ಗಂಗಾಷ್ಟಕಮ್ ಹನುಮದ್ವಿರಚಿತಮ್ गङ्गाष्टकम् gangashtakam by hanuman

ಗಂಗಾಷ್ಟಕಮ್ 

॥ ಶ್ರೀಗಣೇಶಾಯ ನಮಃ ॥

ಗಂಗಾನಂಗಾರಿಸಂಗಾ ಸರಿದುಪರಿ ಪರಿಕ್ರೀಡಮಾನಾ ವಿಮಾನಾ-
ದವ್ಯಾದವ್ಯಾಜಭಾಜಃ ಕಲಿತಕಲಿತಮೋಹಾರಿ ಮೋಹಾರಿವಾರಿ ॥

ಯತ್ಕೂಲೇ ಕೋಲಕೋಲಾಹಲಿನಿ ಹಲಿನಿಭೇ ಕೇತಕಸ್ವಚ್ಛಕಚ್ಛ-
ಚ್ಛಾಯಾನಾಯಾಸಿಕಾಯಾನುಪತನಪವನಃ ಸೇವತೇ ದೇವತೇನ್ದ್ರಾನ್ ॥ 1॥

ಮಾತರ್ಮಾತಂಗಸಂಗಾಸ್ತಿಮಿತತಿಮಿತನೂರ್ಧಾರಿ ವಿಸ್ತಾರಿ ವಾರಿ
ತಾರಾಕಾರಾನುಕಾರಾ ತರಲತರಲಕೈಶ್ಚಾಮರೈಶ್ಚಾಮರೀಣಾಮ್ ।
ಸಾನ್ತಃ ಸ್ವಾನ್ತಃ ಕದಾನ್ತಃಶಮಿತಕಲಿತಮಸ್ತೋಮದಾಹಂ ಮುದಾಹಂ
ದಕ್ಷಾಭಿಕ್ಷಾಮಿತಾರ್ತಿಸ್ತವ ಭವದವಸಂಹಾರಿಶಂಕಾರಿಹಾರಿ ॥ 2॥

ಯನ್ನಾಪನ್ನಾಸಸೂರೇ ಸುರಧುನಿ ವಿಧುನಿಸ್ಯನ್ದನಿಸ್ಪನ್ದಧುರ್ಯೇ
ದೇಹಂ ತೇಽಹಂಸಗೇಹಂ ವಹತಿ ವಹತಿ ಸನ್ಮಾನಸಂ ಮಾನಸಂಗಾತ್ ।
ಕಿಂ ತೇನ ಸ್ತೇನಭಾವಂ ಭವಭವಿಕಮಿದಂ ಬಿಭ್ರತಾದಭ್ರತಾಪಂ
ವ್ಯಾಯತ್ತೇನಾಪ್ತವಾತಪ್ರಸರಸರಣಿನಾಂ ಮದ್ವಿಧಾನಾಂ ಬುಧಾನಾಮ್ ॥ 3॥

ಯೈನೋನ್ಮೀಲನ್ಮರಾಲೀವಿಮಲಕುಲಮಿಲತ್ಸಾರಸೀ ಸಾರಶೀಲಂ
ದುಃಶೀಲೈದೇವಿ ? ದೇವೈರಕಲಿತಮಕಲಿ ತ್ವದ್ವಪುವಾರ್ವಿಪುಷ್ಟೈಃ ।
ತೇಷಾಂ ದ್ವೇಷಾಧಿದೋಷಾಕಲಿತಕಲಿತರಾ ಶ್ರೃಂಖಲಾ ಶ್ರೃಂಖಲಾನಾಮ್ ।
ಛಾಯಾಮಾಯಾನಿಕಾಯಾದನನುಗುಣಗಣಾಃ ಸಂಸ್ರವನ್ತಿ ಶ್ರವನ್ತಿ ॥ 4॥

ವಾತವ್ಯಾಧೂತನೂತಾವಲಿಗಲಿತರಜೋರಾಜಿವಿಭ್ರಾಜಿತಾಭ್ರಾ
ಭ್ರಾಮ್ಯಬೃಂಗಾಲಿಕೇಲೀಕಲಿತಕಲಕಲಾ ನದನಂ ದನ್ಮುತೀಯಮ್ ।
ಅಮ್ಭಸ್ತಮ್ಬೇರಮಾಲೀಮಿಲದಮಲರದಾರಬ್ಧವಿಸ್ರಬ್ಧರೋಧೋ
ರೋಧಃ ಕರ್ಮಾದಿಕರ್ಮಪ್ರಸರಸರಭಸಂ ಪ್ರಶ್ರಯೇನಾಶ್ರಯನ್ತೇ ॥ 5॥

