Showing posts with label ಸುಬ್ರಹ್ಮಣ್ಯ ಹೃದಯ ಸ್ತೋತ್ರಮ್ सुब्रह्मण्य हृदय स्तोत्रम्. Show all posts
Showing posts with label ಸುಬ್ರಹ್ಮಣ್ಯ ಹೃದಯ ಸ್ತೋತ್ರಮ್ सुब्रह्मण्य हृदय स्तोत्रम्. Show all posts

Saturday, 21 December 2019

ಸುಬ್ರಹ್ಮಣ್ಯ ಹೃದಯ ಸ್ತೋತ್ರಮ್ सुब्रह्मण्य हृदय स्तोत्रम् subrahmaNya hridaya stotram

traditional
shrI subrahmaNya hRidaya stotraM
 ಶ್ರೀ ಸುಬ್ರಹ್ಮಣ್ಯ ಹೃದಯ ಸ್ತೋತ್ರಮ್ 

ಅಸ್ಯ ಶ್ರೀ ಸುಬ್ರಹ್ಮಣ್ಯ ಹೃದಯ ಸ್ತೋತ್ರಮಹಾಮನ್ತ್ರಸ್ಯ,
ಪರಬ್ರಹ್ಮ ಋಷಿಃ । ದೇವೀ ಗಾಯತ್ರೀ ಛನ್ದಃ । ಶ್ರೀಸುಬ್ರಹ್ಮಣ್ಯೋ ದೇವತಾ ।
ಸೌಃ ಬೀಜಮ್ । ಪ್ರೀಂ ಶಕ್ತಿಃ । ಶ್ರೀಸುಬ್ರಹ್ಮಣ್ಯೇಶ್ವರಃ ಕೀಲಕಮ್ ।
ಶ್ರೀ ಸುಬ್ರಹ್ಮಣ್ಯೇಶ್ವರಪ್ರಸಾದಸಿದ್ಧ್ಯರ್ಥೇ ಜಪೇ ವಿನಿಯೋಗಃ ॥

॥ ಕರನ್ಯಾಸಃ ॥

ಓಂ ಸುಬ್ರಹ್ಮಣ್ಯಾಯ ಅಂಗುಷ್ಟಾಭ್ಯಾಂ ನಮಃ ।
ಷಣ್ಮುಖಾಯ ತರ್ಜನೀಭ್ಯಾಂ ನಮಃ ।
ಶಕ್ತಿಧರಾಯ ಮಧ್ಯಮಾಭ್ಯಾಂ ನಮಃ ।
ಷಡ್ತ್ರಿಂಶತ್ಕೋಣಾಯ ಅನಾಮಿಕಾಭ್ಯಾಂ ನಮಃ ।
ಸರ್ವತೋಮುಖಾಯ ಕನಿಷ್ಠಿಕಾಭ್ಯಾಂ ನಮಃ ।
ತಾರಕಾನ್ತಕಾಯ ಕರತಲ ಕರಪೃಷ್ಠಾಭ್ಯಾಂ ನಮಃ ॥

॥ ಹೃದಯಾದಿ ನ್ಯಾಸಃ ॥

ಓಂ ಸುಬ್ರಹ್ಮಣ್ಯಾಯ ಹೃದಯಾಯ ನಮಃ ।
ಷಣ್ಮುಖಾಯ ಶಿರಸೇ ಸ್ವಾಹಾ ।
ಶಕ್ತಿಧರಾಯ ಶಿಖಾಯೈ ವಷಟ್ ।
ಷಡ್ತ್ರಿಂಶತ್ಕೋಣಾಯ ಕವಚಾಯ ಹುಮ್ ।
ಸರ್ವತೋಮುಖಾಯ ಅಸ್ತ್ರಾಯ ಫಟ್ ।
ತಾರಕಾನ್ತಕಾಯ ಭೂರ್ಭುವಃಸುವರೋಮಿತಿ ದಿಗ್ಬನ್ಧಃ ॥

