ಶ್ರೀಶಾಕಮ್ಭರ್ಯಷ್ಟಕಮ್
ಶಕ್ತಿಃ ಶಾಮ್ಭವವಿಶ್ವರೂಪಮಹಿಮಾ ಮಾಂಗಲ್ಯಮುಕ್ತಾಮಣಿ-
ರ್ಘಂಟಾ ಶೂಲಮಸಿಂ ಲಿಪಿಂ ಚ ದಧತೀಂ ದಕ್ಷೈಶ್ಚತುರ್ಭಿಃ ಕರೈಃ ।
ವಾಮೈರ್ಬಾಹುಭಿರರ್ಘ್ಯಶೇಷಭರಿತಂ ಪಾತ್ರಂ ಚ ಶೀರ್ಷಂ ತಥಾ
ಚಕ್ರಂ ಖೇಟಕಮನ್ಧಕಾರಿದಯಿತಾ ತ್ರೈಲೋಕ್ಯಮಾತಾ ಶಿವಾ ॥ 1॥
ದೇವೀ ದಿವ್ಯಸರೋಜಪಾದಯುಗಲೇ ಮಂಜುಕ್ವಣನ್ನೂಪುರಾ
ಸಿಂಹಾರೂಢಕಲೇವರಾ ಭಗವತೀ ವ್ಯಾಘ್ರಾಮ್ಬರಾವೇಷ್ಟಿತಾ ।
ವೈಡೂರ್ಯಾದಿಮಹಾರ್ಘರತ್ನವಿಲಸನ್ನಕ್ಷತ್ರಮಾಲೋಜ್ಜ್ವಲಾ
ವಾಗ್ದೇವೀ ವಿಷಮೇಕ್ಷಣಾ ಶಶಿಮುಖೀ ತ್ರೈಲೋಕ್ಯಮಾತಾ ಶಿವಾ ॥ 2॥
ಬ್ರಹ್ಮಾಣೀ ಚ ಕಪಾಲಿನೀ ಸುಯುವತೀ ರೌದ್ರೀ ತ್ರಿಶೂಲಾನ್ವಿತಾ
ನಾನಾ ದೈತ್ಯನಿಬರ್ಹಿಣೀ ನೃಶರಣಾ ಶಂಖಾಸಿಖೇಟಾಯುಧಾ ।
ಭೇರೀಶಂಖಕ್ಷ್ ಮೃದಂಗಕ್ಷ್ ಘೋಷಮುದಿತಾ ಶೂಲಿಪ್ರಿಯಾ ಚೇಶ್ವರೀ
ಮಾಣಿಕ್ಯಾಢ್ಯಕಿರೀಟಕಾನ್ತವದನಾ ತ್ರೈಲೋಕ್ಯಮಾತಾ ಶಿವಾ ॥ 3॥
ವನ್ದೇ ದೇವಿ ಭವಾರ್ತಿಭಂಜನಕರೀ ಭಕ್ತಪ್ರಿಯಾ ಮೋಹಿನೀ
ಮಾಯಾಮೋಹಮದಾನ್ಧಕಾರಶಮನೀ ಮತ್ಪ್ರಾಣಸಂಜೀವನೀ ।
ಯನ್ತ್ರಂ ಮನ್ತ್ರಜಪೌ ತಪೋ ಭಗವತೀ ಮಾತಾ ಪಿತಾ ಭ್ರಾತೃಕಾ
ವಿದ್ಯಾ ಬುದ್ಧಿಧೃತೀ ಗತಿಶ್ಚ ಸಕಲತ್ರೈಲೋಕ್ಯಮಾತಾ ಶಿವಾ ॥ 4॥
ಶ್ರೀಮಾತಸ್ತ್ರಿಪುರೇ ತ್ವಮಬ್ಜನಿಲಯಾ ಸ್ವರ್ಗಾದಿಲೋಕಾನ್ತರೇ
ಪಾತಾಲೇ ಜಲವಾಹಿನೀ ತ್ರಿಪಥಗಾ ಲೋಕತ್ರಯೇ ಶಂಕರೀ ।
ತ್ವಂ ಚಾರಾಧಕಭಾಗ್ಯಸಮ್ಪದವಿನೀ ಶ್ರೀಮೂರ್ಧ್ನಿ ಲಿಂಗಾಂಕಿತಾ
ತ್ವಾಂ ವನ್ದೇ ಭವಭೀತಿಭಂಜನಕರೀಂ ತ್ರೈಲೋಕ್ಯಮಾತಃ ಶಿವೇ ॥ 5॥
ಶ್ರೀದುರ್ಗೇ ಭಗಿನೀಂ ತ್ರಿಲೋಕಜನನೀಂ ಕಲ್ಪಾನ್ತರೇ ಡಾಕಿನೀಂ
ವೀಣಾಪುಸ್ತಕಧಾರಿಣೀಂ ಗುಣಮಣಿಂ ಕಸ್ತೂರಿಕಾಲೇಪನೀಮ್ ।
ನಾನಾರತ್ನವಿಭೂಷಣಾಂ ತ್ರಿನಯನಾಂ ದಿವ್ಯಾಮ್ಬರಾವೇಷ್ಟಿತಾಂ
ವನ್ದೇ ತ್ವಾಂ ಭವಭೀತಿಭಂಜನಕರೀಂ ತ್ರೈಲೋಕ್ಯಮಾತಃ ಶಿವೇ ॥ 6॥
