ಕಾಲಭೈರವ ಸಹಸ್ರ ನಾಮ ಸ್ತೋತ್ರಮ್ ಉಮಾಮಹೇಶ್ವರ ಸಂವಾದೇ कालभैरव सहस्र नाम स्तोत्रम् kalabhairava sahasranama stotram

traditional
Kalabhairava sahasranAma stotram 
 ಕಾಲಭೈರವ ಸಹಸ್ರ ನಾಮ ಸ್ತೋತ್ರಮ್ 

ಶ್ರೀ ಗಣೇಶಾಯ ನಮಃ ।
ಕೈಲಾಸಶಿಖರೇ ರಮ್ಯೇ ದೇವದೇವಂ ಜಗದ್ಗುರುಮ್ ।
ಪಪ್ರಚ್ಛ ಪಾರ್ವತೀಕಾನ್ತಂ ಶಂಕರಂ ಲೋಕನಾಯಕಮ್ ॥ 1॥

ಪಾರ್ವತ್ಯುವಾಚ ।
ದೇವದೇವ ಮಹಾದೇವ ಸರ್ವಜ್ಞ ಸುಖದಾಯಕ ।
ಆಪದುಃಖದಾರಿದ್ರ್ಯಾದಿ ಪೀಡಿತಾನಾಂ ನೃಣಾಂ ವಿಭೋ ॥ 2॥

ಯದ್ವಿತ್ತಂ ಸುಖಸಮ್ಪತ್ತಿಧನಧಾನ್ಯಕರಂ ಸದಾ ।
ವಿಶೇಷತೋ ರಾಜಕುಲೇ ಶಾನ್ತಿ ಪುಷ್ಟಿ ಪ್ರದಾಯಕಮ್ ॥ 3॥

ಬಾಲಗ್ರಹಾದಿ ಶಮನಂ ನಾನಾ ಸಿದ್ಧಿಕರಂ ನೃಣಾಮ್ ।
ನೋಕ್ತಪೂರ್ವಂಚಯನ್ನಾಥ ಧ್ಯಾನಪೂಜಾ ಸಮನ್ವಿತಮ್ ॥ 4॥

ವಕ್ತುಮರ್ಹಸ್ಯ ಶೇಷೇಣ ಮಮಾನನ್ದ ಕರಂ ಪರಮ್ ।
ಈಶ್ವರ ಉವಾಚ ।
ಸ್ತವರಾಜಂ ಮಹಾಮನ್ತ್ರಂ ಭೈರವಸ್ಯ ಶ‍ೃಣು ಪ್ರಿಯೇ ॥ 5॥

ಸರ್ವಕಾಮಾರ್ಥದಂ ದೇವಿ ರಾಜ್ಯಭೋಗಪ್ರದಂ ನೃಣಾಮ್ ।
ಸ್ಮರಣಾತ್ಸ್ತವರಾಜಸ್ಯ ಭೂತಪ್ರೇತ ಪಿಶಾಚಕಾಃ ॥ 6॥

ವಿದ್ರವನ್ತ್ಯಭಿತೋಭಿತಾಃ ಕಾಲರುದ್ರಾದಿವಪ್ರಜಾಃ ।
ಏಕತಃ ಪನ್ನಗಾಃ ಸರ್ವೇ ಗರುಡಶ್ಚೈಕತಸ್ತಥಾ ॥ 7॥

ಏಕತೋ ಘನಸಂಘಾತಾಶ್ಚಂಡವಾತೋಯಥೈಕತಃ ।
ಏಕತಃ ಪರ್ವತಾಃ ಸರ್ವೇ ದಮ್ಭೋಲಿಸ್ತ್ವೇಕಸ್ತಥಾ ॥ 8॥

ಏಕತೋ ದೈತ್ಯಸಂಘಾತಾಹ್ಯಕತಃ ಸ್ಯಾತ್ಸುದರ್ಶನಮ್ ।
ಏಕತಃ ಕಾಷ್ಠ ಸಂಘಾತಾ ಏಕತೋಗ್ನಿಕಣೋಯಥಾ ॥ 9॥

ಘನಾನ್ಧಕಾರಸ್ತ್ವೇಕತ್ರ ತಪನಸ್ತ್ವೇಕತಸ್ತಥಾ ।
ತಥೈವಾಸ್ಯ ಪ್ರಭಾವಸ್ತು ಸ್ಮೃತಮಾತ್ರೇ ನ ದೃಶ್ಯತೇ ॥ 10॥

ಸ್ತವರಾಜಂ ಭೈರವಸ್ಯ ಜಪಾತ್ಸಿದ್ಧಿಮವಾಪ್ನುಯಾತ್ ।
ಲಿಖಿತ್ವಾಯದ್ಗೃಹೇ ದೇವಿ ಸ್ಥಾಪಿತಂ ಸ್ತವಮುತ್ತಮಮ್ ॥ 11॥

ತದ್ಗೃಹಂ ನಾಭಿಭೂಯೇತ ಭೂತಪ್ರೇತಾದಿಭಿರ್ಗ್ರಹೈಃ ।
ಸಾಮ್ರಾಜ್ಯಂ ಸರ್ವಸಮ್ಪತ್ತಿಃ ಸಮೃದ್ಧಿ ಲಭ್ಯತೇ ಸುಖಮ್ ॥ 12॥

ತತ್ಕುಲಂ ನನ್ದತೇ ಪುಂಸಾಮ್ಪುತ್ರಪೌತ್ರಾದಿಭಿರ್ಧೃವಮ್ ।
ಪಾರ್ವತ್ಯುವಾಚ ।
ಯಸ್ತ್ವಯಾ ಕಥಿತೋ ದೇವ ಭೈರವಃ ಸ್ತೋತ್ರಮುತ್ತಮಮ್ ॥ 13॥

ಅಗಣ್ಯ ಮಹಿಮಾ ಸಿನ್ಧುಃ ಶ್ರುತೋ ಮೇ ಬಹುಧಾ ವಿಭೋ ।
ತಸ್ಯ ನಾಮಾನ್ಯನನ್ತಾನಿ ಪ್ರಯುತಾನ್ಯರ್ಬುದಾನಿ ಚ ॥ 14॥

ಸನ್ತಿ ಸತ್ಯಂ ಪುರಾ ಜ್ಞಾತಂ ಮಯಾ ವೈ ಪರಮೇಶ್ವರ ।
ಸಾರಾತ್ಸಾರಂ ಸಮುಧೃತ್ಯ ತೇಷು ನಾಮ ಸಹಸ್ರಕಮ್ ॥ 15॥

ಬ್ರೂಹಿ ಮೇ ಕರುಣಾಕಾನ್ತ ಮಮಾನನ್ದ ವರ್ದ್ಧನ ।
ಯನ್ನಿತ್ಯಂ ಕೀರ್ತಯೇನ್ಮರ್ತ್ಯಃ ಸರ್ವದುಃಖವಿವರ್ಜಿತಃ ॥ 16॥

ಸರ್ವಾನ್ಕಾಮಾನ್ವಾಪ್ನೋತಿ ಸರ್ವಸಿದ್ಧಿಂಚ ವಿನ್ದತಿ ।
ಸಾಧಕಃ ಶ್ರದ್ಧಯಾಯುಕ್ತಃ ಸರ್ವಾಧಿಕ್ಯೋರ್ಕಸದ್ಯುತಿಃ ॥ 17॥

ಅಪ್ರಧೃಷ್ಯಶ್ಚ ಭವತಿ ಸಂಗ್ರಾಮಾಂಗಣ ಮೂರ್ದ್ಧತಿ ।
ನಾಗ್ನಿಚೋರಭಯಂ ತಸ್ಯ ಗ್ರಹರಾಜ ಭಯಂ ನ ಚ ॥ 18॥

ನ ಚ ಮಾರೀ ಭಯಂ ತಸ್ಯ ವ್ಯಾಘ್ರಚೋರಭಯಂ ನ ಚ ।
ಶತ್ರುಣಾಂ ಶಸ್ತ್ರಸಂಘಾತೇ ಭಯಂ ಕ್ವಾಪಿ ನ ಜಾಯತೇ ॥ 19॥

ಆಯುರಾರೋಗ್ಯಮೈಶ್ವರ್ಯಂ ಪುತ್ರ ಪೌತ್ರಾದಿ ಸಮ್ಪದಃ ।
ಭವತಿ ಕೀರ್ತನಾದ್ಯಸ್ಯತ್ಬ್ರೂಹಿ ಕರುಣಾಕರ ॥ 20॥

ಈಶ್ವರ ಉವಾಚ ।
ನಾಮ್ನಾಂ ಸಹಸ್ರಂ ದಿವ್ಯಾನಂ ಭೈರವಸ್ಯ ಭವತ್ಕೃತೇ ।
ವಕ್ಷ್ಯಾಮಿ ತತ್ವತಃ ಸಮ್ಯಕ್ ಸಾರಾತ್ಸಾರತರಂ ಶುಭಮ್ ॥ 21॥

ಸರ್ವಪಾಪಹರಂ ಪುಣ್ಯಂ ಸರ್ವೋಪದ್ರವ ನಾಶನಮ್ ।
ಸರ್ವಸಮ್ಪತ್ಪ್ರದಂ ಚೈವ ಸಾಧಕಾನಂ ಸುಖಾವಹಮ್ ॥ 22॥

ಸರ್ವ ಮಂಗಲಮಾಂಗಲ್ಯಂ ಸರ್ವವ್ಯಾಧಿನಿವಾರಣಮ್ ।
ಆಯುಃಕರಂ ಪುಷ್ಟಿಕರಂ ಶ್ರೀಕರಂ ಚ ಯಶಸ್ಕರಮ್ ॥ 23॥

ಭೈರವ ಸ್ತವರಾಜಸ್ಯ ಮಹಾದೇವ ಋಷಿಃ ಸ್ಮೃತಃ ।
ಭೈರವೋದೇವತಾಽನುಷ್ಟುಪ್ಛನ್ದಶ್ಚೈವ ಪ್ರಕೀರ್ತಿತಮ್ ॥ 24॥

ಸರ್ವಕಾರ್ಯಪ್ರಸಿದ್ಧ್ಯರ್ಥಂ ಪ್ರೀತಯೇ ಭೈರವಸ್ಯಹಿ ।
ಕರಿಷ್ಯೇ ಹಂ ಜಪಮಿತಿ ಸಂಕಲ್ಪ್ಯಾದೌಪುಮಾನ್ಸುಧೀಃ ॥ 25॥

ಋಷಿಃ ಶಿರಸಿ ವಿನ್ಯಸ್ಯ ಛನ್ದಸ್ತು ಮುಖತೋ ನ್ಯಸೇತ್ ।
ದೇವತಾಂ ಹೃದಯೇನ್ಯಸ್ಯ ತತೋ ನ್ಯಾಸಂ ಸಮಾಚರೇತ್ ॥ 26॥

ಭೈರವಂ ಶಿರಸಿನ್ಯಸ್ಯ ಲಲಾಟೇ ಭೀಮದರ್ಶನಮ್ ।
ನೇತ್ರಯೋ ಭೂತಹನನಂ ಸಾರಮೇಯಾನುಗಂ ಭ್ರುವೌಃ ॥ 27॥

ಕರ್ಣಯೋರ್ಭೂತನಾಥಂ ಚ ಪ್ರೇತವಾಹಂ ಕಪೋಲಯೋಃ ।
ನಾಸಾಪುಟೋಷ್ಠ್ಯೋಶ್ಚೈವ ಭಸ್ಮಾಂಗಂ ಸರ್ವಭೂಷಣಮ್ ॥ 28॥

ಅನಾದಿಭೂತಮಾಸ್ಯೇ ಚ ಶಕ್ತಿ ಹಸ್ತಂಗಲೇ ನ್ಯಸ್ಯೇತ್ ।
ಸ್ಕನ್ಧಯೇರ್ದೈತ್ಯಶಮನಂ ಬಾವ್ಹೋರತುಲತೇಜಸಮ್ ॥ 29॥

ಪಾಣ್ಯೋಃ ಕಪಾಲಿನಂ ನ್ಯಸ್ಯ ಹೃದಯೇ ಮುಂಡಮಾಲಿನಮ್ ।
ಶಾನ್ತಂ ವಕ್ಷಸ್ಥಲೇ ನ್ಯಸ್ಯ ಸ್ತನಯೋಃ ಕಾಮಚಾರಿಣಮ್ ॥ 30॥

ಉದರೇ ಚ ಸದಾತುಷ್ಟಂ ಕ್ಷೇತ್ರೇಶಂ ಪಾರ್ಶ್ವಯೋಸ್ತಥಾ ।
ಕ್ಷೇತ್ರಪಾಲಂ ಪೃಷ್ಠದೇಶಂ  ಕ್ಷೇತ್ರೇಜ್ಞಂ ನಾಭಿದೇಶಕೇ ॥ 31॥

ಪಾಪೌಘನಾಶಂ ಕಟ್ಯಾಂ ಬಟುಕಂ ಲಿಂಗದೇಶಕೇ ।
ಗುದೇ ರಕ್ಷಾಕರಂ ನ್ಯಸ್ಯ ತಥೋರ್ವೋ ರಕ್ತಲೋಚನಮ್ ॥ 32॥

ಜಾನುನೀರ್ಘುರ್ಘುರಾರಾವಂ ಜಂಘಯೋ ರಕ್ತಪಾಯಿನಮ್ ।
ಗುಲ್ಫಯೋಃ ಪಾದುಪಾಸಿದ್ಧಿಂ ಪಾದಪೃಷ್ಠೇ ಸುರೇಶ್ವರಮ್ ॥ 33॥