॥ ಧ್ಯಾನಮ್ ॥

ಧ್ಯಾನಮ್-
ಷಡ್ವಕ್ತ್ರಂ ಶಿಖಿವಾಹನಂ ತ್ರಿನಯನಂ ಚಿತ್ರಾಮ್ಬರಾಲಂಕೃತಂ
ವಜ್ರಂ ಶಕ್ತಿಮಸಿಂ ತ್ರಿಶೂಲಮಭಯಂ ಖೇಟಂ ಧನುಶ್ಚಕ್ರಕಮ್ ।
ಪಾಶಂ ಕುಕ್ಕುಟಮಂಕುಶಂ ಚ ವರದಂ ದೋರ್ಭಿರ್ದಧಾನಂ ಸದಾ
ಧ್ಯಾಯಾಮೀಪ್ಸಿತ ಸಿದ್ಧಿದಂ ಶಿವಸುತಂ ಶ್ರೀದ್ವಾದಶಾಕ್ಷಂ ಗುಹಮ್ ॥

ಲಮಿತ್ಯಾದಿ ಪಂಚಪೂಜಾ ।
ಸತ್ಯಲೋಕೇ ಸದಾನನ್ದೇ ಮುನಿಭಿಃ ಪರಿವೇಷ್ಟಿತಮ್ ।
ಪಪ್ರಚ್ಛುರ್ಮುನಯಃ ಸರ್ವೇ ಬ್ರಹ್ಮಾಣಂ ಜಗತಾಂ ಗುರುಮ್ ॥ 1॥

ಭಗವನ್ಸರ್ವಲೋಕೇಶ ಸರ್ವಜ್ಞ ಕಮಲಾಸನ ।
ಸದಾನನ್ದ ಜ್ಞಾನಮೂರ್ತೇ ಸರ್ವಭೂತಹಿತೇ ರತ ॥ 2॥

ಬಹುಧಾ ಪ್ರೋಕ್ತಮೇತಸ್ಯ ಗುಹಸ್ಯ ಚರಿತಂ ಮಹತ್ ।
ಹೃದಯಂ ಶ್ರೋತುಮಿಚ್ಛಾಮಃ ತಸ್ಯೈವ ಕ್ರೌಂಚಭೇದಿನಃ ॥ 3॥

ಬ್ರಹ್ಮೋವಾಚ-
ಶ‍ೃಣ್ವಾನ್ತು ಮುನಯಃ ಸರ್ವೇ ಗುಹ್ಯಾದ್ಗುಹ್ಯತರಂ ಮಹತ್ ।
ಸುಬ್ರಹ್ಮಣ್ಯಸ್ಯ ಹೃದಯಂ ಸರ್ವಭೂತಹಿತೋದಯಮ್ ॥ 4॥

ಸರ್ವಾರ್ಥಸಿದ್ಧಿದಂ ಪುಣ್ಯಂ ಸರ್ವಕಾರ್ಯೈಕ ಸಾಧನಮ್ ।
ಧರ್ಮಾರ್ಥಕಾಮದಂ ಗುಹ್ಯಂ ಧನಧಾನ್ಯಪ್ರವರ್ಧನಮ್ ॥ 5॥

ರಹಸ್ಯಮೇತದ್ದೇವಾನಾಂ ಅದೇಯಂ ಯಸ್ಯ ಕಸ್ಯಚಿತ್ ।
ಸರ್ವಮಿತ್ರಕರಂ ಗೋಪ್ಯಂ ತೇಜೋಬಲಸಮನ್ವಿತಮ್ ॥ 6॥

ಪ್ರವಕ್ಷ್ಯಾಮಿ ಹಿತಾರ್ಥಂ ವಃ ಪರಿತುಷ್ಟೇನ ಚೇತಸಾ ।
ಹೃತ್ಪದ್ಮಕರ್ಣಿಕಾಮಧ್ಯೇ ಧ್ಯಾಯೇತ್ಸರ್ವಮನೋಹರಮ್ ॥ 7॥

ಸುವರ್ಣಮಂಟಪನ್ದಿವ್ಯಂ ರತ್ನತೋರಣರಾಜಿತಮ್ ।
ರತ್ನಸ್ತಮ್ಭ ಸಹಸ್ರೈಶ್ಚ ಶೋಭಿತಂ ಪರಮಾತ್ಭುತಮ್ ॥ 8॥

