|| ಶ್ರೀಸತ್ಯಾತ್ಮತೀರ್ಥವಿರಚಿತಮ್
ಶ್ರೀಸತ್ಯಸಂತುಷ್ಟಸ್ತುತಿಪಂಚಕಮ್ ||
ಸತ್ಯೇ ನಾರಾಯಣೇ ತುಷ್ಟೋ ಭಕ್ತಿಭಾರೇಣ ಯಃ ಸದಾ । ಸತ್ಯಸಂತುಷ್ಟನಾಮಾನಂ ಯತಿರಾಜಂ ತಮಾಶ್ರಯೇ ॥1॥
ಅಸಂತುಷ್ಟೋ ಹಿ ಸತ್ಯಾಂ ಯೋ ವೈರಾಗ್ಯಾಧಿಕೃತಃ ಸದಾ । ಸತ್ಯಸಂತುಷ್ಟನಾಮಾನಂ ಯತಿರಾಜಂ ತಮಾಶ್ರಯೇ ॥2॥
ಸತ್ಯಂ ಯಃ ಸ್ಥಾಪಯನ್ ವಾದೇ ಸಂತುಷ್ಟೋ ವೃಷವದ್ಬಲೀ । ಸತ್ಯಸಂತುಷ್ಟನಾಮಾನಂ ಯತಿರಾಜಂ ತಮಾಶ್ರಯೇ ॥3॥
ಸತ್ಯೇ ಸಾತ್ಯವತೇಯೋಕ್ತೆ ಸಂತುಷ್ಟೋ ಯಃ ಸದಾ ಸುಧೀಃ | ಸತ್ಯಸಂತುಷ್ಟನಾಮಾನಂ ಯತಿರಾಜಂ ತಮಾಶ್ರಯೇ ॥4॥
ಸತ್ಯಪೂರ್ವೇ ತು ಸಂಕಲ್ಪೇ ಸಂತುಷ್ಟಃ ಸ್ವಗುರೌ ಚ ಯಃ । ಸತ್ಯಸಂತುಷ್ಟನಾಮಾನಂ ಯತಿರಾಜಂ ತಮಾಶ್ರಯೇ ॥5॥
ಶ್ರೀಸತ್ಯಾತ್ಮಕೃತೇಯಂ ಶ್ರೀಪಂಚಪದ್ಯೀ ಸುಖಪ್ರದಾ । ಪಠತಾಂ ಶೃಣ್ವತಾಂ ಚೈವ ಭಕ್ತಾನಾಂ ನಾತ್ರ ಸಂಶಯಃ ॥6॥
II ಇತಿ ಶ್ರೀಸತ್ಯಾತ್ಮತೀರ್ಥವಿರಚಿತಾ ಶ್ರೀಸತ್ಯಸಂತುಷ್ಟಸ್ತುತಿಃ ॥
***
No comments:
Post a Comment