ಶ್ರೀಶಂಕರಾಚಾರ್ಯಾಷ್ಟೋತ್ತರಶತನಾಮಸ್ತೋತ್ರಮ್
ಶ್ರೀಶಂಕರಾಚಾರ್ಯವರ್ಯೋ ಬ್ರಹ್ಮಾನನ್ದಪ್ರದಾಯಕಃ ।
ಅಜ್ಞಾನತಿಮಿರಾದಿತ್ಯಸ್ಸುಜ್ಞಾನಾಮ್ಬುಧಿಚನ್ದ್ರಮಾಃ ॥ 1॥
ವರ್ಣಾಶ್ರಮಪ್ರತಿಷ್ಠಾತಾ ಶ್ರೀಮಾನ್ಮುಕ್ತಿಪ್ರದಾಯಕಃ ।
ಶಿಷ್ಯೋಪದೇಶನಿರತೋ ಭಕ್ತಾಭೀಷ್ಟಪ್ರದಾಯಕಃ ॥ 2॥
ಸೂಕ್ಷ್ಮತತ್ತ್ವರಹಸ್ಯಜ್ಞಃ ಕಾರ್ಯಾಕಾರ್ಯಪ್ರಬೋಧಕಃ ।
ಜ್ಞಾನಮುದ್ರಾಂಚಿತಕರಶ್-ಶಿಷ್ಯಹೃತ್ತಾಪಹಾರಕಃ ॥ 3॥
ಪರಿವ್ರಾಜಾಶ್ರಮೋದ್ಧರ್ತಾ ಸರ್ವತನ್ತ್ರಸ್ವತನ್ತ್ರಧೀಃ ।
ಅದ್ವೈತಸ್ಥಾಪನಾಚಾರ್ಯಸ್ಸಾಕ್ಷಾಚ್ಛಂಕರರೂಪಭೃತ್ ॥ 4॥
ಷನ್ಮತಸ್ಥಾಪನಾಚಾರ್ಯಸ್ತ್ರಯೀಮಾರ್ಗ ಪ್ರಕಾಶಕಃ ।
ವೇದವೇದಾನ್ತತತ್ತ್ವಜ್ಞೋ ದುರ್ವಾದಿಮತಖಂಡನಃ ॥ 5॥
ವೈರಾಗ್ಯನಿರತಶ್ಶಾನ್ತಸ್ಸಂಸಾರಾರ್ಣವತಾರಕಃ ।
ಪ್ರಸನ್ನವದನಾಮ್ಭೋಜಃ ಪರಮಾರ್ಥಪ್ರಕಾಶಕಃ ॥ 6॥
ಪುರಾಣಸ್ಮೃತಿಸಾರಜ್ಞೋ ನಿತ್ಯತೃಪ್ತೋ ಮಹಾಂಛುಚಿಃ ।
ನಿತ್ಯಾನನ್ದೋ ನಿರಾತಂಕೋ ನಿಸ್ಸಂಗೋ ನಿರ್ಮಲಾತ್ಮಕಃ ॥ 7॥
ನಿರ್ಮಮೋ ನಿರಹಂಕಾರೋ ವಿಶ್ವವನ್ದ್ಯಪದಾಮ್ಬುಜಃ ।
ಸತ್ತ್ವಪ್ರಧಾನಸ್ಸದ್ಭಾವಸ್ಸಂಖ್ಯಾತೀತಗುಣೋಜ್ಜ್ವಲಃ ॥ 8॥
ಅನಘಸ್ಸಾರಹೃದಯಸ್ಸುಧೀಸಾರಸ್ವತಪ್ರದಃ ।
ಸತ್ಯಾತ್ಮಾ ಪುಣ್ಯಶೀಲಶ್ಚ ಸಾಂಖ್ಯಯೋಗವಿಲಕ್ಷಣಃ ॥ 9॥
ತಪೋರಾಶಿರ್ ಮಹಾತೇಜೋ ಗುಣತ್ರಯವಿಭಾಗವಿತ್ ।
ಕಲಿಘ್ನಃ ಕಾಲಕರ್ಮಜ್ಞಸ್ತಮೋಗುಣನಿವಾರಕಃ ॥ 10॥
ಭಗವಾನ್ಭಾರತೀಜೇತಾ ಶಾರದಾಹ್ವಾನಪಣ್ದಿತಃ ।
ಧರ್ಮಾಧರ್ಮವಿಭಾವಜ್ಞೋ ಲಕ್ಷ್ಯಭೇದಪ್ರದರ್ಶಕಃ ॥ 11॥
ನಾದಬಿನ್ದುಕಲಾಭಿಜ್ಞೋ ಯೋಗಿಹೃತ್ಪದ್ಮಭಾಸ್ಕರಃ ।
ಅತೀನ್ದ್ರಿಯಜ್ಞಾನನಿಧಿರ್ನಿತ್ಯಾನಿತ್ಯವಿವೇಕವಾನ್ ॥ 12॥
ಚಿದಾನನ್ದಶ್ಚಿನ್ಮಯಾತ್ಮಾ ಪರ್ಕಾಯಪ್ರವೇಶಕೃತ್ ।