ಪರಮಾನನ್ದನಿಲಯಂ ಭಾಸ್ವತ್ಸೂರ್ಯಸಮಪ್ರಭಮ್ ।
ದೇವದಾನವಗನ್ಧರ್ವಗರುಡೈರ್ಯಕ್ಷಕಿನ್ನರೈಃ । ॥ 9॥

ಸೇವಾರ್ಥಮಾಗತೈಸ್ಸಿದ್ಧೈಃ ಸಾಧ್ಯೈರಧ್ಯುಷಿತಂ ಸದಾ ।
ಮಹಾಯೋಗೀನ್ದ್ರ ಸಂಸೇವ್ಯಂ ಮನ್ದಾರತರುಮಂಡಿತಮ್ ॥ 10॥

ಮಾಣಿಕ್ಯ ವಿದ್ರುಮೈಶ್ಚೈವ ಮಹಾ ಶ್ರೀಭಿರುಂಚಿತಮ್ ।
ತನ್ಮಧ್ಯೇಽನನ್ತರತ್ನಶ್ರೀ ಜಟಾಮಕುಟ ಶೋಭಿತಮ್ ॥ 11॥

ರತ್ನಸಿಂಹಾಸನಂ ದಿವ್ಯಂ ರವಿಕೋಟಿಸಮಪ್ರಭಮ್ ।
ಸರ್ವಾಶ್ಚರ್ಯಾಮಯಂ ಪುಣ್ಯಂ ಸರ್ವರತ್ನ ಪರಿಷ್ಕೃತಮ್ ॥ 12॥

ತನ್ಮಧ್ಯೇಷ್ಟದಲಮ್ಪದ್ಮಂ ಉದ್ಯತ್ಸೂರ್ಯಾ ಪ್ರಭೋದರಮ್ ।
ನಿಗಾಮಾಗಮರೋಲಮ್ಬಂ ಲಮ್ಬಕಂ ಚಿತ್ಸ್ವರೂಪಿಣಿಮ್ ॥ 13॥

ವಿದ್ಯಾ ಜ್ಯೋತಿರ್ಮಯಂ ದಿವ್ಯಂ ದೇವತಾಭಿರ್ನಮಸ್ಕೃತಮ್ ।
ದೇದೀಪ್ಯಮಾನಾ ರುಚಿಭಿರ್ವಿಶಾಖಂ ಸುಮನೋಹರಮ್ ॥ 14॥

ತನ್ಮಧ್ಯೇ ಸರ್ವಲೋಕೇಶಂ ಧ್ಯಾಯೇತ್ಸರ್ವಾಂಗಸುನ್ದರಮ್ ।
ಅನನ್ತಾದಿತ್ಯಸಂಕಾಶ ಮಾಶ್ರಿತಾಭೀಷ್ಟದಾಯಕಮ್ ॥ 15॥

ಅಚಿನ್ತ್ಯಜ್ಞಾನವಿಜ್ಞಾನತೇಜೋಬಲಸಮಾರ್ಜಿತಮ್ ।
ಸರ್ವಾಯುಧ ಧರಂ ವೀರಂ ಸರ್ವಾಶ್ಚರ್ಯಾಮಯಂ ಗುಹಮ್ ॥ 16॥

ಮಹರ್ಹ ರತ್ನಖಚಿತಂ ಷಟ್ಕಿರೀಟವಿರಾಜಿತಮ್ ।
ಶಶಾಂಗಾರ್ಧ ಕಲಾರಮ್ಯ ಸಮುದ್ಯದ್ಮೌಲಿಭೂಷಣಮ್ ॥ 17॥

ಸಮ್ಪೂರ್ಣ ಚನ್ದ್ರಸಾಹಸ್ರ ಸಮುದ್ಯದ್ವದನೋಜ್ವಲಮ್ ।
ವಿಶಾಲ ಫಾಲ ಲಲಿತಂ ವಿಲೋಲಾಲಕ ಭೂಷಣಮ್ ॥ 18॥

ಮದನೋಜ್ವಲ ಕೋದಂಡ ಮಂಗಲ ಭ್ರೂ ವಿರಾಜಿತಮ್ ।
ವಿಸ್ತೀರ್ಣರೂಪತೇಜಸಂ ವಿಲಸತ್ದ್ವಾದಶೇಕ್ಷಣಮ್ ॥ 19॥

ಚಾರುಶ್ರೀವರ್ಣ ಸಮ್ಪೂರ್ಣ ಕರ್ಣಶೋಭಾಭಿಭಾಸುರಮ್ ।
ಮಣಿ ಪ್ರಭಾ ಮಯೂರ ಶ್ರೀ ಸ್ಫುರನ್ಮಕರಕುಂಡಲಮ್ ॥ 20॥

