ಗಣಪತಿ ಗಣೇಶ ಮಾನಸ ಪೂಜಾ ಸ್ತೋತ್ರಮ್ ಚಂದ್ರಶೇಖರ ಭಾರತಿ ವಿರಚಿತಮ್ मानस पूजा ganesha manasa Puja stotram by chandrashekara bharati

Shri Ganesha Manasa Puja Stotram
 ಶ್ರೀ ಗಣೇಶ ಮಾನಸ ಪೂಜಾ ಸ್ತೋತ್ರಮ್ 

ಶ್ರೀಜಗದ್ಗುರು ಶ‍ೃಂಗೇರೀ
ಶ್ರೀಚನ್ದ್ರಶೇಖರಭಾರತೀ ಸ್ವಾಮಿ ಅನುಗೃಹೀತಾ
ವಾತ್ಸಲ್ಯಭಾಜನಮಗಾಧಿಪಕನ್ಯಕಾಯಾ
     ಮಾತ್ಸರ್ಯಶೂನ್ಯಹೃದಯೈರ್ಭುವಿ ಭಾವನೀಯಮ್ ।
ಪ್ರತ್ಯೂಹಜಾತವಿನಿಪಾತನಲಬ್ಧವರ್ಣ-
     ಮತ್ಯೂರ್ಜಿತಂ ಹೃದಿ ಭಜಾಮಿ ಗಣಾಧಿನಾಥಮ್ ॥ 1॥

ಆವಾಹಯಾಮಿ ಗಣನಾಥಮುಮಾಮಹೇಶ-
     ಸರ್ವಸ್ವಭೂತಮಪನೀತದುರನ್ತರಾಯಮ್ ।
ಯೋಗೀನ್ದ್ರಮಾನಸಸರೋರುಹಂಸವಿಕಾಸ-
     ಲೀಲಾವಿಶೇಷಚತುರಂ ನಿಗಮಾನ್ತನಿಷ್ಠಮ್ ॥ 2॥

ಮಾಣಿಕ್ಯಮಂಜುಲಮರೀಚಿಮನೋಜ್ಞಪಾರ್ಶ್ವಂ
     ಸಾನ್ದ್ರೀಭವನ್ಮರಕತಾವಲಿಮೇಚಕಾಭಮ್ ।
ಮುಕ್ತಾಮಣಿಪ್ರಕರಮೇದುರಿತಾನ್ತರಾಲಂ
     ರತ್ನಾಸನಂ ತವ ಹೃದಾ ಪರಿಕಲ್ಪಯಾಮಿ ॥ 3॥

ಗಂಗಾದಿಪುಣ್ಯಸರಿತಾಂ ಪರಿಪೂತತೀರ್ಥೈಃ
     ಪಾದ್ಯಂ ತವಾದ್ಯವಧಿಶೂನ್ಯ ಸಮರ್ಪಯಾಮಿ ।
ಅರ್ಘ್ಯಂ ದದಾಮ್ಯಹಮನರ್ಘಗುಣಾಭಿರಾಮ
     ಪ್ರತ್ಯೂಹವಾರಣ ಸುವಾರಣವಕ್ತ್ರ ತುಭ್ಯಮ್ ॥ 4॥

ಪ್ರತ್ಯಾಹೃತೈರಖಿಲಪುಣ್ಯಸರಿದ್ವರಾಭ್ಯ-
     ಸ್ತೀರ್ಥೈರ್ದದಾಮ್ಯಮಲಮಾಚಮನಂ ಚ ತುಭ್ಯಮ್ ।
ಸೂಕ್ತಾದಿಮನ್ತ್ರನಿವಹೈರಭಿಮನ್ತ್ರಿತೈಶ್ಚ
     ಪುಣ್ಯೋದಕೈಸ್ತವ ಶಿರಃ ಸ್ನಪಯಾಮ್ಯಜಸ್ರಮ್ ॥ 5॥

