ಜಯ ಕೋಲ್ಹಾಪುರನಿಲಯೇ ಭಜದಿಷ್ಟೇತರವಿಲಯೇ ।
ತವ ಪಾದೌ ಹೃದಿ ಕಲಯೇ ರತ್ನರಚಿತವಲಯೇ ॥೧॥
ಜಯ ಜಯ ಸಾಗರಜಾತೇ ಕುರು ಕರುಣಾಂ ಮಯಿ ಭೀತೇ ।
ಜಗದಂಬಾಭಿಧಯಾ ತೇ ಜೀವತಿ ತವ ಪೋತೇ ॥೨॥
ಜಯ ಜಯ ಸಾಗರಸದನಾ ಜಯ ಕಾಂತ್ಯಾ ಜಿತಮದನಾ ।
ಜಯ ದುಷ್ಟಾಂತಕಕದನಾ ಕುಂದಮುಕುಲರದನಾ ॥೩॥
ಸುರರಮಣೀನುತಚರಣೇ ಸುಮನಃಸಂಕಟಹರಣೇ ।
ಸುಸ್ವರರಂಜಿತವೀಣೇ ಸುಂದರನಿಜಕಿರಣೇ ॥೪॥
ಭಜದಿಂದೀವರಸೋಮಾ ಭವಮುಖ್ಯಾಮರಕಾಮಾ ।
ಭಯಮೂಲಾಳಿವಿರಾಮಾ ಭಂಜಿತಮುನಿಭೀಮಾ ॥೫॥
ಕುಂಕುಮರಂಜಿತಫಾಲೇ ಕುಂಜರಬಾಂಧವಲೋಲೇ ।
ಕಲಧೌತಾಮಲಚೈಲೇ ಕೃಂತಕುಜನಜಾಲೇ ॥೬॥
ಧೃತಕರುಣಾರಸಪೂರೇ ಧನದಾನೋತ್ಸವಧೀರೇ ।
ಧ್ವನಿಲವನಿಂದಿತಕೀರೇ ಧೀರದನುಜದಾರೇ ॥೭॥
ಸುರಹೃತ್ಪಂಜರಕೀರಾ ಸುಮರೋಹಾರ್ಪಿತಹಾರಾ ।
ಸುಂದರಕುಂಜವಿಹಾರಾ ಸುರವರಪರಿವಾರಾ ॥೮॥
ವರಕಬರೀಧೃತಕುಸುಮೇ ವರಕನಕಾಧಿಕಸುಷಮೇ ।
ವನನಿಲಯಾದಯಭೀಮೇ ವದನವಿಜಿತಸೋಮೇ ॥೯॥
ಮದಕಲಭಾಲಸಗಮನೇ ಮಧುಮಥನಾಲಸನಯನೇ ।
ಮೃದುಲೋಲಾಲಕರಚನೇ ಮಧುರಸರಸಗಾನೇ ॥೧೦॥
ವ್ಯಾಘ್ರಪುರೀವರನಿಲಯೇ ವ್ಯಾಸಪದಾರ್ಪಿತಹೃದಯೇ ।
ಕುರು ಕರುಣಾಂ ಮಯಿ ಸದಯೇ ವಿವಿಧನಿಗಮಗೇಯೇ ॥೧೧॥
**********
अथ रमास्तोत्रम्
जय कोल्हापुरनिलये भजदिष्टेतरविलये ।
तव पादौ हृदि कलये रत्नरचितवलये ॥१॥
जय जय सागरजाते कुरु करुणां मयि भीते ।
जगदंबाभिधया ते जीवति तव पोते ॥२॥
जय जय सागरसदना जय कांत्या जितमदना ।
जय दुष्टांतककदना कुंदमुकुलरदना ॥३॥
सुररमणीनुतचरणे सुमनःसंकटहरणे ।
सुस्वररंजितवीणे सुंदरनिजकिरणे ॥४॥
भजदिंदीवरसोमा भवमुख्यामरकामा ।
भयमूलाळिविरामा भंजितमुनिभीमा ॥५॥
कुंकुमरंजितफाले कुंजरबांधवलोले ।
कलधौतामलचैले कृंतकुजनजाले ॥६॥
धृतकरुणारसपूरे धनदानोत्सवधीरे ।
ध्वनिलवनिंदितकीरे धीरदनुजदारे ॥७॥
सुरहृत्पंजरकीरा सुमरोहार्पितहारा ।
सुंदरकुंजविहारा सुरवरपरिवारा ॥८॥
वरकबरीधृतकुसुमे वरकनकाधिकसुषमे ।
वननिलयादयभीमे वदनविजितसोमे ॥९॥
मदकलभालसगमने मधुमथनालसनयने ।
मृदुलोलालकरचने मधुरसरसगाने ॥१०॥
व्याघ्रपुरीवरनिलये व्यासपदार्पितहृदये ।
कुरु करुणां मयि सदये विविधनिगमगेये ॥११॥
**********