ಲಸತ್ ದರ್ಪಣ ದರ್ಪಘ್ನ ಗಂಡಸ್ಥಲ ವಿರಾಜಿತಮ್ ।
ನವ್ಯಕಾಂಚನ ಪುಷ್ಪಶ್ರೀ ನಾಸಾ ಪುಟವಿರಾಜಿತಮ್ ॥ 21॥

ಮನ್ದಹಾಸ ಪ್ರಭಾಜಾಲ ಮಧುರಾಧರ ಶೋಭಿತಮ್ ।
ಸರ್ವಲಕ್ಷಣ ಲಕ್ಷ್ಮೀಶ ಕಮ್ಬುಸುನ್ದರ ಕನ್ಧರಮ್ ॥ 22॥

ಮಹನೀಯ ಮಹಾರತ್ನ ದಿವ್ಯಹಾರ ವಿರಾಜಿತಮ್ ।
ಉದಗ್ರನಾಗ ಕೇಯೂರ ಸನ್ನದ್ಧಶುಭಕುಂಡಲಮ್ ॥ 23॥

ರತ್ನಕಂಕಣ ಸಂಶೋಭಿ ಕರಾಗ್ರ ಶ್ರೀಮಹೋಜ್ವಲಮ್ ।
ಮಹಾಮಾಣಿಕ್ಯ ಪರ್ಯಂಕ ವಕ್ಷಸ್ಥಲ ವಿರಾಜಿತಮ್ ॥ 24॥

ಸಮಸ್ತ ಜಗದಾಧಾರಂ ಸ್ವರ್ಣವರ್ಣಶುಭೋದರಮ್ ।
ಅತಿಗಾಮ್ಭೀರ್ಯ ಸಮ್ಭಾವ್ಯ ನಾಭೀನವ ಸರೋರುಹಮ್ ॥ 25॥

ರತ್ನಶ‍ೃಂಖಲಿಕಾ ಬನ್ಧಲಸನ್ಮಧ್ಯಪ್ರದೇಶಿಕಮ್ ।
ಕನತ್ ಕನಕ ಸಂವೀತ ಪೀತಾಮ್ಬರಸಮಾವೃತಮ್ ॥ 26॥

ಶ‍ೃಂಗಾರರಸ ಸಮ್ಪೂರ್ಣ ರತ್ನಸ್ತಮ್ಭೋಪಮೋರುಕಮ್ ।
ರತ್ನಮಂಜೀರ ಸನ್ನದ್ಧ ಮಣಿದೀಪ ಪದಾಮ್ಬುಜಮ್ ॥ 27॥

ಭಕ್ತಾಭೀಷ್ಟಪ್ರದಂ ದೇವಂ ಬ್ರಹ್ಮವಿಷ್ಣ್ವಾದಿಸಂಸ್ತುತಮ್ ।
ಕಟಕಾಕ್ಷವೀಕ್ಷಣೈಃ ಸ್ನಿಗ್ಧಸ್ತೋಷಯತ್ನಂಜಗತ್ಪತಿಮ್ ॥ 28॥

ಸದಾನನ್ದಂ ಜ್ಞಾನಮೂರ್ತಿಂ ಸರ್ವಲೋಕಪ್ರಿಯಂಕರಮ್ ।
ಶಂಕರಂ ಸಾತ್ಮಜಂ ದೇವಂ ಧ್ಯಾಯೇತ್ ಶರವಣೋತ್ಭವಮ್ ॥ 29॥

ಅನತಾದಿವ್ಯಚನ್ದ್ರಾಗ್ನಿ ತೇಜಸಮ್ಪೂರ್ಣವಿಗ್ರಹಮ್ ।
ಸರ್ವಲೋಕವನರತಂ ಸರ್ವತತ್ವಾದ್ಯ ತತ್ವಗಮ್ ॥ 30॥