ಆಪಾದಮಸ್ತಕಂ ಚೈವ ಆಪದುದ್ಧಾರಕಂ ನ್ಯಸೇತ್ ।
ಪೂರ್ವೇ ಡಮರುಹಸ್ತಂ ಚ ದಕ್ಷಿಣೇ ದಂಡಧಾರಿಣಮ್ ॥ 34॥

ಖಡ್ಗಹಸ್ತಂ ಪಶ್ಚಿಮೇ ಚ ಘಂಟಾವಾದಿನಮುತ್ತರೇ ।
ಆಗ್ನೇಯಾಮಗ್ನಿವರ್ಣಂ ಚ ನೈಋತ್ಯೇ ಚ ದಿಗಮ್ಬರಮ್ ॥ 35॥

ವಾಯವ್ಯೇ ಸರ್ವಭೂತಸ್ಥಮೀಶಾನ್ಯೇಚಾಷ್ಟಸಿದ್ಧಿದಮ್ ।
ಊರ್ಧ್ವಂ ಖೇಚರಿಣಂ ನ್ಯಸ್ಯ ಪಾತಾಲೇ ರೌದ್ರರೂಪಿಣಮ್ ॥ 36॥

ಏವಂ ವಿನ್ಯಸ್ಯ ದೇವೇಶೀ ಷಡಂಗೇಷು ತತೋ ನ್ಯಸೇತ್ ।
ಹೃದಯೇ ಭೂತನಾಥಾಯ ಆದಿನಾಥಾಯಮೂರ್ದ್ಧನಿ ॥ 37॥

ಆನನ್ದಪದಪೂರ್ವಾಯನಾಥಾಯಾಥ ಶಿಖಾಲಯೇ ।
ಸಿದ್ಧಿಶಾಮ್ಬರನಾಥಾಯ ಕವಚೇ ವಿನ್ಯಸ್ಯೇತ್ತಥಾ ॥ 38॥

ಸಹಜಾನನ್ದನಾಥಾಯನ್ಯಸೇನ್ನೇತ್ರತ್ರಯೇ ತಥಾ ।
ನಿಃಸೀಮಾನದನಾಥಾಯ ಅಸ್ತ್ರೈ ಚೈವ ಪ್ರಯೋಜಯೇತ್ ॥ 39॥

ಏವಂ ನ್ಯಾಸವಿಧಿಂ ಕೃತ್ವಾ ಯಥಾವತ್ತದನನ್ತರಮ್ ।
ಧ್ಯಾನಂ ತಸ್ಯ ಪ್ರವಕ್ಷ್ಯಾಮಿ ಯಥಾ ಧ್ಯಾತ್ವಾ ಪಠೇನ್ನರಃ ॥ 40॥

ಶುದ್ಧಸ್ಫಟಿಕಸಂಕಾಶಂ ಸಹಸ್ರಾದಿತ್ಯವರ್ಚಸಮ್ ।
ನೀಲಜೀಮೂತಸಂಕಾಶಂ ನೀಲಾಂಜನಸಮಪ್ರಭಮ್ ॥ 41॥

ಅಷ್ಟಬಾಹುಂ ತ್ರಿನಯನಂ ಚತುರ್ಬಾಹುಂ ದ್ವಿಬಾಹುಕಮ್ ।
ದಶಬಾಹುಮಥೋಗ್ರಂ ಚ ದಿವ್ಯಾಮ್ಬರ ಪರಿಗ್ರಹಮ್ ॥ 42॥

ದಂಷ್ಟ್ರಾಕರಾಲವದನಂ ನೂಪುರಾರಾವಸಂಕುಲಮ್ ।
ಭುಜಂಗಮೇಖಲಂ ದೇವಮಗ್ನಿವರ್ಣಂ ಶಿರೋರುಹಮ್ ॥ 43॥

ದಿಗಮ್ಬರಮಾಕುರೇಶಂ ಬಟುಕಾಖ್ಯಂ ಮಹಾಬಲಮ್ ।
ಖಟ್ವಾಂಗಮಶಿಪಾಶಂ ಚ ಶೂಲಂ ದಕ್ಷಿಣಭಾಗತಃ ॥ 44॥

ಡಮರುಂ ಚ ಕಪಾಲಂ ಚ ವರದಂ ಭುಜಗಂ ತಥಾ ।
ಆತ್ಮವರ್ಣಸಮೋಪೇತಂ ಸಾರಮೇಯ ಸಮನ್ವಿತಮ್ ॥ 45॥

ಏವಂ ಧ್ಯಾತ್ವಾ ಸು ಸನ್ತುಷ್ಟೋ ಜಪಾತ್ಕಾಮಾನ್ಮವಾಪ್ನುಯಾತ್ ।
ಸಾಧಕಃ ಸರ್ವಲೋಕೇಷು ಸತ್ಯಂ ಸತ್ಯಂ ನ ಸಂಶಯಃ ॥ 46॥

ಆನನ್ದ ಸರ್ವಗೀರ್ವಾಣ ಶಿರೋಶ‍ೃಂಗಾಂಗ ಸಗಿನಃ ।
ಭೈರವಸ್ಯ ಪದಾಮ್ಭೋಜಂ ಭೂಯಸ್ತನ್ನೌಮಿ ಸಿದ್ಧಯೇ ॥ 47॥

ಓಂ ಭೈರವೋ ಭೂತನಾಥಶ್ಚ ಭೂತಾತ್ಮಾ ಭೂತಭಾವನಃ ।
ಭೂತಾವಾಸೋ ಭೂತಪತಿರ್ಭೂರಿದೋ ಭೂರಿದಕ್ಷಿಣಃ ॥ 48॥

ಭೂತಾಧ್ಯಕ್ಷೋ ಭೂಧರೇಶೋ ಭೂಧರೋ ಭೂಧರಾತ್ಮಜಃ ।
ಭೂಪತಿರ್ಭಾಸ್ಕರಿ ಭೀರುರ್ಭೀಮೋ ಭೂತಿರ್ವಿಭೂತಿದಃ ॥ 49॥

ಭೂತೋ ಭೂಕಮ್ಪನೋ ಭೂಮಿರ್ಭೌಮೋ ಭೂತಾಭಿಭಾವಕಃ ।
ಭಗನೇತ್ರೋಭವೋಭೋಕ್ತಾ ಭೂದೇವೋ ಭಗವಾನಭೀಃ ॥ 50॥

ಭಸ್ಮಪ್ರಿಯೋ ಭಸ್ಮಶಾಯೀ ಭಸ್ಮೋದ್ಧೂಲಿತವಿಗ್ರಹಃ ।
ಭರ್ಗಃ ಶುಭಾಂಗೋ ಭವ್ಯಶ್ಚಭೂತವಾಹನಸಾರಥಿಃ ॥ 51॥

ಭ್ರಾಜಿಷ್ಣುರ್ಭೋಜನಮ್ಭೋಕ್ತಾ ಭಿಕ್ಷುರ್ಭಕ್ತಿಜನಪ್ರಿಯಃ ।
ಭಕ್ತಿಗಮ್ಯೋ ಭೃಂಗಿರಿಟಿರ್ಭಕ್ತ್ಯಾ ವೇದಿತವಿಗ್ರಹಃ ॥ 52॥

ಭೂತಚಾರೀ ನಿಶಾಚಾರೀ ಪ್ರೇತಚಾರೀ ಭಯಾನಕಃ ।
ಭಾವಾತ್ಮಾ ಭೂರ್ಭುವೋಲಕ್ಷ್ಮೀರ್ಭಾನುರ್ಭೀಮಪರಾಕ್ರಮಃ ॥ 53॥

ಪದ್ಮಗರ್ಭೋ ಮಹಾಗರ್ಭೋ ವಿಶ್ವಗರ್ಭಾಃ ಸ್ವಭೂರಭೂಃ ।
ಭೂತಲೋಭುವನಾಧಿಶೋ ಭೂತಿಕೃದ್ಭ್ರಾನ್ತಿನಾಶನಃ ॥ 54॥

ಭೂತಿಭೂಷಿತಸರ್ವಾಂಗೋ ಭೂಶಯೋಭೂತವಾಹನಃ ।
ಕ್ಷೇತ್ರಜ್ಞಃ ಕ್ಷೇತ್ರಪಾಲಶ್ಚ ಕ್ಷೇತ್ರವಿಘ್ನನಿವಾರಣಃ ॥ 55॥

ಕ್ಷಾನ್ತಃ ಕ್ಷುದ್ರಃ ಕ್ಷೇತ್ರಪಶ್ಚ ಕ್ಷುದ್ರಘ್ನಃ ಕ್ಷ್ವಿಯಃ ಕ್ಷಮೀ ।
ಕ್ಷೋಭಣೋ ಮಾರಣಸ್ತಮ್ಭೀ ಮೋಹನೋ ಜೃಮ್ಭಣೋ ವಶೀ ॥ 56॥

ಕ್ಷೇಪಣಃ ಕ್ಷಾನ್ತಿದಃ ಕ್ಷಾಮಃ ಕ್ಷಮಾಕ್ಷೇತ್ರಂ ಕ್ಷರೋಕ್ಷರಃ ।
ಕಂಕಾಲಃ ಕಾಲಶಮನಃ ಕಲಾಕಾಷ್ಟಾತನುಃ ಕವಿಃ ॥ 57॥

ಕಾಲಃ ಕರಾಲೀ ಕಂಕಾಲೀ ಕಪಾಲೀ ಕಮನೀಯಕಃ ।
ಕಾಲಕಾಲಃ ಕೃತ್ತಿವಾಸಾಃ ಕಪರ್ದೀ ಕಾಮಶಾಸನಃ ॥ 58॥

ಕುಬೇರಬನ್ಧುಃ ಕಾಮಾತ್ಮಾ ಕರ್ಣಿಕಾರಪ್ರಿಯಃ ಕವಿಃ ।
ಕಾಮದೇವಃ ಕಾಮಪಾಲಃ ಕಾಮೀಕಾನ್ತಃ ಕೃತಾಗಮಃ ॥ 59॥

ಕಲ್ಯಾಣಃ ಪ್ರಕೃತಿಃ ಕಲ್ಪಃ ಕಲ್ಪಾದಿಃ ಕಮಲೇಕ್ಷಣಃ ।
ಕಮಂಡ್ಲುಧರಃ ಕೇತುಃ ಕಾಲಯೋಗೀತ್ವಕಲ್ಮಷಃ ॥ 60॥

ಕರಣಂ ಕಾರಣಂಕರ್ತಾ ಕೈಲಾಸಪತಿರೀಶ್ವರಃ ।
ಕಾಮಾರಿಃ ಕಶ್ಯಪೋನಾದಿ ಕಿರೀಟೀ ಕೌಶಿಕಸ್ತಥಾ ॥ 61॥

ಕಪಿಲಃ ಕುಶಲಃ ಕರ್ತಾಕುಮಾರಃ ಕಲ್ಪವೃಕ್ಷಕಃ ।
ಕಲಾಧರಃ ಕಲಾಧೀಶಃ ಕಾಲಕಂಠಃ ಕಪಾಲಭೃತ್ ॥ 62॥

ಕೈಲಾಸಶಿಖರಾವಾಸಃ ಕ್ರೂರಃ ಕಿರ್ತಿವಿಭೂಷಣಃ ।
ಕಾಲಜ್ಞಾನೀ ಕಲಿಘ್ನಶ್ಚ ಕಮ್ಪಿತಃ ಕಾಲವಿಗ್ರಹಃ ॥ 63॥

ಕವಚೀ ಕಂಚುಕೀ ಕುಂಡೀ ಕುಂಡಲೀ ಕರ್ಯಕೋವಿದಃ ।
ಕಾಲಭಕ್ಷಃ ಕಲಂಕಾರಿಃ ಕಿಂಕಿಣೀಕೃತವಾಸುಕಿಃ ॥ 64॥

ಗಣೇಶ್ವರಶ್ಚ ಗೌರೀಶೋ ಗಿರಿಶೋ ಗಿರಿಬಾನ್ಧವಃ ।
ಗಿರಿಧನ್ವಾ ಗುಹೋ ಗೋಪ್ತಾ ಗುಣರಾಶಿರ್ಗುಣಾಕರಃ ॥ 65॥

ಗಮ್ಭೀರೋ ಗಹನೋ ಗೋಸಾಗೋಮಾನೂಮನ್ತಾ ಮನೋಗತಿಃ ।
ಶ್ರೀಶೋ ಗೃಹಪತಿರ್ಗೋಪ್ತಾ ಗೌರೋಗವ್ಯಮಯಃ ಖಗಃ ॥ 66॥

ಗಣಗ್ರಾಹಿ ಗುಣಗ್ರಾಹೀ ಗಗನೋ ಗಹ್ವರಾಶ್ರಯಃ ।
ಅಗ್ರಗಣ್ಯೇಶ್ವರೋ ಯೋಗೀ ಖಟ್ವಾಂಗೀ ಗಗನಾಲಯಃ ॥ 67॥

ಅಮೋಘೋ ಮೋಘಫಲದೋ ಘಂಟಾರಾವೋ ಘಟಪ್ರಿಯಃ ।
ಚನ್ದ್ರಪೀಡಶ್ಚನ್ದ್ರಮೌಲಿಶ್ಚಿತ್ರವೇಶಶ್ಚಿರನ್ತನಃ ॥ 68॥

ಚತುಃಶಯಶ್ಚಿತ್ರಬಾಹುರಚಲಶ್ಛಿನ್ನಸಂಶಯಃ ।
ಚತುರ್ವೇದಶ್ಚತುರ್ಬಾಹುಶ್ಚತುರಶ್ಚತುರಪ್ರಿಯಃ ॥ 69॥

ಚಾಮುಂಡಾಜನಕಶ್ಚಕ್ಷುಶ್ಚಲಚಕ್ಷುರಚಂಚಲಃ ।
ಅಚಿನ್ತ್ಯ ಮಹಿಮಾಚಿನ್ತ್ಯಶ್ಚರಾಚರ ಚರಿತ್ರಗುಃ ॥ 70॥

ಚನ್ದ್ರಸಂಜೀವನಶ್ಚಿತ್ರ ಆಚಾರ್ಯಶ್ಚ ಚತುರ್ಮುಖಃ ।
ಓಜಸ್ತೇಜೋದ್ಯುತಿ ಧರೋಜಿತ ಕಾಮೋಜನಪ್ರಿಯಃ ॥ 71॥

