ಲಕ್ಷ್ಮೀ ಗಾಯತ್ರೀ लक्ष्मी गायत्री lakshmi gayatri

Lakshmi Gayatri
 ಲಕ್ಷ್ಮೀ ಗಾಯತ್ರೀ 
ಶ್ರೀಲಕ್ಷ್ಮೀಃ ಕಲ್ಯಾಣೀ ಕಮಲಾ ಕಮಲಾಲಯಾ ಪತ್ಮಾ ।
ಮಾಮಕಚೇತಸ್ಸದ್ಮನಿ ಹೃತಪದ್ಮೇ ವಸತು ವಿಷ್ಣುನಾ ಸಾಕಮ್ ॥ 1॥

ತತ್ಸದೋಂ ಶ್ರೀಮಿತಿ ಪದೈಶ್ಚತುರ್ಭಿಶ್ಚತುರಾಗಮೈಃ ।
ಚತುರ್ಮುಖಸ್ತುತಾ ಮಹ್ಯಮಿನ್ದಿರೇಷ್ಟಂ ಪ್ರಯಚ್ಛತು ॥ 2॥

ಸಚ್ಚಿತ್ಸುಖಾ ತ್ರಯೀಮೂತ್ತಿಸ್ಸರ್ವಪುಣ್ಯಫಲಾತ್ಮಿಕಾ ।
ಸರ್ವೇಶಮಹಿಷೀ ಮಹ್ಯಮಿನ್ದಿರೇಷ್ಟಂ ಪ್ರಯಚ್ಛತು ॥ 3॥

ವಿದ್ಯಾವೇದಾನ್ತಸಿದ್ಧಾನ್ತವಿವೇಚನವಿಚಾರಜಾ ।
ವಿಷ್ಣುಸ್ವರೂಪಿಣೀ ಮಹ್ಯಮಿನ್ದಿರೇಷ್ಟಂ ಪ್ರಯಚ್ಛತು ॥ 4॥

ತುರೀಯಾದ್ವೈತವಿಜ್ಞಾನಸಿದ್ಧಿಸತ್ತ್ವಸ್ವರೂಪಿಣಿ ।
ಸರ್ವತತ್ತ್ವಮಯೀ ಮಹ್ಯಮಿನ್ದಿರೇಷ್ಟಂ ಪ್ರಯಚ್ಛತು ॥ 5॥

ವರದಾಭಯದಾಮ್ಭೋಜಾಧರಪಾಣಿಚತುಷ್ಟಯಾ ।
ವಾಗೀಶಜನನೀ ಮಹ್ಯಮಿನ್ದಿರೇಷ್ಟಂ ಪ್ರಯಚ್ಛತು ॥ 6॥

ರೇಚಕೈಃ ಪೂರಕೈಃ ಪೂರ್ಣಕುಮ್ಭಕೈಃ ಪೂತದೇಹಿಭಿಃ ।
ಮುನಿಭಿರ್ಭಾವಿತಾ ಮಹ್ಯಮಿನ್ದಿರೇಷ್ಟಂ ಪ್ರಯಚ್ಛತು ॥ 7॥

ಣೀತ್ಯಕ್ಷರಮುಪಾಸನ್ತೋ ಯತ್ಪ್ರಸಾದೇನ ಸನ್ತತಿಮ್ ।
ಕುಲಸ್ಯಪ್ರಾಪ್ನುಯುರ್ಮಹ್ಯಮಿನ್ದಿರೇಷ್ಟಂ ಪ್ರಯಚ್ಛತು ॥ 8॥

ಯನ್ತ್ರಮನ್ತ್ರಕ್ರಿಯಾಸಿದ್ಧಿರೂಪಾ ಸರ್ವಸುಖಾತ್ಮಿಕಾ ।
ಯಜನಾದಿಮಯೀ ಮಹ್ಯಮಿನ್ದಿರೇಷ್ಟಂ ಪ್ರಯಚ್ಛತು ॥ 9॥

ಭಗವತ್ಯಚ್ಯುತೇ ವಿಷ್ಣಾವನನ್ತೇ ನಿತ್ಯವಾಸಿನೀ ।
ಭಗವತ್ಯಮಲಾಮಹ್ಯಮಿನ್ದಿರೇಷ್ಟಂ ಪ್ರಯಚ್ಛತು ॥ 10॥

