ಲಕ್ಷ್ಮೀ ಕವಚಂ ಬ್ರಹ್ಮೋಕ್ತಮ್ लक्ष्मी कवचं laxmi kavacham by brahma

ShrI Laxmi Kavacham 2 ..
॥ ಶ್ರೀಲಕ್ಷ್ಮೀಕವಚಮ್ 2 ॥

ಶುಕಂ ಪ್ರತಿ ಬ್ರಹ್ಮೋವಾಚ
Efficacy of the kavacham
ಮಹಾಲಕ್ಷ್ಮ್ಯಾಃ ಪ್ರವಕ್ಷ್ಯಾಮಿ ಕವಚಂ ಸರ್ವಕಾಮದಮ್ ।
ಸರ್ವಪಾಪಪ್ರಶಮನಂ ದುಷ್ಟವ್ಯಾಧಿವಿನಾಶನಮ್ ॥ 1॥

ಗ್ರಹಪೀಡಾಪ್ರಶಮನಂ ಗ್ರಹಾರಿಷ್ಟಪ್ರಭಂಜನಮ್ ।
ದುಷ್ಟಮೃತ್ಯುಪ್ರಶಮನಂ ದುಷ್ಟದಾರಿದ್ರ್ಯನಾಶನಮ್ ॥ 2॥

ಪುತ್ರಪೌತ್ರಪ್ರಜನನಂ ವಿವಾಹಪ್ರದಮಿಷ್ಟದಮ್ ।
ಚೋರಾರಿಹಂ ಚ ಜಪತಾಂ ಅಖಿಲೇಪ್ಸಿತದಾಯಕಮ್ ॥ 3॥

ಸಾವಧಾನಮನಾ ಭೂತ್ವಾ ಶ್ರುಣು ತ್ವಂ ಶುಕ ಸತ್ತಮ ।
ಅನೇಕಜನ್ಮಸಂಸಿದ್ಧಿಲಭ್ಯಂ ಮುಕ್ತಿಫಲಪ್ರದಮ್ ॥ 4॥

ಧನಧಾನ್ಯಮಹಾರಾಜ್ಯಸರ್ವಸೌಭಾಗ್ಯಕಲ್ಪಕಮ್ ।
ಸಕೃತ್ಸ್ಮರಣಮಾತ್ರೇಣ ಮಹಾಲಕ್ಷ್ಮೀಃ ಪ್ರಸೀದತಿ ॥ 5॥

Head-to-Toe description of Shri Laxmi
ಕ್ಷೀರಾಬ್ಧಿಮಧ್ಯೇ ಪದ್ಮಾನಾಂ ಕಾನನೇ ಮಣಿಮಂಟಪೇ ।
ತನ್ಮಧ್ಯೇ ಸುಸ್ಥಿತಾಂ ದೇವೀಂ ಮನೀಷಾಜನಸೇವಿತಾಮ್ ॥ 6॥

ಸುಸ್ನಾತಾಂ ಪುಷ್ಪಸುರಭಿಕುಟಿಲಾಲಕಬನ್ಧನಾಮ್ ।
ಪೂರ್ಣೇನ್ದುಬಿಮ್ಬವದನಾಂ ಅರ್ಧಚನ್ದ್ರಲಲಾಟಿಕಾಮ್ ॥ 7॥

ಇನ್ದೀವರೇಕ್ಷಣಾಂ ಕಾಮಕೋದಂಡಭ್ರುವಮೀಶ್ವರೀಮ್ ।
ತಿಲಪ್ರಸವಸಂಸ್ಪರ್ಧಿನಾಸಿಕಾಲಂಕೃತಾಂ ಶ್ರಿಯಮ್ ॥ 8॥