ಅಜಾತಶತ್ರುರೋಜಸ್ವೀ ಜಿತಕಾಲೋ ಜಗತ್ಪತಿಃ ।
ಜಗದಾದಿರಜೋಜಾತೋ ಜಗದೀಶೋ ಜನಾರ್ದನಃ ॥ 72॥

ಜನನೋಜನ ಜನ್ಮಾದಿರಾರ್ಜುನೋ ಜನ್ಮವಿಜಯೀ ।
ಜನ್ಮಾಧಿಪೋಜಟಿರ್ಜ್ಯೋತಿರ್ಜನ್ಮಮೃತ್ಯುಜರಾಪಹಃ ॥ 73॥

ಜಯೋಜಯಾರಿ ಜ್ಯೋತಿಷ್ಮಾನ್ ಜಾನಕರ್ಣೋ ಜಗದ್ಧಿತಃ ।
ಜಮದಗ್ನಿರ್ಜಲನಿಧಿರ್ಜಟಿಲೋ ಜೀವಿತೇಶ್ವರಃ ॥ 74॥

ಜೀವಿತಾನ್ತಕರೋ ಜ್ಯೇಷ್ಠೋ ಜಗನ್ನಾಥೋ ಜನೇಶ್ವರಃ ।
ತ್ರಿವರ್ಗಸಾಧನಸ್ತಾರ್ಕ್ಷ್ಯಸ್ತರಣಿಸ್ತನ್ತುವರ್ದ್ಧನಃ ॥ 75॥

ತಪಸ್ವೀ ತಾರಕಸ್ತ್ವಷ್ಟಾ ತೀವ್ರಶ್ಚಾತ್ಮಸಂಸ್ಥಿತಃ ।
ತಪನಸ್ತಾಪಸನ್ತುಷ್ಟಶ್ಚಾತ್ಮಯೋನಿರತೀನ್ದ್ರಿಯಃ ॥ 76॥

ಉತ್ತಾರಕಸ್ತಿಮಿರಹಾತೀವ್ರಾನನ್ದಸ್ತನೂನಪಾತೂ ।
ಅನ್ತರ್ಹಿತಸ್ತಮಿಶ್ರಶ್ಚಸ್ತೇಜಸ್ತೇಜೋಮಯಸ್ತುತಿಃ ॥ 77॥

ತರುಸ್ತೀರ್ಥಂಕರಸ್ತ್ವಷ್ಟಾತತ್ವನ್ತತ್ವವಿದುತ್ತಮಃ ।
ತೇಜೋರಾಶಿಸ್ತುಮ್ಬವೀಣಸ್ತ್ವತಿಥಿರತಿಥಿಪ್ರಿಯಃ ॥ 78॥

ಆತ್ಮಯೋಗಸಮಾನ್ಮಾತಸ್ತೀರ್ಥದೇವ ಶಿಲಾಮಯಃ ।
ಸ್ಥಾನದಃ ಸ್ಥಾಪಿತಃ ಸ್ಥಾಣುಃ ಸ್ಥವಿಷ್ಟಃ ಸ್ಥವಿರಃ ಸ್ಥಿತಃ ॥ 79॥

ತ್ರಿಲೋಕೇಶಃ ತ್ರಿಲೋಕಾತ್ಮಾ ತ್ರಿಶೂಲಃ ತ್ರಿದಶಾಧಿಪಃ ।
ತ್ರಿಲೋಚನಃ ತ್ರಯೀವೇದ್ಯಃ ತ್ರಿವರ್ಗಸ್ಥಃ ತ್ರಿವರ್ಗದಃ ॥ 80॥

ದೂರಶ್ರವಾ ದುಷ್ಕೃತಘ್ನೋದುರ್ದ್ಧರ್ಷೋ ದುಃಸಹೋದಯಃ ।
ದೃಢಪಾರೀ ದೃಢೋದೇವೋ ದೇವದೇವೋಥ ದುನ್ದುಭಃ ॥ 81॥

ದೀರ್ಘಾಯುಧೋ ದೀರ್ಘತಪೋ ದಕ್ಷೋದುಃಸ್ವಪ್ನನಾಶನಃ ।
ದುರ್ಲಭೋ ದುರ್ಗಮೋ ದುರ್ಗೋ ದುರಾವಾಸೋ ದುರಾಸದಃ ॥ 82॥

ದಮೋ ದಮಯಿತಾ ದಾನ್ತೋ ದಾತಾದಾನನ್ದಯಾಕರಃ ।
ದುರ್ವಾಸಾದ್ರಿರ್ದೇವಕಾರ್ಯೋ ದುರ್ಜ್ಞೇಯೋ ದುರ್ಭಗೋದಯಃ ॥ 83॥

ದಂಡಿದಾಹೋ ದಾನವಾರಿರ್ದೇವೇನ್ದ್ರಸ್ತ್ವರಿಮರ್ದನಃ ।
ದೇವಾಸುರಗುರುರ್ದೇವೋ ದೇವಾಸುರನಮಸ್ಕೃತಃ ॥ 84॥

ದೇವಾಸುರಮಹಾಮನ್ತ್ರೋ ದೇವಾಸುರಮಹಾಶ್ರಯಃ ।
ದೇವಾಧಿದೇವೋ ದೇವರ್ಷಿ ದೇವಾಸುರವರಪ್ರದಃ ॥ 85॥

ದೇವಾಸುರೇಶ್ವರೋ ದೇವ್ಯೋ ದೇವಾಸುರ ಮಹೇಶ್ವರಃ ।
ಸರ್ವದೇವಮಯೋ ದಂಡೋ ದೇವಸಿಂಹೋ ದಿವಾಕರಃ ॥ 86॥

ದಮ್ಭೋ ದಮ್ಭೋಮಹಾದಮ್ಭೋ ದಮ್ಭಕೃದ್ದಮ್ಭಮರ್ದನಃ ।
ದರ್ಪಘ್ನೋ ದರ್ಪದೋದ್ದಪ್ತೋ ದುರ್ಜಯೋ ದುರತಿಕ್ರಮಃ ॥ 87॥

ದೇವನಾಥೋ ದುರಾಧರ್ಷೋ ದೈವಜ್ಞೋ ದೇವಚಿನ್ತಕಃ ।
ದಕ್ಷಾರಿರ್ದೇವಪಾಲಶ್ಚ ದುಃಖದಾರಿದ್ರ್ಯಹಾರಕಃ ॥ 88॥

ಅಧ್ಯಾತ್ಮಯೋಗರತೋ ನಿರತೋ ಧರ್ಮಶತ್ರು ಧನುರ್ದ್ಧರಃ ।
ಧನಾಧಿಪೋ ಧರ್ಮಚಾರೀ ಧರ್ಮಧನ್ವಾ ಧನಾಗಮಃ ॥ 89॥

ಧ್ಯೇಯೋಽಗ್ರಧುರ್ಯೋ ಧಾತ್ರೀಶೋ ಧರ್ಮಕೃದ್ಧರ್ಮವರ್ದ್ಧನಃ ।
ಧ್ಯಾನಾಧಾರೋ ಧನನ್ಧ್ಯೇಯೋ ಧರ್ಮಪೂಜ್ಯೋಽಥ ಧೂರ್ಜಟಿಃ ॥ 90॥

ಧರ್ಮಧಾಮಾ ಧನುರ್ಧನ್ಯೋ ಧನುರ್ವೇದೋ ಧರಾತಿಪಃ ।
ಅನನ್ತದೃಷ್ಟಿರಾನನ್ದೋ ನಿಯಮೋ ನಿಯಮಾಶ್ರಯಃ ॥ 91॥

ನಲೋಽನಲೋ ನಾಗಭುಜೋ ನಿದಾದ್ಯೋ ನೀಲಲೋಹಿತಃ ।
ಅನಾದಿಮಧ್ಯನಿಧನೋ ನೀಲಕಂಠೋ ನಿಶಾಚರಃ ॥ 92॥

ಅನಘೋ ನರ್ತಕೋ ನೇತಾ ನಿಯತಾತ್ಮಾ ನಿಜೋದ್ಭಟಃ ।
ಜ್ಞಾನನ್ನಿತ್ಯಪ್ರಕಾಶಾತ್ಮಾ ನಿವೃತ್ತಾತ್ಮಾ ನದೀಧರಃ ॥ 93॥

ನೀತಿಃ ಸುನೀತಿರುನ್ಮತ್ತೋಽನುತ್ತಮಸ್ತ್ವ ನಿವಾರಿತಃ ।
ಅನಾದಿನಿಧನೋಽನನ್ತೋ ನಿರಾಕಾರೋ ನಭೋಗತಿಃ ॥ 94॥

ನಿತ್ಯೋ ನಿಯತಕಲ್ಯಾಣೋನಗೋನಿಃಶ್ರೇಯಸಾಲಯಃ ।
ನಕ್ಷತ್ರಮಾಲಿನಾಕೇಶೋ ನಾಗಹಾರಃ ಪಿನಾಕಧೃಕ್ ॥ 95॥

ನ್ಯಾಯನಿರ್ವಾಹಕೋ ನ್ಯಾಯೋ ನ್ಯಾಯಗಮ್ಯೋ ನಿರಂಜನಃ ।
ನಿರಾವರಣವಿಜ್ಞಾನೋ ನರಸಿಂಹೋ ನಿಪಾತನಃ ॥ 96॥

ನನ್ದೀನನ್ದೀಶ್ವರೋ ನಗ್ನೋ ನಗ್ನಬ್ರಹ್ಮ ಧರೋನರಃ ।
ಧರ್ಮದೋ ನಿರಹಂಕಾರೋ ನಿರ್ಮೋಹೋ ನಿರುಪದ್ರವಃ ॥ 97॥

ನಿಷ್ಕಂಟಕಃ ಕೃತಾನನ್ದೋ ನಿರ್ವ್ಯಾಜೋ ವ್ಯಾಜಮರ್ದ್ದನಃ ।
ಅನಘೋ ನಿಷ್ಕಲೋ ನಿಷ್ಠೋ ನೀಲಗ್ರೀವೋ ನಿರಾಮಯಃ ॥ 98॥

ಅನಿರುದ್ಧಸ್ತ್ವನಾದ್ಯನ್ತೋ ನೈಕಾತ್ಮಾ ನೈಕಕರ್ಮಕೃತ್ ।
ನಗರೇತಾನಗೀನನ್ದೀತ್ದ್ಯಾನನ್ದಧನವರ್ದ್ಧನಃ ॥ 99॥

ಯೋಗೀ ವಿಯೋಗೀ ಖಟ್ವಾಂಗೀ ಖಡ್ಗೀ ಶೄಂಗೀಖರೀಗರೀ ।
ರಾಗೀ ವಿರಾಗೀ ಸಂರಾಗೀ ತ್ಯಾಗೀ ಗೌರೀವರಾಂಗದೀ ॥ 100॥

ಡಮರೂಮರುಕ ವ್ಯಾಘ್ರಹಸ್ತಾಗ್ರಶ್ಚನ್ದ್ರಖಂಡಭೃತ್ ।
ತಾಂಡವಾಡಮ್ಬರರುಚೀರುಂಡಮುಂಡನಪಂಡಿತಃ ॥ 101॥

ಪರಮೇಶ್ವರಃ ಪಶುಪತಿಃ ಪಿನಾಕೀ ಪುರಶಾಸನಃ ।
ಪುರಾತನೋ ದೇವಕಾರ್ಯಃ ಪರಮೇಷ್ಠೀ ಪರಾಯಣಃ ॥ 102॥

ಪಂಚವಿಂಶತಿತತ್ವಜ್ಞಃ ಪಂಚಯಜ್ಞಪ್ರಭಂಜನಃ ।
ಪುಷ್ಕರಂಚ ಪರಮ್ಬ್ರಹ್ಮಪಾರಿಜಾತಃ ಪರಾತ್ಪರಃ ॥ 103॥

ಪ್ರತಿಷ್ಠಿತಃ ಪ್ರಮಾಣಜ್ಞಃ ಪ್ರಮಾಣಮ್ಪರಮನ್ತಪಃ ।
ಪಂಚಬ್ರಹ್ಮಸಮುತ್ಪತ್ತಿಃ ಪರಮಾತ್ಮಾ ಪರಾವರಃ ॥ 104॥

ಪಿನಾಕಪಾಣಿಃ ಪ್ರಾಂಶುಶ್ಚಪ್ರತ್ಯಯಃ ಪರಮೇಶ್ವರಃ ।
ಪ್ರಭಾಕರಃ ಪ್ರತ್ಯಯಶ್ಚ ಪ್ರಣವಶ್ಚ ಪುರಂಜಯಃ ॥ 105॥

ಪವಿತ್ರಪಾಣಿಃ ಪಾಪಾರಿಃ ಪ್ರತಾಪಾರ್ಚಿರಪಾನ್ನಿಧಿಃ ।
ಪುಲಸ್ತ್ಯಃ ಪುಲಹೋಗಸ್ತ್ಯೋ ಪುರುಹೂತಃ ಪುರುಷ್ಟುತಃ ॥ 106॥

ಪದ್ಮಾಕರಃ ಪರಂಜ್ಯೋತಿಃ ಪರಾಪರಫಲಪ್ರದಃ ।
ಪರಾಪರಜ್ಞಃ ಪರದಃ ಪರಶತ್ರುಃ ಪರಮ್ಪದಃ ॥ 107॥

ಪೂರ್ಣಃ ಪೂರಯಿತಾಪುಣ್ಯಃ ಪುಣ್ಯಶ್ರವಣಕೀರ್ತನಃ ।
ಪುರನ್ದರಃ ಪುಣ್ಯಕೀರ್ತಿಃ ಪ್ರಮಾದೀ ಪಾಪನಾಶನಃ ॥ 108॥

