ಕೃಷ್ಣಾಷ್ಟಕಮ್ ನಂದ ನಂದನ नन्दनन्दन कृष्णाष्टकम् nanda nandana sri krishnashtakam

॥ ನನ್ದನನ್ದನ ಶ್ರೀಕೃಷ್ಣಾಷ್ಟಕಮ್ ॥

ಭಜೇ ವ್ರಜೈಕಮಂಡನಂ ಸಮಸ್ತಪಾಪಖಂಡನಂ
ಸ್ವಭಕ್ತಚಿತ್ತರಂಜನಂ ಸದೈವ ನನ್ದನನ್ದನಮ್ ।
ಸುಪಿಚ್ಛಗುಚ್ಛ-ಮಸ್ತಕಂ ಸುನಾದವೇಣುಹಸ್ತಕಂ
ಅನಂಗರಂಗಸಾಗರಂ ನಮಾಮಿ ಕೃಷ್ಣ-ನಾಗರಮ್ ॥ 1 ॥

ಮನೋಜ-ಗರ್ವಮೋಚನಂ ವಿಶಾಲ-ಲೋಲ-ಲೋಚನಂ
ವಿಧೂತಗೋಪಶೋಚನಂ ನಮಾಮಿ ಪದ್ಮಲೋಚನಮ್ ।
ಕರಾರವಿನ್ದಭೂವರಂ ಸ್ಮಿತಾವಲೋಕಸುನ್ದರಂ
ಮಹೇನ್ದ್ರಮಾನದಾರಣಂ ನಮಾಮಿ ಕೃಷ್ಣವಾರಣಮ್ ॥ 2 ॥

ಕದಮ್ಬಸೂನಕುಂಡಲಂ ಸಚಾರುಗಂಡಮಂಡಲಂ
ವ್ರಜಾಂಗನೈಕವಲ್ಲಭಂ ನಮಾಮಿ ಕೃಷ್ಣ-ದುರ್ಲಭಮ್ ।
ಯಶೋದಯಾ ಸಮೋದಯಾ ಸಗೋಪಯಾ ಸನನ್ದಯಾ
ಯುತಂ ಸುಖೈಕದಾಯಕಂ ನಮಾಮಿ ಗೋಪನಾಯಕಮ್ ॥ 3 ॥

ಸದೈವ ಪಾದಪಂಕಜಂ ಮದೀಯಮಾನಸೇ ನಿಜಂ
ದಧಾನಮುತ್ತಮಾಲಕಂ ನಮಾಮಿ ನನ್ದಬಾಲಕಮ್ ।
ಸಮಸ್ತದೋಷ-ಶೋಷಣಂ ಸಮಸ್ತಲೋಕಪೋಷಣಂ
ಸಮಸ್ತಗೋಪ-ಮಾನಸಂ ನಮಾಮಿ ಕೃಷ್ಣಲಾಲಸಮ್ ॥ 4 ॥

ಭುವೋ ಭರಾವತಾರಕಂ ಭವಾಬ್ಧಿಕರ್ಣಧಾರಕಂ
ಯಶೋಮತೀ-ಕಿಶೂ-ರಕಂ ನಮಾಮಿ ದುಗ್ಧಚೋರಕಮ್ ।
ದೃಗನ್ತಕಾನ್ತಭಂಗಿನಂ ಸದಾಸದಾಲಸಂಗಿನಂ
ದಿನೇದಿನೇ ನವಂ ನವಂ ನಮಾಮಿ ನನ್ದಸಮ್ಭವಮ್ ॥ 5 ॥

ಗುಣಾಕರಂ ಸುಖಾಕರಂ ಕೃಪಾಕರಂ ಕೃಪಾವರಂ
ಸುರದ್ವಿಷ-ನ್ನಿಕನ್ದನಂ ನಮಾಮಿ ಗೋಪನನ್ದನಮ್ ।
ನವೀನಗೋಪನಾಗರಂ ನವೀನಕೇಲಿ-ಲಮ್ಪಟಂ
ನಮಾಮಿ ಮೇಘಸುನ್ದರಂ ತಡಿತ್ಪ್ರಭಾಲಸತ್ಪಟಮ್ ॥ 6 ॥

