॥ ನೃಸಿಂಹ ಕವಚಂ ॥ ॥ ಅಥ ಶ್ರೀ ನೃಸಿಂಹ ಕವಚಸ್ತೋತ್ರಮ್ ॥
ನೃಸಿಂಹ ಕವಚಂ ವಕ್ಷೇ ಪ್ರಹ್ಲಾದೇನೋದಿತಂ ಪುರಾ ।
ಸರ್ವರಕ್ಷಾಕರಂ ಪುಣ್ಯಂ ಸರ್ವೋಪ್ರದವನಾಶನಂ ।। 1 ।।
ಸರ್ವಸಂಪತ್ಕರಂ ಚೈವ ಸ್ವರ್ಗಮೋಕ್ಷಪ್ರದಾಯಕಂ ।
ಧ್ಯಾತ್ವಾ ನೃಸಿಂಹಂ ದೇವೇಶಂ ಹೇಮಸಿಂಹಾಸನಸ್ಥಿತಂ ।। 2 ।।
ವಿವೃತಾಸ್ಯಂತ್ರಿನಯನಂ ಶರದಿಂದುಸಮಪ್ರಭಂ ।
ಲಕ್ಷ್ಮ್ಯಾಲಿಂಗಿತವಾಮಾಂಗಂ ವಿಭೂತಿಭಿರುಪಾಶ್ರಿತಮ್ ।। 3 ।।
ಚತುರ್ಭುಜಂ ಕೋಮಲಾಂಗಂ ಸ್ವರ್ಣಕುಂಡಲಶೋಭಿತಂ ।
ಉರೋಜ ಶೋಭಿತೋರಸ್ಕಂ ರತ್ನಕೇಯೂರಮುದ್ರಿತಮ್ ।। 4 ।।
ತಪ್ತಕಾಂಚನಸಂಕಾಶಂ ಪೀತನಿರ್ಮಲವಾಸಸಂ ।
ಇಂದ್ರಾದಿಸುರಮೌಲಿಸ್ಥ ಸ್ಫುರನ್ಮಾಣಿಕ್ಯದೀಪ್ತಿಭಿಃ ।। 5 ।।
ವಿರಾಜಿತಪದದ್ವಂದ್ವಂ ಶಂಖಚಕ್ರಾದಿಹೇತಿ ಭಿಃ ।
ಗರುತ್ಮ ತಾ ಚ ವಿನಯಾ ಸ್ತೂಯಮಾನಂ ಮುದಾನ್ವಿತಮ್ ।। 6 ।।
ಸ್ವಹೃತ್ಕಮಲಸಂವಾಸಂ ಕೃತ್ವಾ ತು ಕವಚಂ ಪಠೇತ್ ।
ನೃಸಿಂಹೋ ಮೇ ಶಿರಃ ಪಾತು ಲೋಕರಕ್ಷಾತ್ಮ ಸಂಭವಃ ।। 7 ।।
ಸರ್ವಗೋಪಿಸ್ತಂಭವಾಸಃ ಫಾಲಂ ಮೇ ರಕ್ಷತು ಧ್ವನೇಃ ।
ನೃಸಿಂಹೋ ಮೇ ದೃ ಶೌ ಪಾತು ಸೋಮಸೂರ್ಯಾಗ್ನಿಲೋಚನಃ ।। 8 ।।
ಸ್ಮೃತೀ ಮೇ ಪಾತು ನೃಹರಿಃ ಮುನಿವರ್ಯಸ್ತುತಿಪ್ರಿಯಃ ।
ನಾಸಾಂ ಮೇ ಸಿಂಹನಾಸಸ್ತು ಮುಖಂ ಲಕ್ಷ್ಮೀ ಮುಖಪ್ರಿಯಃ ।। 9 ।।
ಸರ್ವವಿದ್ಯಾಧಿಪಃ ಪಾತು ನೃಸಿಂಹೋ ರಸನಾಂ ಮಮ ।
ವಕ್ತ್ರಂ ಪಾತ್ವಿಂದುವದನಃ ಸದಾ ಪ್ರಹ್ಲಾದವಂದಿತಃ ।। 10 ।।
ನೃಸಿಂಹಃಪಾತು ಮೇ ಕಂಠಂ ಸ್ಕಂದೌ ಭೂಭರಣಾಂತಕೃತ್ ।
ದಿವ್ಯಾಸ್ತ್ರ ಶೋಭಿತಭುಜೌ ನೃಸಿಂಹಃ ಪಾತು ಮೇ ಭುಜೌ ।। 11 ।।
ಕರೌ ಮೇ ದೇವವರದೋ ನೃಸಿಂಹಃ ಪಾತು ಸರ್ವತಃ ।
ಹೃದಯಂ ಯೋಗಿ ಸಾಧ್ಯಶ್ಚ ನಿವಾಸಂ ಪಾತು ಮೇ ಹರಿಃ ।। 12 ।।