ಅಮಾನುಷಚರಿತ್ರಾಢ್ಯಃ ಕ್ಷೇಮದಾಯೀ ಕ್ಷಮಾಕರಃ ॥ 13॥
ಭವ್ಯೋ ಭದ್ರಪ್ರದೋ ಭೂರಿ ಮಹಿಮಾ ವಿಶ್ವರಂಜಕಃ ।
ಸ್ವಪ್ರಕಾಶಸ್ಸದಾಧಾರೋ ವಿಶ್ವಬನ್ಧುಶ್ಶುಭೋದಯಃ ॥ 14॥
ವಿಶಾಲಕೀರ್ತಿರ್ವಾಗೀಶಸ್ಸರ್ವಲೋಕಹಿತೋತ್ಸುಕಃ ।
ಕೈಲಾಸಯಾತ್ರಸಮ್ಪ್ರಾಪ್ತಚನ್ದ್ರಮೌಲಿಪ್ರಪೂಜಕಃ ॥ 15॥
ಕಾಂಚ್ಯಾಂ ಶ್ರೀಚಕ್ರರಾಜಾಖ್ಯಯನ್ತ್ರಸ್ಥಾಪನದೀಕ್ಷಿತಃ ।
ಶ್ರೀಚಕ್ರಾತ್ಮಕ ತಾಟಂಕ ತೋಷಿತಾಮ್ಬಾ ಮನೋರಥಃ ॥ 16॥
ಬ್ರಹ್ಮಸೂತ್ರೋಪನಿಷದ್ಭಾಷ್ಯಾದಿಗ್ರನ್ಥಕಲ್ಪಕಃ ।
ಚತುರ್ದಿಕ್ಚತುರಾಮ್ನಾಯಪ್ರತಿಷ್ಠಾತಾ ಮಹಾಮತಿಃ ॥ 17॥
ದ್ವಿಸಪ್ತತಿ ಮತೋಚ್ಛೇತ್ತಾ ಸರ್ವದಿಗ್ವಿಜಯಪ್ರಭುಃ ।
ಕಾಷಾಯವಸನೋಪೇತೋ ಭಸ್ಮೋದ್ಧೂಳಿತವಿಗ್ರಹಃ ॥ 18॥
ಜ್ಞಾನತ್ಮಕೈಕದಂಡಾಢ್ಯಃ ಕಮಂಡಲುಲಸತ್ಕರಃ ।
ಗುರುಭೂಮಂಡಲಾಚಾರ್ಯೋ ಭಗವತ್ಪಾದಸಂಜ್ಞಕಃ ॥ 19॥
ವ್ಯಾಸಸನ್ದರ್ಶನಪ್ರೀತಃ ಋಷ್ಯಶೃಂಗಪುರೇಶ್ವರಃ ।
ಸೌನ್ದರ್ಯಲಹರೀಮುಖ್ಯಬಹುಸ್ತೋತ್ರವಿಧಾಯಕಃ ॥ 20॥
ಚತುಷ್ಷಷ್ಟಿಕಲಾಭಿಜ್ಞೋ ಬ್ರಹ್ಮರಾಕ್ಷಸಪೋಷಕಃ ।
ಶ್ರೀಮನ್ಮಂಡನಮಿಶ್ರಾಖ್ಯಸ್ವಮ್ಭೂಜಯಸನ್ನುತಃ ॥ 21॥
ತೋಟಕಾಚಾರ್ಯಸಮ್ಪೂಜ್ಯ ಪದ್ಮಪಾದರ್ಚಿತಾಂಘ್ರಿಕಃ ।
ಹಸ್ತಾಮಲಯೋಗಿನ್ದ್ರ ಬ್ರಹ್ಮಜ್ಞಾನಪ್ರದಾಯಕಃ ॥ 22॥
ಸುರೇಶ್ವರಾಖ್ಯ ಸಚ್ಛಿಷ್ಯ ಸನ್ಯಾಸಾಶ್ರಮ ದಾಯಕಃ ।
ನೃಸಿಂಹಭಕ್ತಸ್ಸದ್ರತ್ನಗರ್ಭಹೇರಮ್ಬಪೂಜಕಃ ॥ 23॥
ವ್ಯಾಖ್ಯಸಿಂಹಾಸನಾಧೀಶೋ ಜಗತ್ಪೂಜ್ಯೋ ಜಗದ್ಗುರುಃ ।
ಇತಿ ಶ್ರೀಮಚ್ಛಂಕರಾಚಾರ್ಯಸರ್ವಲೋಕಗುರೋಃ ಪರಮ್ ॥ 24॥
ನಾಮ್ನಾಮಷ್ಟೋತ್ತರಶತಂ ಭುಕ್ತಿಮುಕ್ತಿಫಲಪ್ರದಮ್ ।
ತ್ರಿಸನ್ಧ್ಯಂ ಯಃ ಪಠೇದ್ಭಕ್ತ್ಯಾ ಸರ್ವಾನ್ಕಾಮಾನವಾಪ್ನುಯಾತ್ ॥
ಇತಿ ಶ್ರೀಮಚ್ಛಂಕರಾಚಾರ್ಯಾಷ್ಟೋತ್ತರಶತನಾಮಸ್ತೋತ್ರಮ್ ॥
