ಶ್ರೀಸುಶೀಲೇಂದ್ರತೀರ್ಥನುತಿಷಟ್ಕಮ್
(ಶ್ರೀಸುಬುಧೇಂದ್ರತೀರ್ಥಕೃತಮ್)
ಶ್ಲೋಕ ೧
ಶ್ರೀರಾಗವೇಂದ್ರಗುರುವಂಶಸರೋಜಭಾನುಂ
ಸದ್ಗೌತಮಾಖ್ಯಮುನಿವಂಶಪಯೋಧಿಚಂದ್ರಮ್।
ಕೃಷ್ಣೇತಿ ಸುಪ್ರಥಿತಪೂರ್ವಸುನಾಮಧೇಯಂ
ವಂದೇ ಸುಶೀಲಯತಿರಾಜವರಂ ಯತೀಂದ್ರಮ್॥ ೧॥
ತಾತ್ಪರ್ಯ:
ಶ್ರೀರಾಘವೇಂದ್ರ ಗುರುಪರಂಪರೆಯ ಕಮಲಕ್ಕೆ ಸೂರ್ಯನಂತಿರುವವರು, ಗೌತಮ ಮುನಿಗಳ ವಂಶವೆಂಬ ಸಮುದ್ರಕ್ಕೆ ಚಂದ್ರನಂತಿರುವವರು, ಸನ್ಯಾಸಕ್ಕೂ ಮೊದಲು "ಕೃಷ್ಣ" ಎಂಬ ಶುಭನಾಮದಿಂದ ಪ್ರಸಿದ್ಧರಾಗಿದ್ದವರು ಆದ ಶ್ರೀಸುಶೀಲೇಂದ್ರತೀರ್ಥ ಯತಿರಾಜರನ್ನು ನಾನು ಭಕ್ತಿಯಿಂದ ನಮಸ್ಕರಿಸುತ್ತೇನೆ.
ಶ್ಲೋಕ ೨
ವೇದೋಕ್ತಕರ್ಮನಿವಹೇನ ಸುಭೂಷಿತಾಂಗಂ
ಔದಾರ್ಯಸದ್ಗುಣಗಣೈಃ ಪರಿಶೋಭಮಾನಮ್।
ಸಚ್ಛಾಸ್ತ್ರಪಾಠಮನನೇನ ವಿರಾಜಮಾನಂ
ವಂದೇ ಸುಶೀಲಯತಿರಾಜವರಂ ಯತೀಂದ್ರಮ್॥ ೨॥
ತಾತ್ಪರ್ಯ:
ವೇದವಿಹಿತ ಕರ್ಮಗಳನ್ನು ನಿಷ್ಠೆಯಿಂದ ಆಚರಿಸಿ, ಔದಾರ್ಯ ಹಾಗೂ ಅನೇಕ ಸದ್ಗುಣಗಳಿಂದ ಕಂಗೊಳಿಸುತ್ತಾ, ಶಾಸ್ತ್ರಗಳ ಅಧ್ಯಯನ ಮತ್ತು ಮನನದಲ್ಲಿ ನಿರಂತರ ತೊಡಗಿದ್ದ ಶ್ರೀಸುಶೀಲೇಂದ್ರತೀರ್ಥರನ್ನು ನಾನು ವಂದಿಸುತ್ತೇನೆ.
ಶ್ಲೋಕ ೩
ಶ್ರೀಸತ್ಕೃತೀಂದ್ರಯತಿಪಾದಸರೋಜಭೃಂಗಂ
ಶ್ರೀಮನ್ಮಠೀಯವಿಭವಾದಿಸುರಕ್ಷದಕ್ಷಮ್।
ತದ್ವಾಕ್ಯಲಬ್ಧಚರಮಾಶ್ರಮಮಧ್ವಪೀಠಂ
ವಂದೇ ಸುಶೀಲಯತಿರಾಜಗುರುಂ ಯತೀಂದ್ರಮ್॥ ೩॥
ತಾತ್ಪರ್ಯ:
ತಮ್ಮ ಗುರುಗಳಾದ ಶ್ರೀಸುಕೃತೀಂದ್ರತೀರ್ಥರ ಪಾದಕಮಲಗಳಿಗೆ ಭ್ರಮರನಂತೆ ಅನನ್ಯಭಕ್ತರಾಗಿದ್ದು, ಮಠದ ವೈಭವ ಮತ್ತು ಸಂಪತ್ತಿನ ರಕ್ಷಣೆಯಲ್ಲಿ ಸಮರ್ಥರಾಗಿದ್ದು, ಗುರುಗಳ ಆಜ್ಞೆಯಿಂದ ಸನ್ಯಾಸಾಶ್ರಮವನ್ನು ಸ್ವೀಕರಿಸಿ ಮಧ್ವಪೀಠವನ್ನು ಅಲಂಕರಿಸಿದ ಶ್ರೀಸುಶೀಲೇಂದ್ರತೀರ್ಥರನ್ನು ನಾನು ನಮಸ್ಕರಿಸುತ್ತೇನೆ.