ಕುನ್ದಕುಡ್ಮಲದನ್ತಾಲಿಂ ಬನ್ಧೂಕಾಧರಪಲ್ಲವಾಮ್ ।
ದರ್ಪಣಾಕಾರವಿಮಲಕಪೋಲದ್ವಿತಯೋಜ್ಜ್ವಲಾಮ್ ॥ 9॥

ರತ್ನತಾಟಂಕಕಲಿತಕರ್ಣದ್ವಿತಯಸುನ್ದರಾಮ್ ।
ಮಾಂಗಲ್ಯಾಭರಣೋಪೇತಾಂ ಕಮ್ಬುಕಂಠೀಂ ಜಗತ್ಪ್ರಿಯಾಮ್ ॥ 10॥

ತಾರಹಾರಿಮನೋಹಾರಿಕುಚಕುಮ್ಭವಿಭೂಷಿತಾಮ್ ।
ರತ್ನಾಂಗದಾದಿಲಲಿತಕರಪದ್ಮಚತುಷ್ಟಯಾಮ್ ॥ 11॥

ಕಮಲೇ ಚ ಸುಪತ್ರಾಢ್ಯೇ ಹ್ಯಭಯಂ ದಧತೀಂ ವರಮ್ ।
ರೋಮರಾಜಿಕಲಾಚಾರುಭುಗ್ನನಾಭಿತಲೋದರೀಮ್ ॥ 12॥

ಪತ್ತವಸ್ತ್ರಸಮುದ್ಭಾಸಿಸುನಿತಂಬಾದಿಲಕ್ಷಣಾಮ್ ।
ಕಾಂಚನಸ್ತಮ್ಭವಿಭ್ರಾಜದ್ವರಜಾನೂರುಶೋಭಿತಾಮ್ ॥ 13॥

ಸ್ಮರಕಾಹ್ಲಿಕಾಗರ್ವಹಾರಿಜಂಭಾಂ ಹರಿಪ್ರಿಯಾಮ್ ।
ಕಮಠೀಪೃಷ್ಠಸದೃಶಪಾದಾಬ್ಜಾಂ ಚನ್ದ್ರಸನ್ನಿಭಾಮ್ ॥ 14॥

ಪಂಕಜೋದರಲಾವಣ್ಯಸುನ್ದರಾಂಘ್ರಿತಲಾಂ ಶ್ರಿಯಮ್ ।
ಸರ್ವಾಭರಣಸಂಯುಕ್ತಾಂ ಸರ್ವಲಕ್ಷಣಲಕ್ಷಿತಾಮ್ ॥ 15॥

ಪಿತಾಮಹಮಹಾಪ್ರೀತಾಂ ನಿತ್ಯತೃಪ್ತಾಂ ಹರಿಪ್ರಿಯಾಮ್ ।
ನಿತ್ಯಂ ಕಾರುಣ್ಯಲಲಿತಾಂ ಕಸ್ತೂರೀಲೇಪಿತಾಂಗಿಕಾಮ್ ॥ 16॥

ಸರ್ವಮನ್ತ್ರಮಯಾಂ ಲಕ್ಷ್ಮೀಂ ಶ್ರುತಿಶಾಸ್ತ್ರಸ್ವರೂಪಿಣೀಮ್ ।
ಪರಬ್ರಹ್ಮಮಯಾಂ ದೇವೀಂ ಪದ್ಮನಾಭಕುಟುಂಬಿನೀಮ್ ।
ಏವಂ ಧ್ಯಾತ್ವಾ ಮಹಾಲಕ್ಷ್ಮೀಂ ಪಠೇತ್ ತತ್ಕವಚಂ ಪರಮ್ ॥ 17॥

ಧ್ಯಾನಮ್ ।
ಏಕಂ ನ್ಯಂಚ್ಯನತಿಕ್ಷಮಂ ಮಮಪರಂ ಚಾಕುಂಚ್ಯಪದಾಂಬುಜಂ
ಮಧ್ಯೇ ವಿಷ್ಟರಪುಂಡರೀಕಮಭಯಂ ವಿನ್ಯಸ್ತಹಸ್ತಾಮ್ಬುಜಮ್ ।
ತ್ವಾಂ ಪಶ್ಯೇಮ ನಿಷೇದುಷೀಮನುಕಲಂಕಾರುಣ್ಯಕೂಲಂಕಷ-
ಸ್ಫಾರಾಪಾಂಗತರಂಗಮಮ್ಬ ಮಧುರಂ ಮುಗ್ಧಂ ಮುಖಂ ಬಿಭ್ರತೀಮ್ ॥ 18॥

