ಶಾರದಾಭುಜಂಗಪ್ರಯಾತಾಷ್ಟಕಮ್
ಸುವಕ್ಷೋಜಕುಮ್ಭಾಂ ಸುಧಾಪೂರ್ಣಕುಂಭಾಂ
ಪ್ರಸಾದಾವಲಮ್ಬಾಂ ಪ್ರಪುಣ್ಯಾವಲಮ್ಬಾಮ್ ।
ಸದಾಸ್ಯೇನ್ದುಬಿಮ್ಬಾಂ ಸದಾನೋಷ್ಠಬಿಮ್ಬಾಂ
ಭಜೇ ಶಾರದಾಮ್ಬಾಮಜಸ್ರಂ ಮದಮ್ಬಾಮ್ ॥ 1॥
ಕಟಾಕ್ಷೇ ದಯಾರ್ದ್ರೋ ಕರೇ ಜ್ಞಾನಮುದ್ರಾಂ
ಕಲಾಭಿರ್ವಿನಿದ್ರಾಂ ಕಲಾಪೈಃ ಸುಭದ್ರಾಮ್ ।
ಪುರಸ್ತ್ರೀಂ ವಿನಿದ್ರಾಂ ಪುರಸ್ತುಂಗಭದ್ರಾಂ
ಭಜೇ ಶಾರದಾಮ್ಬಾಮಜಸ್ರಂ ಮದಮ್ಬಾಮ್ ॥ 2॥
ಲಲಾಮಾಂಕಫಾಲಾಂ ಲಸದ್ಗಾನಲೋಲಾಂ
ಸ್ವಭಕ್ತೈಕಪಾಲಾಂ ಯಶಃಶ್ರೀಕಪೋಲಾಮ್ ।
ಕರೇ ತ್ವಕ್ಷಮಾಲಾಂ ಕನತ್ಪ್ರತ್ನಲೋಲಾಂ
ಭಜೇ ಶಾರದಾಮ್ಬಾಮಜಸ್ರಂ ಮದಮ್ಬಾಮ್ ॥ 3॥
ಸುಸೀಮನ್ತವೇಣೀಂ ದೃಶಾ ನಿರ್ಜಿತೈಣೀಂ
ರಮತ್ಕೀರವಾಣೀಂ ನಮದ್ವಜ್ರಪಾಣೀಮ್ ।
ಸುಧಾಮನ್ಥರಾಸ್ಯಾಂ ಮುದಾ ಚಿನ್ತ್ಯವೇಣೀಂ
ಭಜೇ ಶಾರದಾಮ್ಬಾಮಜಸ್ರಂ ಮದಮ್ಬಾಮ್ ॥ 4॥
ಸುಶಾನ್ತಾಂ ಸುದೇಹಾಂ ದೃಗನ್ತೇ ಕಚಾನ್ತಾಂ
ಲಸತ್ಸಲ್ಲತಾಂಗೀಮನನ್ತಾಮಚಿನ್ತ್ಯಾಮ್ ।
ಸ್ಮರೇತ್ತಾಪಸೈಃ ಸಂಗಪೂರ್ವಸ್ಥಿತಾಂ ತಾಂ
ಭಜೇ ಶಾರದಾಮ್ಬಾಮಜಸ್ರಂ ಮದಮ್ಬಾಮ್ ॥ 5॥
ಕುರಂಗೇ ತುರಂಗೇ ಮೃಗೇನ್ದ್ರೇ ಖಗೇನ್ದ್ರೇ
ಮರಾಲೇ ಮದೇಭೇ ಮಹೋಕ್ಷೇಽಧಿರೂಢಾಮ್ ।
ಮಹತ್ಯಾಂ ನವಮ್ಯಾಂ ಸದಾ ಸಾಮರೂಪಾಂ
ಭಜೇ ಶಾರದಾಮ್ಬಾಮಜಸ್ರಂ ಮದಮ್ಬಾಮ್ ॥ 6॥
ಜ್ವಲತ್ಕಾನ್ತಿವಹ್ನಿಂ ಜಗನ್ಮೋಹನಾಂಗೀಂ
ಭಜೇ ಮಾನಸಾಮ್ಭೋಜಸುಭ್ರಾನ್ತಭೃಂಗೀಮ್ ।
ನಿಜಸ್ತೋತ್ರಸಂಗೀತನೃತ್ಯಪ್ರಭಾಂಗೀಮ್
ಭಜೇ ಶಾರದಾಮ್ಬಾಮಜಸ್ರಂ ಮದಮ್ಬಾಮ್ ॥ 7॥
ಭವಾಮ್ಭೋಜನೇತ್ರಾಜಸಮ್ಪೂಜ್ಯಮಾನಾಂ
ಲಸನ್ಮನ್ದಹಾಸಪ್ರಭಾವಕ್ತ್ರಚಿಹ್ನಾಮ್ ।
ಚಲಚ್ಚಂಚಲಾಚಾರೂತಾಟಂಕಕರ್ಣೋ
ಭಜೇ ಶಾರದಾಮ್ಬಾಮಜಸ್ರಂ ಮದಮ್ಬಾಮ್ ॥ 8॥
ಇತಿ ಶ್ರೀಮತ್ಪರಮಹಂಸಪರಿವ್ರಾಜಕಾಚಾರ್ಯಸ್ಯ
ಶ್ರೀಗೋವಿನ್ದಭಗವತ್ಪೂಜ್ಯಪಾದಶಿಷ್ಯಸ್ಯ
ಶ್ರೀಮಚ್ಛಂಕರಭಗವತಃ ಕೃತೌ
ಶಾರದಾಭುಜಂಗಪ್ರಯಾತಾಷ್ಟಕ ಸಮ್ಪೂರ್ಣಮ್ ॥
****
शारदाभुजङ्गप्रयाताष्टकम्
