ಕೃಷ್ಣಾಷ್ಟಕಮ್ 01 ಆದಿ ಶಂಕರಾಚಾರ್ಯ ಕೃತಂ कृष्णाष्टकं KRISHASHTAKAM by adi shankaracharya

॥ ಶ್ರೀಕೃಷ್ಣಾಷ್ಟಕಮ್ ॥
ವಸುದೇವಸುತಂ ದೇವಂ ಕಂಸಚಾಣೂರಮರ್ದನಮ್
ದೇವಕೀಪರಮಾನನ್ದಂ ಕೃಷ್ಣಂ ವನ್ದೇ ಜಗದ್ಗುರುಮ್ ॥ 1॥

ಆತಸೀಪುಷ್ಪಸಂಕಾಶಮ್ ಹಾರನೂಪುರಶೋಭಿತಮ್
ರತ್ನಕಣ್ಕಣಕೇಯೂರಂ ಕೃಷ್ಣಂ ವನ್ದೇ ಜಗದ್ಗುರುಮ್ ॥ 2॥

ಕುಟಿಲಾಲಕಸಂಯುಕ್ತಂ ಪೂರ್ಣಚನ್ದ್ರನಿಭಾನನಮ್
ವಿಲಸತ್ಕುಂಡಲಧರಂ ಕೃಷ್ಣಂ ವನ್ದೇ ಜಗದ್ಗುರುಮ್ ॥ 3॥

ಮನ್ದಾರಗನ್ಧಸಂಯುಕ್ತಂ ಚಾರುಹಾಸಂ ಚತುರ್ಭುಜಮ್
ಬರ್ಹಿಪಿಂಛಾವಚೂಡಾಂಗಂ ಕೃಷ್ಣಂ ವನ್ದೇ ಜಗದ್ಗುರುಮ್ ॥ 4॥

ಉತ್ಫುಲ್ಲಪದ್ಮಪತ್ರಾಕ್ಷಂ ನೀಲಜೀಮೂತಸನ್ನಿಭಮ್
ಯಾದವಾನಾಂ ಶಿರೋರತ್ನಂ ಕೃಷ್ಣಂ ವನ್ದೇ ಜಗದ್ಗುರುಮ್ ॥ 5॥

ರುಕ್ಮಿಣೀಕೇಳಿಸಂಯುಕ್ತಂ ಪೀತಾಂಬರಸುಶೋಭಿತಮ್
ಅವಾಪ್ತತುಲಸೀಗನ್ಧಂ ಕೃಷ್ಣಂ ವನ್ದೇ ಜಗದ್ಗುರುಮ್ ॥ 6॥

ಗೋಪಿಕಾನಾಂ ಕುಚದ್ವನ್ದ್ವ ಕುಂಕುಮಾಂಕಿತವಕ್ಷಸಮ್
ಶ್ರೀ ನಿಕೇತಂ ಮಹೇಷ್ವಾಸಂ ಕೃಷ್ಣಂ ವನ್ದೇ ಜಗದ್ಗುರುಮ್ ॥ 7॥

ಶ್ರೀವತ್ಸಾಂಕಂ ಮಹೋರಸ್ಕಂ ವನಮಾಲಾವಿರಾಜಿತಮ್
ಶಂಖಚಕ್ರಧರಂ ದೇವಂ ಕೃಷ್ಣಂ ವನ್ದೇ ಜಗದ್ಗುರುಮ್ ॥ 8॥

ಕೃಷ್ಣಾಷ್ಟಕಮಿದಂ ಪುಣ್ಯಂ ಪ್ರಾತರುತ್ಥಾಯ ಯಃ ಪಠೇತ್ ।
ಕೋಟಿಜನ್ಮಕೃತಂ ಪಾಪಂ ಸ್ಮರಣೇನ ವಿನಷ್ಯತಿ ॥