ಸರ್ವೇಶ್ವರಂ ಸರ್ವವಿಭುಂ ಸರ್ವಭೂತಹಿತೇರತಮ್ ।
ಏವಂಜಪಿತ್ವಾ ಹೃದಯಂ ಷಣ್ಮುಖಸ್ಯಮಹಾತ್ಮನಃ ॥ 31॥

ಸರ್ವಾನ್ ಕಾಮಾನವಾಪ್ನೋತಿ ಸಮ್ಯಜ್ಞಾನಙ್ಚವಿನ್ದತಿ ।
ಶುಚೌ ದೇವಶೇ ಸಮಾಸೀನಃ ಶುದ್ಧಾತ್ಮಾ ಚ ಕೃತಾಹ್ನಿಕಃ ॥ 32॥

ಪ್ರಾಙ್ಮುಖೌ ಯತಚಿತ್ತಶ್ಚ ಜಪೇದ್-ಹೃದಯಮುತ್ತಮಮ್ ।
ಸಕೃದೇತತನ್ಮನನ್ಜಪ್ತ್ವಾ ಸಮ್ಪ್ರಾಪ್ನೋತ್ಯಖಿಲಂ ಶುಭಮ್ ॥ 33॥

ಸರ್ವಾಘಹರಣಂ ಮೄತ್ಯುದಾರಿದ್ರಸ್ಯಚನಾಶನಮ್ ।
ಸರ್ವ ಸಮ್ಪತ್ಕರಮ್ಪುಣ್ಯಂ ಸರ್ವರೋಗ ನಿವಾರಣಮ್ ॥ 34॥

ಸರ್ವ ಶರ್ಮ ಕರಂ ದಿವ್ಯಂ ಸರ್ವಾಭೀಷ್ಟಾರ್ಥದಾಯಕಮ್ ।
ಸರ್ವಕಾಮಪ್ರದಂ ಗುಹ್ಯಂ ಅಪವರ್ಗೈಕ ಕಾರಣಮ್ ॥ 35॥

ಪ್ರಜಾಕರಂ ರಾಜ್ಯಕರಂ ಭಾಗ್ಯದಂ ಬಹುಪುಣ್ಯದಮ್ ।
ಗುಹ್ಯಾತ್ ಗುಹ್ಯತರಂ ಭೂಯೋ ದೇವಾನಾಮಪಿ ದುರ್ಲಭಾ ॥ 36॥

ಇದನ್ತುನಾತಪಸ್ಕಾಯ ನಾಭಕ್ತಾಯ ಕದಾಚನ ।
ನಚಾ ಶೂಶ್ರೂಷವೇದೇಯಂ ಮದಾನ್ಧಾಯನಕರ್ಹಿಚಿತ್ ॥ 37॥

ಸಚ್ಛಿಷ್ಯಾಯ ಸುಶೀಲಾಯ ಸ್ಕನ್ದಭಕ್ತಿರತಾಯಚ ।
ಸರ್ವದಾಭಿರತಾಯೇದಂ ದಾತವ್ಯಂ ಜಯವರ್ಧನಮ್ ॥ 38॥

॥ ಇತಿ ಶ್ರೀ ಸುಬ್ರಹ್ಮಣ್ಯಹೃದಯಸ್ತೋತ್ರಂ ಸಮ್ಪೂರ್ಣಮ್ ॥
***********

 श्री सुब्रह्मण्य हृदय स्तोत्रम् 

अस्य श्री सुब्रह्मण्य हृदय स्तोत्रमहामन्त्रस्य,
परब्रह्म ऋषिः । देवी गायत्री छन्दः । श्रीसुब्रह्मण्यो देवता ।
सौः बीजम् । प्रीं शक्तिः । श्रीसुब्रह्मण्येश्वरः कीलकम् ।
श्री सुब्रह्मण्येश्वरप्रसादसिद्ध्यर्थे जपे विनियोगः ॥

॥ करन्यासः ॥

ॐ सुब्रह्मण्याय अङ्गुष्टाभ्यां नमः ।
षण्मुखाय तर्जनीभ्यां नमः ।
शक्तिधराय मध्यमाभ्यां नमः ।
षड्त्रिंशत्कोणाय अनामिकाभ्यां नमः ।
सर्वतोमुखाय कनिष्ठिकाभ्यां नमः ।
तारकान्तकाय करतल करपृष्ठाभ्यां नमः ॥

