ದತ್ತ ಜಪ ಸ್ತೋತ್ರಮ್

|| ದ ತ್ತ ಜ ಪ ಸ್ತೋ ತ್ರಂ ||

ಓಂ ಮೂಲಾಧಾರೇ ವಾರಿಜಪತ್ರೇ ಚತರಸ್ರೇ

ವಂಶಂಷಂಸಂ ವರ್ಣ ವಿಶಾಲಂ ಸುವಿಶಾಲಂ |

ರಕ್ತಂವರ್ಣೇ ಶ್ರೀಗಣನಾಥಂ ಭಗವಂತಂ

ದತ್ತಾತ್ರೇಯಂ ಶ್ರೀಗುರುಮೂರ್ತಿಂ ಪ್ರಣತೋಽಸ್ಮಿ ||

ಸ್ವಾಧಿಷ್ಠಾನೇ ಷಟ್ದಲ ಪದ್ಮೇ ತನುಲಿಂಗಂ

ಬಂಲಾಂತಂ ತತ್ ವರ್ಣಮಯಾಭಂ ಸುವಿಶಾಲಂ |

ಪೀತಂವರ್ಣಂ ವಾಕ್ಪತಿ ರೂಪಂ ದ್ರುಹಿಣಂತಂ

ದತ್ತಾತ್ರೇಯಂ ಶ್ರೀಗುರುಮೂರ್ತಿಂ ಪ್ರಣತೋಽಸ್ಮಿ ||

ನಾಭೌ ಪದ್ಮಂಯತ್ರದಶಾಢಾಂ ಡಂಫಂ ವರ್ಣಂ

ಲಕ್ಷ್ಮೀಕಾಂತಂ ಗರುಡಾರುಢಂ ನರವೀರಂ |

ನೀಲಂವರ್ಣಂ ನಿರ್ಗುಣರೂಪಂ ನಿಗಮಾಂತಂ

ದತ್ತಾತ್ರೇಯಂ ಶ್ರೀಗುರುಮೂರ್ತಿಂ ಪ್ರಣತೋಽಸ್ಮಿ ||

ಹೃತ್ಪದ್ಮಾಂತೇ ದ್ವಾದಶಪತ್ರೇ ಕಂಠಂ ವರ್ಣೇ

ಶೈವಂಸಾಂಬ ಪಾರಮಹಂಸ್ಯಂ ರಮಯಂತಂ |

ಸರ್ಗತ್ರಾಣಾದ್ಯಂತಕರಂತಂ ಶಿವರೂಪಂ

ದತ್ತಾತ್ರೇಯಂ ಶ್ರೀಗುರುಮೂರ್ತಿಂ ಪ್ರಣತೋಽಸ್ಮಿ ||

ಕಂಠಸ್ಥಾನೇ ಚಕ್ರವಿಶುದ್ಧೇ ಕಮಲಾಂತೇ

ಚಂದ್ರಾಕಾರೇ ಷೋಡಷಪತ್ರೇ ಸ್ವರಯುಕ್ತೇ |

ಮಾಯಾಧೀಶಂ ಜೀವವಿಶೇಷಂ ಸ್ಥಿತಿಮಂತಂ

ದತ್ತಾತ್ರೇಯಂ ಶ್ರೀಗುರುಮೂರ್ತಿಂ ಪ್ರಣತೋಽಸ್ಮಿ ||

ಆಜ್ಞಾಚಕ್ರೇ ಭ್ರೂಯುಗಮಧ್ಯೇ ದ್ವಿದಲಾಂತೇ

ಹಂಕ್ಷಂ ಬೀಜಂ ಜ್ಞಾನಸಮುದ್ರಂ ಪರಮಂತಂ |

ವಿದ್ಯುದ್ವರ್ಣಂ ಆತ್ಮ ಸ್ವರೂಪಂ ನಿಗಮಾಗ್ರಿಂ

ದತ್ತಾತ್ರೇಯಂ ಶ್ರೀಗುರುಮೂರ್ತಿಂ ಪ್ರಣತೋಽಸ್ಮಿ ||

ಮೂರ್ಧ್ನಿಸ್ಥಾನೇ ಪತ್ರಸಹಸ್ರೈರ್ಯುತ ಪದ್ಮೇ

ಪೀಯೂಷಾಬ್ಧೇರಂತ ರಂಗಂತ್ತಂ ಅಮೃತೌಚಂ |

ಹಂಸಾಖ್ಯಂತಂ ರೂಪಮತೀತಂ ಚ ತುರೀಯಂ

ದತ್ತಾತ್ರೇಯಂ ಶ್ರೀಗುರುಮೂರ್ತಿಂ ಪ್ರಣತೋಽಸ್ಮಿ  ||

ಬ್ರಹ್ಮಾನಂದಂ ಬ್ರಹ್ಮಮುಕುಂದಾದಿ ಸ್ವರೂಪಂ

ಬ್ರಹ್ಮಜ್ಞಾನಂ ಜ್ಞಾನಮಯಂತಂ ತಮರೂಪಂ |

ಬ್ರಹ್ಮಜ್ಞಾನಂ ಜ್ಞಾನಿ ಮುನೀಂದ್ರೈ ರುಚಿತಾಂಂಗಂ

ದತ್ತಾತ್ರೇಯಂ ಶ್ರೀಗುರುಮೂರ್ತಿಂ ಪ್ರಣತೋಽಸ್ಮಿ ||

***