     ॥ ಇತಿ ಕೃಷ್ಣಾಷ್ಟಕಮ್ ॥

vasudeva sutaṃ devaṃ kaṃsa chāṇūra mardanam |
devakī paramānandaṃ kṛśhṇaṃ vande jagadgurum ||

atasī puśhpa saṅkāśaṃ hāra nūpura śobhitam |
ratna kaṅkaṇa keyūraṃ kṛśhṇaṃ vande jagadgurum ||

kuṭilālaka saṃyuktaṃ pūrṇachandra nibhānanam |
vilasat kuṇḍaladharaṃ kṛśhṇaṃ vande jagadguram ||

mandāra gandha saṃyuktaṃ chāruhāsaṃ chaturbhujam |
barhi piñChāva chūḍāṅgaṃ kṛśhṇaṃ vande jagadgurum ||

utphulla padmapatrākśhaṃ nīla jīmūta sannibham |
yādavānāṃ śiroratnaṃ kṛśhṇaṃ vande jagadgurum ||

rukmiṇī keḻi saṃyuktaṃ pītāmbara suśobhitam |
avāpta tulasī gandhaṃ kṛśhṇaṃ vande jagadgurum ||

gopikānāṃ kuchadvanda kuṅkumāṅkita vakśhasam |
śrīniketaṃ maheśhvāsaṃ kṛśhṇaṃ vande jagadgurum ||

śrīvatsāṅkaṃ mahoraskaṃ vanamālā virājitam |
śaṅkhachakra dharaṃ devaṃ kṛśhṇaṃ vande jagadgurum ||

kṛśhṇāśhṭaka midaṃ puṇyaṃ prātarutthāya yaḥ paṭhet |
koṭijanma kṛtaṃ pāpaṃ smaraṇena vinaśyati ||
*********
ಶ್ರೀಗೋವಿನ್ದಭಗವತ್ಪೂಜ್ಯಪಾದಶಿಷ್ಯಸ್ಯ
ಶ್ರೀಮಚ್ಛಂಕರಭಗವತಃ ಕೃತೌ

॥ ಶ್ರೀಕೃಷ್ಣಾಷ್ಟಕಮ್ 4 ॥

ಶ್ರಿಯಾಶ್ಲಿಷ್ಟೋ ವಿಷ್ಣುಃ ಸ್ಥಿರಚರಗುರುರ್ವೇದವಿಷಯೋ
     ಧಿಯಾಂ ಸಾಕ್ಷೀ ಶುದ್ಧೋ ಹರಿರಸುರಹನ್ತಾಬ್ಜನಯನಃ ।
ಗದೀ ಶಂಖೀ ಚಕ್ರೀ ವಿಮಲವನಮಾಲೀ ಸ್ಥಿರರುಚಿಃ
     ಶರಣ್ಯೋ ಲೋಕೇಶೋ ಮಮ ಭವತು ಕೃಷ್ಣೋಽಕ್ಷಿವಿಷಯಃ ॥ 1॥

ಯತಃ ಸರ್ವಂ ಜಾತಂ ವಿಯದನಿಲಮುಖ್ಯಂ ಜಗದಿದಮ್
     ಸ್ಥಿತೌ ನಿಃಶೇಷಂ ಯೋಽವತಿ ನಿಜಸುಖಾಂಶೇನ ಮಧುಹಾ ।
ಲಯೇ ಸರ್ವಂ ಸ್ವಸ್ಮಿನ್ಹರತಿ ಕಲಯಾ ಯಸ್ತು ಸ ವಿಭುಃ
     ಶರಣ್ಯೋ ಲೋಕೇಶೋ ಮಮ ಭವತು ಕೃಷ್ಣೋಽಕ್ಷಿವಿಷಯಃ ॥ 2॥

ಅಸೂನಾಯಮ್ಯಾದೌ ಯಮನಿಯಮಮುಖ್ಯೈಃ ಸುಕರಣೈ/-
     ರ್ರ್ನಿರುದ್ಧ್ಯೇದಂ ಚಿತ್ತಂ ಹೃದಿ ವಿಲಯಮಾನೀಯ ಸಕಲಮ್ ।
ಯಮೀಡ್ಯಂ ಪಶ್ಯನ್ತಿ ಪ್ರವರಮತಯೋ ಮಾಯಿನಮಸೌ
     ಶರಣ್ಯೋ ಲೋಕೇಶೋ ಮಮ ಭವತು ಕೃಷ್ಣೋಽಕ್ಷಿವಿಷಯಃ ॥ 3॥

ಪೃಥಿವ್ಯಾಂ ತಿಷ್ಠನ್ಯೋ ಯಮಯತಿ ಮಹೀಂ ವೇದ ನ ಧರಾ
     ಯಮಿತ್ಯಾದೌ ವೇದೋ ವದತಿ ಜಗತಾಮೀಶಮಮಲಮ್ ।
ನಿಯನ್ತಾರಂ ಧ್ಯೇಯಂ ಮುನಿಸುರನೃಣಾಂ ಮೋಕ್ಷದಮಸೌ
     ಶರಣ್ಯೋ ಲೋಕೇಶೋ ಮಮ ಭವತು ಕೃಷ್ಣೋಽಕ್ಷಿವಿಷಯಃ ॥ 4॥

