ಶ್ರೀಸತ್ಯಾತ್ಮತೀರ್ಥಕೃತಾ
ಶ್ರೀರಘುವರ್ಯತೀರ್ಥ ಸ್ತುತಿಃ
ರಘುನಾಥಕರಾಬ್ಜೋತ್ಥಂ
ಮೂಲರಾಮಪದಾರ್ಚಕಮ್.
ರಘುವರ್ಯಮಹಂ ವಂದೇ
ದೇವಾರ್ಚಾಭಾಗ್ಯಸಿದ್ಧಯೇ.
ಪೆನಕೊಂಡನಾಮಕೇ ಗ್ರಾಮೇ
ಹನೂಮತ್ಸ್ಥಾಪಕಂ ಮುನಿಂ.
ರಘುವರ್ಯಮಹಂ ವಂದೇ
ಪ್ರಾಣಾರ್ಚಾಭಾಗ್ಯಸಿದ್ಧಯೇ.
ಭೀಮಾನದೀ ದದೌ ಮಾರ್ಗಂ
ಯಸ್ಮೈ ರಾಮಯುತಾಯ ತಮ್ .
ರಘುವರ್ಯಮಹಂ ವಂದೇ
ಭವೋತ್ತಾರಣಸಿದ್ಧಯೇ .
ಸಚ್ಛಾಶ್ತ್ರಂ ಪಾಠಯಂತಂ
ಶ್ರೀರಘೂತ್ತಮಮುನಿಂ ಪ್ರತಿ.
ರಘುವರ್ಯಮಹಂ ವಂದೇ
ಸಚ್ಛಾಸ್ತ್ರಜ್ಙಾನಸಿದ್ಧಯೇ.
ಮಂತ್ರಾಕ್ಷತಪ್ರದಾನೇನ
ಸತ್ಪುತ್ರಪ್ರಾಪಕಂ ಗುರುಮ್.
ರಘುವರ್ಯಮಹಂ ವಂದೇ
ಸಚ್ಛಿಷ್ಯಪ್ರಾಪ್ತಿ ಸಿದ್ಧಯೇ. (ಸತ್ಪುತ್ರಪ್ರಾಪ್ತಿಸಿದ್ಧಯೇ.)
ರಘೂತ್ತಮಮುನೇಃ ಸ್ವಪ್ನೇ
ಉಪದೇಶಪ್ರದಾಯಕಮ್.
ರಘುವರ್ಯಮಹಂ ವಂದೇ
ಹ್ಯಶ್ರುತಜ್ಙಾನಸಿದ್ಧಯೇ.
ರಘೂತ್ತಮಮುನಿದ್ವಾರಾ
ಮಠವೈಭವವರ್ಧಕಮ್.
ರಘುವರ್ಯಮಹಂ ವಂದೇ
ಸದ್ವೈಭವಸುಸಿದ್ಧಯೇ.
ಗಜಗಹ್ವರಗಂ ತುಂಗಭದ್ರಾತೀರವಾಸಿನಮ್.
ರಘುವರ್ಯಮಹಂ ವಂದೇ
ನದೀಸ್ನಾನಸುಸಿದ್ಧಯೇ.
ಪದ್ಮನಾಭಕವೀಂದ್ರಾದಿ-
ಪೂರ್ವೇ ಸಂಸ್ಥಿತಮಾದರಾತ್.
ರಘುವರ್ಯಮಹಂ ವಂದೇ
ಗುರ್ವನುಗ್ರಹಸಿದ್ಧಯೇ.
ಸತ್ಯಾತ್ಮ ರಚಿತಂ ಪದ್ಯದಶಕಂ
ಯಃ ಪಠೇತ್ ಸುಧೀಃ.
ತಸ್ಯೈತಾಃ ಸಿದ್ಧಯಃ ಸರ್ವಾಃ
ಹಸ್ತಗಾ ನಾತ್ರ ಸಂಶಯಃ.
***
