ಗಾಯತ್ರೀ ಸ್ತುತಿಃ ವರಾಹ ಮಹಾಪುರಾಣೇ ಮಹೇಶ್ವರ ವಿರಚಿತಮ್ गायत्री स्तुतिः gayatri stutih

gayatri stutih    ಗಾಯತ್ರೀ ಸ್ತುತಿಃ 
ಮಹೇಶ್ವರ ಉವಾಚ -
ಜಯಸ್ವ ದೇವಿ ಗಾಯತ್ರಿ ಮಹಾಮಾಯೇ ಮಹಾಪ್ರಭೇ ।
ಮಹಾದೇವಿ ಮಹಾಭಾಗೇ ಮಹಾಸತ್ತ್ವೇ ಮಹೋತ್ಸವೇ ॥ 1॥

ದಿವ್ಯಗನ್ಧಾನುಲಿಪ್ತಾಂಗಿ ದಿವ್ಯಸ್ರಗ್ದಾಮಭೂಷಿತೇ ।
ವೇದಮಾತರ್ನಮಸ್ತುಭ್ಯಂ ತ್ರ್ಯಕ್ಷರಸ್ಥೇ ಮಹೇಶ್ವರಿ ॥ 2॥

ತ್ರಿಲೋಕಸ್ಥೇ ತ್ರಿತತ್ತ್ವಸ್ಥೇ ತ್ರಿವಹ್ನಿಸ್ಥೇ ತ್ರಿಶೂಲಿನಿ ।
ತ್ರಿನೇತ್ರೇ ಭೀಮವಕ್‍ತ್ರೇ ಚ ಭೀಮನೇತ್ರೇ ಭಯಾನಕೇ ॥ 3॥

ಕಮಲಾಸನಜೇ ದೇವಿ ಸರಸ್ವತಿ ನಮೋಽಸ್ತು ತೇ ।
ನಮಃ ಪಂಕಜಪತ್ರಾಕ್ಷಿ ಮಹಾಮಾಯೇಽಮೃತಸ್ರವೇ ॥ 4॥

ಸರ್ವಗೇ ಸರ್ವಭೂತೇಶಿ ಸ್ವಾಹಾಕಾರೇ ಸ್ವಧೇಽಮ್ಬಿಕೇ ।
ಸಮ್ಪೂರ್ಣೇ ಪೂರ್ಣಚನ್ದ್ರಾಭೇ ಭಾಸ್ವರಾಂಗೇ ಭವೋದ್ಭವೇ ॥ 5॥

ಮಹಾವಿದ್ಯೇ ಮಹಾವೇದ್ಯೇ ಮಹಾದೈತ್ಯವಿನಾಶಿನಿ ।
ಮಹಾಬುದ್ಧ್ಯುದ್ಭವೇ ದೇವಿ ವೀತಶೋಕೇ ಕಿರಾತಿನಿ ॥ 6॥

ತ್ವಂ ನೀತಿಸ್ತ್ವಂ ಮಹಾಭಾಗೇ ತ್ವಂ ಗೀಸ್ತ್ವಂ ಗೌಸ್ತ್ವಮಕ್ಷರಮ್ ।
ತ್ವಂ ಧೀಸ್ತ್ವಂ ಶ್ರೀಸ್ತ್ವಮೋಂಕಾರಸ್ತತ್ತ್ವೇ ಚಾಪಿ ಪರಿಸ್ಥಿತಾ ।
ಸರ್ವಸತ್ತ್ವಹಿತೇ ದೇವಿ ನಮಸ್ತೇ ಪರಮೇಶ್ವರಿ ॥ 7॥

ಇತ್ಯೇವಂ ಸಂಸ್ತುತಾ ದೇವೀ ಭವೇನ ಪರಮೇಷ್ಠಿನಾ ।
ದೇವೈರಪಿ ಜಯೇತ್ಯುಚ್ಚೈರಿತ್ಯುಕ್ತಾ ಪರಮೇಶ್ವರೀ ॥ 8॥

ಇತಿ ಶ್ರೀವರಾಹಮಹಾಪುರಾಣೇ ಮಹೇಶ್ವರಕೃತಾ ಗಾಯತ್ರೀಸ್ತುತಿಃ ಸಮ್ಪೂರ್ಣಾ ।
*********


गायत्री स्तुतिः 
महेश्वर उवाच -
जयस्व देवि गायत्रि महामाये महाप्रभे ।
महादेवि महाभागे महासत्त्वे महोत्सवे ॥ १॥

दिव्यगन्धानुलिप्ताङ्गि दिव्यस्रग्दामभूषिते ।
वेदमातर्नमस्तुभ्यं त्र्यक्षरस्थे महेश्वरि ॥ २॥

त्रिलोकस्थे त्रितत्त्वस्थे त्रिवह्निस्थे त्रिशूलिनि ।
त्रिनेत्रे भीमवक्‍त्रे च भीमनेत्रे भयानके ॥ ३॥

कमलासनजे देवि सरस्वति नमोऽस्तु ते ।
नमः पङ्कजपत्राक्षि महामायेऽमृतस्रवे ॥ ४॥

सर्वगे सर्वभूतेशि स्वाहाकारे स्वधेऽम्बिके ।
सम्पूर्णे पूर्णचन्द्राभे भास्वराङ्गे भवोद्भवे ॥ ५॥

महाविद्ये महावेद्ये महादैत्यविनाशिनि ।
महाबुद्ध्युद्भवे देवि वीतशोके किरातिनि ॥ ६॥

त्वं नीतिस्त्वं महाभागे त्वं गीस्त्वं गौस्त्वमक्षरम् ।
त्वं धीस्त्वं श्रीस्त्वमोङ्कारस्तत्त्वे चापि परिस्थिता ।
सर्वसत्त्वहिते देवि नमस्ते परमेश्वरि ॥ ७॥

इत्येवं संस्तुता देवी भवेन परमेष्ठिना ।
देवैरपि जयेत्युच्चैरित्युक्ता परमेश्वरी ॥ ८॥

इति श्रीवराहमहापुराणे महेश्वरकृता गायत्रीस्तुतिः सम्पूर्णा 
***********