ಗೋವಿಪ್ರವೇದಸೂರ್ಯಾಗ್ನಿಗಂಗಾಬಿಲ್ವಸುವರ್ಣಗಾ ।
ಸಾಲಗ್ರಾಮಮಯೀ ಮಹ್ಯಮಿನ್ದಿರೇಷ್ಟಂ ಪ್ರಯಚ್ಛತು ॥ 11॥

ದೇವತಾ ದೇವತಾನಾಂಚ ಕ್ಷೀರಸಾಗರಸಮ್ಭವಾ ।
ಕಲ್ಯಾಣೀ ಭಾರ್ಗವೀ ಮಹ್ಯಮಿನ್ದಿರೇಷ್ಟಂ ಪ್ರಯಚ್ಛತು ॥ 12॥

ವಕ್ತಿ ಯೋ ವಚಸಾ ರಿತ್ಯಂ ಸತ್ಯಮೇವ ನ ಚಾನೃತಮ್ ।
ತಸ್ಮಿನ್ ನ್ಯಾಯಮತೇ ಮಹ್ಯಮಿನ್ದಿರೇಷ್ಟಂ ಪ್ರಯಚ್ಛತು ॥ 13॥

ಸ್ಯಮನ್ತಕಾದಿ ಮಣಿ ಯೋ ಯತ್ಪ್ರಸಾದಾಂಶಕಾಂಶಕಾಃ ।
ಅನನ್ತವಿಭವಾ ಮಹ್ಯಮಿನ್ದಿರೇಷ್ಟಂ ಪ್ರಯಚ್ಛತು ॥ 14॥

ಧೀರಾಣಾಂ ವ್ಯಾಸವಾಲ್ಮೀಕಿಪೂರ್ವಾಣಾಂ ವಾಚಕಂ ತಪಃ ।
ಯತ್ಪ್ರಾಪ್ತಿಫಲದಂ ಮಹ್ಯಮಿನ್ದಿರೇಷ್ಟಂ ಪ್ರಯಚ್ಛತು ॥ 15॥

ಮಹಾನುಭಾವೈರ್ಮುನಿಭಿರ್ಮಹಾಭಾಗೈಸ್ತಪಸ್ವಿಭಿಃ ।
ಆರಾಧ್ಯ ಪ್ರಾರ್ಥಿತಾ ಮಹ್ಯಮಿನ್ದಿರೇಷ್ಟಂ ಪ್ರಯಚ್ಛತು ॥ 16॥

ಹಿಮಾಚಲಸುತಾವಾಣೀ ಸಖ್ಯಸೌಹಾರ್ದಲಕ್ಷಣಾ ।
ಯಾ ಮೂಲಪ್ರಕೃತಿರ್ಮಹ್ಯಮಿನ್ದಿರೇಷ್ಟಂ ಪ್ರಯಚ್ಛತು ॥ 17॥

ಧಿಯಾ ಭಕ್ತ್ಯಾ ಭಿಯಾ ವಾಚಾ ತಪಶ್ಶೌಚಕ್ರಿಯಾರ್ಜವೈಃ ।
ಸದ್ಭಿಸ್ಸಮರ್ಚಿತಾ ಮಹ್ಯಮಿನ್ದಿರೇಷ್ಟಂ ಪ್ರಯಚ್ಛತು ॥ 18॥

ಯೋಗೇನ ಕರ್ಮಣಾ ಭಕ್ತ್ಯಾ ಶ್ರದ್ಧಯಾ ಶ್ರೀಸ್ಸಮಾಪ್ಯತೇ ।
ಸತ್ಯಶ್ಶೌಚಪರೈರ್ಮಹ್ಯಮಿನ್ದಿರೇಷ್ಟಂ ಪ್ರಯಚ್ಛತು ॥ 19॥

ಯೋಗಕ್ಷೇಮೌ ಸುಖಾದೀನಾಂ ಪುಣ್ಯಜಾನಾಂ ನಿಜಾರ್ಥಿನೇ ।
ದದಾತಿ ದಯಯಾ ಮಹ್ಯಮಿನ್ದಿರೇಷ್ಟಂ ಪ್ರಯಚ್ಛತು ॥ 20॥

