ಶ್ರೀಮೂಕಾಮ್ಬಿಕಾ ಪಂಚರತ್ನ ಸ್ತೋತ್ರಮ್
ಮೂಲಾಮ್ಭೋರುಹಮಧ್ಯಕೋಣವಿಲಸತ್ ಬನ್ಧೂಕರಾಗೋಜ್ಜ್ವಲಾಂ
ಜ್ವಾಲಾಜಾಲಜಿತೇನ್ದುಕಾನ್ತಿ ಲಹರೀಂ ಆನನ್ದಸನ್ದಾಯಿನೀಮ್ ।
ಹೇಲಾಲಾಲಿತನೀಲಕುನ್ತಲಧರಾಂ ನೀಲೋತ್ಪಲೀಯಾಂಶುಕಾಂ
ಕೋಲ್ಲೂರಾದ್ರಿನಿವಾಸಿನೀಂ ಭಗವತೀಂ ಧ್ಯಾಯಾಮಿ ಮೂಕಾಮ್ಬಿಕಾಮ್ ॥ 1॥
ಬಾಲಾದಿತ್ಯ ನಿಭಾನನಾಂ ತ್ರಿನಯನಾಂ ಬಾಲೇನ್ದುನಾಭೂಷಿತಾಂ
ನೀಲಾಕಾರಸುಕೇಶಿನೀಂ ಸುಲಲಿತಾಂ ನಿತ್ಯಾನ್ನದಾನಪ್ರದಾಮ್ ।
ಶಂಖಂ ಚಕ್ರಗದಾಽಭಯಂ ಚ ದಧತೀಂ ಸಾರಸ್ವತಾರ್ಥಪ್ರದಾಂ
ತಾಂ ಬಾಲಾಂ ತ್ರಿಪುರಾಂ ಶಿವೇನಸಹಿತಾಂ ಧ್ಯಾಯಾಮಿ ಮೂಕಾಮ್ಬಿಕಾಮ್ ॥ 2॥
ಮಧ್ಯಾನ್ಹಾರ್ಕಸಹಸ್ರಕೋಟಿಸದೃಶಾಂ ಮಾಯಾನ್ಧಕಾರಸ್ಥಿತಾಂ
ಮಾಯಾಜಾಲವಿರಾಜಿತಾಂ ಮದಕರೀಂ ಮಾರೇಣ ಸಂಸೇವಿತಾಮ್ ।
ಶೂಲಮ್ಪಾಶಕಪಾಲಪುಸ್ತಕಧರಾಂ ಶುದ್ಧಾರ್ಥವಿಜ್ಞಾನದಾಂ
ತಾಂ ಬಾಲಾಂ ತ್ರಿಪುರಾಂ ಶಿವೇನಸಹಿತಾಂ ಧ್ಯಾಯಾಮಿ ಮೂಕಾಮ್ಬಿಕಾಮ್ ॥ 3॥
ಕಲ್ಯಾಣೀಂ ಕಮಲೇಕ್ಷಣಾಂ ವರನಿಧಿಂ ಮನ್ದಾರ ಚಿನ್ತಾಮಣಿಂ
ಕಲ್ಯಾಣೀ ಘನಸಂಸ್ಥಿತಾಂ ಘನಕೃಪಾಂ ಮಾಯಾಂ ಮಹಾವೈಷ್ಣವೀಮ್ ।
ಕಲ್ಯಾಣೀಂ ಭಗವತೀಂ ವಿಕರ್ಮಶಮನಾಂ ಕಾಂಚೀಪುರೀಂ ಕಾಮದಾಂ
ಕಲ್ಯಾಣೀಂ ತ್ರಿಪುರಾಂ ಶಿವೇನ ಸಹಿತಾಂ ಧ್ಯಾಯಾಮಿ ಮೂಕಾಮ್ಬಿಕಾಮ್ ॥ 4॥
ಕಾಲಾಮ್ಭೋಧರಕುನ್ತಲಾಂ ಸ್ಮಿತಮುಖೀಂ ಕರ್ಪೂರ ಹಾರೋಜ್ಜ್ವಲಾಂ
ಕರ್ಣಾಲಮ್ಬಿತಹೇಮಕುಂಡಲಧರಾಂ ಮಾಣಿಕ್ಯ ಕಾಂಚೀಧರಾಮ್ ।
ಕೈವಲ್ಯೈಕ್ಯಪರಾಯಣಾಂ ಕಲಮುಖೀಂ ಪದ್ಮಾಸನೇ ಸಂಸ್ಥಿತಾಂ
ತಾಂ ಬಾಲಾಂ ತ್ರಿಪುರಾಂ ಶಿವೇನಸಹಿತಾಂ ಧ್ಯಾಯಾಮಿ ಮೂಕಾಮ್ಬಿಕಾಮ್ ॥ 5॥
ಮನ್ದಾರ ಕುನ್ದ ಕುಮುದೋತ್ಪಲ ಮಲ್ಲಿಕಾಬ್ಜೈಃ
ಶೃಂಗಾರ ವೇಷ ಸುರ ಪೂಜಿತ ವನ್ದಿತಾಗ್ರೀಮ್ ।
ಮನ್ದಾರ ಕುನ್ದ ಕುಮುದೋತ್ಪಲ ಸುನ್ದರಾಂಗೀ
ಮೂಕಾಮ್ಬಿಕೇ ಮಯಿ ನಿ ದೇಹಿ ಕೃಪಾ ಕಟಾಕ್ಷಮ್ ॥