**************
श्रीशङ्कराचार्याष्टोत्तरशतनामस्तोत्रम्
श्रीशङ्कराचार्यवर्यो ब्रह्मानन्दप्रदायकः ।
अज्ञानतिमिरादित्यस्सुज्ञानाम्बुधिचन्द्रमाः ॥ १॥
वर्णाश्रमप्रतिष्ठाता श्रीमान्मुक्तिप्रदायकः ।
शिष्योपदेशनिरतो भक्ताभीष्टप्रदायकः ॥ २॥
सूक्ष्मतत्त्वरहस्यज्ञः कार्याकार्यप्रबोधकः ।
ज्ञानमुद्राञ्चितकरश्-शिष्यहृत्तापहारकः ॥ ३॥
परिव्राजाश्रमोद्धर्ता सर्वतन्त्रस्वतन्त्रधीः ।
अद्वैतस्थापनाचार्यस्साक्षाच्छङ्कररूपभृत् ॥ ४॥
षन्मतस्थापनाचार्यस्त्रयीमार्ग प्रकाशकः ।
वेदवेदान्ततत्त्वज्ञो दुर्वादिमतखण्डनः ॥ ५॥
वैराग्यनिरतश्शान्तस्संसारार्णवतारकः ।
प्रसन्नवदनाम्भोजः परमार्थप्रकाशकः ॥ ६॥
पुराणस्मृतिसारज्ञो नित्यतृप्तो महाञ्छुचिः ।
नित्यानन्दो निरातङ्को निस्सङ्गो निर्मलात्मकः ॥ ७॥
निर्ममो निरहङ्कारो विश्ववन्द्यपदाम्बुजः ।
सत्त्वप्रधानस्सद्भावस्सङ्ख्यातीतगुणोज्ज्वलः ॥ ८॥
अनघस्सारहृदयस्सुधीसारस्वतप्रदः ।
सत्यात्मा पुण्यशीलश्च साङ्ख्ययोगविलक्षणः ॥ ९॥
तपोराशिर् महातेजो गुणत्रयविभागवित् ।
कलिघ्नः कालकर्मज्ञस्तमोगुणनिवारकः ॥ १०॥
भगवान्भारतीजेता शारदाह्वानपण्दितः ।
धर्माधर्मविभावज्ञो लक्ष्यभेदप्रदर्शकः ॥ ११॥
नादबिन्दुकलाभिज्ञो योगिहृत्पद्मभास्करः ।
अतीन्द्रियज्ञाननिधिर्नित्यानित्यविवेकवान् ॥ १२॥
चिदानन्दश्चिन्मयात्मा पर्कायप्रवेशकृत् ।