॥ हृदयादि न्यासः ॥

ॐ सुब्रह्मण्याय हृदयाय नमः ।
षण्मुखाय शिरसे स्वाहा ।
शक्तिधराय शिखायै वषट् ।
षड्त्रिंशत्कोणाय कवचाय हुम् ।
सर्वतोमुखाय अस्त्राय फट् ।
तारकान्तकाय भूर्भुवःसुवरोमिति दिग्बन्धः ॥

॥ ध्यानम् ॥

ध्यानम्-
षड्वक्त्रं शिखिवाहनं त्रिनयनं चित्राम्बरालङ्कृतं
वज्रं शक्तिमसिं त्रिशूलमभयं खेटं धनुश्चक्रकम् ।
पाशं कुक्कुटमङ्कुशं च वरदं दोर्भिर्दधानं सदा
ध्यायामीप्सित सिद्धिदं शिवसुतं श्रीद्वादशाक्षं गुहम् ॥

लमित्यादि पञ्चपूजा ।
सत्यलोके सदानन्दे मुनिभिः परिवेष्टितम् ।
पप्रच्छुर्मुनयः सर्वे ब्रह्माणं जगतां गुरुम् ॥ १॥

भगवन्सर्वलोकेश सर्वज्ञ कमलासन ।
सदानन्द ज्ञानमूर्ते सर्वभूतहिते रत ॥ २॥

बहुधा प्रोक्तमेतस्य गुहस्य चरितं महत् ।
हृदयं श्रोतुमिच्छामः तस्यैव क्रौञ्चभेदिनः ॥ ३॥

ब्रह्मोवाच-
श‍ृण्वान्तु मुनयः सर्वे गुह्याद्गुह्यतरं महत् ।
सुब्रह्मण्यस्य हृदयं सर्वभूतहितोदयम् ॥ ४॥

सर्वार्थसिद्धिदं पुण्यं सर्वकार्यैक साधनम् ।
धर्मार्थकामदं गुह्यं धनधान्यप्रवर्धनम् ॥ ५॥

रहस्यमेतद्देवानां अदेयं यस्य कस्यचित् ।
सर्वमित्रकरं गोप्यं तेजोबलसमन्वितम् ॥ ६॥

प्रवक्ष्यामि हितार्थं वः परितुष्टेन चेतसा ।
हृत्पद्मकर्णिकामध्ये ध्यायेत्सर्वमनोहरम् ॥ ७॥

सुवर्णमण्टपन्दिव्यं रत्नतोरणराजितम् ।
रत्नस्तम्भ सहस्रैश्च शोभितं परमात्भुतम् ॥ ८॥

परमानन्दनिलयं भास्वत्सूर्यसमप्रभम् ।
देवदानवगन्धर्वगरुडैर्यक्षकिन्नरैः । ॥ ९॥

सेवार्थमागतैस्सिद्धैः साध्यैरध्युषितं सदा ।
महायोगीन्द्र संसेव्यं मन्दारतरुमण्डितम् ॥ १०॥

माणिक्य विद्रुमैश्चैव महा श्रीभिरुञ्चितम् ।
तन्मध्येऽनन्तरत्नश्री जटामकुट शोभितम् ॥ ११॥

रत्नसिंहासनं दिव्यं रविकोटिसमप्रभम् ।
सर्वाश्चर्यामयं पुण्यं सर्वरत्न परिष्कृतम् ॥ १२॥

तन्मध्येष्टदलम्पद्मं उद्यत्सूर्या प्रभोदरम् ।
निगामागमरोलम्बं लम्बकं चित्स्वरूपिणिम् ॥ १३॥

विद्या ज्योतिर्मयं दिव्यं देवताभिर्नमस्कृतम् ।
देदीप्यमाना रुचिभिर्विशाखं सुमनोहरम् ॥ १४॥

तन्मध्ये सर्वलोकेशं ध्यायेत्सर्वाङ्गसुन्दरम् ।
अनन्तादित्यसङ्काश माश्रिताभीष्टदायकम् ॥ १५॥

अचिन्त्यज्ञानविज्ञानतेजोबलसमार्जितम् ।
सर्वायुध धरं वीरं सर्वाश्चर्यामयं गुहम् ॥ १६॥