ಶ್ಲೋಕ ೪
ಶ್ರೀಮತ್ಸಮೀರಮತವರ್ಧನಸತ್ಸಭಾಂ ಚ
ಪ್ರಾರಭ್ಯ ಶಾಸ್ತ್ರನಿಚಯಂ ಸುವಿಚಾರ್ಯ ನಿತ್ಯಮ್।
ಗುರ್ವಾಜ್ಞಯಾ ಸಪದಿ ತತ್ತ್ವಪ್ರಚಾರಯಂತಂ
ವಂದೇ ಸುಶೀಲಯತಿರಾಜಗುರುಂ ಯತೀಂದ್ರಮ್॥ ೪॥
ತಾತ್ಪರ್ಯ:
ಶ್ರೀಮದಾನಂದತೀರ್ಥರ (ಸಮೀರಮತ) ಸಿದ್ಧಾಂತವನ್ನು ಬೆಳೆಸುವ ಸತ್ಸಭೆಗಳನ್ನು ಆರಂಭಿಸಿ, ನಿತ್ಯವೂ ಶಾಸ್ತ್ರಗಳನ್ನು ಆಳವಾಗಿ ವಿಚಾರಿಸಿ, ಗುರುಗಳ ಆದೇಶದಂತೆ ತತ್ತ್ವಸಿದ್ಧಾಂತವನ್ನು ಎಲ್ಲೆಡೆ ಪ್ರಚಾರ ಮಾಡಿದ ಶ್ರೀಸುಶೀಲೇಂದ್ರತೀರ್ಥರನ್ನು ನಾನು ವಂದಿಸುತ್ತೇನೆ.
ಶ್ಲೋಕ ೫
ವಿದ್ವತ್ಕುಲಪ್ರಥಿತವ್ಯಾಘ್ರಕುಲಪ್ರಸೂತಂ
ಕೃಷ್ಣೇತಿ ನಾಮ ಸುಧಿಯಂ ಯಮಿನಂ ವಿಧಾಯ।
ಶ್ರೀಸುವ್ರತೀಂದ್ರ ಇತಿ ನಾಮ ಕೃತಂ ಸುಕೃತ್ಯಂ
ವಂದೇ ಸುಶೀಲಯತಿರಾಜವರಂ ಯತೀಂದ್ರಮ್॥ ೫॥
ತಾತ್ಪರ್ಯ:
ವಿದ್ವಾಂಸರಲ್ಲಿ ಪ್ರಸಿದ್ಧವಾದ ವ್ಯಾಘ್ರಕುಲದಲ್ಲಿ ಜನಿಸಿದ, 'ಕೃಷ್ಣ' ಎಂಬ ಹೆಸರಿನಿಂದ ಪ್ರಸಿದ್ಧನರಾದ ಮಹಾಬುದ್ಧಿವಂತನನ್ನು ಸನ್ಯಾಸಿಯಾಗಿ ಸ್ವೀಕರಿಸಿ, ಅವರಿಗೆ 'ಶ್ರೀಸುವ್ರತೀಂದ್ರತೀರ್ಥ' ಎಂಬ ಯತಿನಾಮವನ್ನು ನೀಡಿದ ಮಹೋಪಕಾರಿಯಾದ ಶ್ರೀಸುಶೀಲೇಂದ್ರತೀರ್ಥರನ್ನು ನಾನು ವಂದಿಸುತ್ತೇನೆ.
