ವಾದಿರಾಜ ಸ್ತವಾಷ್ಟಕಂ

 ವಂದೇಶ್ರೀ ವಾದಿರಾಜಾರ್ಯ ಕುಂದೇಂದುಸ್ಮಿತಸನ್ಮುಖಮ್ |

ಸಂದೇಹಧ್ವಾಂತತರಣಿಂ ತಂ ದೇವೇಷ್ಟ ಶಿಖಾಮಣಿಮ್ || ೧ ||

ವಾದಿರಾಜಗುರುಂ ಮಾಯಾವಾದಿಮತ್ತೇಭಭಿದ್ಧರಿಂ |

ಸಾದ್ವಿಕ್ಷೇತ್ರ ನಿವಾಸಂ ಸತ್ಸ್ವಾದಿಮಿಷ್ಟಪ್ರದಂ ಭಜೇ || ೨ ||

ಭಜತಾಭೀಷ್ಟದಾತಾರಂ ದ್ವಿಜವೃಂದನಿಷೇವಿತಂ |

ಸುಜನೇಡ್ಯಂ ವಾದಿರಾಜಂ ಋಜುಯೋಗಿನಮಾಶ್ರಯೇ || ೩ ||

ಸಂಸಾರಾಂಭೋಧಿತರಣಿಂ ಕಂಸಾರೀಷ್ಟಶಿಖಾಮಣಿಂ |

ಹಂಸಾವಲಿಮಣಿಂ ವಾದಿರಾಜಚಿಂತಾಮಣಿಂ ಭಜೇ || ೪ ||

ಸಚ್ಛಾಖಂ ಸುಮನೋಲ್ಲಾಸಂ ಸಚ್ಛಾಯಂ ಸದ್ವಿಜಾಶ್ರಿತಂ |

ಸ್ವಚ್ಛಾಂತರಂ ವಾದಿರಾಜಂ ಸ್ವೇಚ್ಛಾಕಲ್ಪತರುಂ ಭಜೇ || ೫ ||

ಪದ್ಮಾನನಂ ಶುಭಮಹಾಪದ್ಮಾಯತ ಸುಲೋಚನಂ |

ಮುಕುಂದಮಾನಸಂ ವಾದಿರಾಜನಿಧಿಮಾಶ್ರಯೇ || ೬ ||

ಶಂಖಗ್ರೀವಂ ಕುಂದರದಂ ಕರುಣಾಮಕರಾಲಯಂ |

ಸತ್ಕಚ್ಛಪಂ ವಾದಿರಾಜವರಂ ನವನಿಧಿಂ ಭಜೇ || ೭ ||

ನೀಲಕೇಶೋಲ್ಲ ಸತ್ಛಾಲಂ ಶ್ರೀಲರೂಪಾಶೀತೇಷ್ಟದಂ |

ಶ್ರೀಲಸದ್ವಾದಿರಾಜೋರುಶೀಲಮಿಷ್ಟಗುರುಂ ಭಜೇ || ೮ ||

ಶ್ರೀಮದ್ವಿಷ್ಣುಪದಾದ್ರೌ ಸನ್ಮಹಾರಣ್ಯಾಶ್ರಿತೇ ಸದಾ |

ಖೇಲಂತಂ ಮಯಿಕರಿಭಿರ್ವಾದಿರಾಜಹರಿಂ ಭಜೇ || ೯ ||

ಶ್ರೀ ಮಜ್ಜೀವನಗೀವಂಶಜೇನ ಸಧ್ಭಕ್ತಿ ಪೂರ್ವಕಂ |

ಮನ್ನಾರಿಕೃಷ್ಣ ಸುಧಿಯಾ ವಾದಿರಾಜಾಸ್ತವಾಷ್ಟಕಂ || ೧೦ ||

ತ್ರಿಂಸಂಧ್ಯಂಯಃ ಪಠೇನ್ಮರ್ತ್ಯಃ ಸ ಸರ್ವಾಭೀಷ್ಟಮವಾಪ್ನುಯಾತ್ |

ಆದಿವ್ಯಾಧಿ ವಿನಿರ್ಮುಕ್ತಃ ಸರ್ವದಾ ಚ ಸುಖೀಭವೇತ್ || ೧೧ ||

||ಇತಿ ಶ್ರೀ ಮದ್ವಾದಿರಾಜಸ್ತವಾಷ್ಟಕಂ ಸಂಪೂರ್ಣಂ ||

***