ಸರ್ಪತ್ಕರ್ಪೂರಪೂರೋಜ್ಜ್ವಲಜಲಪಟಲಪ್ರಾಣಿಭಿಃ ಪ್ರಾಣಿತಾರ್ಥೇಽ
ತ್ಯರ್ಥ ವ್ಯರ್ಥಂ ಕೃತಾರ್ಥ ಕೃತಮಪಿ ಸುಕೃತೈರ್ಮನ್ಯತೇ ಜನ್ಮ ತೇಷಾಮ್ ।
ಸಂಸಾರಾಸಾರಕಾರಾಸರಣಿಪರಿಣತೈರ್ಬನ್ಧಭಿರ್ಬನ್ಧಮುಕ್ತೈಃ
ಧೀರ್ಮುಕ್ತೈಮುಕ್ತಿಮೂರ್ತಿರ್ಭಗವತಿ ! ಭವತೀ ಯೈರದೃಷ್ಟ್ಯಾರದೃಷ್ಟ್ಯಾ ॥ 6॥

ಲೋಲತ್ಕಲ್ಲೋಲಕೋಲಾಹಲವಹಲದಲೋತ್ತಾಲವಾಲಾವಿಲಾಸಾ ।
ಬಂಹದ್ವೃನ್ದಾರಬನ್ದಾಕರಣಿಕರಕರಾಸಂಗರಿಂಗದ್ವಿಹಂಗಾ ।
ಏಕಾದೋಷಾಪ್ಯಶೇಷಾ ವಿಕರವಿಕರಿಣಾರಮ್ಭಸಂರಮ್ಭವರ್ಯಾ
ಕುರ್ಯಾದ್ಧರ್ಯಾ ಧುರೀಣಾಂ ಭವಿಕಮವಿಕಲಂ ಸಪ್ರಭಾವಪ್ರಭಾವಃ ॥ 7॥

ರಾಮಾರಾಮಾಭಿರಾಮಂ ಚತುರಗತುರಗಂ । ತುಂಗಮಾತಂಗಸಂಗಂ
ಭ್ರಾಜ್ಯಂ ಪ್ರಾಜ್ಯಂ ನ ರಾಜ್ಯಂ ಭಗವತಿ ಭವತಿ ಪ್ರೇಯಸೇ ಶ್ರೇಯಸೇ ವಾ ।
ಸೇವಾ ತೇ ವಾ ಕ್ಕ ದೇವಾ ಸುರಶಿರಸಿ ಗಿರಾ ನನ್ದತೇ ವನ್ದತೇ ಚೇತ್
ಸಿದ್ಧೀನಾಂ ಸಿದ್ಧಿಸಿನ್ಧೋ ನ ತವನತರವಃ ಸನಿಧಾನಂ ನಿಧಾನಮ್ ॥ 8॥

ಗರ್ಭಾವಿ ವಿ ಭೂಯಃ ಪರಿಮಲಪರಿಮಾಲಂವರೋಲಮ್ಬರೋಲೈ
ಚಾಲೈಃ ಪುಷ್ಪಜಾಲೈಃ ಪಟುವಿಟಪಿತಟೀ ಬಿಭ್ರತೀ ಶುಭ್ರತೀರಾ ।
ಧ್ವಸ್ತಾಧಿವ್ಯಾಧಿವಾಚಾವಿಧುರವಿಧುಸುಧಾಮೇದುರಾ ಮೇ ದುರಾಪಃ ।
ಪಾಯಾನಃ ಪಾತು ಗೌರೀ ಗುರುಗಿರಿಶಿರಸಿ ಸ್ವಃ ಶ್ರವನ್ತೀ ಶ್ರವನ್ತೀ ॥ 9॥

ವರಂ ತ್ವದೀಯೇ ಪುಲಿನೇ ಪುಲಿನ್ದಾ ಮನ್ದಾಕಿನೀಕ್ಷಾಲಿತಪಾಪಕನ್ದಾ ।
ಮನ್ದಾರಮಾಲಾಮಲಕಂಠನಾಲಾ ನ ಭೂಮಿಪಾಲಾ ನ ಚ ಲೋಕಪಾಲಾಃ ॥ 10॥

