ಚತುಃ ಸ್ಲೋಕೀ चतुः स्लोकी chatuh shloki

॥ ಚತುಃ ಸ್ಲೋಕೀ ॥

ಕಾನ್ತಸ್ತೇ ಪುತುಷೋತ್ತಮಃ ಫಣಿಪತಿಃ ಶಯ್ಯಾಽಸನಂ ವಾಹನಂ
ವೇದಾತ್ಮಾ ವಿಹಗೇಶ್ವರೋ ಯವನಿಕಾ ಮಾಯಾ ಜಗನ್ಮೋಹಿನೀ ।
ಬ್ರಹ್ಮೇಶಾದಿಸುರವ್ರಜಃ ಸದಯಿತಃ ತ್ವದ್ದಾಸದಾಸೀಗಣಃ
ಶ್ರೀರಿತ್ಯೇವ ಚ ನಾಮ ತೇ ಭಗವತಿ ! ಬ್ರೂಮಃ ಕಥಂ ತ್ವಾಂ ವಯಮ್ ॥ 1 ॥

ಯಸ್ಯಾಸ್ತೇ ಮಹಿಮಾನಮಾತ್ಮನ ಇವ ತ್ವದ್ವಲ್ಲಭೋಽಪಿ ಪ್ರಭುಃ
ನಾಲಂ ಮಾತುಮಿಯತ್ತಯಾ ನಿರವಧಿಂ ನಿತ್ಯಾನುಕೂಲಂ ಸ್ವತಃ ।
ತಾಂ ತ್ವಾಂ ದಾಸ ಇತಿ ಪ್ರಪನ್ನ ಇತಿ ಚ ಸ್ತೋಷ್ಯಾಮ್ಯಹಂ ನಿರ್ಭಯಃ
ಲೋಕೈಕೇಶ್ವರಿ ! ಲೋಕನಾಥದಯಿತೇ ! ದಾನ್ತೇ ದಯಾಂ ತೇ ವಿದನ್ ॥ 2 ॥

ಈಷತ್ ತ್ವತ್ಕರುಣಾನಿರೀಕ್ಷಣಸುಧಾಸನ್ಧುಕ್ಷಣಾದ್ರಕ್ಷ್ಯತೇ
ನಷ್ಟಂ ಪ್ರಾಕ್ ತದಲಾಭತಸ್ತ್ರಿಭುವನಂ ಸಮ್ಪ್ರತ್ಯನನ್ತೋದಯಮ್ ।
ಶ್ರೇಯೋ ನ ಹ್ಯರವಿನ್ದಲೋಚನಮನಃಕಾನ್ತಾಪ್ರಸಾದಾದೃತೇ
ಸಂಸೃತ್ಯಕ್ಷರವೈಷ್ಣವಾಧ್ವಸು ನೃಣಾಂ ಸಮ್ಭಾವ್ಯತೇ ಕರ್ಹಿಚಿತ್ ॥ 3 ॥

ಶಾನ್ತಾನನ್ತಮಹಾವಿಭೂತಿ ಪರಮಂ ಯದ್ ಬ್ರಹ್ಮ ರೂಪಂ ಹರೇಃ
ಮೂರ್ತಂ ಬ್ರಹ್ಮ ತತೋಽಪಿ ತತ್ಪ್ರಿಯತರಂ ರೂಪಂ ಯದತ್ಯದ್ಭುತಮ್ ।
ಯಾನ್ಯನ್ಯಾನಿ ಯಥಾಸುಖಂ ವಿಹರತೋ ರೂಪಾಣಿ ಸರ್ವಾಣಿ ತಾ -
ನ್ಯಾಹುಃ ಸ್ವೈರನರೂಪರೂಪವಿಭವೈರ್ಗಾಢೋಪಗೂಢಾನಿ ತೇ ॥ 4 ॥
**********

॥ चतुःस्लोकी ॥

कान्तस्ते पुतुषोत्तमः फणिपतिः शय्याऽसनं वाहनं
वेदात्मा विहगेश्वरो यवनिका माया जगन्मोहिनी ।
ब्रह्मेशादिसुरव्रजः सदयितः त्वद्दासदासीगणः
श्रीरित्येव च नाम ते भगवति ! ब्रूमः कथं त्वां वयम् ॥ १ ॥

यस्यास्ते महिमानमात्मन इव त्वद्वल्लभोऽपि प्रभुः
नालं मातुमियत्तया निरवधिं नित्यानुकूलं स्वतः ।
तां त्वां दास इति प्रपन्न इति च स्तोष्याम्यहं निर्भयः
लोकैकेश्वरि ! लोकनाथदयिते ! दान्ते दयां ते विदन् ॥ २ ॥

ईषत् त्वत्करुणानिरीक्षणसुधासन्धुक्षणाद्रक्ष्यते
नष्टं प्राक् तदलाभतस्त्रिभुवनं सम्प्रत्यनन्तोदयम् ।
श्रेयो न ह्यरविन्दलोचनमनःकान्ताप्रसादादृते
संसृत्यक्षरवैष्णवाध्वसु नृणां सम्भाव्यते कर्हिचित् ॥ ३ ॥

शान्तानन्तमहाविभूति परमं यद् ब्रह्म रूपं हरेः
मूर्तं ब्रह्म ततोऽपि तत्प्रियतरं रूपं यदत्यद्भुतम् ।
यान्यन्यानि यथासुखं विहरतो रूपाणि सर्वाणि ता -
न्याहुः स्वैरनरूपरूपविभवैर्गाढोपगूढानि ते ॥ ४ ॥

**********