ಶ್ರೀ ಸತ್ಯಧರ್ಮತೀರ್ಥಕೃತಃ ವಾದಿರಾಜಸ್ತುತಿಃ
ರಾಗ : ಮಧ್ಯ‍ಮಾವತಿ
ಕದಾ ಪುಣ್ಯಾರಣ್ಯೇ ಶುಭಧವಲಗಂಗಾಪರಿಸರೇ
ಚರನ್ ಸೂರೇಃ ಸೇವಾಜನಿತಪರಮಾನಂದಭರಿತಃ
ಅಯೇ ಸಂವಿತ್ಸ್ವಾಮಿನ್ ಹಯವದನ ವಾದೀಶವರದ
ಪ್ರಸೀದೇತಿ ಕ್ರೋಶನ್ನಿಮಿಷಮಿವ ನೇಷ್ಯಾಮಿ ದಿವಸಾನ್ ॥೧॥
ಶ್ರೀಮದ್ವಾಗೀಶಯೋಗೀ ಶುಭವಿಶದಮನೀಷೀಯ ಭಾಷ್ಯದಿಜಾತಂ
ಜಾತಂಜಾತೇತರಂ ಚಾಗಮಮಗಮದ್ಧೃತೌ ವಿಸ್ಮಿತಃ ಪ್ರೇಕ್ಷ್ಯ ಯಸ್ಮಿನ್
ಸರ್ವಂ ಸರ್ವಂ ಸಹಾಯಾಮಸಮಸಮ ಇತಿ ಶ್ರೀಮತಾಂ ಸಾರ್ವಭೌಮೇ
ಭೌಮೇಹಾಹಾನಿದಾರ್ಚಾರ್ಚನಕರಮಕರೋತ್- ಸಪ್ರಸೀದೇತ್ಸವಾದೀಟ್ ॥೨॥
ನಾನಾನೋನೋಹನಾನೋತ್ಪರಿಚಿತವಚಸಾsಪಾತ್ತಮೂಲೇನ ಮೂಲಾಂ
ನಾನಾನಾನನ್ಯಭಾವಂ ಗದತಿ ಜಗತಿ ನೋಚೇದ್ ಭವಾನ್ನಪ್ರಭಾವಾತ್।
'ಸತ್ಯಂ ಸತ್ಯಂ ಭಿಧಾ'ದಿಶ್ರುತಿರತುಲಮತೇರ್ಯುಕ್ತಿಯುಕ್ತಾವಕಾಶಂ
ಶಂಕಾಯಾ ನಾದ್ಯ ವದ್ಯಾದಿತಿ ಶಶಪಥಾ ವಾದಿರಾಡ್ ಬೋಧಯೇನ್ಮಾಮ್ ॥೩॥
ಪೂರ್ವಂ ಪೂರ್ವಂ ಚಕಾನಾಂ ಭವಶಿವಹರ ಹೇ ರುದ್ರ ಹೇರಂಬ ಪಾಹೀ-
ತ್ಯಾಹೂತಪ್ರೇತನಾಥಪ್ರಮುಖಮಖಭುಜಾಭೂಭುಜಾಂ ಯಾ ಭುಜಾsನ್ಯಾ ।
ಸಾ ಸೋದಾsಗಾಧಬೋಧಾನುಚರವರ ತವಾವಾಸತೋ ವಾಸುದೇವ-
ವ್ಯಾಸಾಖ್ಯಾssಸ್ಯೇತಿ ಗರ್ಜದ್ ದ್ವಿಜಜನಮಹಿತಾ ತಚ್ಚರಿತ್ರಂ ವಿಚಿತ್ರಮ್ ॥೪॥
ಮಸ್ತೇ ನ್ಯಸ್ತೇಂದುರೀಶಃ ಸುರಸರಿತಿ ರತೀಶಾನುಗಾನ್ ಸಾನುರಾಗಾ-
ದಾಗಾದಾಗಾರತೋsತೋ ಹರಿಚರಣದೃಗಿಚ್ಛಾಚ್ಛಲಾದ್ಯಾಪ್ರಯಾತಾ।
ಚಕ್ರೀ ಸ ತ್ರಿಕ್ರಮೋsತೋನುಮತಮನುಮನು ಶ್ರೀಮತಾ ಪೂಜನೇನ
ಸ್ವಜಾಯಾ ಸಂಬದ್ಧಾಯಸ್ಯ ಬದ್ಧೋsವಸದವತು ಸದಾ ದಾಸದಾಸಂ ಸ ವಾದೀಟ್ ॥೫॥
ವ್ಯಾಸೋ ಯಸ್ಯಾಸಮ ಶ್ರೀರ್ಧುರಿ ಹರಿಹರಿವದನಶ್ಚೋಪರಿಷ್ಟಾದ್ ಗರಿಷ್ಠಃ
ಪಿಂಗಾಕ್ಷಾಣಾಂ ಸದೃಕ್ಷೇ ಕಿಲ ಜನಿವಿಜಯಾಪಶ್ಚಿಮಃ ಪಶ್ಚಿಮೇsಭೂತ್।
ವ್ಯಾಸೇಪ್ರೇಷ್ಟೋಪಸೇವ್ಯೇ ಸಕಲಸಕಲಯಾ ಭಾಸಮಾನೋsಸಮಾನೋ
ಮೇದಿನ್ಯಾಂ ವಾದಿರಾಜೋ ಮಯಿ ದಯತು ದಯಾಯಾದಸಾಂ ನಾಯಕೋsಲಮ್ ॥೬॥
ನವರತ್ನಾನ್ವಯೋತ್ಥೇನ ಪುಮುತ್ತಂಸೇನ ನಿರ್ಮಿತಾ।
ಭಕ್ತೈವ ಗುರುರಾಟ್ ಪ್ರೀತ್ಯೈ ಪಂಚಶ್ಲೋಕೀ ಭವತ್ವಿಯಮ್ ॥
******
ವಾಚಿಸಿರುವವರು : ಶ್ರೀ ಸುಮುಖ್ ಮೌದ್ಗಲ್ಯ
No comments:
Post a Comment