ಅಥ ಕವಚಮ್ ।
ಮಹಾಲಕ್ಷ್ಮೀಃ ಶಿರಃ ಪಾತು ಲಲಾಟಂ ಮಮ ಪಂಕಜಾ ।
ಕರ್ಣೇ ರಕ್ಷೇದ್ರಮಾ ಪಾತು ನಯನೇ ನಲಿನಾಲಯಾ ॥ 19॥

ನಾಸಿಕಾಮವತಾದಂಬಾ ವಾಚಂ ವಾಗ್ರೂಪಿಣೀ ಮಮ ।
ದನ್ತಾನವತು ಜಿಹ್ವಾಂ ಶ್ರೀರಧರೋಷ್ಠಂ ಹರಿಪ್ರಿಯಾ ॥ 20॥

ಚುಬುಕಂ ಪಾತು ವರದಾ ಗಲಂ ಗನ್ಧರ್ವಸೇವಿತಾ ।
ವಕ್ಷಃ ಕುಕ್ಷಿಂ ಕರೌ ಪಾಯೂಂ ಪೃಷ್ಠಮವ್ಯಾದ್ರಮಾ ಸ್ವಯಮ್ ॥ 21॥

ಕಟಿಮೂರುದ್ವಯಂ ಜಾನು ಜಘಂ ಪಾತು ರಮಾ ಮಮ ।
ಸರ್ವಾಂಗಮಿನ್ದ್ರಿಯಂ ಪ್ರಾಣಾನ್ ಪಾಯಾದಾಯಾಸಹಾರಿಣೀ ॥ 22॥

ಸಪ್ತಧಾತೂನ್ ಸ್ವಯಂ ಚಾಪಿ ರಕ್ತಂ ಶುಕ್ರಂ ಮನೋ ಮಮ ।
ಜ್ಞಾನಂ ಬುದ್ಧಿಂ ಮಹೋತ್ಸಾಹಂ ಸರ್ವಂ  ಮೇ ಪಾತು ಪಂಕಜಾ ॥ 23॥

ಮಯಾ ಕೃತಂ ಚ ಯತ್ಕಿಂಚಿತ್ತತ್ಸರ್ವಂ ಪಾತು ಸೇನ್ದಿರಾ ।
ಮಮಾಯುರವತಾತ್ ಲಕ್ಷ್ಮೀಃ ಭಾರ್ಯಾಂ ಪುತ್ರಾಂಶ್ಚ ಪುತ್ರಿಕಾ ॥ 24॥

ಮಿತ್ರಾಣಿ ಪಾತು ಸತತಮಖಿಲಾನಿ  ಹರಿಪ್ರಿಯಾ ।
ಪಾತಕಂ ನಾಶಯೇತ್ ಲಕ್ಷ್ಮೀಃ ಮಹಾರಿಷ್ಟಂ ಹರೇದ್ರಮಾ ॥ 25॥

ಮಮಾರಿನಾಶನಾರ್ಥಾಯ ಮಾಯಾಮೃತ್ಯುಂ ಜಯೇದ್ಬಲಮ್ ।
ಸರ್ವಾಭೀಷ್ಟಂ ತು ಮೇ ದದ್ಯಾತ್ ಪಾತು ಮಾಂ ಕಮಲಾಲಯಾ॥ 26॥

ಫಲಶ್ರುತಿಃ ।
ಯ ಇದಂ ಕವಚಂ ದಿವ್ಯಂ ರಮಾತ್ಮಾ ಪ್ರಯತಃ ಪಠೇತ್ ।
ಸರ್ವಸಿದ್ಧಿಮವಾಪ್ನೋತಿ ಸರ್ವರಕ್ಷಾಂ ತು ಶಾಶ್ವತೀಮ್  ॥ 27॥