अमानुषचरित्राढ्यः क्षेमदायी क्षमाकरः ॥ १३॥
भव्यो भद्रप्रदो भूरि महिमा विश्वरञ्जकः ।
स्वप्रकाशस्सदाधारो विश्वबन्धुश्शुभोदयः ॥ १४॥
विशालकीर्तिर्वागीशस्सर्वलोकहितोत्सुकः ।
कैलासयात्रसम्प्राप्तचन्द्रमौलिप्रपूजकः ॥ १५॥
काञ्च्यां श्रीचक्रराजाख्ययन्त्रस्थापनदीक्षितः ।
श्रीचक्रात्मक ताटङ्क तोषिताम्बा मनोरथः ॥ १६॥
ब्रह्मसूत्रोपनिषद्भाष्यादिग्रन्थकल्पकः ।
चतुर्दिक्चतुराम्नायप्रतिष्ठाता महामतिः ॥ १७॥
द्विसप्तति मतोच्छेत्ता सर्वदिग्विजयप्रभुः ।
काषायवसनोपेतो भस्मोद्धूळितविग्रहः ॥ १८॥
ज्ञानत्मकैकदण्डाढ्यः कमण्डलुलसत्करः ।
गुरुभूमण्डलाचार्यो भगवत्पादसंज्ञकः ॥ १९॥
व्याससन्दर्शनप्रीतः ऋष्यशृङ्गपुरेश्वरः ।
सौन्दर्यलहरीमुख्यबहुस्तोत्रविधायकः ॥ २०॥
चतुष्षष्टिकलाभिज्ञो ब्रह्मराक्षसपोषकः ।
श्रीमन्मण्डनमिश्राख्यस्वम्भूजयसन्नुतः ॥ २१॥
तोटकाचार्यसम्पूज्य पद्मपादर्चिताङ्घ्रिकः ।
हस्तामलयोगिन्द्र ब्रह्मज्ञानप्रदायकः ॥ २२॥
सुरेश्वराख्य सच्छिष्य सन्यासाश्रम दायकः ।
नृसिंहभक्तस्सद्रत्नगर्भहेरम्बपूजकः ॥ २३॥
व्याख्यसिंहासनाधीशो जगत्पूज्यो जगद्गुरुः ।
इति श्रीमच्छङ्कराचार्यसर्वलोकगुरोः परम् ॥ २४॥
नाम्नामष्टोत्तरशतं भुक्तिमुक्तिफलप्रदम् ।
त्रिसन्ध्यं यः पठेद्भक्त्या सर्वान्कामानवाप्नुयात् ॥
इति श्रीमच्छङ्कराचार्याष्टोत्तरशतनामस्तोत्रम् ॥
***********