ಮಹೇನ್ದ್ರಾದಿರ್ದೇವೋ ಜಯತಿ ದಿತಿಜಾನ್ಯಸ್ಯ ಬಲತೋ
     ನ ಕಸ್ಯ ಸ್ವಾತನ್ತ್ರ್ಯಂ ಕ್ವಚಿದಪಿ ಕೃತೌ ಯತ್ಕೃತಿಮುತೇ ।
ಬಲಾರಾತೇರ್ಗರ್ವಂ ಪರಿಹರತಿ ಯೋಽಸೌ ವಿಜಯಿನಃ
     ಶರಣ್ಯೋ ಲೋಕೇಶೋ ಮಮ ಭವತು ಕೃಷ್ಣೋಽಕ್ಷಿವಿಷಯಃ ॥ 5॥

ವಿನಾ ಯಸ್ಯ ಧ್ಯಾನಂ ವ್ರಜತಿ ಪಶುತಾಂ ಸೂಕರಮುಖಾಮ್
     ವಿನಾ ಯಸ್ಯ ಜ್ಞಾನಂ ಜನಿಮೃತಿಭಯಂ ಯಾತಿ ಜನತಾ ।
ವಿನಾ ಯಸ್ಯ ಸ್ಮೃತ್ಯಾ ಕೃಮಿಶತಜನಿಂ ಯಾತಿ ಸ ವಿಭುಃ
     ಶರಣ್ಯೋ ಲೋಕೇಶೋ ಮಮ ಭವತು ಕೃಷ್ಣೋಽಕ್ಷಿವಿಷಯಃ ॥ 6॥

ನರಾತಂಕೋಟ್ಟಂಕಃ ಶರಣಶರಣೋ ಭ್ರಾನ್ತಿಹರಣೋ
     ಘನಶ್ಯಾಮೋ ವಾಮೋ ವ್ರಜಶಿಶುವಯಸ್ಯೋಽರ್ಜುನಸಖಃ ।
ಸ್ವಯಂಭೂರ್ಭೂತಾನಾಂ ಜನಕ ಉಚಿತಾಚಾರಸುಖದಃ
     ಶರಣ್ಯೋ ಲೋಕೇಶೋ ಮಮ ಭವತು ಕೃಷ್ಣೋಽಕ್ಷಿವಿಷಯಃ ॥ 7॥

ಯದಾ ಧರ್ಮಗ್ಲಾನಿರ್ಭವತಿ ಜಗತಾಂ ಕ್ಷೋಭಕರಣೀ
     ತದಾ ಲೋಕಸ್ವಾಮೀ ಪ್ರಕಟಿತವಪುಃ ಸೇತುಧೃದಜಃ ।
ಸತಾಂ ಧಾತಾ ಸ್ವಚ್ಛೋ ನಿಗಮಗಣಗೀತೋ ವ್ರಜಪತಿಃ
     ಶರಣ್ಯೋ ಲೋಕೇಶೋ ಮಮ ಭವತು ಕೃಷ್ಣೋಽಕ್ಷಿವಿಷಯಃ ॥ 8॥

ಇತಿ ಹರಿರಖಿಲಾತ್ಮಾರಾಧಿತಃ ಶಂಕರೇಣ
ಶ್ರುತಿವಿಶದಗುಣೋಽಸೌ ಮಾತೃತ್ಮೋಕ್ಷಾರ್ಥಮಾದ್ಯಃ ।
ಯತಿವರನಿಕಟೇ ಶ್ರೀಯುಕ್ತ ಆವಿರ್ಬಭೂವ
ಸ್ವಗುಣವೃತ ಉದಾರಃ ಶಣ್ಖಚಕ್ರಾಂಜಹಸ್ತಃ ॥ 9॥

ಇತಿ ಶ್ರೀಮತ್ಪರಮಹಂಸಪರಿವ್ರಾಜಕಾಚಾರ್ಯಸ್ಯ
ಶ್ರೀಗೋವಿನ್ದಭಗವತ್ಪೂಜ್ಯಪಾದಶಿಷ್ಯಸ್ಯ
ಶ್ರೀಮಚ್ಛಂಕರಭಗವತಃ ಕೃತೌ