ಆಚೂಡಮಾಚರಣಮಪ್ಯಭಿಷಿಚ್ಯ ತೀರ್ಥೈಃ
     ಆಲೋಕ್ಯನ್ನಖಿಲಮಂಗಲಮಾನನಂ ತೇ ।
ಆನನ್ದನಿರ್ಭರಮನಾಶ್ಚುಲುಕೀಕೃತಾಕ್ಷಃ
     ಕಿಂ ವಾ ಭವಾಮಿ ಸಫಲೀಕೃತಪುಣ್ಯಜನ್ಮಾ ॥ 6॥

ಚೋಷ್ಯೈಶ್ಚ ಭಕ್ಷ್ಯನಿವಹೈಶ್ಚ ಕರಮ್ಬಿತಂ ತೇ
     ಭೋಜ್ಯಂ ದದಾಮಿ ಗಣನಾಯಕ ದಿವ್ಯಮನ್ನಮ್ ।
ಆಮೋದಕಂ ಚ ಗಿರಿಜಾಸುತ ಮೋದಕಾನಾಂ
     ಸ್ವಾಮಿನ್ ಪರಶ್ಶತಮಪಿ ಪ್ರತಿಪಾದಯಾಮಿ ॥ 10॥

ಆನಮ್ರನಾಕಿಗಣಮಂಜುಲಮೌಲಿಮಾಲಾ-
     ನೀರಾಜ್ಯಮಾನಚರಣದ್ವಯ ವಿಘ್ನಹನ್ತಃ ।
ಕರ್ಪೂರದೀಪನಿವಹೈಸ್ತವ ಪಾದಪದ್ಮಂ
     ನೀರಾಜಯಾಮಿ ನನು ಮಾಂ ಪರಿಪಾಹಿ ಭಕ್ತಮ್ ॥ 11॥

ಪುಷ್ಪಾಂಜಲಿಂ ಪ್ರಚುರಯಾಮಿ ಸುವರ್ಣಪುಷ್ಪೈಃ
     ಸನ್ಮನ್ತ್ರಪುಷ್ಪಮಪಿ ಚ ಪ್ರತಿಪಾದಯಾಮಿ ।
ಸರ್ವೋಪಚಾರಪನಿವಹಾಂಶ್ಚ ಸಮರ್ಪಯಾಮಿ
     ಸ್ವಾಮಿನ್ ಗಣಾಧಿಪ ಸಮುದ್ಧರ ಮಾಂ ಭವಾಬ್ಧೇಃ ॥ 12॥

ನಾರೋಗ್ಯಮದ್ಯ ಕಲಯೇ ನ ಚ ಭೋಗ್ಯಜಾತಂ
     ಭಾಗ್ಯಂ ನ ವಾ ವಿಷಯಲಮ್ಪಟತಾನಿದಾನಮ್ ।
ವೈರಾಗ್ಯಮೇವ ಸುತರಾಮುಪಲಮ್ಭಯನ್ ಮಾಂ
     ಸ್ವಾಮಿನ್ ಸಮುದ್ಧರ ಭವಾಮ್ಬುನಿಧೇರ್ದುರನ್ತಾತ್ ॥ 13॥

ಇತ್ಥಂ ಗಣಾಧಿಪತಿಮಾನಸಪೂಜನಂ ಯಃ
     ಕೈವಲ್ಯದಂ ಸುಲಲಿತಂ ಪಠತೀಹ ಭಕ್ತ್ಯಾ ।
ನಾಗಾಮಿಜನ್ಮಭಯಮಸ್ತಿ ಹಿ ತಸ್ಯ ಪುಂಸಃ
     ಕೈವಲ್ಯಸೌಧಮಚಿರಾದನುವೀಕ್ಷತೇ ಸಃ ॥ 14॥

ಇತಿ ಶ್ರೀಜಗದ್ರುರು ಶ್ರೀಶ‍ೃಂಗೇರೀಪೀಠಾಧಿಪ ಶ್ರೀಚನ್ದ್ರಶೇಖರಭಾರತೀ
     ಶ್ರೀಪಾದೈಃ ವಿರಚಿತಾ ಶ್ರೀಗಣೇಶಮಾನಸಪೂಜಾಸ್ತೋತ್ರಂ ಸಮ್ಪೂರ್ಣ
**********