ದೀರ್ಘಾಯುಷ್ಮಾನ್ ಭವೇನ್ನಿತ್ಯಂ ಸರ್ವಸೌಭಾಗ್ಯಕಲ್ಪಕಮ್ ।
ಸರ್ವಜ್ಞಃ ಸರ್ವದರ್ಶೀ ಚ ಸುಖದಶ್ಚ ಶುಭೋಜ್ಜ್ವಲಃ ॥ 28॥

ಸುಪುತ್ರೋ ಗೋಪತಿಃ ಶ್ರೀಮಾನ್ ಭವಿಷ್ಯತಿ ನ ಸಂಶಯಃ ।
ತದ್ಗೃಹೇ ನ ಭವೇದ್ಬ್ರಹ್ಮನ್ ದಾರಿದ್ರ್ಯದುರಿತಾದಿಕಮ್ ॥ 29॥

ನಾಗ್ನಿನಾ ದಹ್ಯತೇ ಗೇಹಂ ನ ಚೋರಾದ್ಯೈಶ್ಚ ಪೀಡ್ಯತೇ ।
ಭೂತಪ್ರೇತಪಿಶಾಚಾದ್ಯಾಃ ಸಂತ್ರಸ್ತಾ ಯಾನ್ತಿ ದೂರತಃ ॥ 30॥

ಲಿಖಿತ್ವಾ ಸ್ಥಾಪಯೇದ್ಯತ್ರ ತತ್ರ ಸಿದ್ಧಿರ್ಭವೇತ್ ಧ್ರುವಮ್ ।
ನಾಪಮೃತ್ಯುಮವಾಪ್ನೋತಿ ದೇಹಾನ್ತೇ ಮುಕ್ತಿಭಾಗ್ಭವೇತ್ ॥ 31॥

ಆಯುಷ್ಯಂ ಪೌಷ್ಟಿಕಂ ಮೇಧ್ಯಂ ಧಾನ್ಯಂ ದುಃಸ್ವಪ್ನನಾಶನಮ್ ।
ಪ್ರಜಾಕರಂ ಪವಿತ್ರಂ ಚ ದುರ್ಭಿಕ್ಷರ್ತಿವಿನಾಶನಮ್ ॥ 32॥

ಚಿತ್ತಪ್ರಸಾದಜನನಂ ಮಹಾಮೃತ್ಯುಪ್ರಶಾನ್ತಿದಮ್  ।
ಮಹಾರೋಗಜ್ವರಹರಂ ಬ್ರಹ್ಮಹತ್ಯಾದಿಶೋಧನಮ್ ॥ 33॥

ಮಹಾಧನಪ್ರದಂ ಚೈವ ಪಠಿತವ್ಯಂ ಸುಖಾರ್ಥಿಭಿಃ ।
ಧನಾರ್ಥೀ ಧನಮಾಪ್ನೋತಿ ವಿವಹಾರ್ಥೀ ಲಭೇದ್ವಧೂಮ್ ॥ 34॥

ವಿದ್ಯಾರ್ಥೀ ಲಭತೇ ವಿದ್ಯಾಂ ಪುತ್ರಾರ್ಥೀ ಗುಣವತ್ಸುತಮ್ ।
ರಾಜ್ಯಾರ್ಥೀ  ರಾಜ್ಯಮಾಪ್ನೋತಿ ಸತ್ಯಮುಕ್ತಂ  ಮಯಾ ಶುಕ ॥ 35॥

ಏತದ್ದೇವ್ಯಾಃಪ್ರಸಾದೇನ ಶುಕಃ ಕವಚಮಾಪ್ತವಾನ್ ।
ಕವಚಾನುಗ್ರಹೇಣೈವ ಸರ್ವಾನ್ ಕಾಮಾನವಾಪ ಸಃ ॥ 36॥

   ಇತಿ ಲಕ್ಷ್ಮೀಕವಚಂ ಬ್ರಹ್ಮಸ್ತೋತ್ರಂ ಸಮಾಪ್ತಮ್ ।
*************

॥ श्रीलक्ष्मीकवचम् २ ॥

शुकं प्रति ब्रह्मोवाच
Efficacy of the kavacham
महालक्ष्म्याः प्रवक्ष्यामि कवचं सर्वकामदम् ।
सर्वपापप्रशमनं दुष्टव्याधिविनाशनम् ॥ १॥