ಮಧ್ಯಂ ಪಾತು ಹಿರಣ್ಯಾಕ್ಷ ವಕ್ಷಃ ಕುಕ್ಷಿವಿದಾರಣಃ ।
ನಾಭಿಂ ಮೇ ಪಾತು ನೃಹರಿಃ ಸ್ವನಾಭಿಬ್ರಹ್ಮ ಸಂಸ್ತುತಃ ।। 13 ।।
ಬ್ರಹ್ಮಾಂಡಕೋಟಯಃ ಕಟ್ಯಾಂ ಯಸ್ಯಾಸೌ ಪಾತು ಮೇ ಕಟಿಂ ।
ಗುಹ್ಯಂ ಮೇ ಪಾತು ಗುಹ್ಯಾನಾಂ ಮಂತ್ರಾಣಾಂ ಗುಹ್ಯರೂಪಧೃಕ್ ।। 14 ।।
ಊರೂಮನೋಭವಃ ಪಾತು ಜಾನುನೀ ನರರೂಪಧೃಕ್ ।
ಜಂಘೇ ಪಾತು ಧರೌಭಾರ ಹರ್ತಾ ಯೋಽಸೌ ನೃಕೇಸರೀ ।। 15 ।।
ಸುರರಾಜ್ಯ ಪ್ರದಃ ಪಾತು ಪಾದೌ ಮೇ ನೃಹರೀಶ್ವರಃ ।
ಸಹಸ್ರಶೀರ್ಷಾಪುರುಷಃ ಪಾತು ಮೇ ಸರ್ವಶಸ್ತನುಮ್ ।। 16 ।।
ಮಹೋಗ್ರಃಪೂರ್ವತಃ ಪಾತು ಮಹಾವೀರಾಗ್ರಜೋಗ್ನಿತಃ ।
ಮಹಾವಿಷ್ಣುರ್ದಕ್ಷಿಣೇತು ಮಹಾಜ್ವಾಲಸ್ತುನಿಋ೯ತೌ ।। 17 ।।
ಪಶ್ಚಿಮೇ ಪಾತು ಸರ್ವೇಶೊ ದಿಶಿ ಮೇ ಸರ್ವತೋಮುಖಃ ।
ನೃಸಿಂಹಃ ಪಾತು ವಾಯವ್ಯಾಂ ಸೌಮ್ಯಾಂ ಭೂಷಣವಿಗ್ರಹಃ ।। 18 ।।
ಈಶಾನ್ಯಾಂ ಪಾತು ಭದ್ರೋಮೇ ಸರ್ವಮಂಗಲದಾಯಕಃ ।
ಸಂಸಾರಭಯದಃ ಪಾತು ಮೃತ್ಯೋರ್ಮೃತ್ಯುರ್ನೃಕೇಸರೀ ।। 19 ।।
ಇದಂ ನೃಸಿಂಹಕವಚಂ ಪ್ರಹ್ಲಾದಮುಖಮಂಡಿತಮ್ ।
ಭಕ್ತಿಮಾನ್ಯಃ ಪಠೇನ್ನಿತ್ಯಂ ಸರ್ವಪಾಪೈಃ ಪ್ರಮುಚ್ಚತೇ ।। 20 ।।
ಪುತ್ರವಾನ್ ಧನವಾನ್ ಲೋಕೇ ದೀರ್ಘಾಯುರುಪಜಾಯತೇ ।
ಯಂ ಯಂ ಕಾಮಯತೇ ಕಾಮಂ ತಂ ತಂ ಪ್ರಾಪ್ನೋತ್ಯಸಂಶಯಂ ।। 21 ।।
ಸರ್ವತ್ರಜಯಮಾಪ್ನೋತಿ ಸರ್ವತ್ರ ವಿಜಯೀಭವೇತ್ ।
ಭೂಮ್ಯಂತರಿಕ್ಷದಿವ್ಯಾನಾಂ ಗ್ರಹಾಣಾಂ ವಿನಿವಾರಣಮ್ ।। 22 ।।
ವೃಶ್ಚಿಕೋರಗಸಂಭೂತಂ ವಿಷಾಪಹರಣಂ ಪರಮ್ ।
ಬ್ರಹ್ಮರಾಕ್ಷಸಯಕ್ಷಾಣಾಂ ದುರೋತ್ಸಾರಣ ಕಾರಣಮ್ ।। 23 ।।
ಭೂರ್ಜೇ ವಾ ತಾಲಪತ್ರೇ ವಾ ಕವಚಂ ಲಿಖಿತಂ ಶುಭಂ ।
ಕರಮೂಲೇ ಧೃತಂ ಯೇನ ಸಿದ್ದೇಯುಃ ಕರ್ಮಸಿದ್ಧಯಃ ।। 24 ।।
ದೇವಾಸುರ ಮನುಷ್ಯೇಸು ಸ್ವಂ ಸ್ವಮೇವ ಜಯಂ ಲಭೇತ್ ।
