ಗಣಪತಿ ಗಣೇಶಾಷ್ಟಕಮ್ ವಿನಾಯಕ ಅಷ್ಟಕಮ್ 2 traditional

 ಏಕದಂತಂ ಮಹಾಕಾಯಂ ತಪ್ತಕಾಂಚನಸನ್ನಿಭಮ್ ।

ಲಂಬೋದರಂ ವಿಶಾಲಾಕ್ಷಮ್   ವಂದೇಹಂ   ಗಣನಾಯಕಮ್  ।।೧।।

ಮೌಂಜೀಕೃಷ್ಣಾಜಿನಧರಂ ನಾಗಯಜ್ಞೋಪವೀತಿನಮ್ ।
ಬಾಲೇಂದುವಿಲಸನ್ಮೌಲೀಂ ವಂದೇಹಂ ಗಣನಾಯಕಮ್।।೨।।

ಅಂಬಿಕಾಹೃದಯಾನಂದಮ್ ಮಾತೃಭಿಃ ಪರಿಪಾಲಿತಮ್ ।
ಭಕ್ತಪ್ರಿಯಂ  ಮದೋನ್ಮತ್ತಮ್   ವಂದೇಹಂ ಗಣನಾಯಕಮ್ ।।೩।।

ಚಿತ್ರರತ್ನವಿಚಿತ್ರಾಂಗಮ್  ಚಿತ್ರಮಾಲಾವಿಭೂಷಿತಮ್ ।
ಚಿತ್ರರೂಪಧರಮ್ ದೇವಂ ವಂದೇಹಂ ಗಣನಾಯಕಮ್ ।।೪।।

ಗಜವಕ್ತ್ರಂ  ಸುರಶ್ರೇಷ್ಠಂ ಕರ್ಣಚಾಮರಭೂಷಿತಮ್ ।
ಪಾಶಾಂಕುಶಧರಮ್ ದೇವಂ ವಂದೇಹಂ ಗಣನಾಯಕಮ್ ।।೫।।

ಮೂಷೀಕೋತ್ತಮಮಾರುಹ್ಯ  ದೇವಾಸುರಮಹಾಹವೇ ।
ಯೋದ್ಧುಕಾಮಂ  ಮಹಾವೀರ್ಯಮ್ ವಂದೇಹಂ ಗಣನಾಯಕಮ್ ।।೬।।

ಯಕ್ಷಕಿನ್ನರಗಂಧರ್ವ ಸಿದ್ಧವಿದ್ಯಾಧರೈಸ್ಸದಾ ।
ಸ್ತೂಯಮಾನಂ ಮಹಾತ್ಮಾನಂ ವಂದೇಹಂ ಗಣನಾಯಕಮ್ ।।೭।।

ಸರ್ವವಿಘ್ನಕರಂ  ದೇವಂ ಸರ್ವವಿಘ್ನವಿವರ್ಜಿತಮ್ ।
ಸರ್ವಸಿದ್ಧಿಪ್ರದಾತಾರಂ  ವಂದೇಹಂ ಗಣನಾಯಕಮ್ ।।೮।।

ಗಣಾಷ್ಟಕಮಿದಂ ಪುಣ್ಯಂ  ಭಕ್ತಿತೋ ಯಃ ಪಠೇನ್ನರ: ।
ವಿಮುಕ್ತಸ್ಸರ್ವಪಾಪೇಭ್ಯೋ ರುದ್ರಲೋಕಂ  ಸ ಗಚ್ಛತಿ  ।।೯।।


Lyrics In English

Ekadantam mahaakaayam taptakaanchanasannibham |
Lambodaram vishaalaaksham vandEham gaNanaayakam ||1||

MaunjikrushNaajinadharam naagayagNopaveetinam |
baalEnduvilasanmouleem vandEham gaNanaayakam ||2||

ambikahrudayaanandam maatrubhiH paripaalitam |
bhaktapriyam madOnmattam vandEham gaNanaayakam ||3||

chitraratnavichitraangam chitramaalavibhooshitam |
chitraroopadharam dEvam vandEham gaNanaayakam ||4||

gajavaktram surashreshTam karNachaamarabhooshitam |
paashaNkushadharam dEvam vandEham gaNanaayakam| |5||

mooshikOttamamaaruhYa dEvaasuramahaahavE |
yOddhakaamam mahaaveeryam vandEham gaNanaayakam ||6||

yakshakinnaragandharva siddhavidyaadharaissadaa |
stooyamaanam mahaatmaanam vandEham gaNanaayakam ||7||

sarvavighnakaram dEvam sarvavighnavivarjitam |
sarvasiddhipradaataaram vandEham gaNanaayakam ||8||

gaNashtakamidam puNyam bhaktitO yaH paThEnnaraH |
vimuktassarvapaapEbhyO rudralOkam sa gachcHati ||9||
****