ग्रहपीडाप्रशमनं ग्रहारिष्टप्रभञ्जनम् ।
दुष्टमृत्युप्रशमनं दुष्टदारिद्र्यनाशनम् ॥ २॥

पुत्रपौत्रप्रजननं विवाहप्रदमिष्टदम् ।
चोरारिहं च जपतां अखिलेप्सितदायकम् ॥ ३॥

सावधानमना भूत्वा श्रुणु त्वं शुक सत्तम ।
अनेकजन्मसंसिद्धिलभ्यं मुक्तिफलप्रदम् ॥ ४॥

धनधान्यमहाराज्यसर्वसौभाग्यकल्पकम् ।
सकृत्स्मरणमात्रेण महालक्ष्मीः प्रसीदति ॥ ५॥

Head-to-Toe description of Shri Laxmi
क्षीराब्धिमध्ये पद्मानां कानने मणिमण्टपे ।
तन्मध्ये सुस्थितां देवीं मनीषाजनसेविताम् ॥ ६॥

सुस्नातां पुष्पसुरभिकुटिलालकबन्धनाम् ।
पूर्णेन्दुबिम्बवदनां अर्धचन्द्रललाटिकाम् ॥ ७॥

इन्दीवरेक्षणां कामकोदण्डभ्रुवमीश्वरीम् ।
तिलप्रसवसंस्पर्धिनासिकालङ्कृतां श्रियम् ॥ ८॥

कुन्दकुड्मलदन्तालिं बन्धूकाधरपल्लवाम् ।
दर्पणाकारविमलकपोलद्वितयोज्ज्वलाम् ॥ ९॥

रत्नताटङ्ककलितकर्णद्वितयसुन्दराम् ।
माङ्गल्याभरणोपेतां कम्बुकण्ठीं जगत्प्रियाम् ॥ १०॥

तारहारिमनोहारिकुचकुम्भविभूषिताम् ।
रत्नाङ्गदादिललितकरपद्मचतुष्टयाम् ॥ ११॥

कमले च सुपत्राढ्ये ह्यभयं दधतीं वरम् ।
रोमराजिकलाचारुभुग्ननाभितलोदरीम् ॥ १२॥

पत्तवस्त्रसमुद्भासिसुनितंबादिलक्षणाम् ।
काञ्चनस्तम्भविभ्राजद्वरजानूरुशोभिताम् ॥ १३॥

स्मरकाह्लिकागर्वहारिजंभां हरिप्रियाम् ।
कमठीपृष्ठसदृशपादाब्जां चन्द्रसन्निभाम् ॥ १४॥

पङ्कजोदरलावण्यसुन्दराङ्घ्रितलां श्रियम् ।
सर्वाभरणसंयुक्तां सर्वलक्षणलक्षिताम् ॥ १५॥

पितामहमहाप्रीतां नित्यतृप्तां हरिप्रियाम् ।
नित्यं कारुण्यललितां कस्तूरीलेपिताङ्गिकाम् ॥ १६॥

सर्वमन्त्रमयां लक्ष्मीं श्रुतिशास्त्रस्वरूपिणीम् ।
परब्रह्ममयां देवीं पद्मनाभकुटुंबिनीम् ।
एवं ध्यात्वा महालक्ष्मीं पठेत् तत्कवचं परम् ॥ १७॥

ध्यानम् ।
एकं न्यंच्यनतिक्षमं ममपरं चाकुंच्यपदांबुजं
मध्ये विष्टरपुण्डरीकमभयं विन्यस्तहस्ताम्बुजम् ।
त्वां पश्येम निषेदुषीमनुकलंकारुण्यकूलंकष-
स्फारापाङ्गतरङ्गमम्ब मधुरं मुग्धं मुखं बिभ्रतीम् ॥ १८॥

