ಔದುಂಬರ ಪಾದುಕಾ ಸ್ತೋತ್ರಮ್ ಶ್ರೀ ವಾಸುದೇವಾನಂದ ಸರಸ್ವತೀ ವಿರಚಿತಮ್

 ದತ್ತಾತ್ರೇಯೋ-ದಯಾಪೂರ್ಣೋ

🌷|| ಔದುಂಬರಪಾದುಕಾಸ್ತೋತ್ರಂ ||🌷

│ ವಂದೇ ವಾಙ್ಮನಸಾತೀತಂ ನಿರ್ಗುಣಂ ಸಗುಣಂ ಗುರುಂ |

│ ದತ್ತಮಾತ್ರೇಯಮಾನಂದಕಂದಂ ಭಕ್ತೇಷ್ಟಪೂರಕಂ ||

│ ನಮಾಮಿ ಸತತಂ ದತ್ತಮೌದುಂಬರನಿವಾಸಿನಂ |

│ ಯತೀಂದ್ರರೂಪಂ ಚ ಸದಾ ನಿಜಾನಂದಪ್ರಬೋಧನಂ ||

│ ಕೃಷ್ಣಾ ಯದಗ್ರೇ ಭುವನೇಶಾನೀ ವಿದ್ಯಾನಿಧಿಸ್ತಥಾ |

│ ಔದುಂಬರಾಃ ಕಲ್ಪವೃಕ್ಷಾಃ ಸರ್ವತಃ ಸುಖದಾಃ ಸದಾ ||

│ ಭಕ್ತವೃಂದಾಂದರ್ಶನತಃ ಪುರುಷಾರ್ಥಚತುಷ್ಟಯಂ |

│ ದದಾತಿ ಭಗವಾನ್ ಭೂಮಾ ಸಚ್ಚಿದಾನಂದವಿಗ್ರಹಃ ||

│ ಜಾಗರ್ತಿ ಗುಪ್ತರೂಪೇಣ ಗೋಪ್ತಾ ಧ್ಯಾನಸಮಾಧಿತಃ |

│ ಬ್ರಹ್ಮವೃಂದಂ ಬ್ರಹ್ಮಸುಖಂ ದದಾತಿ ಸಮದೃಷ್ಟಿತಃ ||

│ ಕೃಷ್ಣಾ ತೃಷ್ಣಾಹರಾ ಯತ್ರ ಸುಖದಾ ಭುವನೇಶ್ವರೀ |

│ ಯತ್ರ ಮೋಕ್ಷದರಾಡ್ದತ್ತಪಾದುಕಾ ತಾಂ ನಮಾಮ್ಯಹಂ ||

│ ಪಾದುಕಾರೂಪಿಯತಿರಾಣ್ನರಸಿಂಹಸರಸ್ವತೀ |

│ ರಾಜತೇ ರಾಜರಾಜಶ್ರೀದತ್ತಶ್ರೀಪಾದವಲ್ಲಭಃ ||

│ ನಮಾಮಿ ಗುರುಮೂರ್ತೇ ತಂ ತಾಪತ್ರಯಹರಂ ಹರಿಂ |

│ ಆನಂದಮಯಮಾತ್ಮಾನಂ ನವಭಕ್ತ್ಯಾ ಸುಖಪ್ರದಂ ||

│ ಕರವೀರಸ್ಥವಿದುಷಮೂಢಪುತ್ರಂ ವಿನಿಂದಿತಂ |

│ ಛಿನ್ನಜಿಹ್ವಂ ಬುಧಂ ಚಕ್ರೇ ತದ್ವನ್ಮಯಿ ಕೃಪಾಂ ಕುರು ||

ಇತಿ ಶ್ರೀವಾಸುದೇವಾನಂದಸರಸ್ವತೀವಿರಚಿತಂ 

ಔದುಂಬರಪಾದುಕಾಸ್ತೋತ್ರಂ ಸಂಪೂರ್ಣಂ

***