महर्ह रत्नखचितं षट्किरीटविराजितम् ।
शशाङ्गार्ध कलारम्य समुद्यद्मौलिभूषणम् ॥ १७॥

सम्पूर्ण चन्द्रसाहस्र समुद्यद्वदनोज्वलम् ।
विशाल फाल ललितं विलोलालक भूषणम् ॥ १८॥

मदनोज्वल कोदण्ड मङ्गल भ्रू विराजितम् ।
विस्तीर्णरूपतेजसं विलसत्द्वादशेक्षणम् ॥ १९॥

चारुश्रीवर्ण सम्पूर्ण कर्णशोभाभिभासुरम् ।
मणि प्रभा मयूर श्री स्फुरन्मकरकुण्डलम् ॥ २०॥

लसत् दर्पण दर्पघ्न गण्डस्थल विराजितम् ।
नव्यकाञ्चन पुष्पश्री नासा पुटविराजितम् ॥ २१॥

मन्दहास प्रभाजाल मधुराधर शोभितम् ।
सर्वलक्षण लक्ष्मीश कम्बुसुन्दर कन्धरम् ॥ २२॥

महनीय महारत्न दिव्यहार विराजितम् ।
उदग्रनाग केयूर सन्नद्धशुभकुण्डलम् ॥ २३॥

रत्नकङ्कण संशोभि कराग्र श्रीमहोज्वलम् ।
महामाणिक्य पर्यङ्क वक्षस्थल विराजितम् ॥ २४॥

समस्त जगदाधारं स्वर्णवर्णशुभोदरम् ।
अतिगाम्भीर्य सम्भाव्य नाभीनव सरोरुहम् ॥ २५॥

रत्नश‍ृङ्खलिका बन्धलसन्मध्यप्रदेशिकम् ।
कनत् कनक संवीत पीताम्बरसमावृतम् ॥ २६॥

श‍ृङ्गाररस सम्पूर्ण रत्नस्तम्भोपमोरुकम् ।
रत्नमञ्जीर सन्नद्ध मणिदीप पदाम्बुजम् ॥ २७॥

भक्ताभीष्टप्रदं देवं ब्रह्मविष्ण्वादिसंस्तुतम् ।
कटकाक्षवीक्षणैः स्निग्धस्तोषयत्नञ्जगत्पतिम् ॥ २८॥

सदानन्दं ज्ञानमूर्तिं सर्वलोकप्रियङ्करम् ।
शङ्करं सात्मजं देवं ध्यायेत् शरवणोत्भवम् ॥ २९॥

अनतादिव्यचन्द्राग्नि तेजसम्पूर्णविग्रहम् ।
सर्वलोकवनरतं सर्वतत्वाद्य तत्वगम् ॥ ३०॥

सर्वेश्वरं सर्वविभुं सर्वभूतहितेरतम् ।
एवञ्जपित्वा हृदयं षण्मुखस्यमहात्मनः ॥ ३१॥

सर्वान् कामानवाप्नोति सम्यज्ञानङ्चविन्दति ।
शुचौ देवशे समासीनः शुद्धात्मा च कृताह्निकः ॥ ३२॥

प्राङ्मुखौ यतचित्तश्च जपेद्-हृदयमुत्तमम् ।
सकृदेततन्मनन्जप्त्वा सम्प्राप्नोत्यखिलं शुभम् ॥ ३३॥

सर्वाघहरणं मॄत्युदारिद्रस्यचनाशनम् ।
सर्व सम्पत्करम्पुण्यं सर्वरोग निवारणम् ॥ ३४॥

सर्व शर्म करं दिव्यं सर्वाभीष्टार्थदायकम् ।
सर्वकामप्रदं गुह्यं अपवर्गैक कारणम् ॥ ३५॥

प्रजाकरं राज्यकरं भाग्यदं बहुपुण्यदम् ।
गुह्यात् गुह्यतरं भूयो देवानामपि दुर्लभा ॥ ३६॥

इदन्तुनातपस्काय नाभक्ताय कदाचन ।
नचा शूश्रूषवेदेयं मदान्धायनकर्हिचित् ॥ ३७॥

सच्छिष्याय सुशीलाय स्कन्दभक्तिरतायच ।
सर्वदाभिरतायेदं दातव्यं जयवर्धनम् ॥ ३८॥


॥ इति श्री सुब्रह्मण्यहृदयस्तोत्रं सम्पूर्णम् ॥
***********