ಹರಿನಾಮಮಾಲಾ ಸ್ತೋತ್ರಮ್ हरिनाममाला स्तोत्रम् harinamamಅಲ್ಲ stotram

shrIharinAmamAlA stotram .. ॥ ಶ್ರೀಹರಿನಾಮಮಾಲಾ ಸ್ತೋತ್ರಮ್ ॥

ಗೋವಿನ್ದಂ ಗೋಕುಲಾನನ್ದಂ ಗೋಪಾಲಂ ಗೋಪಿವಲ್ಲಭಮ್ ।
ಗೋವರ್ಧನೋದ್ಧರಂ ಧೀರಂ ತಂ ವನ್ದೇ ಗೋಮತೀಪ್ರಿಯಮ್ ॥ 1॥

ನಾರಾಯಣಂ ನಿರಾಕಾರಂ ನರವೀರಂ ನರೋತ್ತಮಮ್ ।
ನೃಸಿಂಹಂ ನಾಗನಾಥಂ ಚ ತಂ ವನ್ದೇ ನರಕಾನ್ತಕಮ್ ॥ 2॥

ಪೀತಾಮ್ಬರಂ ಪದ್ಮನಾಭಂ ಪದ್ಮಾಕ್ಷಂ ಪುರುಷೋತ್ತಮಮ್
ಪವಿತ್ರಂ ಪರಮಾನನ್ದಂ ತಂ ವನ್ದೇ ಪರಮೇಶ್ವರಮ್ ॥ 3॥

ರಾಘವಂ ರಾಮಚನ್ದ್ರಂ ಚ ರಾವಣಾರಿಂ ರಮಾಪತಿಮ್
ರಾಜೀವಲೋಚನಂ ರಾಮಂ ತಂ ವನ್ದೇ ರಘುನನ್ದನಮ್ ॥ 4॥

ವಾಮನಂ ವಿಶ್ವರೂಪಂ ಚ ವಾಸುದೇವಂ ಚ ವಿಠ್ಠಲಮ್ ।
ವಿಶ್ವೇಶ್ವರಂ ವಿಭುಂ ವ್ಯಾಸಂ ತಂ ವನ್ದೇ ವೇದವಲ್ಲಭಮ್ ॥ 5॥

ದಾಮೋದರಂ ದಿವ್ಯಸಿಂಹಂ ದಯಾಳುಂ ದೀನನಾಯಕಮ್ ।
ದೈತ್ಯಾರಿಂ ದೇವದೇವೇಶಂ ತಂ ವನ್ದೇ ದೇವಕೀಸುತಮ್ ॥ 6॥

ಮುರಾರಿಂ ಮಾಧವಂ ಮತ್ಸ್ಯಂ ಮುಕುನ್ದಂ ಮುಷ್ಟಿಮರ್ದನಮ್ ।
ಮುಂಜಕೇಶಂ ಮಹಾಬಾಹುಂ ತಂ ವನ್ದೇ ಮಧುಸೂದನಮ್ ॥ 7॥

ಕೇಶವಂ ಕಮಲಾಕಾನ್ತಂ ಕಾಮೇಶಂ ಕೌಸ್ತುಭಪ್ರಿಯಮ್ ।
ಕೌಮೋದಕೀಧರಂ ಕೃಷ್ಣಂ ತಂ ವನ್ದೇ ಕೌರವಾನ್ತಕಮ್ ॥ 8॥

ಭೂಧರಂ ಭುವನಾನನ್ದಂ ಭೂತೇಶಂ ಭೂತನಾಯಕಮ್ ।
ಭಾವನೈಕಂ ಭುಜಂಗೇಶಂ ತಂ ವನ್ದೇ ಭವನಾಶನಮ್ ॥ 9॥

ಜನಾರ್ದನಂ ಜಗನ್ನಾಥಂ ಜಗಜ್ಜಾಡ್ಯವಿನಾಶಕಮ್ ।
ಜಮದಗ್ನಿಂ ಪರಂ ಜ್ಯೋತಿಸ್ತಂ ವನ್ದೇ ಜಲಶಾಯಿನಮ್ ॥ 10॥

ಚತುರ್ಭುಜಂ ಚಿದಾನನ್ದಂ ಮಲ್ಲಚಾಣೂರಮರ್ದನಮ್ ।
ಚರಾಚರಗುರುಂ ದೇವಂ ತಂ ವನ್ದೇ ಚಕ್ರಪಾಣಿನಮ್ ॥ 11॥

ಶ್ರಿಯಃಕರಂ ಶ್ರಿಯೋನಾಥಂ ಶ್ರೀಧರಂ ಶ್ರೀವರಪ್ರದಮ್
ಶ್ರೀವತ್ಸಲಧರಂ ಸೌಮ್ಯಂ ತಂ ವನ್ದೇ ಶ್ರೀಸುರೇಶ್ವರಮ್ ॥ 12॥

ಯೋಗೀಶ್ವರಂ ಯಜ್ಞಪತಿಂ ಯಶೋದಾನನ್ದದಾಯಕಮ್
ಯಮುನಾಜಲಕಲ್ಲೋಲಂ ತಂ ವನ್ದೇ ಯದುನಾಯಕಮ್ ॥ 13॥

ಸಾಲಿಗ್ರಾಮಶಿಲಶುದ್ಧಂ ಶಂಖಚಕ್ರೋಪಶೋಭಿತಮ್ ।
ಸುರಾಸುರೈಃ ಸದಾ ಸೇವ್ಯಂ ತಂ ವನ್ದೇ ಸಾಧುವಲ್ಲಭಮ್ ॥ 14॥

