ಲಕ್ಷ್ಮೀ ಕವಚಂ ತಂತ್ರೋಕ್ತಮ್ लक्ष्मी कवचं lakshmi kavacham tantroktam

shrI tantrokta lakShmIkavacham ..
॥ ಶ್ರೀಲಕ್ಷ್ಮೀಕವಚಮ್ ತನ್ತ್ರೋಕ್ತ ॥

ಶ್ರೀಗಣೇಶಾಯ ನಮಃ ।
ಓಂ ಅಸ್ಯ ಶ್ರೀಲಕ್ಷ್ಮೀಕವಚಸ್ತೋತ್ರಸ್ಯ, ಶ್ರೀಈಶ್ವರೋ ದೇವತಾ,
ಅನುಷ್ಟುಪ್ ಛನ್ದಃ, ಶ್ರೀಲಕ್ಷ್ಮೀಪ್ರೀತ್ಯರ್ಥೇ ಪಾಠೇ ವಿನಿಯೋಗಃ ।
ಓಂ ಲಕ್ಷ್ಮೀ ಮೇ ಚಾಗ್ರತಃ ಪಾತು ಕಮಲಾ ಪಾತು ಪೃಷ್ಠತಃ ।
ನಾರಾಯಣೀ ಶೀರ್ಷದೇಶೇ ಸರ್ವಾಂಗೇ ಶ್ರೀಸ್ವರೂಪಿಣೀ ॥ 1॥

ರಾಮಪತ್ನೀ ತು ಪ್ರತ್ಯಂಗೇ  ಸದಾಽವತು ಶಮೇಶ್ವರೀ।
ವಿಶಾಲಾಕ್ಷೀ ಯೋಗಮಾಯಾ ಕೌಮಾರೀ ಚಕ್ರಿಣೀ ತಥಾ ॥ 2॥

ಜಯದಾತ್ರೀ ಧನದಾತ್ರೀ ಪಾಶಾಕ್ಷಮಾಲಿನೀ ಶುಭಾ ।
ಹರಿಪ್ರಿಯಾ ಹರಿರಾಮಾ ಜಯಂಕರೀ ಮಹೋದರೀ ॥ 3॥

ಕೃಷ್ಣಪರಾಯಣಾ ದೇವೀ ಶ್ರೀಕೃಷ್ಣಮನಮೋಹಿನೀ ।
ಜಯಂಕರೀ ಮಹಾರೌದ್ರೀ ಸಿದ್ಧಿದಾತ್ರೀ ಶುಭಂಕರೀ ॥ 4॥

ಸುಖದಾ ಮೋಕ್ಷದಾ ದೇವೀ ಚಿತ್ರಕೂಟನಿವಾಸಿನೀ ।
ಭಯಂ ಹರತು ಭಕ್ತಾನಾಂ ಭವಬನ್ಧಂ ವಿಮುಚ್ಯತು ॥ 5॥

ಕವಚಂ ತನ್ಮಹಾಪುಣ್ಯಂ ಯಃ ಪಠೇದ್ಭಕ್ತಿಸಂಯುತಃ ।
ತ್ರಿಸನ್ಧ್ಯಮೇಕಸನ್ಧ್ಯಂ ವಾ ಮುಚ್ಯತೇ ಸರ್ವಸಂಕಟಾತ್ ॥ 6॥

ಏತತ್ಕವಚಸ್ಯ ಪಠನಂ ಧನಪುತ್ರವಿವರ್ಧನಮ್ ।
ಭೀತಿರ್ವಿನಾಶನಂಚೈವ ತ್ರಿಷು ಲೋಕೇಷು ಕೀರ್ತಿತಮ್ ॥ 7॥

ಭೂರ್ಜಪತ್ರೇ ಸಮಾಲಿಖ್ಯ ರೋಚನಾಕುಂಕುಮೇನ ತು ।
ಧಾರಣಾದ್ಗಲದೇಶೇ ಚ ಸರ್ವಸಿದ್ಧಿರ್ಭವಿಷ್ಯತಿ ॥ 8॥

ಅಪುತ್ರೋ ಲಭತೇ ಪುತ್ರ ಧನಾರ್ಥೀ ಲಭತೇ ಧನಮ್ ।
ಮೋಕ್ಷಾರ್ಥೀ ಮೋಕ್ಷಮಾಪ್ನೋತಿ ಕವಚಸ್ಯ ಪ್ರಸಾದತಃ ॥ 9॥