ಇತಿ ಶ್ರೀ ಹನುಮದ್ವಿರಚಿತಂ ಗಂಗಾಷ್ಟಕಂ ಸಮ್ಪೂರ್ಣಮ್ ।
**********

गङ्गाष्टकम् 

॥ श्रीगणेशाय नमः ॥

गङ्गानङ्गारिसङ्गा सरिदुपरि परिक्रीडमाना विमाना-
दव्यादव्याजभाजः कलितकलितमोहारि मोहारिवारि ॥

यत्कूले कोलकोलाहलिनि हलिनिभे केतकस्वच्छकच्छ-
च्छायानायासिकायानुपतनपवनः सेवते देवतेन्द्रान् ॥ १॥

मातर्मातङ्गसङ्गास्तिमिततिमितनूर्धारि विस्तारि वारि
ताराकारानुकारा तरलतरलकैश्चामरैश्चामरीणाम् ।
सान्तः स्वान्तः कदान्तःशमितकलितमस्तोमदाहं मुदाहं
दक्षाभिक्षामितार्तिस्तव भवदवसंहारिशङ्कारिहारि ॥ २॥

यन्नापन्नाससूरे सुरधुनि विधुनिस्यन्दनिस्पन्दधुर्ये
देहं तेऽहंसगेहं वहति वहति सन्मानसं मानसङ्गात् ।
किं तेन स्तेनभावं भवभविकमिदं बिभ्रतादभ्रतापं
व्यायत्तेनाप्तवातप्रसरसरणिनां मद्विधानां बुधानाम् ॥ ३॥

यैनोन्मीलन्मरालीविमलकुलमिलत्सारसी सारशीलं
दुःशीलैदेवि ? देवैरकलितमकलि त्वद्वपुवार्विपुष्टैः ।
तेषां द्वेषाधिदोषाकलितकलितरा श्रृङ्खला श्रृङ्खलानाम् ।
छायामायानिकायादननुगुणगणाः संस्रवन्ति श्रवन्ति ॥ ४॥

वातव्याधूतनूतावलिगलितरजोराजिविभ्राजिताभ्रा
भ्राम्यबृङ्गालिकेलीकलितकलकला नदनं दन्मुतीयम् ।
अम्भस्तम्बेरमालीमिलदमलरदारब्धविस्रब्धरोधो
रोधः कर्मादिकर्मप्रसरसरभसं प्रश्रयेनाश्रयन्ते ॥ ५॥

सर्पत्कर्पूरपूरोज्ज्वलजलपटलप्राणिभिः प्राणितार्थेऽ
त्यर्थ व्यर्थं कृतार्थ कृतमपि सुकृतैर्मन्यते जन्म तेषाम् ।
संसारासारकारासरणिपरिणतैर्बन्धभिर्बन्धमुक्तैः
धीर्मुक्तैमुक्तिमूर्तिर्भगवति ! भवती यैरदृष्ट्यारदृष्ट्या ॥ ६॥

लोलत्कल्लोलकोलाहलवहलदलोत्तालवालाविलासा ।
बंहद्वृन्दारबन्दाकरणिकरकरासङ्गरिङ्गद्विहङ्गा ।
एकादोषाप्यशेषा विकरविकरिणारम्भसंरम्भवर्या
कुर्याद्धर्या धुरीणां भविकमविकलं सप्रभावप्रभावः ॥ ७॥

रामारामाभिरामं चतुरगतुरगं । तुङ्गमातङ्गसङ्गं
भ्राज्यं प्राज्यं न राज्यं भगवति भवति प्रेयसे श्रेयसे वा ।
सेवा ते वा क्क देवा सुरशिरसि गिरा नन्दते वन्दते चेत्
सिद्धीनां सिद्धिसिन्धो न तवनतरवः सनिधानं निधानम् ॥ ८॥

गर्भावि वि भूयः परिमलपरिमालंवरोलम्बरोलै
चालैः पुष्पजालैः पटुविटपितटी बिभ्रती शुभ्रतीरा ।
ध्वस्ताधिव्याधिवाचाविधुरविधुसुधामेदुरा मे दुरापः ।
पायानः पातु गौरी गुरुगिरिशिरसि स्वः श्रवन्ती श्रवन्ती ॥ ९॥

वरं त्वदीये पुलिने पुलिन्दा मन्दाकिनीक्षालितपापकन्दा ।
मन्दारमालामलकण्ठनाला न भूमिपाला न च लोकपालाः ॥ १०॥

इति श्री हनुमद्विरचितं गङ्गाष्टकं सम्पूर्णम् ।
*********