ದತ್ತ ಸ್ತೋತ್ರಂ

 ಶ್ರೀ ದ ತ್ತ ಸ್ತೋ ತ್ರಂ ||🌷

ನಿರ್ವಿಕಲ್ಪಃ ಸುರಶ್ರೇಷ್ಠೋ ಹ್ಯುತ್ತಮೋ ಲೋಕಪೂಜಿತಃ |

ಗುಣಾತೀತಃ ಪೂರ್ಣಗುಣೋ ಬ್ರಹ್ಮಣ್ಯೋ ದ್ವಿಜಸಂವೃತಃ ||

ದಿಗಂಬರೋ ಮಹಾಜ್ಞೇಯೋ ವಿಶ್ವಾತ್ಮಾಽಽತ್ಮಪರಾಯಣಃ |

ವೇದಾಂತಶ್ರವಣೋ ವೇದೀ ಕಲಾವಾನ್ನಿಷ್ಕಲಂಕವಾನ್ ||

ಮಿತಭಾಷ್ಯಮಿತಭಾಷೀ ಚ ಸೌಮ್ಯೋ ರಾಮೋ ಜಯಃ ಶಿವಃ |

ಸರ್ವಜಿತ್ ಸರ್ವತೋಭದ್ರೋ ಜಯಕಾಂಕ್ಷೀ ಸುಖಾವಹಃ ||

ಪ್ರತ್ಯರ್ಥಿಕೀರ್ತಿಸಂಹರ್ತಾ ಮಂದರಾರ್ಚಿತಪಾದುಕಃ |

ವೈಕುಂಠವಾಸೀ ದೇವೇಶೋ ವಿರಜಾಸ್ನಾತಮಾನಸಃ ||

ಶ್ರೀಮೇರುನಿಲಯೋ ಯೋಗೀ ಬಾಲಾರ್ಕಸಮಕಾಂತಿಮಾನ್ |

ರಕ್ತಾಂಗಃ ಶ್ಯಾಮಲಾಂಗಶ್ಚ ಬಹುವೇಷೋ ಬಹುಪ್ರಿಯಃ ||

ಮಹಾಲಕ್ಷ್ಮ್ಯನ್ನಪೂರ್ಣೇಶಃ ಸ್ವಧಾಕಾರೋ ಯತೀಶ್ವರಃ |

ಸ್ವರ್ಣರೂಪಃ ಸ್ವರ್ಣದಾಯೀ ಮೂಲಿಕಾಯಂತ್ರಕೋವಿದಃ ||

ಆನೀತಮೂಲಿಕಾಯಂತ್ರೋ ಭಕ್ತಾಭೀಷ್ಟಪ್ರದೋ ಮಹಾನ್ |

ಶಾಂತಾಕಾರೋ ಮಹಾಮಾಯೋ ಮಾಹುರಸ್ಥೋ ಜಗನ್ಮಯಃ ||

ಬದ್ಧಾಶನಶ್ಚ ಸೂಕ್ಷ್ಮಾಂಶೀ ಮಿತಾಹಾರೋ ನಿರುದ್ಯಮಃ |\

ಧ್ಯಾನಾತ್ಮಾ ಧ್ಯಾನಯೋಗಾತ್ಮಾ ಧ್ಯಾನಸ್ಥೋ ಧ್ಯಾನಸತ್ಪ್ರಿಯಃ ||

ಸತ್ಯಧ್ಯಾನಃ ಸತ್ಯಮಯಃ ಸತ್ಯರೂಪೋ ನಿಜಾಕೃತಿಃ |

ತ್ರಿಲೋಕಗುರುರೇಕಾತ್ಮಾ ಭಸ್ಮೋದ್ಧೂಲಿತವಿಗ್ರಹಃ ||

ಪ್ರಿಯಾಪ್ರಿಯಸಮಃ ಪೂರ್ಣೋ ಲಾಭಾಲಾಭಸಮಪ್ರಿಯಃ |

ಸುಖದುಃಖಸಮೋ ಹ್ರೀಮಾನ್ ಹಿತಾಹಿತಸಮಃ ಪರಃ ||

ಗುರುರ್ಬ್ರಹ್ಮಾ ಚ ವಿಷ್ಣುಶ್ಚ ಮಹಾವಿಷ್ಣುಃ ಸನಾತನಃ |

ಸದಾಶಿವೋ ಮಹೇಂದ್ರಶ್ಚ ಗೋವಿಂದೋ ಮಧುಸೂದನಃ ||

***