ನೈರೃತ್ಯಾಂ ದಿಶಿ ಪತ್ರತೀರ್ಥಮಮಲಂ ಮೂರ್ತಿತ್ರಯೇ ವಾಸಿನೀಂ
ಸಾಮ್ಮುಖ್ಯಾ ಚ ಹರಿದ್ರತೀರ್ಥಮನಘಂ ವಾಪ್ಯಾಂ ಚ ತೈಲೋದಕಮ್ ।
ಗಂಗಾದಿತ್ರಯಸಂಗಮೇ ಸಕುತುಕಂ ಪೀತೋದಕೇ ಪಾವನೇ
ತ್ವಾಂ ವನ್ದೇ ಭವಭೀತಿಭಂಜನಕರೀಂ ತ್ರೈಲೋಕ್ಯಮಾತಃ ಶಿವೇ ॥ 7॥
ದ್ವಾರೇ ತಿಷ್ಠತಿ ವಕ್ರತುಂಡಗಣಪಃ ಕ್ಷೇತ್ರಸ್ಯ ಪಾಲಸ್ತತಃ
ಶಕ್ರೇಡ್ಯಾ ಚ ಸರಸ್ವತೀ ವಹತಿ ಸಾ ಭಕ್ತಿಪ್ರಿಯಾ ವಾಹಿನೀ ।
ಮಧ್ಯೇ ಶ್ರೀತಿಲಕಾಭಿಧಂ ತವ ವನಂ ಶಾಕಮ್ಭರೀ ಚಿನ್ಮಯೀ
ತ್ವಾಂ ವನ್ದೇ ಭವಭೀತಿಭಂಜನಕರೀಂ ತ್ರೈಲೋಕ್ಯಮಾತಃ ಶಿವೇ ॥ 8॥
ಶಾಕಮ್ಭರ್ಯಷ್ಟಕಮಿದಂ ಯಃ ಪಠೇತ್ಪ್ರಯತಃ ಪುಮಾನ್ ।
ಸ ಸರ್ವಪಾಪವಿನಿರ್ಮುಕ್ತಃ ಸಾಯುಜ್ಯಂ ಪದಮಾಪ್ನುಯಾತ್ ॥ 9॥
ಇತಿ ಶ್ರೀಮಚ್ಛಂಕರಾಚಾರ್ಯವಿರಚಿತಂ ಶಾಕಮ್ಭರ್ಯಷ್ಟಕಂ ಸಮ್ಪೂರ್ಣಮ್ ॥
**********
श्री शाकम्भर्यष्टकम्
शक्तिः शाम्भवविश्वरूपमहिमा माङ्गल्यमुक्तामणि-
र्घण्टा शूलमसिं लिपिं च दधतीं दक्षैश्चतुर्भिः करैः ।
वामैर्बाहुभिरर्घ्यशेषभरितं पात्रं च शीर्षं तथा
चक्रं खेटकमन्धकारिदयिता त्रैलोक्यमाता शिवा ॥ १॥
देवी दिव्यसरोजपादयुगले मञ्जुक्वणन्नूपुरा
सिंहारूढकलेवरा भगवती व्याघ्राम्बरावेष्टिता ।
वैडूर्यादिमहार्घरत्नविलसन्नक्षत्रमालोज्ज्वला
वाग्देवी विषमेक्षणा शशिमुखी त्रैलोक्यमाता शिवा ॥ २॥
ब्रह्माणी च कपालिनी सुयुवती रौद्री त्रिशूलान्विता
नाना दैत्यनिबर्हिणी नृशरणा शङ्खासिखेटायुधा ।
भेरीशङ्खक्ष् मृदङ्गक्ष् घोषमुदिता शूलिप्रिया चेश्वरी
माणिक्याढ्यकिरीटकान्तवदना त्रैलोक्यमाता शिवा ॥ ३॥
