|| ಶ್ರೀದತ್ತಾತ್ರೇಯಸ್ತೋತ್ರಂ ||🌷
ಅನಸೂಯಾತ್ರಿಸಂಭೂತ ದತ್ತಾತ್ರೇಯ ಮಹಾಮತೇ |
ಸರ್ವದೇವಾಧಿದೇವ ತ್ವಂ ಮಮ ಚಿತ್ತಂ ಸ್ಥಿರೀಕುರು ||
ಶರಣಾಗತದೀನಾರ್ತತಾರಕಾಽಖಿಲಕಾರಕ |
ಸರ್ವಚಾಲಕ ದೇವ ತ್ವಂ ಮಮ ಚಿತ್ತಂ ಸ್ಥಿರೀಕುರು ||
ಸರ್ವಮಂಗಲಮಾಂಗಲ್ಯ ಸರ್ವಾಧಿವ್ಯಾಧಿಭೇಷಜ |
ಸರ್ವಸಂಕಟಹಾರಿನ್ ತ್ವಂ ಮಮ ಚಿತ್ತಂ ಸ್ಥಿರೀಕುರು ||
ಸ್ಮರ್ತೃಗಾಮೀ ಸ್ವಭಕ್ತಾನಾಂ ಕಾಮದೋ ರಿಪುನಾಶನಃ |
ಭುಕ್ತಿಮುಕ್ತಿಪ್ರದಃ ಸ ತ್ವಂ ಮಮ ಚಿತ್ತಂ ಸ್ಥಿರೀಕುರು ||
ಸರ್ವಪಾಪಕ್ಷಯಕರಸ್ತಾಪದೈನ್ಯನಿವಾರಣಃ |
ಯೋಽಭೀಷ್ಟದಃ ಪ್ರಭುಃ ಸ ತ್ವಂ ಮಮ ಚಿತ್ತಂ ಸ್ಥಿರೀಕುರು ||
ಯ ಏತತ್ಪ್ರಯತಃ ಶ್ಲೋಕಪಂಚಕಂ ಪ್ರಪಠೇತ್ಸುಧೀಃ |
ಸ್ಥಿರಚಿತ್ತಃ ಸ ಭಗವತ್ಕೃಪಾಪಾತ್ರಂ ಭವಿಷ್ಯತಿ ||
ಇತಿ ಶ್ರೀಪರಮಹಂಸ ಪರಿವ್ರಾಜಕಾಚಾರ್ಯ
ಶ್ರೀಮದ್ವಾಸುದೇವಾನಂದಸರಸ್ವತೀಸ್ವಾಮೀ
ವಿರಚಿತಂ ಶ್ರೀದತ್ತಸ್ತೋತ್ರಂ ಸಂಪೂರ್ಣಂ
***
No comments:
Post a Comment