ಮನಶ್ಶರೀರಾಣಿ ಚೇತಾಂಸಿ ಕರಣಾನಿ ಸುಖಾನಿ ಚ ।
ಯದಧೀನಾನಿ ಸಾ ಮಹ್ಯಮಿನ್ದಿರೇಷ್ಟಂ ಪ್ರಯಚ್ಛತು ॥ 21॥

ಪ್ರಜ್ಞಾಮಾಯುರ್ಬಲಂ ವಿತ್ತಂ ಪ್ರಜಾಮಾರೋಗ್ಯಮೀಶತಾಂ ।
ಯಶಃ ಪುಣ್ಯಂ ಸುಖಂ ಮಹ್ಯಮಿನ್ದಿರೇಷ್ಟಂ ಪ್ರಯಚ್ಛತು ॥ 22॥

ಚೋರಾರಿವ್ಯಾಲರೋಗಾರ್ಣಗ್ರಹಪೀಡಾನಿವಾರಿಣೀ ।
ಅನೀತೇರಭಯಂ ಮಹ್ಯಮಿನ್ದಿರೇಷ್ಟಂ ಪ್ರಯಚ್ಛತು ॥ 23॥

ದಯಾಮಾಶ್ರಿತವಾತ್ಸಲ್ಯಂ ದಾಕ್ಷಿಣ್ಯಂ ಸತ್ಯಶೀಲತಾ ।
ನಿತ್ಯಂ ಯಾ ವಹತೇ ಮಹ್ಯಮಿನ್ದಿರೇಷ್ಟಂ ಪ್ರಯಚ್ಛತು ॥ 24॥

ಯಾ ದೇವ್ಯವ್ಯಾಜಕರುಣಾ ಯಾ ಜಗಜ್ಜನನೀ ರಮಾ ।
ಸ್ವತನ್ತ್ರಶಕ್ತಿರ್ಯಾ ಮಹ್ಯಮಿನ್ದಿರೇಷ್ಟಂ ಪ್ರಯಚ್ಛತು ॥ 25॥

ಬ್ರಹ್ಮಣ್ಯಸುಬ್ರಹ್ಮಣ್ಯೋಕ್ತಾಂ ಗಾಯತ್ರ್ಯಕ್ಷರಸಮ್ಮಿತಾಮ್ ।
ಇಷ್ಟಸಿದ್ಧಿರ್ಭವೇನ್ನಿತ್ಯಂ ಪಠತಾಮಿನ್ದಿರಾಸ್ತುತಿಮ್ ॥ 26॥

ಇತಿ ಲಕ್ಷ್ಮೀಗಾಯತ್ರೀಸ್ತುತಿಸ್ಸಮ್ಪೂರ್ಣಾ ।
*********


लक्ष्मी गायत्री 
श्रीलक्ष्मीः कल्याणी कमला कमलालया पत्मा ।
मामकचेतस्सद्मनि हृतपद्मे वसतु विष्णुना साकम् ॥ १॥

तत्सदों श्रीमिति पदैश्चतुर्भिश्चतुरागमैः ।
चतुर्मुखस्तुता मह्यमिन्दिरेष्टं प्रयच्छतु ॥ २॥

सच्चित्सुखा त्रयीमूत्तिस्सर्वपुण्यफलात्मिका ।
सर्वेशमहिषी मह्यमिन्दिरेष्टं प्रयच्छतु ॥ ३॥

विद्यावेदान्तसिद्धान्तविवेचनविचारजा ।
विष्णुस्वरूपिणी मह्यमिन्दिरेष्टं प्रयच्छतु ॥ ४॥

तुरीयाद्वैतविज्ञानसिद्धिसत्त्वस्वरूपिणि ।
सर्वतत्त्वमयी मह्यमिन्दिरेष्टं प्रयच्छतु ॥ ५॥

