ಶ್ರೀ ದತ್ತ ಗುರುಸ್ತವಃ ದೋಧಕಮ್ ಆಪಟೀಕರ ವಿರಚಿಮ್ sri datta guru stavah dodhakam by aapateekara

श्रीदत्तगुरुस्तवः
Shri Dattaguru Stava

ಶ್ರೀದತ್ತಗುರುಸ್ತವಃ
(ದೋಧಕಮ್)

ಭಕ್ತಜನಾರ್ತಿ-ವಿಕರ್ತಿತ-ಕೀರ್ತಿ
ವೇದಚತುಷ್ಟಯಪೂಜಿತಮೂರ್ತಿಮ್ ।
ದಂಡ-ಕಮಂಡಲು-ಮಂಡಿತ-ಪಿಂಡಮಂ
ದತ್ತಗುರುಂ ಪ್ರಣಮಾಮಿ ಸದಾಽಹಮ್ ॥ 1॥

ಪಾಟಲ-ವಸ್ತ್ರ-ವಿಭೂಷಿತ-ದೇಹಂ
ಭಸ್ಮ-ವಿಭೂಷಿತ-ಗೌರ-ಶರೀರಮ್ ।
ಭೂತಿಕರಂ ಭವ-ಭೀತಿ-ಕುಠಾರಂ
ದತ್ತಗುರುಂ ಪ್ರಣಮಾಮಿ ಸದಾಽಹಮ್ ॥ 2॥

ಸಜ್ಜನ-ಪೋಷಣ-ರಕ್ಷಣ-ದಕ್ಷಂ
ದುರ್ಜನ-ಶಾಸನ-ಭಂಜನ-ಮಗ್ನಮ್ ।
ಸತ್ವರ-ದುಸ್ತರ-ದುಃಖಹರಂ ತಂ
ದತ್ತಗುರುಂ ಪ್ರಣಮಾಮಿ ಸದಾಽಹಮ್ ॥ 3॥

ದುಃಖಿತ-ವನ್ದಿತ-ಪಾದ-ಸರೋಜಂ
ಪದ್ಮ-ಸುಶೋಭಿತ-ದಕ್ಷಿಣ-ಹಸ್ತಮ್ ।
ಯೋಗ-ನಿಧಿ ನವ-ನಾಥ-ಸನಾಥಂ
ದತ್ತಗುರುಂ ಪ್ರಣಮಾಮಿ ಸದಾಽಹಮ್ ॥ 4॥

ಭೀತಿ-ಯುತೋ ಭವ-ಸಿನ್ಧು-ನಿಮಗ್ನ-
ಸ್ತ್ವಚ್ಚರಣಂ ಕರವಾಣಿ ಶರಣ್ಯಮ್ ।
ಅತ್ರಿಸುತಂ ತ್ರಿಗುಣಾದಿ-ವಿಹೀನಂ
ದತ್ತಗುರುಂ ಪ್ರಣಮಾಮಿ ಸದಾಽಹಮ್ ॥ 5॥

ಸ್ನಾಸ್ಯವಿಮುಕ್ತಕ-ತೀರ್ಥ-ಜಲೌಘೇ
ಪ್ರಾರ್ಥಯಸೇಽನ್ನಕಣಾನ್ ಕರವೀರೇ ।
ತ್ವನ್ಮಹಿಮಾ ನ ಹಿ ಮಾನಮವೈತಿ
ತ್ರಾಹಿಗುರೋ ಪ್ರಣಮಾಮಿ ಸದಾಽಹಮ್ ॥ 6॥

ದುಃಖ-ಹುತಾಶನ-ತಪ್ತಮಧೀರಂ
ದತ್ತ ದಯಾರ್ಣವ ದೀನಜನಂ ಮಾಮ್ ।
ತಾರಯ ಪಾಹಿ ನಿರನ್ತರ-ತಪ್ತಂ
ದತ್ತಗುರೋ ಪ್ರಣಮಾಮಿ ಸದಾಽಹಮ್ ॥ 7॥

ನಾಭಿಜ-ವಿಷ್ಣು-ಸದಾಶಿವ-ಮೂರ್ತಿ
ದೀನ-ಜನಾವನ-ತತ್ಪರ-ವೃತ್ತಿಮ್ ।
ವಿಶ್ವ-ವಿಷಾದ-ವಿನಾಶನ-ದಕ್ಷಂ
ದತ್ತಗುರುಂ ಪ್ರಣಮಾಮಿ ಸದಾಽಹಮ್ ॥ 8॥

ಅಷ್ಟಕಮತ್ರಿಸುತಸ್ಯ ಸುಗೇಯಂ
ದೋಧಕ-ವೃತ್ತಮಿದಂ ರಮಣೀಯಮ್ ।
ಶ್ರೀಗುರುನಾಮ ಸದಾ ನಮನೀಯಂ
ಭಕ್ತಜನೈಃ ಸತತಂ ಸ್ಮರಣೀಯಮ್ ॥ 9॥

ಇತಿ ಶ್ರೀ ಆಪಟೀಕರವಿರಚಿತಃ ಶ್ರೀದತ್ತಗುರುಸ್ತವಃ ಸಮ್ಪೂರ್ಣಃ ।
*******