂಡಲ ದರ್ಪಣಾ ।
ಜ್ಯೋತ್ಸ್ನಾತಪಾಸುಲಿಪ್ತಾಂಗೀ ಮಹಾಮಾರುತವೀಜಿತಾ ॥ 18॥

ಸರ್ವಮನ್ತ್ರಾಶ್ರಯಾ ಧೇನುಃ ಪಾಪಘ್ನೀ ಪರಮೇಶ್ವರೀ ।
ನಮಸ್ತೇಽಸ್ತು ಮಹಾಲಕ್ಷ್ಮಿ ಮಹಾಸಮ್ಪತ್ತಿದಾಯಿನಿ ॥ 19॥

ನಮಸ್ತೇ ಕರುಣಾಮೂರ್ತಿ ನಮಸ್ತೇ ಭಕ್ತವತ್ಸಲೇ ।
ಗಾಯತ್ರ್ಯಾಃ ಪ್ರಜಪೇದ್ಯಸ್ತು ನಾಮ್ನಾಮಷ್ಟೋತ್ತರಂ ಶತಮ್ ॥ 20॥

         ಫಲಶ್ರುತಿಃ ।
ತಸ್ಯ ಪುಣ್ಯಫಲಂ ರೋದ್ಧುಂ ಬ್ರಹ್ಮಣಾಪಿ ನ ಶಕ್ಯತೇ ।
ಪ್ರಾತಃಕಾಲೇ ಚ ಮಧ್ಯಾಹ್ನೇ ಸಾಯಹ್ನೇ ವಾ ದ್ವಿಜೋತ್ತಮ ॥ 21॥

ಯೇ ಪಠನ್ತೀಹ ಲೋಕೇಽಸ್ಮಿನ್ ಸರ್ವಾನ್ಕಾಮಾನವಾಪ್ನುಯಾತ್ ।
ಪಠನಾದೇವ ಗಾಯತ್ರೀ ನಾಮ್ನಾಮಷ್ಟೋತ್ತರಂ ಶತಮ್ ॥ 22॥

ಬ್ರಹ್ಮಹತ್ಯಾದಿ ಪಾಪೇಭ್ಯೋ ಮುಚ್ಯತೇ ನಾತ್ರ ಸಂಶಯಃ ।
ದಿನೇ ದಿನೇ ಪಠೇದ್ಯಸ್ತು ಗಾಯತ್ರೀಸ್ತವಮುತ್ತಮಮ್ ॥ 23॥

ಸ ನರೋ ಮೋಕ್ಷಮಾಪ್ನೋತಿ ಪುನರಾವೃತ್ತಿವರ್ಜಿತಂ
ಪುತ್ರಪ್ರದಮಪುತ್ರಾಣಾಂ ದರಿದ್ರಾಣಾಂ ಧನಪದಮ್ ॥ 24॥

ರೋಗಿಣಾಂ ರೋಗಶಮನಂ ಸರ್ವೈಶ್ವರ್ಯಪ್ರದಾಯಕಂ
ಬಹುನಾತ್ರ ಕಿಮುನಾ ಸ್ತೋತ್ರಂ ಶೀಘ್ರಂ ಫಲಪ್ರದಮ್ ॥ 25॥

ಇತಿ ಶ್ರೀಗಾಯತ್ರ್ಯಷ್ಟೋತ್ತರಶತನಾಮಸ್ತೋತ್ರಂ ಸಮ್ಪೂರ್ಣಮ್ ।
***********

श्री गायत्र्यष्टोत्तर शतनाम स्तोत्रम् 
हरिः ॐ ।
तरुणादित्यसङ्काशा सहस्रनयनोज्ज्वला ।
विचित्रमाल्याभरणा तुहिनाचलवासिनी ॥ १॥