श्रीगणेशमानसपूजास्तोत्रम् 
श्रीजगद्गुरु श‍ृङ्गेरी
श्रीचन्द्रशेखरभारती स्वामि अनुगृहीता
वात्सल्यभाजनमगाधिपकन्यकाया
     मात्सर्यशून्यहृदयैर्भुवि भावनीयम् ।
प्रत्यूहजातविनिपातनलब्धवर्ण-
     मत्यूर्जितं हृदि भजामि गणाधिनाथम् ॥ १॥

आवाहयामि गणनाथमुमामहेश-
     सर्वस्वभूतमपनीतदुरन्तरायम् ।
योगीन्द्रमानससरोरुहंसविकास-
     लीलाविशेषचतुरं निगमान्तनिष्ठम् ॥ २॥

माणिक्यमञ्जुलमरीचिमनोज्ञपार्श्वं
     सान्द्रीभवन्मरकतावलिमेचकाभम् ।
मुक्तामणिप्रकरमेदुरितान्तरालं
     रत्नासनं तव हृदा परिकल्पयामि ॥ ३॥

गङ्गादिपुण्यसरितां परिपूततीर्थैः
     पाद्यं तवाद्यवधिशून्य समर्पयामि ।
अर्घ्यं ददाम्यहमनर्घगुणाभिराम
     प्रत्यूहवारण सुवारणवक्त्र तुभ्यम् ॥ ४॥

प्रत्याहृतैरखिलपुण्यसरिद्वराभ्य-
     स्तीर्थैर्ददाम्यमलमाचमनं च तुभ्यम् ।
सूक्तादिमन्त्रनिवहैरभिमन्त्रितैश्च
     पुण्योदकैस्तव शिरः स्नपयाम्यजस्रम् ॥ ५॥

आचूडमाचरणमप्यभिषिच्य तीर्थैः
     आलोक्यन्नखिलमङ्गलमाननं ते ।
आनन्दनिर्भरमनाश्चुलुकीकृताक्षः
     किं वा भवामि सफलीकृतपुण्यजन्मा ॥ ६॥

चोष्यैश्च भक्ष्यनिवहैश्च करम्बितं ते
     भोज्यं ददामि गणनायक दिव्यमन्नम् ।
आमोदकं च गिरिजासुत मोदकानां
     स्वामिन् परश्शतमपि प्रतिपादयामि ॥ १०॥

आनम्रनाकिगणमञ्जुलमौलिमाला-
     नीराज्यमानचरणद्वय विघ्नहन्तः ।
कर्पूरदीपनिवहैस्तव पादपद्मं
     नीराजयामि ननु मां परिपाहि भक्तम् ॥ ११॥

पुष्पाञ्जलिं प्रचुरयामि सुवर्णपुष्पैः
     सन्मन्त्रपुष्पमपि च प्रतिपादयामि ।
सर्वोपचारपनिवहांश्च समर्पयामि
     स्वामिन् गणाधिप समुद्धर मां भवाब्धेः ॥ १२॥

नारोग्यमद्य कलये न च भोग्यजातं
     भाग्यं न वा विषयलम्पटतानिदानम् ।
वैराग्यमेव सुतरामुपलम्भयन् मां
     स्वामिन् समुद्धर भवाम्बुनिधेर्दुरन्तात् ॥ १३॥

इत्थं गणाधिपतिमानसपूजनं यः
     कैवल्यदं सुललितं पठतीह भक्त्या ।
नागामिजन्मभयमस्ति हि तस्य पुंसः
     कैवल्यसौधमचिरादनुवीक्षते सः ॥ १४॥

इति श्रीजगद्रुरु श्रीश‍ृङ्गेरीपीठाधिप श्रीचन्द्रशेखरभारती
     श्रीपादैः विरचिता श्रीगणेशमानसपूजास्तोत्रं सम्पूर्णम् ।
***********