ಅರಳಿಕಟ್ಟಿ ನರಸಿಂಹಾಚಾರ್ಯ ನುತ್ಯಷ್ಟಕಮ್ ಪಾಂಡುರಂಗಾಚಾರ್ಯ ವಿರಚಿತಮ್

 ಶ್ರೀ ಅರಳಿಕಟ್ಟಿ ನರಸಿಂಹಾಚಾರ್ಯ ನುತ್ಯಷ್ಟಕಮ್

***********

ಧೂಮಾರ್ಯ

ಪಾದಭಜಕಾನ್

ಮಧ್ವಶಾಸ್ತ್ರಾರ್ಥವಾದಿನಃ

ಗೃಹಾದಿಸರ್ವಧಾತ್ರೃಂಶ್ಚ

ನೃಸಿಂಹಾರ್ಯಗುರುಂಭಜೇ||

ಲಕ್ಷ್ಮೀನಾರಾಯಣ ಧ್ಯಾನನಿರತಾನ್ ಭಾಸ್ಕರಾಂಶಜಾನ್|

ಶೀತೋಪಲಪುರಾಗಾರಾನ್ ನೃಸಿಂಹಾರ್ಯಗುರೂನ್ ಭಜೇ||1||

ಗ್ರಾಮಸ್ಯ ದಕ್ಷಿಣೇಭಾಗೇ ಭಾರತೀಶಸ್ಯ ಸನ್ನಿಧೌ|

ವೇದಿಕಾಂತರ್ಗತಾನ್ ದಾತೃನ್

ನೃಸಿಂಹಾರ್ಯಗುರೂನ್ ಭಜೇ||2||

ಲಾಂಗೂಲಸ್ಯೋತ್ತರೇ ಭಾಗೇ ವಾಯೋರ್ಹಸ್ತೇ ಸಮೀಪಕೇ|

ಆವಿರ್ಭೂತಾನ್ ವಿಳಂಬ್ಯಬ್ದೇ

ನೃಸಿಂಹಾರ್ಯಗುರೂನ್ ಭಜೇ||3||

ಚಿತ್ರೇರೂಪಂ ಯಥೈವಾಸ್ತೇ ತಥಾರೂಪೇಣ ಸಂಯುತಾನ್|

ಮಾರ್ಗಶೀರ್ಷೇ ಸ್ವಯಂವ್ಯಕ್ತಾನ್

ನೃಸಿಂಹಾರ್ಯಗುರೂನ್ ಭಜೇ||4||

ಪುನಃಸುಗ್ರೀವರೂಪೇಣ ವಾಯೋರುತ್ತರಭಾಗಕೇ|

ಅಭಿವ್ಯಕ್ತಾನ್ ಸಿತೇಪಕ್ಷೇ

ನೃಸಿಂಹಾರ್ಯಗುರೂನ್ ಭಜೇ||5||

ಉದ್ಗತಂ ನೃಹರಿಂ ದ್ರಷ್ಟುಮ್ ಆಂಜನೇಯಸ್ಯಮಸ್ತಕೇ|

ಪ್ರಾದುರ್ಭೂತಾನ್ ದ್ವಿತೀಯಾಯಾಂ 

ನೃಸಿಂಹಾರ್ಯಗುರೂನ್ ಭಜೇ||6||

ಪ್ರತ್ಯಕ್ಷಮ್ ಅಂಜನಾಸೂನುಂ ತ್ವರಿತಂದ್ರಷ್ಟುಮುದ್ಯತಾನ್|

ನೃಹರೇರ್ದಕ್ಷಿಣೇಭಾಗೇ 

ನೃಸಿಂಹಾರ್ಯಗುರೂನ್ ಭಜೇ||7||

ಸಮುದ್ಭೂತಾನ್ ಮುದಾಭಕ್ತ್ಯಾ

ರಾಮಸಂದರ್ಶನೋತ್ಸುಕಾನ್|

ಮಾರುತೇಃಪಾದಪೂಜಾರ್ಥಂ

ನೃಸಿಂಹಾರ್ಯಗುರೂನ್ ಭಜೇ||8||

ನುತ್ಯಷ್ಟಕಂ ಗುರೂಣಾಂ

ಶ್ರೀಪಾಂಡುರಂಗೇಣನಿರ್ಮಿತಮ್|

ಅನೇನಪ್ರೀಯತಾಂ ಶ್ರೀಶೋ ಮಧ್ವಹೃತ್ಕಮಲಸ್ಥಿತಃ||

||ಇತಿ ಶ್ರೀ ಪಾಂಡುರಂಗಾಚಾರ್ಯಕೃತ

ಶ್ರೀ ಅರಳಿಕಟ್ಟಿ ನರಸಿಂಹಾಚಾರ್ಯ

ನುತ್ಯಷ್ಟಕಮ್ ಸಂಪೂರ್ಣಂ||

||ಶ್ರೀ ಮಧ್ವೇಶಕೃಷ್ಣಾರ್ಪಣಮಸ್ತು||

***