वरदाभयदाम्भोजाधरपाणिचतुष्टया ।
वागीशजननी मह्यमिन्दिरेष्टं प्रयच्छतु ॥ ६॥

रेचकैः पूरकैः पूर्णकुम्भकैः पूतदेहिभिः ।
मुनिभिर्भाविता मह्यमिन्दिरेष्टं प्रयच्छतु ॥ ७॥

णीत्यक्षरमुपासन्तो यत्प्रसादेन सन्ततिम् ।
कुलस्यप्राप्नुयुर्मह्यमिन्दिरेष्टं प्रयच्छतु ॥ ८॥

यन्त्रमन्त्रक्रियासिद्धिरूपा सर्वसुखात्मिका ।
यजनादिमयी मह्यमिन्दिरेष्टं प्रयच्छतु ॥ ९॥

भगवत्यच्युते विष्णावनन्ते नित्यवासिनी ।
भगवत्यमलामह्यमिन्दिरेष्टं प्रयच्छतु ॥ १०॥

गोविप्रवेदसूर्याग्निगङ्गाबिल्वसुवर्णगा ।
सालग्राममयी मह्यमिन्दिरेष्टं प्रयच्छतु ॥ ११॥

देवता देवतानाञ्च क्षीरसागरसम्भवा ।
कल्याणी भार्गवी मह्यमिन्दिरेष्टं प्रयच्छतु ॥ १२॥

वक्ति यो वचसा रित्यं सत्यमेव न चानृतम् ।
तस्मिन् न्यायमते मह्यमिन्दिरेष्टं प्रयच्छतु ॥ १३॥

स्यमन्तकादि मणि यो यत्प्रसादांशकांशकाः ।
अनन्तविभवा मह्यमिन्दिरेष्टं प्रयच्छतु ॥ १४॥

धीराणां व्यासवाल्मीकिपूर्वाणां वाचकं तपः ।
यत्प्राप्तिफलदं मह्यमिन्दिरेष्टं प्रयच्छतु ॥ १५॥

महानुभावैर्मुनिभिर्महाभागैस्तपस्विभिः ।
आराध्य प्रार्थिता मह्यमिन्दिरेष्टं प्रयच्छतु ॥ १६॥

हिमाचलसुतावाणी सख्यसौहार्दलक्षणा ।
या मूलप्रकृतिर्मह्यमिन्दिरेष्टं प्रयच्छतु ॥ १७॥

धिया भक्त्या भिया वाचा तपश्शौचक्रियार्जवैः ।
सद्भिस्समर्चिता मह्यमिन्दिरेष्टं प्रयच्छतु ॥ १८॥

योगेन कर्मणा भक्त्या श्रद्धया श्रीस्समाप्यते ।
सत्यश्शौचपरैर्मह्यमिन्दिरेष्टं प्रयच्छतु ॥ १९॥

योगक्षेमौ सुखादीनां पुण्यजानां निजार्थिने ।
ददाति दयया मह्यमिन्दिरेष्टं प्रयच्छतु ॥ २०॥

मनश्शरीराणि चेतांसि करणानि सुखानि च ।
यदधीनानि सा मह्यमिन्दिरेष्टं प्रयच्छतु ॥ २१॥

प्रज्ञामायुर्बलं वित्तं प्रजामारोग्यमीशतां ।
यशः पुण्यं सुखं मह्यमिन्दिरेष्टं प्रयच्छतु ॥ २२॥

चोरारिव्यालरोगार्णग्रहपीडानिवारिणी ।
अनीतेरभयं मह्यमिन्दिरेष्टं प्रयच्छतु ॥ २३॥

दयामाश्रितवात्सल्यं दाक्षिण्यं सत्यशीलता ।
नित्यं या वहते मह्यमिन्दिरेष्टं प्रयच्छतु ॥ २४॥

या देव्यव्याजकरुणा या जगज्जननी रमा ।
स्वतन्त्रशक्तिर्या मह्यमिन्दिरेष्टं प्रयच्छतु ॥ २५॥

ब्रह्मण्यसुब्रह्मण्योक्तां गायत्र्यक्षरसम्मिताम् ।
इष्टसिद्धिर्भवेन्नित्यं पठतामिन्दिरास्तुतिम् ॥ २६॥

इति लक्ष्मीगायत्रीस्तुतिस्सम्पूर्णा ।
**********