Recitation : Sri Prahladacharya Trivikrama
ಕೇಶವಾದಿಚತುರ್ವಿಂಶತಿ ಮೂರ್ತಿ ಲಕ್ಷಣಸ್ತುತಿಃ ಸುಮತೀಂದ್ರತೀರ್ಥ ವಿರಚಿತಂ keshavadi chaturvimshati murthi lakshana stutih by sumateendra teertha
ಶ್ರೀ ಶ್ರೀಮತ್ಸುಮತೀಂದ್ರತೀರ್ಥ ಗುರುವರ್ಯ ವಿರಚಿತ
ಶ್ರೀ ಕೇಶವಾದಿಚತುರ್ವಿಂಶತಿ ಮೂರ್ತಿ ಲಕ್ಷಣಸ್ತುತಿಃ
ಚತುರ್ವಿಂಶತಿಮೂರ್ತೀನಾಂ ತಂತ್ರಸಾರೋಕ್ತಮಾರ್ಗತಃ|
ಚಿಹ್ನಾನಿ ವಚ್ಮಿ ತದ್ಭಾರ್ಯಾಸ್ತಾಸ್ತು ಮಾನಾಂತರೋದಿತಾಃ || 1 ||
ಶಂಖಚಕ್ರಗದಾಪದ್ಮಧರೋ ನಃ ಕೇಶವೋsವತು|
ಶ್ರೀಕೇಶವಸ್ಯ ಮಹಿಲಾ ಶ್ರೀ ದೇವೀ ಸ್ವಸ್ತಯೇsಸ್ತು ಮೇ || 2 ||
ಪದ್ಮಗದಾಚಕ್ರಶಂಖಧರೋ ನಾರಾಯಣೋsವತಾತ್|
ನಾರಾಯಣಸ್ಯಮಹಿಷೀ ಲಕ್ಷ್ಮೀಃ ಸ್ಯಾದ್ವರದಾ ಮಮ || 3 ||
ಚಕ್ರಶಂಖಾಂಬುಜಗದಾಧರೋsಸ್ಮಾನ್ಮಾಧವೋsವತು|
ಮಾಧವಸ್ಯ ವರಾರೋಹಾ ಕಮಲಾ ಸ್ಯಾಚ್ಚ್ರಿಯೇ ಮಮ || 4 ||
ಗದಾಪದ್ಮದರಾರ್ಯಾಢ್ಯೋ ಗೋವಿಂದೋ ನಃ ಸದಾsವತು|
ಗೋವಿಂದಭಾಮಿನೀ ಪದ್ಮಾ ಭದ್ರಂ ದಧ್ಯಾತ್ ಸದಾ ಮಮ ||5||
ಪದ್ಮಶಂಖೌ ಚಕ್ರ ಗದೇ ಬಿಭ್ರದ್ವಿಷ್ಣುಃ ಸದಾsವತು|
ವಿಷ್ಣುಪತ್ನೀ ಪದ್ಮಿನೀ ಸಾ ವಿದ್ವಾಂಸಂ ವಿತನೋತು ಮಾಮ್ ||6||
ಶಂಖಪದ್ಮಗದಾಚಕ್ರಧಾರ್ಯವ್ಯಾನ್ಮಧುಸೂಧನಃ|
ಮಧುಸೂದನಭಾರ್ಯಾಸ್ತು ಶರಣಂ ಕಮಲಾಲಯಾ||7||
ಗದಾಚಕ್ರದರಾಂಭೋಜಧರೋsವ್ಯಾನ್ನಸ್ತ್ರಿವಿಕ್ರಮಃ|
ತ್ರಿವಿಕ್ರಮಸ್ಯ ರಮಣೀ ರಮಾ ದೇವೀ ಧಿಯೇsಸ್ತು ಮೇ ||8||
ಚಕ್ರಕೌಮೋದಕೀಪದ್ಮಶಂಖಕೋsವತು ವಾಮನಃ|
ವೃಷಾಕಪೇಯೀ ದೇವ್ಯಸ್ತು ವಾಮನಸ್ಯ ವಧೂರ್ವಿದೇ|| 9 ||
ಚಕ್ರಕೌಮೋದಕೀಶಂಖಪದ್ಮಾಢ್ಯಃ ಶ್ರೀಧರೋsವತಾತ್|
ಶ್ರೀಧರಸ್ಯ ವಧೂರಧನ್ಯಾ ಧನ್ಯಂ ತನ್ಯಾದ್ದಯಾಸ್ಪದಮ್ ||10||
ಚಕ್ರಪದ್ಮೇ ಶಂಖಗದೇ ಹೃಷೀಕೇಶೋ ಧರನ್ನವೇತ್|
ಹೃಷಿಕೇಶಸ್ಯ ವನಿತಾ ವೃದ್ಧಿರ್ಬುದ್ಧಿಂ ದದಾತು ಮೇ ||11||
ಪದ್ಮಚಕ್ರಗದಾಶಂಖಧರೋsವ್ಯಾತ್ ಪದ್ಮನಾಭಕಃ|
ಪದ್ಮನಾಭಸ್ಯ ಭಾರ್ಯಾ ಸಾ ಭಯಂ ಯಜ್ಞಾ ಧುನೋತು ಮೇ ||12||
ಶಂಖಗದಾಚಕ್ರಪದ್ಮಧರೋ ದಾಮೋದರೋsವತು|