सुवक्षोजकुम्भां सुधापूर्णकुंभां
प्रसादावलम्बां प्रपुण्यावलम्बाम् ।
सदास्येन्दुबिम्बां सदानोष्ठबिम्बां
भजे शारदाम्बामजस्रं मदम्बाम् ॥ १॥
कटाक्षे दयार्द्रो करे ज्ञानमुद्रां
कलाभिर्विनिद्रां कलापैः सुभद्राम् ।
पुरस्त्रीं विनिद्रां पुरस्तुङ्गभद्रां
भजे शारदाम्बामजस्रं मदम्बाम् ॥ २॥
ललामाङ्कफालां लसद्गानलोलां
स्वभक्तैकपालां यशःश्रीकपोलाम् ।
करे त्वक्षमालां कनत्प्रत्नलोलां
भजे शारदाम्बामजस्रं मदम्बाम् ॥ ३॥
सुसीमन्तवेणीं दृशा निर्जितैणीं
रमत्कीरवाणीं नमद्वज्रपाणीम् ।
सुधामन्थरास्यां मुदा चिन्त्यवेणीं
भजे शारदाम्बामजस्रं मदम्बाम् ॥ ४॥
सुशान्तां सुदेहां दृगन्ते कचान्तां
लसत्सल्लताङ्गीमनन्तामचिन्त्याम् ।
स्मरेत्तापसैः सङ्गपूर्वस्थितां तां
भजे शारदाम्बामजस्रं मदम्बाम् ॥ ५॥
कुरङ्गे तुरङ्गे मृगेन्द्रे खगेन्द्रे
मराले मदेभे महोक्षेऽधिरूढाम् ।
महत्यां नवम्यां सदा सामरूपां
भजे शारदाम्बामजस्रं मदम्बाम् ॥ ६॥
ज्वलत्कान्तिवह्निं जगन्मोहनाङ्गीं
भजे मानसाम्भोजसुभ्रान्तभृङ्गीम् ।
निजस्तोत्रसङ्गीतनृत्यप्रभाङ्गीम्
भजे शारदाम्बामजस्रं मदम्बाम् ॥ ७॥
भवाम्भोजनेत्राजसम्पूज्यमानां
लसन्मन्दहासप्रभावक्त्रचिह्नाम् ।
चलच्चञ्चलाचारूताटङ्ककर्णो
भजे शारदाम्बामजस्रं मदम्बाम् ॥ ८॥
इति श्रीमत्परमहंसपरिव्राजकाचार्यस्य
श्रीगोविन्दभगवत्पूज्यपादशिष्यस्य
श्रीमच्छङ्करभगवतः कृतौ
शारदाभुजङ्गप्रयाताष्टक सम्पूर्णम् ॥
**********