वरदाभयहस्ताब्जा रेवातीरनिवासिनी ।
प्रणित्ययविशेषज्ञा यन्त्राकृतविराजित ॥ २॥

भद्रपादप्रिया चैव गोविन्दपथगामिनी ।
देवर्षिगणसन्तुष्टा वनमालाविभूषिता ॥ ३॥

स्यन्दनोत्तमसंस्था च धीरजीमूतनिःस्वना ।
मत्तमातङ्गगमना हिरण्यकमलासना ॥ ४॥

दीनजनोद्धारनिरता योगिनी योगधारिणी ।
नटनात्यैकनिरता प्रणवाद्यक्षरात्मिका ॥ ५॥

घोराचारा क्रियासक्ता दारिद्र्यच्छेदकारिणी ।
यादवेन्द्रकुलोद्भूता तुरीयपदगामिनी ॥ ६॥

गायत्री गोमती गङ्गा गौतमी गरुडासना ।
गेयगानप्रिया गौरी गोविन्दपदपूजिता ॥ ७॥

गन्धर्वनगरागारा गौरवर्णा गणेश्वरी ।
गुणाश्रया गुणवती गह्वरी गणपूजिता ॥ ८॥

गुणत्रयसमायुक्ता गुणत्रयविवर्जिता ।
गुहावासा गुणाधारा गुह्या गन्धर्वरूपिणी ॥ ९॥

गार्गप्रिया गुरुपदा गुहलिङ्गाङ्गधारिणी ।
सावित्री सूर्यतनया सुषुम्नानाडिभेदिनी ॥ १०॥

सुप्रकाशा सुखासीना सुमतिस्सुरपूजिता ।
सुषुप्त्यवस्था सुदती सुन्दरी सागराम्बरा ॥ ११॥

सुधांशुबिम्बवदना सुस्तनी सुविलोचना ।
सीता सत्त्वाश्रया सन्ध्या सुफला सुविधायिनी ॥ १२॥

सुभ्रूस्सुवासा सुश्रोणी संसारार्णवतारिणी ।
सामगानप्रिया साध्वी सर्वाभरणभूषिता ॥ १३॥

वैष्णवी विमलाकारा महेन्द्री मन्त्ररूपिणी ।
महलक्ष्मीर्महासिद्धिर्महामाया महेश्वरी ॥ १४॥

मोहिनी मदनाकारा मधुसूदनचोदिता ।
मीनाक्षी मधुरावासा नगेन्द्रतना उमा ॥ १५॥

त्रिविक्रमपदाक्रान्ता त्रिसर्वा त्रिविलोचना ।
सूर्यमण्डलमध्यस्था चन्द्रमण्डलसंस्थिता ॥ १६॥

वह्निमण्डलमध्यस्था वायुमण्डलसंस्थिता ।
व्योममण्डलमध्यस्था चक्रिणी चक्ररूपिणी ॥ १७॥

कालचक्रवितानस्था चन्द्रमण्डल दर्पणा ।
ज्योत्स्नातपासुलिप्ताङ्गी महामारुतवीजिता ॥ १८॥

सर्वमन्त्राश्रया धेनुः पापघ्नी परमेश्वरी ।
नमस्तेऽस्तु महालक्ष्मि महासम्पत्तिदायिनि ॥ १९॥

नमस्ते करुणामूर्ति नमस्ते भक्तवत्सले ।
गायत्र्याः प्रजपेद्यस्तु नाम्नामष्टोत्तरं शतम् ॥ २०॥

         फलश्रुतिः ।
तस्य पुण्यफलं रोद्धुं ब्रह्मणापि न शक्यते ।
प्रातःकाले च मध्याह्ने सायह्ने वा द्विजोत्तम ॥ २१॥

ये पठन्तीह लोकेऽस्मिन् सर्वान्कामानवाप्नुयात् ।
पठनादेव गायत्री नाम्नामष्टोत्तरं शतम् ॥ २२॥

ब्रह्महत्यादि पापेभ्यो मुच्यते नात्र संशयः ।
दिने दिने पठेद्यस्तु गायत्रीस्तवमुत्तमम् ॥ २३॥

स नरो मोक्षमाप्नोति पुनरावृत्तिवर्जितं
पुत्रप्रदमपुत्राणां दरिद्राणां धनपदम् ॥ २४॥

रोगिणां रोगशमनं सर्वैश्वर्यप्रदायकं
बहुनात्र किमुना स्तोत्रं शीघ्रं फलप्रदम् ॥ २५॥

इति श्रीगायत्र्यष्टोत्तरशतनामस्तोत्रं सम्पूर्णम् ।
**********