ಪರಶೀಲಃ ಪರಗುಣಃ ಪಾಂಡುರಾಗಪುರನ್ದರಃ ।
ಪರಾರ್ಥವೃತ್ತಿಃ ಪ್ರಭವಃ ಪುರುಷಃ ಪೂರ್ವಜಃ ಪಿತಾ ॥ 109॥

ಪಿಂಗಲಃ ಪವನಃ ಪ್ರೇಕ್ಷಃ ಪ್ರತಪ್ತಃ ಪೂಷದನ್ತಹಾ ।
ಪರಮಾರ್ಥಗುರುಃ ಪ್ರೀತಃ ಪ್ರೀತಿಮಾಂಶ್ಚ ಪ್ರತಾಪನಃ ॥ 110॥

ಪರಾಶರಃ ಪದ್ಮಗರ್ಭಃ ಪರಃ ಪರಪುರಂಜಯಃ ।
ಉಪದ್ರವಃ ಪದ್ಮಕರಃ ಪರಮಾರ್ಥೈಕ ಪಂಡಿತಃ ॥ 111॥

ಮಹೇಶ್ವರೋ ಮಹಾದೇವೋ ಮುದ್ಗಲೋ ಮಧುರೋಮೃದುಃ ।
ಮನಃಶಾಯೀ ಮಹಾಯೋಗೀ ಮಹಾಕರ್ಮಾ ಮಹೌಷಧಮ್ ॥ 112॥

ಮಹರ್ಷಿಃ ಕಪಿಲಾಚಾರ್ಯೋ ಮೃಗವ್ಯಾಧೋ ಮಹಾಬಲಃ ।
ಮಹಾನಿಧಿರ್ಮಹಾಭೂತಿರ್ಮಹಾನೀತಿರ್ಮಹಾಮತಿಃ ॥ 113॥

ಮಹಾಹೃದೋ ಮಹಾಗರ್ತೋ ಮಹಾಭೂತೋ ಮೃತೋಪಮಃ ।
ಅಮೃತಾಂಶೋಮೃತವಪುರ್ಮರೀಚಿರ್ಮಹಿಮಾಲಯಃ ॥ 114॥

ಮಹಾತಮೋ ಮಹಾಕಾಯೋ ಮೃಗಬಾಣಾರ್ಪಣೋಮಲಃ ।
ಮಹಾಬಲೋ ಮಹಾತೇಜೋ ಮಹಾಯೋಗೀ ಮಹಾಮನಃ ॥ 115॥

ಮಹಾಮಾಯೋ ಮಹಾಸತ್ವೋ ಮಹಾನಾದೋ ಮಹೋತ್ಸವಃ ।
ಮಹಾಬುದ್ಧಿರ್ಮಹಾವೀರ್ಯೋ ಮಹಾಶಕ್ತಿರ್ಮಹಾದ್ಯುತಿಃ ॥ 116॥

ಉನ್ಮತ್ತಕೀರ್ತಿರುನ್ಮತ್ತೋ ಮಾಧವೀನಮಿತೋಮತಿಃ ।
ಮಹಾಶ‍ೃಂಗೋಽಮೃತೋಮನ್ತ್ರೋ ಮಾಂಗಲ್ಯೋ ಮಂಗಲಪ್ರಿಯಃ ॥ 117॥

ಅಮೋಘದಂಡೋ ಮಧ್ಯಸ್ಛೋಮಹೇನ್ದ್ರೋಽಮೋಘವಿಕ್ರಮಃ ।
ಅಮೇಯೋಽರಿಷ್ಟಮಥನೋ ಮುಕುನ್ದಸ್ತ್ವಮಯಾಚಲಃ ॥ 118॥

ಮಾತಾಮಹೋ ಮಾತರಿಶ್ವಾ ಮಣಿಪೂರೋ ಮಹಾಶಯಃ ।
ಮಹಾಶ್ರಯೋ ಮಹಾಗರ್ಭೋ ಮಹಾಕಲ್ಪೋ ಮಹಾಧನುಃ ॥ 119॥

ಮನೋ ಮನೋಜವೋ ಮಾನೀ ಮೇರುಮೇದ್ಯೋ ಮೃದೋಮನುಃ ।
ಮಹಾಕೋಶೋ ಮಹಾಜ್ಞಾನೀ ಮಹಾಕಾಲಃ ಕಲಿಪ್ರಿಯಃ ॥ 120॥

ಮಹಾಬಟುರ್ಮಹಾತ್ಯಾಗೀ ಮಹಾಕೋಶೋಮಹಾಗತಿಃ ।
ಶಿಖಂಡೀ ಕವಚೀ ಶೂಲೀ ಜಟೀ ಮುಂಡೀ ಚ ಕುಂಡಲೀ ॥ 121॥

ಮೇಖಲೀ ಕಂಚುಕೀ ಖಡ್ಗೀ ಮಾಲೀ ಮಾಯೀ ಮಹಾಮಣಿಃ ।
ಮಹೇಷ್ವಾಸೋ ಮಹೀಭರ್ತಾ ಮಹಾವೀರೋ ಮಹೀಭೂಜಃ ॥ 122॥

ಮಖಕರ್ತಾ ಮಖಧ್ವಂಸೀ ಮಧುರೋ ಮಧುರಪ್ರಿಯಃ ।
ಬ್ರಹ್ಮಸೃಷ್ಟಿರ್ಬ್ರಹ್ಮವೀರ್ಯೋ ಬಾಣಹಸ್ತೋ ಮಹಾಬಲೀ ॥ 123॥

ಕಾಲರೂಪೋ ಬಲೋನ್ಮಾದೀ ಬ್ರಹ್ಮಣ್ಯೋ ಬ್ರಹ್ಮವರ್ಚಸೀ ।
ಬಹುರೂಪೋ ಬಹುಮಾಯೋ ಬ್ರಹ್ಮಾವಿಷ್ಣುಶಿವಾತ್ಮಕಃ ॥ 124॥

ಬ್ರಹ್ಮಗರ್ಭೋ ಬೃಹದ್ಗರ್ಭೋ ಬೃಹಜ್ಜ್ಯೋತಿರ್ಬೃಹತ್ತರಃ ।
ಬೀಜಾಧ್ಯಕ್ಷೋ ಬೀಜಕರ್ತಾ ಬೀಜಾಂಗೋ ಬೀಜವಾಹನಃ ॥ 125॥

ಬ್ರಹ್ಮ ಬ್ರಹ್ಮವಿದೋ ಬ್ರಹ್ಮಜ್ಯೋತಿರ್ಬೃಹಸ್ಪತಿಃ ।
ಬೀಜಬುದ್ಧಿ ಬ್ರಹ್ಮಚಾರೀ ಬ್ರಹ್ಮಣ್ಯೋ ಬ್ರಾಹ್ಮಣಪ್ರಿಯಃ ॥ 126॥

ಯುಗಾದಿಕೃದ್ಯುಗಾವರ್ತೋ ಯುಗಾಧ್ಯಕ್ಷೋ ಯುಗಾಪಹಾ ।
ಯಜ್ಞೋ ಯಜ್ಞಪತಿರ್ಯಜ್ವಾ ಯಜ್ಞಾಂಗೋ ಯಜ್ಞವಾಹನಃ ॥ 127॥

ಯೋಗಾಚಾರ್ಯೋ ಯೋಗಗಮ್ಯೋ ಯೋಗೀ ಯೋಗಶ್ಚಯೋಗವಿತ್ ।
ಯೋಗಾಂಗೋ ಯೋಗಸಾರಂಗೋ ಯಕ್ಷೋಯುಕ್ತಿರ್ಯಮೋಯಮೀ ॥ 128॥

ರೌದ್ರೋ ರುದ್ರ ಋಷೀ ರಾಹೂ ರುಚಿರ್ತ್ವಂ ರಣಪ್ರಿಯಃ ।
ಅರೋಗೋ ರೋಗಹಾರೀ ಚ ರುಧಿರೋ ರುಚಿರಾಂಗದೀ ॥ 129॥

ಲೋಹಿತಾಕ್ಷೋ ಲಲಾಟಾಕ್ಷೋ ಲೋಕದೋ ಲೋಕಕಾರಕಃ ।
ಲೋಕಬನ್ಧುರ್ಲೋಕನಾಥೋ ಲಕ್ಷಣ ಜ್ಞೋಥಲಕ್ಷಣಃ ॥ 130॥

ಲೋಕಮಾಯೋ ಲೋಕಕರ್ತಾ ಲೌಲ್ಯೋ ಲಲಿತ ಏವ ಚ ।
ವರೀಯಾನೂ ವರದೋ ವನ್ದ್ಯೋ ವಿದ್ವಾನ್ ವಿಶ್ವಾಮರೇಶ್ವರಃ ॥ 131॥

ವೇದಾನ್ತಸಾರಸನ್ದೇಹೋ ವೀತರಾಗೋ ವಿಶಾರದಃ ।
ವಿಶ್ವಮೂರ್ತಿರ್ವಿಶ್ವವೇದ್ಯೋ ವಾಮದೇವೋ ವಿಮೋಚಕಃ ॥ 132॥

ವಿಶ್ವರೂಪೋ ವಿಶ್ವಪಕ್ಷೋ ವಾಗೀಶೋ ವೃಷವಾಹನಃ ।
ವೃಷಾಂಕೋಥ ವಿಶಾಲಾಕ್ಷೋ ವಿಶ್ವದೀಪ್ತಿರ್ವಿಲೋಚನಃ ॥ 133॥

ವಿಲೋಕೋ ವಿಶ್ವದೃಗ್ವಿಶ್ವೋವಿಜಿತಾತ್ಮಾಲಯಃ ಪುಮಾನ್ ।
ವ್ಯಾಘ್ರಚರ್ಮಧರೋವಾಂಗೀ ವಾಙ್ಮಯೈಕವಿಧಿರ್ವಿಭುಃ ॥ 134॥

ವರ್ಣಾಶ್ರಮ ಗುರುವರ್ಣೀ ವರದೋ ವಾಯುವಾಹನಃ ।
ವಿಶ್ವಕರ್ಮಾ ವಿನೀತಾತ್ಮಾ ವೇದಶಾಸ್ತ್ರಾರ್ಥ ತತ್ವವಿತ್ ॥ 135॥

ವಸುರ್ವಸುಮನಾ ವ್ಯಾಲೋ ವಿರಾಮೋ ವಿಮದಃ ಕವಿಃ ।
ವಿಮೋಚಕಶ್ಚವಿಜಯೋ ವಿಶಿಷ್ಟೋ ವೃಷವಾಹನಃ ॥ 136॥

ವಿದ್ಯೇಶೋ ವಿಬುಧೋ ವಾದೀ ವೇದಾಂಗೋ ವೇದವಿನ್ಮುತಿಃ ।
ವಿಶ್ವೇಶ್ವರೋ ವೀರಭದ್ರೋ ವೀರಾಸನ ವಿಧಿರ್ವಿರಾಟ ॥ 137॥

ವ್ಯವಸಾಯೋ ವ್ಯವಸ್ಛಾನಃ ವೀರಚುಡಾಮಣಿರ್ವರಃ ।
ವಾಲಖಿಲ್ಯೋ ವಿಶ್ವದೇಹೋ ವಿರಾಮೋ ವಸುದೋವಸುಃ ॥ 138॥

ವಿರೋಚನೋ ವರರುಚಿರ್ವೇದ್ಯೋ ವಾಚಸ್ಪತಿರ್ಗತಿಃ ।
ವಿದ್ವತ್ತಮೋವೀತಭಯೋ ವಿಶ್ರುತಿರ್ವಿಮಲೋದಯಃ ॥ 139॥

ವೈವಸ್ವತೋ ವಸಿಷ್ಠಶ್ಚ ವಿಭೂತಿರ್ವಿಗತಜ್ವರಃ ।
ವಿಶ್ವಹರ್ತಾ ವಿಶ್ವಾಗೋಪ್ತಾ ವಿಶ್ವಾಮಿತ್ರೋ ದ್ವಿಜೇಶ್ವರಃ ॥ 140॥

ವಿಶ್ವೋತ್ಪತ್ತಿರ್ವಿಶ್ವಸಹೋ ವಿಶ್ವಾವಾಸೋ ವಸುಶ್ರವಾಃ ।
ವಿಶ್ವರೂಪೋ ವಜ್ರಹಸ್ತೋ ವಿಪಾಕೋ ವಿಶ್ವಕಾರಕಃ ॥ 141॥

ವೃಷದರ್ಶ್ವೋ ವ್ಯಾಸಕಲ್ಪೋ ವಿಶಲ್ಪೋ ಲೋಕಶಲ್ಯಹೃತ್ ।
ವಿರೂಪೋ ವಿಕೃತೋ ವೇಗೀ ವಿರಂಚಿರ್ವಿಷ್ಟರಶ್ರವಾಃ ॥ 142॥

ಅವ್ಯಕ್ತಲಕ್ಷಣೋ ವ್ಯಕ್ತೋ ವ್ಯಕ್ತಾವ್ಯಕ್ತೋ ವಿಶಾಮ್ಪತಿಃ ।
ವಿಬುದ್ಧೋಽಗ್ರಕರೋ ವೇದೋ ವಿಶ್ವಗರ್ಭೋ ವಿಚಕ್ಷಣಃ ॥ 143॥

ವಿಷ್ಮಾಕ್ಷೋ ವಿಲೋಮಾಕ್ಷೋ ವೃಷಭೋ ವೃಷವರ್ದ್ಧನಃ ।
ವಿತ್ತಪ್ರದೋ ವಸನ್ತಶ್ಚ ವಿವಸ್ವಾನ್ ವಿಕ್ರಮೋತ್ತಮಃ ॥ 144॥