ಕೃಷ್ಣಾಷ್ಟಕಂ ಸಮ್ಪೂರ್ಣಮ್ ॥
*********

by ಶ್ರೀತ್ಯಾಗರಾಜಸ್ವಾಮಿನಃ ಶಿಷ್ಯಯಾ ಭಕ್ತ
ಶ್ರೀಕೃಷ್ಣಾಷ್ಟಕಮ್ 
                 ಓಂ
           ಶ್ರೀರಾಮಜಯಮ್ ।
ಓಂ ಸದ್ಗುರುಶ್ರೀತ್ಯಾಗರಾಜಸ್ವಾಮಿನೇ ನಮೋ ನಮಃ ।
ಓಂ ಗೀತಾಚಾರ್ಯಾಯ ವಿದ್ಮಹೇ । ಭಕ್ತಮಿತ್ರಾಯ ಧೀಮಹಿ ।
ತನ್ನಃ ಕೃಷ್ಣಃ ಪ್ರಚೋದಯಾತ್ ॥

ಪರಮಾತ್ಮಸ್ವರೂಪಾಯ ನಾರಾಯಣಾಯ ವಿಷ್ಣವೇ ।
ಪರಿಪೂರ್ಣಾವತಾರಾಯ ಶ್ರೀಕೃಷ್ಣಾಯ ನಮೋ ನಮಃ ॥ 1॥

ದೇವಕೀಪ್ರಿಯಪುತ್ರಾಯ ಯಶೋದಾಲಾಲಿತಾಯ ಚ ।
ವಾಸುದೇವಾಯ ದೇವಾಯ ನನ್ದನನ್ದಾಯ ತೇ ನಮಃ ॥ 2॥

ಗೋಪಿಕಾನನ್ದಲೀಲಾಯ ನವನೀತಪ್ರಿಯಾಯ ಚ ।
ವೇಣುಗಾನಾಭಿಲೋಲಾಯ ರಾಧಾಕೃಷ್ಣಾಯ ತೇ ನಮಃ ॥ 3॥

ಗೋವಿನ್ದಾಯ ಮುಕುನ್ದಾಯ ಕಂಸಾದಿರಿಪುದಾರಿಣೇ ।
ಮಾತಾಪಿತೃಸುನನ್ದಾಯ ದ್ವಾರಕಾಪತಯೇ ನಮಃ ॥ 4॥

ರುಕ್ಮಿಣೀಪ್ರಿಯನಾಥಾಯ ರುಗ್ಮಪೀತಾಮ್ಬರಾಯ ಚ ।
ಸತ್ಯಭಾಮಾಸಮೇತಾಯ ಸತ್ಕಾಮಾಯ ನಮೋ ನಮಃ ॥ 5॥

ಪಾಂಡವಪ್ರಿಯಮಿತ್ರಾಯ ಪಾಂಚಾಲೀಮಾನರಕ್ಷಿಣೇ ।
ಪಾರ್ಥಾನುಗ್ರಹಕಾರಾಯ ಪಾರ್ಥಸಾರಥಯೇ ನಮಃ ॥ 6॥

ಗೀತೋಪದೇಶಬೋಧಾಯ ವಿಶ್ವರೂಪಪ್ರಕಾಶಿನೇ ।
ವೇದಾನ್ತಸಾರಸತ್ಯಾಯ ವೇದನಾದಾಯ ತೇ ನಮಃ ॥ 7॥

ಸದಾಸಕ್ತಸುರಕ್ಷಾಯ ಸದಾಮಾನಸವಾಸಿನೇ ।
ಸದಾತ್ಮಾನನ್ದಪೂರ್ಣಾಯ ಶ್ರೀಕೃಷ್ಣಾಯ ನಮೋ ನಮಃ ॥ 8॥

ತ್ಯಾಗಬ್ರಹ್ಮಸುಗೀತಾಯ ಗೀತಪುಷ್ಪಾರ್ಚಿತಾಯ ಚ ।
ಮನೋವಾಕ್ಕಾಯಪೂರ್ಣಾಯ ಶ್ರೀಕೃಷ್ಣಾಯ ಸುಮಂಗಲಮ್ ॥ 9॥