ಗರ್ಭಿಣೀ ಲಭತೇ ಪುತ್ರಂ ವನ್ಧ್ಯಾ ಚ ಗರ್ಭಿಣೀ ಭವೇತ್ ।
ಧಾರಯೇದ್ಯಪಿ ಕಂಠೇ ಚ ಅಥವಾ ವಾಮಬಾಹುಕೇ ॥ 10॥

ಯಃ ಪಠೇನ್ನಿಯತಂ ಭಕ್ತ್ಯಾ ಸ ಏವ ವಿಷ್ಣುವದ್ಭವೇತ್ ।
ಮೃತ್ಯುವ್ಯಾಧಿಭಯಂ ತಸ್ಯ ನಾಸ್ತಿ ಕಿಂಚಿನ್ಮಹೀತಲೇ ॥ 11॥

ಪಠೇದ್ವಾ ಪಾಠಯೇದ್ವಾಽಪಿ ಶೃಣುಯಾಚ್ಛ್ರಾವಯೇದ್ಯದಿ ।
ಸರ್ವಪಾಪವಿಮುಕ್ತಸ್ತು ಲಭತೇ ಪರಮಾಂ ಗತಿಮ್ ॥ 12॥

ಸಂಕಟೇ ವಿಪದೇ ಘೋರೇ ತಥಾ ಚ ಗಹನೇ ವನೇ ।
ರಾಜದ್ವಾರೇ ಚ ನೌಕಾಯಾಂ ತಥಾ ಚ ರಣಮಧ್ಯತಃ ॥ 13॥

ಪಠನಾದ್ಧಾರಣಾದಸ್ಯ ಜಯಮಾಪ್ನೋತಿ ನಿಶ್ಚಿತಮ್ ।
ಅಪುತ್ರಾ ಚ ತಥಾ ವನ್ಧ್ಯಾ ತ್ರಿಪಕ್ಷಂ ಶೃಣುಯಾದ್ಯದಿ ॥ 14॥

ಸುಪುತ್ರಂ ಲಭತೇ ಸಾ ತು ದೀರ್ಘಾಯುಷ್ಕಂ ಯಶಸ್ವಿನಮ್ ।
ಶೃಣುಯಾದ್ಯಃ ಶುದ್ಧಬುದ್ಧ್ಯಾ ದ್ವೌ ಮಾಸೌ ವಿಪ್ರವಕ್ತ್ರತಃ ॥ 15॥

ಸರ್ವಾನ್ಕಾಮಾನವಾಪ್ನೋತಿ ಸರ್ವಬನ್ಧಾದ್ವಿಮುಚ್ಯತೇ ।
ಮೃತವತ್ಸಾ ಜೀವವತ್ಸಾ ತ್ರಿಮಾಸಂ ಶ್ರವಣಂ ಯದಿ ॥ 16॥

ರೋಗೀ ರೋಗಾದ್ವಿಮುಚ್ಯೇತ ಪಠನಾನ್ಮಾಸಮಧ್ಯತಃ ।
ಲಿಖಿತ್ವಾ ಭೂರ್ಜಪತ್ರೇ ಚ ಅಥವಾ ತಾಡಪತ್ರಕೇ ॥ 17॥

ಸ್ಥಾಪಯೇನ್ನಿಯತಂ ಗೇಹೇ ನಾಗ್ನಿಚೌರಭಯಂ ಕ್ವಚಿತ್ ।
ಶೃಣುಯಾದ್ಧಾರಯೇದ್ವಾಪಿ ಪಠೇದ್ವಾ ಪಾಠಯೇದಪಿ ॥ 18॥

ಯಃ ಪುಮಾನ್ಸತತಂ ತಸ್ಮಿನ್ಪ್ರಸನ್ನಾಃ ಸರ್ವದೇವತಾಃ ।
ಬಹುನಾ ಕಿಮಿಹೋಕ್ತೇನ ಸರ್ವಜೀವೇಶ್ವರೇಶ್ವರೀ ॥ 19॥

ಆದ್ಯಾ ಶಕ್ತಿರ್ಮಹಾಲಕ್ಷ್ಮೀರ್ಭಕ್ತಾನುಗ್ರಹಕಾರಿಣೀ ।
ಧಾರಕೇ ಪಾಠಕೇ ಚೈವ ನಿಶ್ಚಲಾ ನಿವಸೇದ್ ಧ್ರುವಮ್ ॥ 20॥