ವೇದ್ಯೋ ವೈದ್ಯೋ ವಿಶ್ವರೂಪೋ ವಿವಿಕ್ತೋ ವಿಶ್ವಭಾಜನಮ್ ।
ವಿಷಯಸ್ಛೋ ವಿವಿಕ್ತಸ್ಛೋ ವಿದ್ಯಾರಾಶಿರ್ವಿಯತ್ಪ್ರಿಯಃ ॥ 145॥

ಶಿವಃ ಸರ್ವಃ ಸದಾಚಾರಃ ಶಮ್ಭುರೀಶಾನ ಈಶ್ವರಃ ।
ಶ್ರುತಿಧರ್ಮಾನಸಂವಾದೀ ಸಹಸ್ರಾಕ್ಷಃ ಸಹಸ್ರಪಾತ್ ॥ 146॥

ಸರ್ವಜ್ಞಃ ಸರ್ವದೇವಶ್ಚ ಶಂಕರಃ ಶೂಲಧಾರಕಃ ।
ಸುಶರೀರಃ ಸ್ಕನ್ದಗುರುಃ ಶ್ರೀಕಂಠಃ ಸೂರ್ಯತಾಪನಃ ॥ 147॥

ಈಶಾನೋ ನಿಲಯಃ ಸ್ವಸ್ತಿ ಸಾಮವೇದಸ್ತ್ವಥರ್ವವಿತ್ ।
ನೀತಿಃ ಸುನೀತಿಃ ಶ್ರದ್ಧಾತ್ಮಾ ಸೋಮಃ ಸೋಮತರಃ ಸುಖೀ ॥ 148॥

ಸೋಮಪಾಮೃತಪಃ ಸೌಮ್ಯಃ ಸೂತ್ರಕಾರಃ ಸನಾತನಃ ।
ಶಾಖೋ ವಿಶಾಖೋ ಸಮ್ಭಾವ್ಯಃ ಸರ್ವದಃ ಸರ್ವಗೋಚರಃ ॥ 149॥

ಸದಾಶಿವಃ ಸಮಾವೃತ್ತಿಃ ಸುಕೀರ್ತಿಃ ಸ್ಛಿನ್ನಸಂಶಯಃ ।
ಸರ್ವಾವಾಸಃ ಸದಾವಾಸಃ ಸರ್ವಾಯುಧವಿಶಾರದಃ ॥ 150॥

ಸುಲಭಃ ಸುವ್ರತಃ ಶೂರಃ ಶುಭಾಂಗಃ ಶುಭವಿಗ್ರಹಃ ।
ಸುವರ್ಣಾಂಗಃ ಸ್ವಾತ್ಮಶತ್ರುಃ ಶತ್ರುಜಿಛತ್ರುತಾಪನಃ ॥ 151॥

ಶನಿಃ ಸೂರ್ಯಃ ಸರ್ವಕರ್ಮಾ ಸರ್ವಲೋಕಪ್ರಜಾಪತಿಃ ।
ಸಿದ್ಧಃ ಸರ್ವೇಶ್ವರಃ ಸ್ವಸ್ತಿ ಸ್ವಸ್ತಿಕೃತ್ಸ್ವಸ್ತಿ ಭೂಸ್ವಧಾ ॥ 152॥

ವಸುರ್ವಸುಮನಾಸತ್ಯಃ ಸರ್ವಪಾಪಹರೋಹರಃ ।
ಸರ್ವಾದಿಃ ಸಿದ್ಧಿದಃ ಸಿದ್ಧಿಃ ಸತ್ವಾವಾಸಃಶ್ಚತುಷ್ಪಥಃ ॥ 153॥

ಸಂವತ್ಸರಕರಃ ಶ್ರೀಮಾನ್ ಶಾನ್ತಃ ಸಂವತ್ಸರಃ ಶಿಶುಃ ।
ಸ್ಪಷ್ಟಾಕ್ಷರಃ ಸರ್ವಹಾರೀ ಸಂಗ್ರಾಮಃ ಸಮರಾಧಿಕಃ ॥ 154॥

ಇಷ್ಟೋವಿಶಿಷ್ಟಃ ಶಿಷ್ಟೇಷ್ಟಃ ಶುಭದಃ ಸುಲಭಾಯನಃ ।
ಸುಬ್ರಹ್ಮಣ್ಯಃ ಸುರಗಣೋ ಸುಶರಣ್ಯಃ ಸುಧಾಪತಿಃ ॥ 155॥

ಶರಣ್ಯಃ ಶಾಶ್ವತಃ ಸ್ಕನ್ದಃ ಶಿಪಿವಿಷ್ಟಃ ಶಿವಾಶ್ರಯಃ ।
ಸಂಸಾರಚಕ್ರಭೃತ್ಸಾರಃ ಶಂಕರಃ ಸರ್ವಸಾಧಕಃ ॥ 156॥

ಶಸ್ತ್ರಂ ಶಾಸ್ತ್ರಂ ಶಾನ್ತರಾಗಃ ಸವಿತಾಸಕಲಾಗಮಃ ।
ಸುವೀರಃ ಸತ್ಪಥಾಚಾರಃ ಷಡ್ವಿಂಶಃ ಸಪ್ತಲೋಕಧೃಕ್ ॥ 157॥

ಸಮ್ರಾಟ್ ಸುವೇಷಃ ಶತ್ರುಘ್ನೋಽಸುರಶತ್ರುಃ ಶುಭೋದಯಃ ।
ಸಮರ್ಥಃ ಸುಗತಃ ಶಕ್ರಃ ಸದ್ಯೋಗೀ ಸದಸನ್ಮಯಃ ॥ 158॥

ಶಾಸ್ತ್ರನೇತ್ರಂ ಮುಖಂ ಶ್ಮಶ್ರು ಸ್ವಾಧಿಷ್ಠಾನಂ ಷಡಾಶ್ರಯಃ ।
ಅಭೂಃ ಸತ್ಯಪತಿರ್ವೃದ್ಧಃ ಶಮನಃ ಶಿಖಿಸಾರಥಿಃ ॥ 159॥

ಸುಪ್ರತೀಕಃ ಸುವೃದ್ಧಾತ್ಮಾ ವಾಮನಃ ಸುಖವಾರಿಧಿಃ ।
ಸುಖಾನೀಡಃ ಸುನಿಷ್ಪನ್ನಃ ಸುರಭಿಃ ಸೃಷ್ಟಿರಾತ್ಮಕಃ ॥ 160॥

ಸರ್ವದೇವಮಯಃ ಶೈಲಃ ಸರ್ವಶಸ್ತ್ರಪ್ರಭಂಜನಃ ।
ಶಿವಾಲಯಃ ಸರ್ವರೂಪಃ ಸಹಸ್ರಮುಖನಾಸಿಕಾ ॥ 161॥

ಸಹಸ್ರಬಾಹುಃ ಸರ್ವೇಷಾಂ ಶರಣ್ಯಃ ಸರ್ವಲೋಕಧೃಕ್ ।
ಇನ್ದ್ರೇಶಃ ಸುರಸವ್ಯಾಸಃ ಸರ್ವದೇವೋತ್ತಮೋತ್ತಮಃ ॥ 162॥

ಶಿವಧ್ಯಾನರತಃ ಶ್ರೀಮಾನ್ ಶಿಖಿಶ್ರೀ ಚಂಡಿಕಾಪ್ರಿಯಃ ।
ಶ್ಮಶಾನನಿಲಯಃ ಸೇತುಃ ಸರ್ವಭೂತಮಹೇಶ್ವರಃ ॥ 163॥

ಸುವಿಶಿಷ್ಟಃ ಸುರಾಧ್ಯಕ್ಷಃ ಸುಕುಮಾರಃ ಸುಲೋಚನಃ ।
ಸಕಲಃ ಸ್ವರ್ಗತಃ ಸ್ವರ್ಗಃ ಸರ್ಗಃ ಸ್ವರಮಯಃ ಸ್ವನಃ ॥ 164॥

ಸಾಮಗಃ ಸಕಲಧಾರಃ ಸಾಮಗಾನಪ್ರಿಯಃ ಶಿಚಿಃ ।
ಸದ್ಗತಿಃ ಸತ್ಕೃತಿಃ ಶಾನ್ತಸದ್ಭೂತಿಃ ಸತ್ಪರಾಯಣಃ ॥ 165॥

ಶುಚಿಸ್ಮಿತಃ ಪ್ರಸನ್ನಾತ್ಮಾ ಸರ್ವಶಸ್ತ್ರಮೃತಾಂವರಃ ।
ಸರ್ವಾವಾಸಃ ಸ್ತುತಸ್ತ್ವಷ್ಟಾ ಸತ್ಯವ್ರತಪರಾಯಣಃ ॥ 166॥

ಶ್ರೀವಲ್ಲಭಃ ಶಿವಾರಮ್ಭಃ ಶಾನ್ತಭದ್ರಃ ಸುಮಾನಸಃ ।
ಸತ್ಯವಾನ್ ಸಾತ್ವಿಕಃ ಸತ್ಯಃ ಸರ್ವಜಿಛ್ರುತಿಸಾಗರಃ ॥ 167॥

ಸಹಸ್ರಾರ್ಚಿಃ ಸಪ್ತಜಿಹ್ವಃ ಸಪ್ತಾವರ ಮುನೀಶ್ವರಃ ।
ಸಂಸಾರಸಾರಥಿಃ ಶುದ್ಧಃ ಶತ್ರುಘ್ನಃ ಶತ್ರುತಾಪನಃ ॥ 168॥

ಸುರೇಶಃ ಶರಣಂ ಶರ್ಮ ಸರ್ವದೇವಃ ಸತಾಂಗತಿಃ ।
ಸದ್ಧೃತ್ತೋವ್ರತಸಿದ್ಧಿಶ್ಚ ಸಿದ್ಧಿದಃ ಸಿದ್ಧಿಸಾಧನಃ ॥ 169॥

ಶಾನ್ತಬುದ್ಧಿಃ ಶುದ್ಧಬುದ್ಧಿಃ ಸ್ರಷ್ಟಾಸ್ತೋಽತಾಸ್ತವಪ್ರಿಯಃ ।
ರಸಜ್ಞಃ ಸರ್ವಸಾರಜ್ಞಃ ಸರ್ವಸತ್ವಾವಲಮ್ಬನಃ ॥ 170॥

ಸ್ಥೂಲಃ ಸೂಕ್ಷ್ಮಃ ಸುಸೂಕ್ಷ್ಮಶ್ಚ ಸಹಸ್ರಾಕ್ಷಃ ಪ್ರಕಾಶಕಃ ।
ಸಾರಮೇಯಾನುಗಃ ಸುಭ್ರೂಃ ಪ್ರೌಢಬಾಹುಃ ಸಹಸ್ರದೃಕ್ ॥ 171॥

ಗೃಹಾತ್ಮಕೋ ರುದ್ರರೂಪೀ ವಷಟ್ ಸ್ವರಮಯಃ ಶಶೀ ॥

ಆದಿತ್ಯಃ ಸರ್ವಕರ್ತ್ತಾ ಚ ಸರ್ವಾಯುಃ ಸರ್ವಬುದ್ಧಿದಃ । 172॥

ಸಂಹೃಷ್ಟಸ್ತುಸದಾಪುಷ್ಟೋ ಘುರ್ಘುರೋ ರಕ್ತಲೋಚನಃ ।
ಪಾದುಕಾಸಿದ್ಧಿದಃ ಪಾತಾ ಪಾರುಷ್ಯ ವಿನಿಷೂದನಃ ॥ 173॥

ಅಷ್ಟಸಿದ್ಧಿರ್ಮಹಾಸಿದ್ಧಿಃ ಪರಃ ಸರ್ವಾಭಿಚಾರಕಃ ।
ಭೂತವೇತಾಲಘಾತೀ ಚ ವೇತಾಲಾನುಚರೋರವಿಃ ॥ 174॥

ಕಾಲಾಗ್ನಿಃ ಕಾಲರುದ್ರಶ್ಚ ಕಾಲಾದಿತ್ಯಃ ಕಲಾಮಯಃ ।
ಕಾಲಮಾಲೀ ಕಾಲಕಂಠಸ್ತ್ರ್ಯ್ಮ್ಬಕಸ್ತ್ರಿಪುರಾನ್ತಕಃ ॥ 175॥

ಸರ್ವಾಭಿಚಾರೀಹನ್ತಾ ಚ ತಥಾ ಕೃತ್ಯಾನಿಷೂದನಃ ।
ಆನ್ತ್ರಮಾಲೀ ಘಂಟಮಾಲೀ ಸ್ವರ್ಣಾಕರ್ಷಣಭೈರವಃ ॥ 176॥

ನಾಮ್ನಾಂ ಸಹಸ್ರಂ ದಿವ್ಯಾನಾಂ ಭೈರವಸ್ಯ ಮಹಾತ್ಮನಃ ।
ಮಯಾ ತೇ ಕಥಿತಂ ದೇವಿ ರಹಸ್ಯಂ ಸರ್ವಕಾಮದಮ್ ॥ 177॥

ಭೈರವಸ್ಯ ವರಾರೋಹೇ ವರಂ ನಾಮಸಹಸ್ರಕಮ್ ।
ಪಠತೇ ಪಾಠಯೇದ್ಯಸ್ತು ಶ್ರುಣುಯಾತ್ಸು ಸಮಾಹಿತಃ ॥ 178॥

ನ ತಸ್ಯ ದುರಿತಂ ಕಿಂಚಿನ್ನಮಾರೀ ಭಯಮೇವಚ ।
ನ ಚ ಭೂತಭಯಂ ಕಿಂಚಿನ್ನ ರೋಗಾಣಾಂ ಭಯಂ ತಥಾ ॥ 179॥

ನ ಪಾತಕಾದ್ಭಯಂ ಚೈವ ಶತ್ರುತೋ ನ ಭಯಂ ಭವೇತ್ ।
ಮಾರೀಭಯಂ ಚೋರಭಯಂ ನಾಗ್ನಿವ್ಯಾಘ್ರಾದಿಜಂ ಭಯಮ್ ॥ 180॥