ತ್ರಿವಿಕ್ರಮಂ ತಪೋಮೂರ್ತಿಂ ತ್ರಿವಿಧಘೌಘನಾಶನಮ್ ।
ತ್ರಿಸ್ಥಲಂ ತೀರ್ಥರಾಜೇನ್ದ್ರಂ ತಂ ವನ್ದೇ ತುಲಸೀಪ್ರಿಯಮ್ ॥ 15॥

ಅನನ್ತಮಾದಿಪುರುಷಂ ಅಚ್ಯುತಂ ಚ ವರಪ್ರದಮ್ ।
ಆನನ್ದಂ ಚ ಸದಾನನ್ದಂ ತಂ ವನ್ದೇ ಚಾಘನಾಶನಮ್ ॥ 16॥

ಲೀಲಯಾ ಧೃತಭೂಭಾರಂ ಲೋಕಸತ್ತ್ವೈಕವನ್ದಿತಮ್ ।
ಲೋಕೇಶ್ವರಂ ಚ ಶ್ರೀಕಾನ್ತಂ ತಂ ವನ್ದೇ ಲಕ್ಷಮಣಪ್ರಿಯಮ್ ॥ 17॥

ಹರಿಂ ಚ ಹರಿಣಾಕ್ಷಂ ಚ ಹರಿನಾಥಂ ಹರಪ್ರಿಯಮ್ ।
ಹಲಾಯುಧಸಹಾಯಂ ಚ ತಂ ವನ್ದೇ ಹನುಮತ್ಪತಿಮ್ ॥ 18॥

ಹರಿನಾಮಕೃತಾಮಾಲಾ ಪವಿತ್ರಾ ಪಾಪನಾಶಿನೀ ।
ಬಲಿರಾಜೇನ್ದ್ರೇಣ ಚೋಕ್ತ್ತಾ ಕಂಠೇ ಧಾರ್ಯಾ ಪ್ರಯತ್ನತಃ ॥

॥ ಇತಿ ಮಹಾಬಲಿಪ್ರೋಕ್ತಂ ಹರಿನಾಮಮಾಲಾಸ್ತೋತ್ರಮ್ ॥
**********

॥ श्री हरिनाममाला स्तोत्रम् ॥

गोविन्दं गोकुलानन्दं गोपालं गोपिवल्लभम् ।
गोवर्धनोद्धरं धीरं तं वन्दे गोमतीप्रियम् ॥ १॥

नारायणं निराकारं नरवीरं नरोत्तमम् ।
नृसिंहं नागनाथं च तं वन्दे नरकान्तकम् ॥ २॥

पीताम्बरं पद्मनाभं पद्माक्षं पुरुषोत्तमम्
पवित्रं परमानन्दं तं वन्दे परमेश्वरम् ॥ ३॥

राघवं रामचन्द्रं च रावणारिं रमापतिम्
राजीवलोचनं रामं तं वन्दे रघुनन्दनम् ॥ ४॥

वामनं विश्वरूपं च वासुदेवं च विठ्ठलम् ।
विश्वेश्वरं विभुं व्यासं तं वन्दे वेदवल्लभम् ॥ ५॥

दामोदरं दिव्यसिंहं दयाळुं दीननायकम् ।
दैत्यारिं देवदेवेशं तं वन्दे देवकीसुतम् ॥ ६॥

मुरारिं माधवं मत्स्यं मुकुन्दं मुष्टिमर्दनम् ।
मुञ्जकेशं महाबाहुं तं वन्दे मधुसूदनम् ॥ ७॥

केशवं कमलाकान्तं कामेशं कौस्तुभप्रियम् ।
कौमोदकीधरं कृष्णं तं वन्दे कौरवान्तकम् ॥ ८॥

भूधरं भुवनानन्दं भूतेशं भूतनायकम् ।
भावनैकं भुजङ्गेशं तं वन्दे भवनाशनम् ॥ ९॥

जनार्दनं जगन्नाथं जगज्जाड्यविनाशकम् ।
जमदग्निं परं ज्योतिस्तं वन्दे जलशायिनम् ॥ १०॥

चतुर्भुजं चिदानन्दं मल्लचाणूरमर्दनम् ।
चराचरगुरुं देवं तं वन्दे चक्रपाणिनम् ॥ ११॥

श्रियःकरं श्रियोनाथं श्रीधरं श्रीवरप्रदम्
श्रीवत्सलधरं सौम्यं तं वन्दे श्रीसुरेश्वरम् ॥ १२॥

योगीश्वरं यज्ञपतिं यशोदानन्ददायकम्
यमुनाजलकल्लोलं तं वन्दे यदुनायकम् ॥ १३॥

सालिग्रामशिलशुद्धं शंखचक्रोपशोभितम् ।
सुरासुरैः सदा सेव्यं तं वन्दे साधुवल्लभम् ॥ १४॥

त्रिविक्रमं तपोमूर्तिं त्रिविधघौघनाशनम् ।
त्रिस्थलं तीर्थराजेन्द्रं तं वन्दे तुलसीप्रियम् ॥ १५॥

अनन्तमादिपुरुषं अच्युतं च वरप्रदम् ।
आनन्दं च सदानन्दं तं वन्दे चाघनाशनम् ॥ १६॥

लीलया धृतभूभारं लोकसत्त्वैकवन्दितम् ।
लोकेश्वरं च श्रीकान्तं तं वन्दे लक्षमणप्रियम् ॥ १७॥

हरिं च हरिणाक्षं च हरिनाथं हरप्रियम् ।
हलायुधसहायं च तं वन्दे हनुमत्पतिम् ॥ १८॥

हरिनामकृतामाला पवित्रा पापनाशिनी ।
बलिराजेन्द्रेण चोक्त्ता कण्ठे धार्या प्रयत्नतः ॥

॥ इति महाबलिप्रोक्तं हरिनाममालास्तोत्रम् ॥
**********