॥ ಇತಿ ತನ್ತ್ರೋಕ್ತಂ ಲಕ್ಷ್ಮೀಕವಚಂ ಸಮ್ಪೂರ್ಣಮ್ ॥
**********

॥ श्रीलक्ष्मीकवचम् तन्त्रोक्त ॥

श्रीगणेशाय नमः ।
ॐ अस्य श्रीलक्ष्मीकवचस्तोत्रस्य, श्रीईश्वरो देवता,
अनुष्टुप् छन्दः, श्रीलक्ष्मीप्रीत्यर्थे पाठे विनियोगः ।
ॐ लक्ष्मी मे चाग्रतः पातु कमला पातु पृष्ठतः ।
नारायणी शीर्षदेशे सर्वाङ्गे श्रीस्वरूपिणी ॥ १॥

रामपत्नी तु प्रत्यङ्गे  सदाऽवतु शमेश्वरी।
विशालाक्षी योगमाया कौमारी चक्रिणी तथा ॥ २॥

जयदात्री धनदात्री पाशाक्षमालिनी शुभा ।
हरिप्रिया हरिरामा जयङ्करी महोदरी ॥ ३॥

कृष्णपरायणा देवी श्रीकृष्णमनमोहिनी ।
जयङ्करी महारौद्री सिद्धिदात्री शुभङ्करी ॥ ४॥

सुखदा मोक्षदा देवी चित्रकूटनिवासिनी ।
भयं हरतु भक्तानां भवबन्धं विमुच्यतु ॥ ५॥

कवचं तन्महापुण्यं यः पठेद्भक्तिसंयुतः ।
त्रिसन्ध्यमेकसन्ध्यं वा मुच्यते सर्वसङ्कटात् ॥ ६॥

एतत्कवचस्य पठनं धनपुत्रविवर्धनम् ।
भीतिर्विनाशनञ्चैव त्रिषु लोकेषु कीर्तितम् ॥ ७॥

भूर्जपत्रे समालिख्य रोचनाकुङ्कुमेन तु ।
धारणाद्गलदेशे च सर्वसिद्धिर्भविष्यति ॥ ८॥

अपुत्रो लभते पुत्र धनार्थी लभते धनम् ।
मोक्षार्थी मोक्षमाप्नोति कवचस्य प्रसादतः ॥ ९॥

गर्भिणी लभते पुत्रं वन्ध्या च गर्भिणी भवेत् ।
धारयेद्यपि कण्ठे च अथवा वामबाहुके ॥ १०॥

यः पठेन्नियतं भक्त्या स एव विष्णुवद्भवेत् ।
मृत्युव्याधिभयं तस्य नास्ति किञ्चिन्महीतले ॥ ११॥

पठेद्वा पाठयेद्वाऽपि श‍ृणुयाच्छ्रावयेद्यदि ।
सर्वपापविमुक्तस्तु लभते परमां गतिम् ॥ १२॥

सङ्कटे विपदे घोरे तथा च गहने वने ।
राजद्वारे च नौकायां तथा च रणमध्यतः ॥ १३॥

पठनाद्धारणादस्य जयमाप्नोति निश्चितम् ।
अपुत्रा च तथा वन्ध्या त्रिपक्षं श‍ृणुयाद्यदि ॥ १४॥

सुपुत्रं लभते सा तु दीर्घायुष्कं यशस्विनम् ।
श‍ृणुयाद्यः शुद्धबुद्ध्या द्वौ मासौ विप्रवक्त्रतः ॥ १५॥

सर्वान्कामानवाप्नोति सर्वबन्धाद्विमुच्यते ।
मृतवत्सा जीववत्सा त्रिमासं श्रवणं यदि ॥ १६॥

रोगी रोगाद्विमुच्येत पठनान्मासमध्यतः ।
लिखित्वा भूर्जपत्रे च अथवा ताडपत्रके ॥ १७॥

स्थापयेन्नियतं गेहे नाग्निचौरभयं क्वचित् ।
श‍ृणुयाद्धारयेद्वापि पठेद्वा पाठयेदपि ॥ १८॥

यः पुमान्सततं तस्मिन्प्रसन्नाः सर्वदेवताः ।
बहुना किमिहोक्तेन सर्वजीवेश्वरेश्वरी ॥ १९॥

आद्या शक्तिर्महालक्ष्मीर्भक्तानुग्रहकारिणी ।
धारके पाठके चैव निश्चला निवसेद् ध्रुवम् ॥ २०॥


॥ इति तन्त्रोक्तं लक्ष्मीकवचं सम्पूर्णम् ॥
***********