ಔತ್ಪಾತಿಕಂ ಮಹಾಘೋರಂ ಪಠತೇ ಯೋ ವಿಲೀಯತೇ ।
ದುಃಸ್ವಪ್ನಜೇ ರಾಜಭಯೇ ವಿಪತ್ತೌ ಘೋರದರ್ಶನೇ ॥ 181॥

ಸ್ತೋತ್ರಮೇತತ್ಪಠೇದ್ವಿದ್ವಾನ್ಸರ್ವದುಃಖೌಘನಾಶನಮ್ ।
ಸರ್ವಪ್ರಶಮಮಾಯಾತಿ ಸಹಸ್ರಪರಿಕೀರ್ತನಾತ್ ॥ 182॥

ಏಕಕಾಲಂ ದ್ವಿಕಾಲಂ ವಾ ತ್ರಿಕಾಲಮಥವಾನಿಶೀ ।
ಪಠೇದ್ಯೋ ನಿಯತಾಹಾರಃ ಸರ್ವಸಿದ್ಧಿ ಚ ವಿನ್ದತಿ ॥ 183॥

ಭೂಮಿಕಾಮೋ ಭೂತಿಕಾಮಃ ಷಣ್ಮಾಸಂ ಚ ಜಪೇತ್ಸುಧೀಃ ।
ಪ್ರತಿಕೃತ್ಯಾ ವಿನಾಶಾರ್ಥಂ ಜಪೇತ್ರಿಶತಮುತ್ತಮಮ್ ॥ 184॥

ಮಾಸತ್ರಯೇಣ ಸರ್ವೇಷಾಂ ರಿಪೂಣಾಮನ್ತಕೋ ಭವೇತ್ ।
ಮಾಸತ್ರಯಂ ಜಪೇದ್ದೇವಿ ನಿಶಿನಿಶ್ಚಲಮಾನಸಃ ॥ 185॥

ಧನಂ ಪುತ್ರಾನ್ ತಥಾದಾರಾನ್ ಪ್ರಾಪ್ನುಯಾನ್ನಾತ್ರ ಸಂಶಯಃ ।
ಮಹಾಕಾರಾಗೃಹೇ ಬದ್ಧಪಿಶಾಚೈಃ ಪರಿವಾರಿತಃ ॥ 186॥

ನಿಗಡೈಃ ಶ‍ೃಂಖಲಾಭಿಶ್ಚ ಬನ್ಧನಂ ಪರಮಂ ಗತಃ ।
ಪಠೇದ್ದೇವಿ ದಿವಾರಾತ್ರೌ ಸರ್ವಾನ್ಕಾಮಾನ್ನವಾಪ್ನುಯಾತ್ ॥ 187॥

ಶತಮಾವರ್ತನಾದ್ದೇವಿ ಪುರಶ್ಚರಣಮುಚ್ಯತೇ ।
ಯಂ ಯಂ ಕಾಮಯತೇ ಕಾಮಂ ತಂ ತಂ ಪ್ರಾಪ್ನೋತಿ ನಿಶ್ಚಿತಮ್ ॥ 188॥

ಸತ್ಯಂ ಸತ್ಯಂ ಪುನಃ ಸತ್ಯಂ ಸತ್ಯಂ ಸತ್ಯಂ ಪುನಃ ಪುನಃ ।
ಸರ್ವ ಕಾಮಃ ಪ್ರದೋ ದೇವಿ ಭೈರವಃ ಸರ್ವಸಿದ್ಧಿದಃ ॥ 189॥

ಸತ್ಕುಲೀನಾಯ ಶಾನ್ತಾಯ ಋಷಯೇ ಸತ್ಯವಾದಿನ ।
ಸ್ತೋತ್ರದಾನಾತ್ಸು ಪ್ರಹೃಷ್ಟೋ ಭೈರವೋಭೂನ್ಮಹೇಶ್ವರಃ ॥ 190॥

॥ ಇತಿಶ್ರೀಉಡ್ಡಾಮರೇತನ್ತ್ರೇ ಉಮಾಮಹೇಶ್ವರ ಸಂವಾದೇ
ಕಾಲಭೈರವಸಹಸ್ರನಾಮಸ್ತೋತ್ರಂ ಸಮ್ಪೂರ್ಣಮ್ ॥
*************


कालभैरव सहस्र नाम स्तोत्रम् 

श्री गणेशाय नमः ।
कैलासशिखरे रम्ये देवदेवं जगद्गुरुम् ।
पप्रच्छ पार्वतीकान्तं शङ्करं लोकनायकम् ॥ १॥

पार्वत्युवाच ।
देवदेव महादेव सर्वज्ञ सुखदायक ।
आपदुःखदारिद्र्यादि पीडितानां नृणां विभो ॥ २॥

यद्वित्तं सुखसम्पत्तिधनधान्यकरं सदा ।
विशेषतो राजकुले शान्ति पुष्टि प्रदायकम् ॥ ३॥

बालग्रहादि शमनं नाना सिद्धिकरं नृणाम् ।
नोक्तपूर्वञ्चयन्नाथ ध्यानपूजा समन्वितम् ॥ ४॥

वक्तुमर्हस्य शेषेण ममानन्द करं परम् ।
ईश्वर उवाच ।
स्तवराजं महामन्त्रं भैरवस्य श‍ृणु प्रिये ॥ ५॥

सर्वकामार्थदं देवि राज्यभोगप्रदं नृणाम् ।
स्मरणात्स्तवराजस्य भूतप्रेत पिशाचकाः ॥ ६॥

विद्रवन्त्यभितोभिताः कालरुद्रादिवप्रजाः ।
एकतः पन्नगाः सर्वे गरुडश्चैकतस्तथा ॥ ७॥

एकतो घनसङ्घाताश्चण्डवातोयथैकतः ।
एकतः पर्वताः सर्वे दम्भोलिस्त्वेकस्तथा ॥ ८॥

एकतो दैत्यसङ्घाताह्यकतः स्यात्सुदर्शनम् ।
एकतः काष्ठ सङ्घाता एकतोग्निकणोयथा ॥ ९॥

घनान्धकारस्त्वेकत्र तपनस्त्वेकतस्तथा ।
तथैवास्य प्रभावस्तु स्मृतमात्रे न दृश्यते ॥ १०॥

स्तवराजं भैरवस्य जपात्सिद्धिमवाप्नुयात् ।
लिखित्वायद्गृहे देवि स्थापितं स्तवमुत्तमम् ॥ ११॥

तद्गृहं नाभिभूयेत भूतप्रेतादिभिर्ग्रहैः ।
साम्राज्यं सर्वसम्पत्तिः समृद्धि लभ्यते सुखम् ॥ १२॥

तत्कुलं नन्दते पुंसाम्पुत्रपौत्रादिभिर्धृवम् ।
पार्वत्युवाच ।
यस्त्वया कथितो देव भैरवः स्तोत्रमुत्तमम् ॥ १३॥

अगण्य महिमा सिन्धुः श्रुतो मे बहुधा विभो ।
तस्य नामान्यनन्तानि प्रयुतान्यर्बुदानि च ॥ १४॥

सन्ति सत्यं पुरा ज्ञातं मया वै परमेश्वर ।
सारात्सारं समुधृत्य तेषु नाम सहस्रकम् ॥ १५॥

ब्रूहि मे करुणाकान्त ममानन्द वर्द्धन ।
यन्नित्यं कीर्तयेन्मर्त्यः सर्वदुःखविवर्जितः ॥ १६॥

सर्वान्कामान्वाप्नोति सर्वसिद्धिञ्च विन्दति ।
साधकः श्रद्धयायुक्तः सर्वाधिक्योर्कसद्युतिः ॥ १७॥

अप्रधृष्यश्च भवति सङ्ग्रामाङ्गण मूर्द्धति ।
नाग्निचोरभयं तस्य ग्रहराज भयं न च ॥ १८॥

न च मारी भयं तस्य व्याघ्रचोरभयं न च ।
शत्रुणां शस्त्रसङ्घाते भयं क्वापि न जायते ॥ १९॥

आयुरारोग्यमैश्वर्यं पुत्र पौत्रादि सम्पदः ।
भवति कीर्तनाद्यस्यत्ब्रूहि करुणाकर ॥ २०॥

ईश्वर उवाच ।
नाम्नां सहस्रं दिव्यानं भैरवस्य भवत्कृते ।
वक्ष्यामि तत्वतः सम्यक् सारात्सारतरं शुभम् ॥ २१॥

सर्वपापहरं पुण्यं सर्वोपद्रव नाशनम् ।
सर्वसम्पत्प्रदं चैव साधकानं सुखावहम् ॥ २२॥

सर्व मङ्गलमाङ्गल्यं सर्वव्याधिनिवारणम् ।
आयुःकरं पुष्टिकरं श्रीकरं च यशस्करम् ॥ २३॥

भैरव स्तवराजस्य महादेव ऋषिः स्मृतः ।
भैरवोदेवताऽनुष्टुप्छन्दश्चैव प्रकीर्तितम् ॥ २४॥

सर्वकार्यप्रसिद्ध्यर्थं प्रीतये भैरवस्यहि ।
करिष्ये हं जपमिति सङ्कल्प्यादौपुमान्सुधीः ॥ २५॥

ऋषिः शिरसि विन्यस्य छन्दस्तु मुखतो न्यसेत् ।
देवतां हृदयेन्यस्य ततो न्यासं समाचरेत् ॥ २६॥

भैरवं शिरसिन्यस्य ललाटे भीमदर्शनम् ।
नेत्रयो भूतहननं सारमेयानुगं भ्रुवौः ॥ २७॥

कर्णयोर्भूतनाथं च प्रेतवाहं कपोलयोः ।
नासापुटोष्ठ्योश्चैव भस्माङ्गं सर्वभूषणम् ॥ २८॥

अनादिभूतमास्ये च शक्ति हस्तङ्गले न्यस्येत् ।
स्कन्धयेर्दैत्यशमनं बाव्होरतुलतेजसम् ॥ २९॥

पाण्योः कपालिनं न्यस्य हृदये मुण्डमालिनम् ।
शान्तं वक्षस्थले न्यस्य स्तनयोः कामचारिणम् ॥ ३०॥

उदरे च सदातुष्टं क्षेत्रेशं पार्श्वयोस्तथा ।
क्षेत्रपालं पृष्ठदेशं  क्षेत्रेज्ञं नाभिदेशके ॥ ३१॥

पापौघनाशं कट्यां बटुकं लिङ्गदेशके ।
गुदे रक्षाकरं न्यस्य तथोर्वो रक्तलोचनम् ॥ ३२॥

जानुनीर्घुर्घुरारावं जङ्घयो रक्तपायिनम् ।
गुल्फयोः पादुपासिद्धिं पादपृष्ठे सुरेश्वरम् ॥ ३३॥

आपादमस्तकं चैव आपदुद्धारकं न्यसेत् ।
पूर्वे डमरुहस्तं च दक्षिणे दण्डधारिणम् ॥ ३४॥

खड्गहस्तं पश्चिमे च घण्टावादिनमुत्तरे ।
आग्नेयामग्निवर्णं च नैऋत्ये च दिगम्बरम् ॥ ३५॥

वायव्ये सर्वभूतस्थमीशान्येचाष्टसिद्धिदम् ।
ऊर्ध्वं खेचरिणं न्यस्य पाताले रौद्ररूपिणम् ॥ ३६॥

एवं विन्यस्य देवेशी षडङ्गेषु ततो न्यसेत् ।
हृदये भूतनाथाय आदिनाथायमूर्द्धनि ॥ ३७॥

आनन्दपदपूर्वायनाथायाथ शिखालये ।
सिद्धिशाम्बरनाथाय कवचे विन्यस्येत्तथा ॥ ३८॥

सहजानन्दनाथायन्यसेन्नेत्रत्रये तथा ।
निःसीमानदनाथाय अस्त्रै चैव प्रयोजयेत् ॥ ३९॥

एवं न्यासविधिं कृत्वा यथावत्तदनन्तरम् ।
ध्यानं तस्य प्रवक्ष्यामि यथा ध्यात्वा पठेन्नरः ॥ ४०॥

शुद्धस्फटिकसङ्काशं सहस्रादित्यवर्चसम् ।
नीलजीमूतसङ्काशं नीलाञ्जनसमप्रभम् ॥ ४१॥

अष्टबाहुं त्रिनयनं चतुर्बाहुं द्विबाहुकम् ।
दशबाहुमथोग्रं च दिव्याम्बर परिग्रहम् ॥ ४२॥

दंष्ट्राकरालवदनं नूपुरारावसङ्कुलम् ।
भुजङ्गमेखलं देवमग्निवर्णं शिरोरुहम् ॥ ४३॥

दिगम्बरमाकुरेशं बटुकाख्यं महाबलम् ।
खट्वाङ्गमशिपाशं च शूलं दक्षिणभागतः ॥ ४४॥

डमरुं च कपालं च वरदं भुजगं तथा ।
आत्मवर्णसमोपेतं सारमेय समन्वितम् ॥ ४५॥

एवं ध्यात्वा सु सन्तुष्टो जपात्कामान्मवाप्नुयात् ।
साधकः सर्वलोकेषु सत्यं सत्यं न संशयः ॥ ४६॥

आनन्द सर्वगीर्वाण शिरोश‍ृङ्गाङ्ग सगिनः ।
भैरवस्य पदाम्भोजं भूयस्तन्नौमि सिद्धये ॥ ४७॥