**********
श्रीमूकाम्बिका पञ्चरत्न स्तोत्रम्
मूलाम्भोरुहमध्यकोणविलसत् बन्धूकरागोज्ज्वलां
ज्वालाजालजितेन्दुकान्ति लहरीं आनन्दसन्दायिनीम् ।
हेलालालितनीलकुन्तलधरां नीलोत्पलीयांशुकां
कोल्लूराद्रिनिवासिनीं भगवतीं ध्यायामि मूकाम्बिकाम् ॥ १॥
बालादित्य निभाननां त्रिनयनां बालेन्दुनाभूषितां
नीलाकारसुकेशिनीं सुललितां नित्यान्नदानप्रदाम् ।
शङ्खं चक्रगदाऽभयं च दधतीं सारस्वतार्थप्रदां
तां बालां त्रिपुरां शिवेनसहितां ध्यायामि मूकाम्बिकाम् ॥ २॥
मध्यान्हार्कसहस्रकोटिसदृशां मायान्धकारस्थितां
मायाजालविराजितां मदकरीं मारेण संसेविताम् ।
शूलम्पाशकपालपुस्तकधरां शुद्धार्थविज्ञानदां
तां बालां त्रिपुरां शिवेनसहितां ध्यायामि मूकाम्बिकाम् ॥ ३॥
कल्याणीं कमलेक्षणां वरनिधिं मन्दार चिन्तामणिं
कल्याणी घनसंस्थितां घनकृपां मायां महावैष्णवीम् ।
कल्याणीं भगवतीं विकर्मशमनां काञ्चीपुरीं कामदां
कल्याणीं त्रिपुरां शिवेन सहितां ध्यायामि मूकाम्बिकाम् ॥ ४॥
कालाम्भोधरकुन्तलां स्मितमुखीं कर्पूर हारोज्ज्वलां
कर्णालम्बितहेमकुण्डलधरां माणिक्य काञ्चीधराम् ।
कैवल्यैक्यपरायणां कलमुखीं पद्मासने संस्थितां
तां बालां त्रिपुरां शिवेनसहितां ध्यायामि मूकाम्बिकाम् ॥ ५॥
मन्दार कुन्द कुमुदोत्पल मल्लिकाब्जैः
शृंगार वेष सुर पूजित वन्दिताग्रीम् ।
मन्दार कुन्द कुमुदोत्पल सुन्दराङ्गी
मूकाम्बिके मयि नि देहि कृपा कटाक्षम् ॥
**************