ದಾಮೋದರಸ್ಯ ದಾರಾಸ್ತು ಪ್ರದದ್ಯಾದಿಂದಿರಾವರಮ್|| 13 ||
ಶಂಖಪದ್ಮೇ ಚಕ್ರಗದೇ ಬಿಭ್ರತ್ಸಂಕರ್ಷಣೋsವತಾತ್|
ಸಂಕರ್ಷಣಸ್ಯ ರಮಣೀ ಹಿರಣ್ಯಾಸ್ತು ಹಿರಣ್ಯದಾ || 14 ||
ಶಂಖಚಕ್ರಾಂಬುಜಗದಾಧರೋsವ್ಯಾದ್ವಾಸುದೇವಕಃ|
ವಾಸುದೇವವಧೂರಸ್ತು ಹರಿಣೀ ಹರಿಭಕ್ತಿದಾ ||15 ||
ಶಂಖಗದಾಪದ್ಮ ಚಕ್ರಧಾರೀ ಪ್ರದ್ಯುಮ್ನಾ sವತಾತ್|
ಪ್ರದ್ಯುಮ್ನನಾರೀ ಸತ್ಯಾಖ್ಯಾ ಸತ್ಯೇ ಬುದ್ಧಿಂ ತನೋತು ಮೇ ||16||
ಗದಾಶಂಖಾಂಬುಜಾರೀನ್ ಸಂಧಾರ್ಯವ್ಯಾದನಿರುದ್ಧಕಃ|
ಅನಿರುದ್ಧಸ್ಯ ಭಾರ್ಯಾ ಸಾ ನಿತ್ಯಾ ನಿತ್ಯಾರ್ಥದಾ ಭವೇತ್ ||17||
ಪದ್ಮಶಂಖಗದಾಚಕ್ರಧಾರ್ಯವೇತ್ ಪುರುಷೋತ್ತಮಃ|
ಪುರುಷೋತ್ತಮರಾಮಾಸ್ತು ನಂದಾ ನಂದವರಪ್ರದಾ || 18 ||
ಗದಾಶಂಖಾರಿಕಮಲಧಾರ್ಯಧೋಕ್ಷಜ ಅವತಾತ್|
ಅಧೋಕ್ಷಜಸ್ಯ ಮಹಿಲಾ ತ್ರಯ್ಯಾಂ ಬುದ್ಧಿ ತ್ರಯೀ ಕ್ರಮಾತ್ || 19 ||
ನರಸಿಂಹಃ ಪದ್ಮಗದಾಶಂಖಚಕ್ರಾಯುಧೋsವತು|
ನರಸಿಂಹಸ್ಯ ಭಾರ್ಯಾ ಸಾ ಸುಧಾ ದೇವೀ ಧಿಯಂ ದಿಶೇತ್||20||
ಪದ್ಮಚಕ್ರೇ ಶಂಖಗದೇಬಿಭ್ರದವ್ಯಾತ್ ಸನೋsಚ್ಯುತಃ|
ಅಚ್ಯುತಸ್ಯಾಸ್ತುಲಲನಾ ಸುಗಂಧಾ ಧರ್ಮಸಂಪದೇ ||21||
ಚಕ್ರಶಂಖಗದಾಪದ್ಮಧರೋsಜೋವ್ಯಾಜ್ಜನಾರ್ದನಃ|
ಜನಾರ್ದನಸ್ಯಾಂಗನಾಸ್ತು ಸುಂದರೀ ವಂದಿತಾ ಮಯಾ||22||
ಕೌಮೋದಕೀ ಚಕ್ರಪದ್ಮಶಂಖಧ್ರೋsವ್ಯಾದುಪೇಂದ್ರಕಃ|
ಉಪೇಂದ್ರಕಾಮಿನೀ ವಿದ್ಯಾ ವಿದ್ಯಾಂ ದದ್ಯಾನ್ಮುದಾವಹಾಮ್||23||
ಚಕ್ರಪದ್ಮಗದಾಶಂಖಾನ್ ದಧಾನೋsವತು ಮಾಂ ಹರಿಃ|
ಹರಿಭಾರ್ಯಾ ಸುಶೀಲಾ ಸ್ಯಾತ್ ಸೌಶೀಲ್ಯಂ ದಿಶತಾನ್ಮಮ||24||
ಗದಾಪದ್ಮಾರಿಶಂಖಾಂಕಃ ಕೃಷ್ಣೋsಸ್ಮಾನ್ ಸರ್ವದಾsವತು|
ಶ್ರೇಯಸೀಂ ಮೇ ಮತಿಂ ದದ್ಯಾತ್ ಕೃಷ್ಣಕಾಂತಾ ಸುಲಕ್ಷಣಾ || 25||
ಚತುರ್ವಿಂಶತಿಮೂರ್ತೀನಾಂ ಲಕ್ಷ್ಮ ಭಾರ್ಯಾಜುಷಾಂ ಮುದೇ|
ಇಯಂ ಸ್ತುತಿರಕಾರಿ ಶ್ರೀ ಸುಮತೀಂದ್ರೇಣ ಭಿಕ್ಷುಣಾ||26||
||ಇತಿ ಶ್ರೀ ಮತ್ಸುಮತೀಂದ್ರತೀರ್ಥಯತಿ ಕೃತಾ
ಕೇಶವಾದಿಚತುರ್ವಿಂಶತಿ ಮೂರ್ತಿ ಲಕ್ಷಣಸ್ತುತಿಃ ಸಂಪೂರ್ಣಂ||
||ಶ್ರೀ ಮಧ್ವೇಶಕೃಷ್ಣಾರ್ಪಣಮಸ್ತು||
*******