ॐ भैरवो भूतनाथश्च भूतात्मा भूतभावनः ।
भूतावासो भूतपतिर्भूरिदो भूरिदक्षिणः ॥ ४८॥

भूताध्यक्षो भूधरेशो भूधरो भूधरात्मजः ।
भूपतिर्भास्करि भीरुर्भीमो भूतिर्विभूतिदः ॥ ४९॥

भूतो भूकम्पनो भूमिर्भौमो भूताभिभावकः ।
भगनेत्रोभवोभोक्ता भूदेवो भगवानभीः ॥ ५०॥

भस्मप्रियो भस्मशायी भस्मोद्धूलितविग्रहः ।
भर्गः शुभाङ्गो भव्यश्चभूतवाहनसारथिः ॥ ५१॥

भ्राजिष्णुर्भोजनम्भोक्ता भिक्षुर्भक्तिजनप्रियः ।
भक्तिगम्यो भृङ्गिरिटिर्भक्त्या वेदितविग्रहः ॥ ५२॥

भूतचारी निशाचारी प्रेतचारी भयानकः ।
भावात्मा भूर्भुवोलक्ष्मीर्भानुर्भीमपराक्रमः ॥ ५३॥

पद्मगर्भो महागर्भो विश्वगर्भाः स्वभूरभूः ।
भूतलोभुवनाधिशो भूतिकृद्भ्रान्तिनाशनः ॥ ५४॥

भूतिभूषितसर्वाङ्गो भूशयोभूतवाहनः ।
क्षेत्रज्ञः क्षेत्रपालश्च क्षेत्रविघ्ननिवारणः ॥ ५५॥

क्षान्तः क्षुद्रः क्षेत्रपश्च क्षुद्रघ्नः क्ष्वियः क्षमी ।
क्षोभणो मारणस्तम्भी मोहनो जृम्भणो वशी ॥ ५६॥

क्षेपणः क्षान्तिदः क्षामः क्षमाक्षेत्रं क्षरोक्षरः ।
कङ्कालः कालशमनः कलाकाष्टातनुः कविः ॥ ५७॥

कालः कराली कङ्काली कपाली कमनीयकः ।
कालकालः कृत्तिवासाः कपर्दी कामशासनः ॥ ५८॥

कुबेरबन्धुः कामात्मा कर्णिकारप्रियः कविः ।
कामदेवः कामपालः कामीकान्तः कृतागमः ॥ ५९॥

कल्याणः प्रकृतिः कल्पः कल्पादिः कमलेक्षणः ।
कमण्ड्लुधरः केतुः कालयोगीत्वकल्मषः ॥ ६०॥

करणं कारणंकर्ता कैलासपतिरीश्वरः ।
कामारिः कश्यपोनादि किरीटी कौशिकस्तथा ॥ ६१॥

कपिलः कुशलः कर्ताकुमारः कल्पवृक्षकः ।
कलाधरः कलाधीशः कालकण्ठः कपालभृत् ॥ ६२॥

कैलासशिखरावासः क्रूरः किर्तिविभूषणः ।
कालज्ञानी कलिघ्नश्च कम्पितः कालविग्रहः ॥ ६३॥

कवची कञ्चुकी कुण्डी कुण्डली कर्यकोविदः ।
कालभक्षः कलङ्कारिः किङ्किणीकृतवासुकिः ॥ ६४॥

गणेश्वरश्च गौरीशो गिरिशो गिरिबान्धवः ।
गिरिधन्वा गुहो गोप्ता गुणराशिर्गुणाकरः ॥ ६५॥

गम्भीरो गहनो गोसागोमानूमन्ता मनोगतिः ।
श्रीशो गृहपतिर्गोप्ता गौरोगव्यमयः खगः ॥ ६६॥

गणग्राहि गुणग्राही गगनो गह्वराश्रयः ।
अग्रगण्येश्वरो योगी खट्वाङ्गी गगनालयः ॥ ६७॥

अमोघो मोघफलदो घण्टारावो घटप्रियः ।
चन्द्रपीडश्चन्द्रमौलिश्चित्रवेशश्चिरन्तनः ॥ ६८॥

चतुःशयश्चित्रबाहुरचलश्छिन्नसंशयः ।
चतुर्वेदश्चतुर्बाहुश्चतुरश्चतुरप्रियः ॥ ६९॥

चामुण्डाजनकश्चक्षुश्चलचक्षुरचञ्चलः ।
अचिन्त्य महिमाचिन्त्यश्चराचर चरित्रगुः ॥ ७०॥

चन्द्रसञ्जीवनश्चित्र आचार्यश्च चतुर्मुखः ।
ओजस्तेजोद्युति धरोजित कामोजनप्रियः ॥ ७१॥

अजातशत्रुरोजस्वी जितकालो जगत्पतिः ।
जगदादिरजोजातो जगदीशो जनार्दनः ॥ ७२॥

जननोजन जन्मादिरार्जुनो जन्मविजयी ।
जन्माधिपोजटिर्ज्योतिर्जन्ममृत्युजरापहः ॥ ७३॥

जयोजयारि ज्योतिष्मान् जानकर्णो जगद्धितः ।
जमदग्निर्जलनिधिर्जटिलो जीवितेश्वरः ॥ ७४॥

जीवितान्तकरो ज्येष्ठो जगन्नाथो जनेश्वरः ।
त्रिवर्गसाधनस्तार्क्ष्यस्तरणिस्तन्तुवर्द्धनः ॥ ७५॥

तपस्वी तारकस्त्वष्टा तीव्रश्चात्मसंस्थितः ।
तपनस्तापसन्तुष्टश्चात्मयोनिरतीन्द्रियः ॥ ७६॥

उत्तारकस्तिमिरहातीव्रानन्दस्तनूनपातू ।
अन्तर्हितस्तमिश्रश्चस्तेजस्तेजोमयस्तुतिः ॥ ७७॥

तरुस्तीर्थङ्करस्त्वष्टातत्वन्तत्वविदुत्तमः ।
तेजोराशिस्तुम्बवीणस्त्वतिथिरतिथिप्रियः ॥ ७८॥

आत्मयोगसमान्मातस्तीर्थदेव शिलामयः ।
स्थानदः स्थापितः स्थाणुः स्थविष्टः स्थविरः स्थितः ॥ ७९॥

त्रिलोकेशः त्रिलोकात्मा त्रिशूलः त्रिदशाधिपः ।
त्रिलोचनः त्रयीवेद्यः त्रिवर्गस्थः त्रिवर्गदः ॥ ८०॥

दूरश्रवा दुष्कृतघ्नोदुर्द्धर्षो दुःसहोदयः ।
दृढपारी दृढोदेवो देवदेवोथ दुन्दुभः ॥ ८१॥

दीर्घायुधो दीर्घतपो दक्षोदुःस्वप्ननाशनः ।
दुर्लभो दुर्गमो दुर्गो दुरावासो दुरासदः ॥ ८२॥

दमो दमयिता दान्तो दातादानन्दयाकरः ।
दुर्वासाद्रिर्देवकार्यो दुर्ज्ञेयो दुर्भगोदयः ॥ ८३॥

दण्डिदाहो दानवारिर्देवेन्द्रस्त्वरिमर्दनः ।
देवासुरगुरुर्देवो देवासुरनमस्कृतः ॥ ८४॥

देवासुरमहामन्त्रो देवासुरमहाश्रयः ।
देवाधिदेवो देवर्षि देवासुरवरप्रदः ॥ ८५॥

देवासुरेश्वरो देव्यो देवासुर महेश्वरः ।
सर्वदेवमयो दण्डो देवसिंहो दिवाकरः ॥ ८६॥

दम्भो दम्भोमहादम्भो दम्भकृद्दम्भमर्दनः ।
दर्पघ्नो दर्पदोद्दप्तो दुर्जयो दुरतिक्रमः ॥ ८७॥

देवनाथो दुराधर्षो दैवज्ञो देवचिन्तकः ।
दक्षारिर्देवपालश्च दुःखदारिद्र्यहारकः ॥ ८८॥

अध्यात्मयोगरतो निरतो धर्मशत्रु धनुर्द्धरः ।
धनाधिपो धर्मचारी धर्मधन्वा धनागमः ॥ ८९॥

ध्येयोऽग्रधुर्यो धात्रीशो धर्मकृद्धर्मवर्द्धनः ।
ध्यानाधारो धनन्ध्येयो धर्मपूज्योऽथ धूर्जटिः ॥ ९०॥

धर्मधामा धनुर्धन्यो धनुर्वेदो धरातिपः ।
अनन्तदृष्टिरानन्दो नियमो नियमाश्रयः ॥ ९१॥

नलोऽनलो नागभुजो निदाद्यो नीललोहितः ।
अनादिमध्यनिधनो नीलकण्ठो निशाचरः ॥ ९२॥

अनघो नर्तको नेता नियतात्मा निजोद्भटः ।
ज्ञानन्नित्यप्रकाशात्मा निवृत्तात्मा नदीधरः ॥ ९३॥

नीतिः सुनीतिरुन्मत्तोऽनुत्तमस्त्व निवारितः ।
अनादिनिधनोऽनन्तो निराकारो नभोगतिः ॥ ९४॥

नित्यो नियतकल्याणोनगोनिःश्रेयसालयः ।
नक्षत्रमालिनाकेशो नागहारः पिनाकधृक् ॥ ९५॥

न्यायनिर्वाहको न्यायो न्यायगम्यो निरञ्जनः ।
निरावरणविज्ञानो नरसिंहो निपातनः ॥ ९६॥

नन्दीनन्दीश्वरो नग्नो नग्नब्रह्म धरोनरः ।
धर्मदो निरहङ्कारो निर्मोहो निरुपद्रवः ॥ ९७॥

निष्कण्टकः कृतानन्दो निर्व्याजो व्याजमर्द्दनः ।
अनघो निष्कलो निष्ठो नीलग्रीवो निरामयः ॥ ९८॥

अनिरुद्धस्त्वनाद्यन्तो नैकात्मा नैककर्मकृत् ।
नगरेतानगीनन्दीत्द्यानन्दधनवर्द्धनः ॥ ९९॥

योगी वियोगी खट्वाङ्गी खड्गी शॄङ्गीखरीगरी ।
रागी विरागी संरागी त्यागी गौरीवराङ्गदी ॥ १००॥

डमरूमरुक व्याघ्रहस्ताग्रश्चन्द्रखण्डभृत् ।
ताण्डवाडम्बररुचीरुण्डमुण्डनपण्डितः ॥ १०१॥

परमेश्वरः पशुपतिः पिनाकी पुरशासनः ।
पुरातनो देवकार्यः परमेष्ठी परायणः ॥ १०२॥

पञ्चविंशतितत्वज्ञः पञ्चयज्ञप्रभञ्जनः ।
पुष्करञ्च परम्ब्रह्मपारिजातः परात्परः ॥ १०३॥

प्रतिष्ठितः प्रमाणज्ञः प्रमाणम्परमन्तपः ।
पञ्चब्रह्मसमुत्पत्तिः परमात्मा परावरः ॥ १०४॥

पिनाकपाणिः प्रांशुश्चप्रत्ययः परमेश्वरः ।
प्रभाकरः प्रत्ययश्च प्रणवश्च पुरञ्जयः ॥ १०५॥

पवित्रपाणिः पापारिः प्रतापार्चिरपान्निधिः ।
पुलस्त्यः पुलहोगस्त्यो पुरुहूतः पुरुष्टुतः ॥ १०६॥

पद्माकरः परञ्ज्योतिः परापरफलप्रदः ।
परापरज्ञः परदः परशत्रुः परम्पदः ॥ १०७॥

पूर्णः पूरयितापुण्यः पुण्यश्रवणकीर्तनः ।
पुरन्दरः पुण्यकीर्तिः प्रमादी पापनाशनः ॥ १०८॥

परशीलः परगुणः पाण्डुरागपुरन्दरः ।
परार्थवृत्तिः प्रभवः पुरुषः पूर्वजः पिता ॥ १०९॥

पिङ्गलः पवनः प्रेक्षः प्रतप्तः पूषदन्तहा ।
परमार्थगुरुः प्रीतः प्रीतिमांश्च प्रतापनः ॥ ११०॥

पराशरः पद्मगर्भः परः परपुरञ्जयः ।
उपद्रवः पद्मकरः परमार्थैक पण्डितः ॥ १११॥

महेश्वरो महादेवो मुद्गलो मधुरोमृदुः ।
मनःशायी महायोगी महाकर्मा महौषधम् ॥ ११२॥

महर्षिः कपिलाचार्यो मृगव्याधो महाबलः ।
महानिधिर्महाभूतिर्महानीतिर्महामतिः ॥ ११३॥

महाहृदो महागर्तो महाभूतो मृतोपमः ।
अमृतांशोमृतवपुर्मरीचिर्महिमालयः ॥ ११४॥

महातमो महाकायो मृगबाणार्पणोमलः ।
महाबलो महातेजो महायोगी महामनः ॥ ११५॥

महामायो महासत्वो महानादो महोत्सवः ।
महाबुद्धिर्महावीर्यो महाशक्तिर्महाद्युतिः ॥ ११६॥

उन्मत्तकीर्तिरुन्मत्तो माधवीनमितोमतिः ।
महाश‍ृङ्गोऽमृतोमन्त्रो माङ्गल्यो मङ्गलप्रियः ॥ ११७॥

अमोघदण्डो मध्यस्छोमहेन्द्रोऽमोघविक्रमः ।
अमेयोऽरिष्टमथनो मुकुन्दस्त्वमयाचलः ॥ ११८॥