ಏಕಸಂಧ್ಯಂ ತ್ರಿಸಂಧ್ಯ ವಾಯಃ ಪಠೇನ್ನಿಯತೋ ನರಃ ।। 25 ।।
ಸರ್ವಮಂಗಲ ಮಾಂಗಲ್ಯಂ ಭುಕ್ತಿ ಮುಕ್ತಿಂಚ ವಿಂದತಿ ।
ದ್ವಾತ್ರಿಂಶತ್ಸಹಸ್ರಾಣಿ ಪಾಠಾಚ್ಯುದ್ಧಾತ್ಮ ಭಿರ್ನೃಭಿಃ ।। 26 ।।
ಕವಚಸ್ಯಾಸ್ಯ ಮಂತ್ರಸ್ಯ ಮಂತ್ರಸಿದ್ಧಿಃ ಪ್ರಜಾಯತೇ ।
ಅನೇನ ಮಂತ್ರರಾಜೇನ ಕೃತ್ವಾಭಸ್ಮಾಭಿಮಂತ್ರಣಮ್ ।। 27 ।।
ತಿಲಕಂ ಬಿಭೃಯಾದ್ಯಸ್ತು ತಸ್ಯ ಗ್ರಹಭಯಂ ಹರೇತ್ ।
ತ್ರಿವಾರಂ ಜಪಮಾನಸ್ತು ದತ್ತಂ ವಾರ್ಯಭಿಮಂತ್ರ್ಯಚ ।। 28 ।।
ಪ್ರಾಶಯೇದ್ಯಂ ನರಂ ಮಂತ್ರಂ ನೃಸಿಂಹ ಧ್ಯಾನಮಾಚರೇತ್ ।
ತಸ್ಯ ರೋಗಾಃ ಪ್ರಣಶ್ಶಂತಿ ಯಚಸ್ಸುಃ ಕುಕ್ಷಿಸಂಭವಾಃ ।। 29 ।।
ಕಿಮತ್ರ ಬಹುನೋಕ್ತೇನ ನೃಸಿಂಹ ಸದೃಶೋ ಭವೇತ್ ।
ಮನಸಾಚಿಂತಿತಂ ಯತ್ತು ಸತಚ್ಚಾಪ್ನೋತ್ಯಸಂಶಯಮ್ ।। 30 ।।
ಗರ್ಜಂತಂ ಗರ್ಜಯಂತಂ ನಿಜಭುಜಪಟಲಂ ಸ್ಫೋಟಯಂತಂ ಹರಂತಂ ।
ದೀಪ್ಯಂತಂ ತಾಪಯಂತಂ ದಿವಿಭುವಿದಿತಿಜಂ ಕ್ಷೇಪಯಂತಂ ರಸಂತಂ ।।
ಕೃಂದಂತಂ ರೋಷಯಂತಂ ದಿಶಿ ದಿಶಿ ಸತತಂ ಸಂಭರಂತಂ ಹರಂತಂ ।
ವೀಕ್ಷಂತಂ ಘೂರ್ಣಯಂತಂ ಕರನಿಕರಶತೈರ್ದಿವ್ಯ ಸಿಂಹಂ ನಮಾಮಿ ।। 31 ।।
ಮಾತಾ ನೃಸಿಂಹಶ್ಚ ಪಿತಾ ನೃಸಿಂಹೋಭ್ರಾತಾನೃಸಿಂಹಶ್ಚ ಸಖಾ ನೃಸಿಂಹಃ ।
ವಿದ್ಯಾನೃಸಿಂಹೋ ದ್ರವಿಣಂ ನೃಸಿಂಹಃ ಸ್ವಾಮಿನೃಸಿಂಹಃ ಸಕಲಂ ನೃಸಿಂಹಃ ।। 32 ।।
ಇತೋ ನೃಸಿಂಹಃ ಪರತೋ ನೃಸಿಂಹಃ ಯತೋಯ ತೋಯಾಮಿ ತತೋ ನೃಸಿಂಹಃ ।
ನೃಸಿಂಹದೇವಾಪರಂ ನ ಕಿಂಚಿತ್ತಸ್ಮಾನೃಸಿಂಹಂ ಶರಣಂ ಪ್ರಪದ್ಯೇ ।। 33 ।।
ಭರ್ಜನಂ ಭವ ಬೀಜಾನಾಂ ಆರ್ಜನಂ ಸುಖಸಂಪದಾಂ ।
ತ್ರಾಸನಂ ಯಮದೂತಾನಾಂ ನೃಹರೇರ್ನಾಮಗರ್ಜನಮ್ ।। 34 ।।
॥ ಇತಿ ಶ್ರೀಬ್ರಹ್ಮಾಂಡಪುರಾಣೇ ಪ್ರಹ್ಲಾದೋಕ್ತಂ ಶ್ರೀನೃಸಿಂಹ ಕವಚಂ ಸಂಪೂರ್ಣಮ್ ॥
********