ಶ್ಲೋಕ ೬
ಆರಾಧನಾಶತಸಮುತ್ಸವಪುಣ್ಯಕಾಲೇ
ಭಕ್ತ್ಯಾ ಸಮರ್ಚಿತಪದಾಂಬುಜಮಾದರೇಣ।
ಶ್ರೀಮದ್ಬುಧೇಂದ್ರಯತಿರಾಟ್ಪ್ರಣುತಂ ಮುನೀಂದ್ರಂ
ವಂದೇ ಸುಶೀಲಯತಿರಾಜವರಂ ಯತೀಂದ್ರಮ್॥ ೬॥
ತಾತ್ಪರ್ಯ:
ಶತಮಾನದ ಆರಾಧನಾ ಮಹೋತ್ಸವದ ಪುಣ್ಯಸಂದರ್ಭದಲ್ಲಿ ಭಕ್ತಿಯಿಂದ ಪೂಜಿಸಲ್ಪಡುವ ಪಾದಕಮಲಗಳನ್ನು ಹೊಂದಿರುವವರೂ, ಶ್ರೀಸುಬುಧೇಂದ್ರತೀರ್ಥರಿಂದ ಸ್ತುತಿಸಲ್ಪಟ್ಟ ಮಹಾಯತಿಶ್ರೇಷ್ಠರೂ ಆದ ಶ್ರೀಸುಶೀಲೇಂದ್ರತೀರ್ಥರನ್ನು ನಾನು ಭಕ್ತಿಯಿಂದ ನಮಸ್ಕರಿಸುತ್ತೇನೆ.
***
ಈ ಶ್ರೀಸುಶೀಲೇಂದ್ರತೀರ್ಥನುತಿಷಟ್ಕಮ್ ನಲ್ಲಿ ಶ್ರೀಸುಬುಧೇಂದ್ರತೀರ್ಥರು ತಮ್ಮ ಪೂರ್ವೀಕ ಗುರುಗಳಾದ ಶ್ರೀಸುಶೀಲೇಂದ್ರತೀರ್ಥರ ಗುರುಭಕ್ತಿ, ವೇದಾಚಾರನಿಷ್ಠೆ, ಶಾಸ್ತ್ರಪಾಂಡಿತ್ಯ, ಮಠಪಾಲನೆ, ತತ್ತ್ವಪ್ರಚಾರ, ಶಿಷ್ಯಪೋಷಣೆ ಹಾಗೂ ಅವರ ದಿವ್ಯ ವ್ಯಕ್ತಿತ್ವವನ್ನು ಆರು ಶ್ಲೋಕಗಳಲ್ಲಿ ಅತಿ ಸುಂದರವಾಗಿ ಸ್ತುತಿಸಿದ್ದಾರೆ. ಈ ಸ್ತೋತ್ರವು ಗುರುಭಕ್ತಿ ಮತ್ತು ಮಧ್ವಸಿದ್ಧಾಂತದ ಪರಂಪರೆಯನ್ನು ಕೊಂಡಾಡುವ ಅತ್ಯುತ್ತಮ ಕೃತಿಯಾಗಿದೆ.
ಇದು ಪರಮಪೂಜ್ಯ ಶ್ರೀ ಸುಭುದೇಂದ್ರ ಶ್ರೀಪಾದಂಗಳವರು ಶ್ರೀ ಸುಶೀಲೇಂದ್ರ ತೀರ್ಥರ ಮೇಲೆ ರಚಿಸಿದ ಸ್ತುತಿ ಶ್ರೀಪಾದಂಗಳವರು ಇದನ್ನು ಶ್ರೀ ಸುಶೀಲೇಂದ್ರ ತೀರ್ಥರ ಆರಾಧನಾ ಶತಮಾನೋತ್ಸವ ಸಂದರ್ಭದಲ್ಲಿ ಶ್ರೀ ಸುಶೀಲೇಂದ್ರ ತೀರ್ಥರ ಬೃಂದಾವನ ಕ್ಕೆ ಸ್ವರ್ಣಮಯವಾದ ಕವಚವನ್ನು ಸಮರ್ಪಣೆ ಮಾಡಿ ಅವರ ಬೃಂದಾವನದ ಮುಂದೆ ನಿಂತು ರಚಿಸಿದ ಅಪೂರ್ವಸ್ತುತಿ
***
No comments:
Post a Comment