मातामहो मातरिश्वा मणिपूरो महाशयः ।
महाश्रयो महागर्भो महाकल्पो महाधनुः ॥ ११९॥

मनो मनोजवो मानी मेरुमेद्यो मृदोमनुः ।
महाकोशो महाज्ञानी महाकालः कलिप्रियः ॥ १२०॥

महाबटुर्महात्यागी महाकोशोमहागतिः ।
शिखण्डी कवची शूली जटी मुण्डी च कुण्डली ॥ १२१॥

मेखली कञ्चुकी खड्गी माली मायी महामणिः ।
महेष्वासो महीभर्ता महावीरो महीभूजः ॥ १२२॥

मखकर्ता मखध्वंसी मधुरो मधुरप्रियः ।
ब्रह्मसृष्टिर्ब्रह्मवीर्यो बाणहस्तो महाबली ॥ १२३॥

कालरूपो बलोन्मादी ब्रह्मण्यो ब्रह्मवर्चसी ।
बहुरूपो बहुमायो ब्रह्माविष्णुशिवात्मकः ॥ १२४॥

ब्रह्मगर्भो बृहद्गर्भो बृहज्ज्योतिर्बृहत्तरः ।
बीजाध्यक्षो बीजकर्ता बीजाङ्गो बीजवाहनः ॥ १२५॥

ब्रह्म ब्रह्मविदो ब्रह्मज्योतिर्बृहस्पतिः ।
बीजबुद्धि ब्रह्मचारी ब्रह्मण्यो ब्राह्मणप्रियः ॥ १२६॥

युगादिकृद्युगावर्तो युगाध्यक्षो युगापहा ।
यज्ञो यज्ञपतिर्यज्वा यज्ञाङ्गो यज्ञवाहनः ॥ १२७॥

योगाचार्यो योगगम्यो योगी योगश्चयोगवित् ।
योगाङ्गो योगसारङ्गो यक्षोयुक्तिर्यमोयमी ॥ १२८॥

रौद्रो रुद्र ऋषी राहू रुचिर्त्वं रणप्रियः ।
अरोगो रोगहारी च रुधिरो रुचिराङ्गदी ॥ १२९॥

लोहिताक्षो ललाटाक्षो लोकदो लोककारकः ।
लोकबन्धुर्लोकनाथो लक्षण ज्ञोथलक्षणः ॥ १३०॥

लोकमायो लोककर्ता लौल्यो ललित एव च ।
वरीयानू वरदो वन्द्यो विद्वान् विश्वामरेश्वरः ॥ १३१॥

वेदान्तसारसन्देहो वीतरागो विशारदः ।
विश्वमूर्तिर्विश्ववेद्यो वामदेवो विमोचकः ॥ १३२॥

विश्वरूपो विश्वपक्षो वागीशो वृषवाहनः ।
वृषाङ्कोथ विशालाक्षो विश्वदीप्तिर्विलोचनः ॥ १३३॥

विलोको विश्वदृग्विश्वोविजितात्मालयः पुमान् ।
व्याघ्रचर्मधरोवाङ्गी वाङ्मयैकविधिर्विभुः ॥ १३४॥

वर्णाश्रम गुरुवर्णी वरदो वायुवाहनः ।
विश्वकर्मा विनीतात्मा वेदशास्त्रार्थ तत्ववित् ॥ १३५॥

वसुर्वसुमना व्यालो विरामो विमदः कविः ।
विमोचकश्चविजयो विशिष्टो वृषवाहनः ॥ १३६॥

विद्येशो विबुधो वादी वेदाङ्गो वेदविन्मुतिः ।
विश्वेश्वरो वीरभद्रो वीरासन विधिर्विराट ॥ १३७॥

व्यवसायो व्यवस्छानः वीरचुडामणिर्वरः ।
वालखिल्यो विश्वदेहो विरामो वसुदोवसुः ॥ १३८॥

विरोचनो वररुचिर्वेद्यो वाचस्पतिर्गतिः ।
विद्वत्तमोवीतभयो विश्रुतिर्विमलोदयः ॥ १३९॥

वैवस्वतो वसिष्ठश्च विभूतिर्विगतज्वरः ।
विश्वहर्ता विश्वागोप्ता विश्वामित्रो द्विजेश्वरः ॥ १४०॥

विश्वोत्पत्तिर्विश्वसहो विश्वावासो वसुश्रवाः ।
विश्वरूपो वज्रहस्तो विपाको विश्वकारकः ॥ १४१॥

वृषदर्श्वो व्यासकल्पो विशल्पो लोकशल्यहृत् ।
विरूपो विकृतो वेगी विरञ्चिर्विष्टरश्रवाः ॥ १४२॥

अव्यक्तलक्षणो व्यक्तो व्यक्ताव्यक्तो विशाम्पतिः ।
विबुद्धोऽग्रकरो वेदो विश्वगर्भो विचक्षणः ॥ १४३॥

विष्माक्षो विलोमाक्षो वृषभो वृषवर्द्धनः ।
वित्तप्रदो वसन्तश्च विवस्वान् विक्रमोत्तमः ॥ १४४॥

वेद्यो वैद्यो विश्वरूपो विविक्तो विश्वभाजनम् ।
विषयस्छो विविक्तस्छो विद्याराशिर्वियत्प्रियः ॥ १४५॥

शिवः सर्वः सदाचारः शम्भुरीशान ईश्वरः ।
श्रुतिधर्मानसंवादी सहस्राक्षः सहस्रपात् ॥ १४६॥

सर्वज्ञः सर्वदेवश्च शङ्करः शूलधारकः ।
सुशरीरः स्कन्दगुरुः श्रीकण्ठः सूर्यतापनः ॥ १४७॥

ईशानो निलयः स्वस्ति सामवेदस्त्वथर्ववित् ।
नीतिः सुनीतिः श्रद्धात्मा सोमः सोमतरः सुखी ॥ १४८॥

सोमपामृतपः सौम्यः सूत्रकारः सनातनः ।
शाखो विशाखो सम्भाव्यः सर्वदः सर्वगोचरः ॥ १४९॥

सदाशिवः समावृत्तिः सुकीर्तिः स्छिन्नसंशयः ।
सर्वावासः सदावासः सर्वायुधविशारदः ॥ १५०॥

सुलभः सुव्रतः शूरः शुभाङ्गः शुभविग्रहः ।
सुवर्णाङ्गः स्वात्मशत्रुः शत्रुजिछत्रुतापनः ॥ १५१॥

शनिः सूर्यः सर्वकर्मा सर्वलोकप्रजापतिः ।
सिद्धः सर्वेश्वरः स्वस्ति स्वस्तिकृत्स्वस्ति भूस्वधा ॥ १५२॥

वसुर्वसुमनासत्यः सर्वपापहरोहरः ।
सर्वादिः सिद्धिदः सिद्धिः सत्वावासःश्चतुष्पथः ॥ १५३॥

संवत्सरकरः श्रीमान् शान्तः संवत्सरः शिशुः ।
स्पष्टाक्षरः सर्वहारी सङ्ग्रामः समराधिकः ॥ १५४॥

इष्टोविशिष्टः शिष्टेष्टः शुभदः सुलभायनः ।
सुब्रह्मण्यः सुरगणो सुशरण्यः सुधापतिः ॥ १५५॥

शरण्यः शाश्वतः स्कन्दः शिपिविष्टः शिवाश्रयः ।
संसारचक्रभृत्सारः शङ्करः सर्वसाधकः ॥ १५६॥

शस्त्रं शास्त्रं शान्तरागः सवितासकलागमः ।
सुवीरः सत्पथाचारः षड्विंशः सप्तलोकधृक् ॥ १५७॥

सम्राट् सुवेषः शत्रुघ्नोऽसुरशत्रुः शुभोदयः ।
समर्थः सुगतः शक्रः सद्योगी सदसन्मयः ॥ १५८॥

शास्त्रनेत्रं मुखं श्मश्रु स्वाधिष्ठानं षडाश्रयः ।
अभूः सत्यपतिर्वृद्धः शमनः शिखिसारथिः ॥ १५९॥

सुप्रतीकः सुवृद्धात्मा वामनः सुखवारिधिः ।
सुखानीडः सुनिष्पन्नः सुरभिः सृष्टिरात्मकः ॥ १६०॥

सर्वदेवमयः शैलः सर्वशस्त्रप्रभञ्जनः ।
शिवालयः सर्वरूपः सहस्रमुखनासिका ॥ १६१॥

सहस्रबाहुः सर्वेषां शरण्यः सर्वलोकधृक् ।
इन्द्रेशः सुरसव्यासः सर्वदेवोत्तमोत्तमः ॥ १६२॥

शिवध्यानरतः श्रीमान् शिखिश्री चण्डिकाप्रियः ।
श्मशाननिलयः सेतुः सर्वभूतमहेश्वरः ॥ १६३॥

सुविशिष्टः सुराध्यक्षः सुकुमारः सुलोचनः ।
सकलः स्वर्गतः स्वर्गः सर्गः स्वरमयः स्वनः ॥ १६४॥

सामगः सकलधारः सामगानप्रियः शिचिः ।
सद्गतिः सत्कृतिः शान्तसद्भूतिः सत्परायणः ॥ १६५॥

शुचिस्मितः प्रसन्नात्मा सर्वशस्त्रमृतांवरः ।
सर्वावासः स्तुतस्त्वष्टा सत्यव्रतपरायणः ॥ १६६॥

श्रीवल्लभः शिवारम्भः शान्तभद्रः सुमानसः ।
सत्यवान् सात्विकः सत्यः सर्वजिछ्रुतिसागरः ॥ १६७॥

सहस्रार्चिः सप्तजिह्वः सप्तावर मुनीश्वरः ।
संसारसारथिः शुद्धः शत्रुघ्नः शत्रुतापनः ॥ १६८॥

सुरेशः शरणं शर्म सर्वदेवः सताङ्गतिः ।
सद्धृत्तोव्रतसिद्धिश्च सिद्धिदः सिद्धिसाधनः ॥ १६९॥

शान्तबुद्धिः शुद्धबुद्धिः स्रष्टास्तोऽतास्तवप्रियः ।
रसज्ञः सर्वसारज्ञः सर्वसत्वावलम्बनः ॥ १७०॥

स्थूलः सूक्ष्मः सुसूक्ष्मश्च सहस्राक्षः प्रकाशकः ।
सारमेयानुगः सुभ्रूः प्रौढबाहुः सहस्रदृक् ॥ १७१॥

गृहात्मको रुद्ररूपी वषट् स्वरमयः शशी ॥

आदित्यः सर्वकर्त्ता च सर्वायुः सर्वबुद्धिदः । १७२॥

संहृष्टस्तुसदापुष्टो घुर्घुरो रक्तलोचनः ।
पादुकासिद्धिदः पाता पारुष्य विनिषूदनः ॥ १७३॥

अष्टसिद्धिर्महासिद्धिः परः सर्वाभिचारकः ।
भूतवेतालघाती च वेतालानुचरोरविः ॥ १७४॥

कालाग्निः कालरुद्रश्च कालादित्यः कलामयः ।
कालमाली कालकण्ठस्त्र्य्म्बकस्त्रिपुरान्तकः ॥ १७५॥

सर्वाभिचारीहन्ता च तथा कृत्यानिषूदनः ।
आन्त्रमाली घण्टमाली स्वर्णाकर्षणभैरवः ॥ १७६॥

नाम्नां सहस्रं दिव्यानां भैरवस्य महात्मनः ।
मया ते कथितं देवि रहस्यं सर्वकामदम् ॥ १७७॥

भैरवस्य वरारोहे वरं नामसहस्रकम् ।
पठते पाठयेद्यस्तु श्रुणुयात्सु समाहितः ॥ १७८॥

न तस्य दुरितं किञ्चिन्नमारी भयमेवच ।
न च भूतभयं किञ्चिन्न रोगाणां भयं तथा ॥ १७९॥

न पातकाद्भयं चैव शत्रुतो न भयं भवेत् ।
मारीभयं चोरभयं नाग्निव्याघ्रादिजं भयम् ॥ १८०॥

औत्पातिकं महाघोरं पठते यो विलीयते ।
दुःस्वप्नजे राजभये विपत्तौ घोरदर्शने ॥ १८१॥

स्तोत्रमेतत्पठेद्विद्वान्सर्वदुःखौघनाशनम् ।
सर्वप्रशममायाति सहस्रपरिकीर्तनात् ॥ १८२॥

एककालं द्विकालं वा त्रिकालमथवानिशी ।
पठेद्यो नियताहारः सर्वसिद्धि च विन्दति ॥ १८३॥

भूमिकामो भूतिकामः षण्मासं च जपेत्सुधीः ।
प्रतिकृत्या विनाशार्थं जपेत्रिशतमुत्तमम् ॥ १८४॥

मासत्रयेण सर्वेषां रिपूणामन्तको भवेत् ।
मासत्रयं जपेद्देवि निशिनिश्चलमानसः ॥ १८५॥

धनं पुत्रान् तथादारान् प्राप्नुयान्नात्र संशयः ।
महाकारागृहे बद्धपिशाचैः परिवारितः ॥ १८६॥

निगडैः श‍ृङ्खलाभिश्च बन्धनं परमं गतः ।
पठेद्देवि दिवारात्रौ सर्वान्कामान्नवाप्नुयात् ॥ १८७॥

शतमावर्तनाद्देवि पुरश्चरणमुच्यते ।
यं यं कामयते कामं तं तं प्राप्नोति निश्चितम् ॥ १८८॥

सत्यं सत्यं पुनः सत्यं सत्यं सत्यं पुनः पुनः ।
सर्व कामः प्रदो देवि भैरवः सर्वसिद्धिदः ॥ १८९॥

सत्कुलीनाय शान्ताय ऋषये सत्यवादिन ।
स्तोत्रदानात्सु प्रहृष्टो भैरवोभून्महेश्वरः ॥ १९०॥

॥ इतिश्रीउड्डामरेतन्त्रे उमामहेश्वर संवादे
कालभैरवसहस्रनामस्तोत्रं सम्पूर्णम् ॥
*********