अथ कवचम् ।
महालक्ष्मीः शिरः पातु ललाटं मम पङ्कजा ।
कर्णे रक्षेद्रमा पातु नयने नलिनालया ॥ १९॥

नासिकामवतादंबा वाचं वाग्रूपिणी मम ।
दन्तानवतु जिह्वां श्रीरधरोष्ठं हरिप्रिया ॥ २०॥

चुबुकं पातु वरदा गलं गन्धर्वसेविता ।
वक्षः कुक्षिं करौ पायूं पृष्ठमव्याद्रमा स्वयम् ॥ २१॥

कटिमूरुद्वयं जानु जघं पातु रमा मम ।
सर्वाङ्गमिन्द्रियं प्राणान् पायादायासहारिणी ॥ २२॥

सप्तधातून् स्वयं चापि रक्तं शुक्रं मनो मम ।
ज्ञानं बुद्धिं महोत्साहं सर्वं  मे पातु पङ्कजा ॥ २३॥

मया कृतं च यत्किञ्चित्तत्सर्वं पातु सेन्दिरा ।
ममायुरवतात् लक्ष्मीः भार्यां पुत्रांश्च पुत्रिका ॥ २४॥

मित्राणि पातु सततमखिलानि  हरिप्रिया ।
पातकं नाशयेत् लक्ष्मीः महारिष्टं हरेद्रमा ॥ २५॥

ममारिनाशनार्थाय मायामृत्युं जयेद्बलम् ।
सर्वाभीष्टं तु मे दद्यात् पातु मां कमलालया॥ २६॥

फलश्रुतिः ।
य इदं कवचं दिव्यं रमात्मा प्रयतः पठेत् ।
सर्वसिद्धिमवाप्नोति सर्वरक्षां तु शाश्वतीम्  ॥ २७॥

दीर्घायुष्मान् भवेन्नित्यं सर्वसौभाग्यकल्पकम् ।
सर्वज्ञः सर्वदर्शी च सुखदश्च शुभोज्ज्वलः ॥ २८॥

सुपुत्रो गोपतिः श्रीमान् भविष्यति न संशयः ।
तद्गृहे न भवेद्ब्रह्मन् दारिद्र्यदुरितादिकम् ॥ २९॥

नाग्निना दह्यते गेहं न चोराद्यैश्च पीड्यते ।
भूतप्रेतपिशाचाद्याः संत्रस्ता यान्ति दूरतः ॥ ३०॥

लिखित्वा स्थापयेद्यत्र तत्र सिद्धिर्भवेत् ध्रुवम् ।
नापमृत्युमवाप्नोति देहान्ते मुक्तिभाग्भवेत् ॥ ३१॥

आयुष्यं पौष्टिकं मेध्यं धान्यं दुःस्वप्ननाशनम् ।
प्रजाकरं पवित्रं च दुर्भिक्षर्तिविनाशनम् ॥ ३२॥

चित्तप्रसादजननं महामृत्युप्रशान्तिदम्  ।
महारोगज्वरहरं ब्रह्महत्यादिशोधनम् ॥ ३३॥

महाधनप्रदं चैव पठितव्यं सुखार्थिभिः ।
धनार्थी धनमाप्नोति विवहार्थी लभेद्वधूम् ॥ ३४॥

विद्यार्थी लभते विद्यां पुत्रार्थी गुणवत्सुतम् ।
राज्यार्थी  राज्यमाप्नोति सत्यमुक्तं  मया शुक ॥ ३५॥

एतद्देव्याःप्रसादेन शुकः कवचमाप्तवान् ।
कवचानुग्रहेणैव सर्वान् कामानवाप सः ॥ ३६॥


   इति लक्ष्मीकवचं ब्रह्मस्तोत्रं समाप्तम् ।
**********