ಕೃಷ್ಣಾಷ್ಟಕಮಿದಂ ಪುಣ್ಯಂ ಕೃಷ್ಣಪ್ರೇರ್ಯಂ ಶುಭಪ್ರದಮ್ ।
ಪುಷ್ಪಾರ್ಚನಸುಪದ್ಯಂ ಚ ಶ್ರೀಕೃಷ್ಣಸುಕೃಪಾವಹಮ್ ॥ 10॥

ಇತಿ ಸದ್ಗುರುಶ್ರೀತ್ಯಾಗರಾಜಸ್ವಾಮಿನಃ ಶಿಷ್ಯಯಾ ಭಕ್ತಯಾ ಪುಷ್ಪಯಾ ಕೃತಂ
ಶ್ರೀಕೃಷ್ಣಾಷ್ಟಕಂ ಗುರೌ ಸಮರ್ಪಿತಮ್ ।
ಓಂ ಶುಭಮಸ್ತು ।
*******


by ವಲ್ಲಭಾಚಾರ್ಯ

॥ ಶ್ರೀಕೃಷ್ಣಾಷ್ಟಕಂ 2 ॥

ಕೃಷ್ಣ ಪ್ರೇಮಮಯೀ ರಾಧಾ   
ರಾಧಾ ಪ್ರೇಮಮಯೋ ಹರಿಃ ।      
ಜೀವನೇನ ಧನೇ ನಿತ್ಯಂ         
ರಾಧಾಕೃಷ್ಣ ಗತಿರ್ಮಮ ॥      
ಕೃಷ್ಣಸ್ಯ ದ್ರವಿಣಂ ರಾಧಾ  
ರಾಧಾಯಾಃ ದ್ರವಿಣಂ ಹರಿಃ ।      
ಜೀವನೇನ ಧನೇ ನಿತ್ಯಂ         
ರಾಧಾಕೃಷ್ಣ ಗತಿರ್ಮಮ ॥      
ಕೃಷ್ಣ ಪ್ರಾಣಮಯೀ ರಾಧಾ  
ರಾಧಾ ಪ್ರಾಣಮಯೋ  ಹರಿಃ ।       
ಜೀವನೇನ ಧನೇ ನಿತ್ಯಂ         
ರಾಧಾಕೃಷ್ಣ ಗತಿರ್ಮಮ ॥      
ಕೃಷ್ಣ ದ್ರವಾಮಯೀ ರಾಧಾ   
ರಾಧಾ ದ್ರವಾಮಯೋ  ಹರಿಃ ।     
ಜೀವನೇನ ಧನೇ ನಿತ್ಯಂ         
ರಾಧಾಕೃಷ್ಣ ಗತಿರ್ಮಮ ॥      
ಕೃಷ್ಣಗೇಹೇ ಸ್ಥಿತಾಂ ರಾಧಾ      
ರಾಧಾಗೇಹೇ ಸ್ಥಿತೋ ಹರಿಃ ।       
ಜೀವನೇನ ಧನೇ ನಿತ್ಯಂ         
ರಾಧಾಕೃಷ್ಣ ಗತಿರ್ಮಮ ॥      
ಕೃಷ್ಣಚಿತ್ತಾ ಸ್ಥಿತಾಂ ರಾಧಾ  
ರಾಧಾಚಿತ್ತ ಸ್ಥಿತೋ ಹರಿಃ ।         
ಜೀವನೇನ ಧನೇ ನಿತ್ಯಂ             
ರಾಧಾಕೃಷ್ಣ ಗತಿರ್ಮಮ ॥          
ನೀಲಾಮ್ಬರಾ ಧರಾ ರಾಧಾ   
ಪೀತಾಮ್ಬರಾ ಧರೋ ಹರಿಃ ।       
ಜೀವನೇನ ಧನೇ ನಿತ್ಯಂ         
ರಾಧಾಕೃಷ್ಣ ಗತಿರ್ಮಮ ॥      
ವೃನ್ದಾವನೇಶ್ವರೀ ರಾಧೌ   
ಕೃಷ್ಣೋ ವೃನ್ದಾವನೇಶ್ವರಃ ।   
ಜೀವನೇನ ಧನೇ ನಿತ್ಯಂ         
ರಾಧಾಕೃಷ್ಣ ಗತಿರ್ಮಮ ॥      

॥ಇತಿ ಶ್ರೀ ವಲ್ಲಭಾಚಾರ್ಯಕೃತಂ ಕೃಷ್ಣಾಷ್ಟಕಂ ಸಮ್ಪೂರ್ಣಮ್॥

********