वन्दे देवि भवार्तिभञ्जनकरी भक्तप्रिया मोहिनी
मायामोहमदान्धकारशमनी मत्प्राणसञ्जीवनी ।
यन्त्रं मन्त्रजपौ तपो भगवती माता पिता भ्रातृका
विद्या बुद्धिधृती गतिश्च सकलत्रैलोक्यमाता शिवा ॥ ४॥
श्रीमातस्त्रिपुरे त्वमब्जनिलया स्वर्गादिलोकान्तरे
पाताले जलवाहिनी त्रिपथगा लोकत्रये शङ्करी ।
त्वं चाराधकभाग्यसम्पदविनी श्रीमूर्ध्नि लिङ्गाङ्किता
त्वां वन्दे भवभीतिभञ्जनकरीं त्रैलोक्यमातः शिवे ॥ ५॥
श्रीदुर्गे भगिनीं त्रिलोकजननीं कल्पान्तरे डाकिनीं
वीणापुस्तकधारिणीं गुणमणिं कस्तूरिकालेपनीम् ।
नानारत्नविभूषणां त्रिनयनां दिव्याम्बरावेष्टितां
वन्दे त्वां भवभीतिभञ्जनकरीं त्रैलोक्यमातः शिवे ॥ ६॥
नैरृत्यां दिशि पत्रतीर्थममलं मूर्तित्रये वासिनीं
साम्मुख्या च हरिद्रतीर्थमनघं वाप्यां च तैलोदकम् ।
गङ्गादित्रयसङ्गमे सकुतुकं पीतोदके पावने
त्वां वन्दे भवभीतिभञ्जनकरीं त्रैलोक्यमातः शिवे ॥ ७॥
द्वारे तिष्ठति वक्रतुण्डगणपः क्षेत्रस्य पालस्ततः
शक्रेड्या च सरस्वती वहति सा भक्तिप्रिया वाहिनी ।
मध्ये श्रीतिलकाभिधं तव वनं शाकम्भरी चिन्मयी
त्वां वन्दे भवभीतिभञ्जनकरीं त्रैलोक्यमातः शिवे ॥ ८॥
शाकम्भर्यष्टकमिदं यः पठेत्प्रयतः पुमान् ।
स सर्वपापविनिर्मुक्तः सायुज्यं पदमाप्नुयात् ॥ ९॥
इति श्रीमच्छङ्कराचार्यविरचितं शाकम्भर्यष्टकं सम्पूर्णम् ॥
********