ಸಮಸ್ತಗೋಪನನ್ದನಂ ಹೃದಮ್ಬುಜೈಕಮೋಹನಂ
ನಮಾಮಿ ಕುಂಜಮಧ್ಯಗಂ ಪ್ರಸನ್ನಭಾನುಶೋಭನಮ್ ।
ನಿಕಾಮ-ಕಾಮದಾಯಕಂ ದೃಗನ್ತಚಾರು-ಸಾಯಕಂ
ರಸಾಲವೇಣು-ಗಾಯಕಂ ನಮಾಮಿ ಕುಂಜನಾಯಕಮ್ ॥ 7 ॥

ವಿದಗ್ಧ-ಗೋಪಿಕಾ-ಮನೋ-ಮನೋಜ್ಞತಲ್ಪ-ಶಾಯಿನಂ
ನಮಾಮಿ ಕುಂಜಕಾನನೇ ಪ್ರವೃದ್ಧ-ವಹ್ನಿ-ಪಾಯಿನಮ್ ।
ಯದಾ ತದಾ ಯಥಾ ತಥಾ ತಥೈವ ಕೃಷ್ಣಸತ್ಕಥಾ
ಮಯಾ ಸದೈವ ಗೀಯತಾಂ ತಥಾ ಕೃಪಾ ವಿಧೀಯತಾಮ್ ।
ಪ್ರಮಾಣಿಕಾಷ್ಟಕದ್ವಯಂ ಜಪತ್ಯಧೀತ್ಯ ಯಃ ಪುಮಾನ್
ಭವೇತ್ ಸ ನನ್ದನನ್ದನೇ ಭವೇ ಭವೇ ಸುಭಕ್ತಿಮಾನ್ ॥ 8 ॥
************

॥ नन्दनन्दन श्री कृष्णाष्टकम् ॥

भजे व्रजैकमंडनं समस्तपापखण्डनं
स्वभक्तचित्तरंजनं सदैव नन्दनन्दनम् ।
सुपिच्छगुच्छ-मस्तकं सुनादवेणुहस्तकं
अनंगरंगसागरं नमामि कृष्ण-नागरम् ॥ १ ॥

मनोज-गर्वमोचनं विशाल-लोल-लोचनं
विधूतगोपशोचनं नमामि पद्मलोचनम् ।
करारविन्दभूवरं स्मितावलोकसुन्दरं
महेन्द्रमानदारणं नमामि कृष्णवारणम् ॥ २ ॥

कदम्बसूनकुण्डलं सचारुगण्डमण्डलं
व्रजाङ्गनैकवल्लभं नमामि कृष्ण-दुर्लभम् ।
यशोदया समोदया सगोपया सनन्दया
युतं सुखैकदायकं नमामि गोपनायकम् ॥ ३ ॥

सदैव पादपंकजं मदीयमानसे निजं
दधानमुत्तमालकं नमामि नन्दबालकम् ।
समस्तदोष-शोषणं समस्तलोकपोषणं
समस्तगोप-मानसं नमामि कृष्णलालसम् ॥ ४ ॥

भुवो भरावतारकं भवाब्धिकर्णधारकं
यशोमती-किशू-रकं नमामि दुग्धचोरकम् ।
दृगन्तकान्तभंगिनं सदासदालसंगिनं
दिनेदिने नवं नवं नमामि नन्दसम्भवम् ॥ ५ ॥

गुणाकरं सुखाकरं कृपाकरं कृपावरं
सुरद्विष-न्निकन्दनं नमामि गोपनन्दनम् ।
नवीनगोपनागरं नवीनकेलि-लम्पटं
नमामि मेघसुन्दरं तडित्प्रभालसत्पटम् ॥ ६ ॥

समस्तगोपनन्दनं हृदम्बुजैकमोहनं
नमामि कुंजमध्यगं प्रसन्नभानुशोभनम् ।
निकाम-कामदायकं दृगन्तचारु-सायकं
रसालवेणु-गायकं नमामि कुंजनायकम् ॥ ७ ॥

विदग्ध-गोपिका-मनो-मनोज्ञतल्प-शायिनं
नमामि कुंजकानने प्रवृद्ध-वह्नि-पायिनम् ।
यदा तदा यथा तथा तथैव कृष्णसत्कथा
मया सदैव गीयतां तथा कृपा विधीयताम् ।
प्रमाणिकाष्टकद्वयं जपत्यधीत्य यः पुमान्
भवेत् स नन्दनन्दने भवे भवे सुभक्तिमान् ॥ ८ ॥

**********