ಶ್ರೀ ಜಗನ್ನಾಥಾಷ್ಟಕಮ್ ಆದಿ ಶಂಕರಾಚಾರ್ಯ ಕೃತಂ जगन्नाथाष्टकम् sri JAGANNATHA ASHTAKAM by adi shankaracharya

ಶ್ರೀಜಗನ್ನಾಥಾಷ್ಟಕಮ್ 

ಕದಾಚಿತ್ಕಾಲಿನ್ದೀತಟವಿಪಿನಸಂಗೀತಕರವೋ  var  ಕವರೋ

ಮುದಾ ಗೋಪೀನಾರೀವದನಕಮಲಾಸ್ವಾದಮಧುಪಃ ।  var  ಭೀರೀ

ರಮಾಶಮ್ಭುಬ್ರಹ್ಮಾಮರಪತಿಗಣೇಶಾರ್ಚಿತಪದೋ

ಜಗನ್ನಾಥಃ ಸ್ವಾಮೀ ನಯನಪಥಗಾಮೀ ಭವತು ಮೇ ॥ 1 ॥

ಭುಜೇ ಸವ್ಯೇ ವೇಣುಂ ಶಿರಸಿ ಶಿಖಿಪಿಂಛಂ ಕಟಿತಟೇ var ಪಿಚ್ಛಿಂ

ದುಕೂಲಂ ನೇತ್ರಾನ್ತೇ ಸಹಚರಕಟಾಕ್ಷಂ ವಿದಧತೇ ।

ಸದಾ ಶ್ರೀಮದ್ವೃನ್ದಾವನವಸತಿಲೀಲಾಪರಿಚಯೋ

ಜಗನ್ನಾಥಃ ಸ್ವಾಮೀ ನಯನಪಥಗಾಮೀ ಭವತು ನೇ ॥ 2 ॥

ಮಹಾಮ್ಭೋಧೇಸ್ತೀರೇ ಕನಕರುಚಿರೇ ನೀಲಶಿಖರೇ

ವಸನ್ ಪ್ರಾಸಾದಾನ್ತಸ್ಸಹಜಬಲಭದ್ರೇಣ ಬಲಿನಾ ।

ಸುಭದ್ರಾಮಧ್ಯಸ್ಥಸ್ಸಕಲಸುರಸೇವಾವಸರದೋ

ಜಗನ್ನಾಥಃ ಸ್ವಾಮೀ ನಯನಪಥಗಾಮೀ ಭವತು ಮೇ ॥ 3 ॥

ಕೃಪಾಪಾರಾವಾರಾಸ್ಸಜಲಜಲದಶ್ರೇಣಿರುಚಿರೋ

ರಮಾವಾಣೀಸೌಮಸ್ಸುರದಮಲಪದ್ಮೋದ್ಭವಮುಖೈಃ । var  ವಾಣೀರಾಮಸ್

ಸುರೇನ್ದ್ರೈರಾರಾಧ್ಯಃ ಶ್ರುತಿಗಣಶಿಖಾಗೀತಚರಿತೋ

ಜಗನ್ನಾಥಃ ಸ್ವಾಮೀ ನಯನಪಥಗಾಮೀ ಭವತು ಮೇ ॥ 4 ॥

ರಥಾರೂಢೋ ಗಚ್ಛನ್ ಪಥಿ ಮಿಲಿತಭೂದೇವಪಟಲೈಃ

ಸ್ತುತಿಪ್ರಾದುರ್ಭಾವಂ ಪ್ರತಿಪದ ಮುಪಾಕರ್ಣ್ಯ ಸದಯಃ ।

ದಯಾಸಿನ್ಧುರ್ಬನ್ಧುಸ್ಸಕಲಜಗತಾ ಸಿನ್ಧುಸುತಯಾ

ಜಗನ್ನಾಥಃ ಸ್ವಾಮೀ ನಯನಪಥಗಾಮೀ ಭವತು ಮೇ ॥ 5 ॥

ಪರಬ್ರಹ್ಮಾಪೀಡಃ ಕುವಲಯದಲೋತ್ಫುಲ್ಲನಯನೋ

ನಿವಾಸೀ ನೀಲಾದ್ರೌ ನಿಹಿತಚರಣೋಽನನ್ತಶಿರಸಿ ।

ರಸಾನನ್ದೋ ರಾಧಾಸರಸವಪುರಾಲಿಂಗನಸಖೋ

ಜಗನ್ನಾಥಃ ಸ್ವಾಮೀ ನಯನಪಥಗಾಮೀ ಭವತು ಮೇ ॥ 6 ॥

ನ ವೈ ಪ್ರಾರ್ಥ್ಯಂ ರಾಜ್ಯಂ ನ ಚ ಕನಕತಾಂ ಭೋಗವಿಭವಂ

ನ ಯಾಚೇಽಹಂ ರಮ್ಯಾಂ ನಿಖಿಲಜನಕಾಮ್ಯಾಂ ವರವಧೂಂ ।

ಸದಾ ಕಾಲೇ ಕಾಲೇ ಪ್ರಮಥಪತಿನಾ ಗೀತಚರಿತೋ

ಜಗನ್ನಾಥಃ ಸ್ವಾಮೀ ನಯನಪಥಗಾಮೀ ಭವತು ಮೇ ॥ 7 ॥

ಹರ ತ್ವಂ ಸಂಸಾರಂ ದ್ರುತತರಮಸಾರಂ ಸುರಪತೇ

ಹರ ತ್ವಂ ಪಾಪಾನಾಂ ವಿತತಿಮಪರಾಂ ಯಾದವಪತೇ ।

ಅಹೋ ದೀನಾನಾಥಂ ನಿಹಿತಮಚಲಂ ನಿಶ್ಚಿತಪದಂ

ಜಗನ್ನಾಥಃ ಸ್ವಾಮೀ ನಯನಪಥಗಾಮೀ ಭವತು ಮೇ ॥ 8 ॥

ಇತಿ ಶ್ರೀಮದ್ ಶಂಕರಾಚಾರ್ಯಪ್ರಣೀತಂ ಜಗನ್ನಾಥಾಷ್ಟಕಂ ಸಮ್ಪೂರ್ಣಂ॥

************

श्री जगन्नाथाष्टकम् 

कदाचित्कालिन्दीतटविपिनसङ्गीतकरवो  var  कवरो
मुदा गोपीनारीवदनकमलास्वादमधुपः ।  var  भीरी
रमाशम्भुब्रह्मामरपतिगणेशार्चितपदो
जगन्नाथः स्वामी नयनपथगामी भवतु मे ॥ १ ॥

भुजे सव्ये वेणुं शिरसि शिखिपिंछं कटितटे var पिच्छिं
दुकूलं नेत्रान्ते सहचरकटाक्षं विदधते ।
सदा श्रीमद्वृन्दावनवसतिलीलापरिचयो
जगन्नाथः स्वामी नयनपथगामी भवतु ने ॥ २ ॥

महाम्भोधेस्तीरे कनकरुचिरे नीलशिखरे
वसन् प्रासादान्तस्सहजबलभद्रेण बलिना ।
सुभद्रामध्यस्थस्सकलसुरसेवावसरदो
जगन्नाथः स्वामी नयनपथगामी भवतु मे ॥ ३ ॥

कृपापारावारास्सजलजलदश्रेणिरुचिरो
रमावाणीसौमस्सुरदमलपद्मोद्भवमुखैः । var  वाणीरामस्
सुरेन्द्रैराराध्यः श्रुतिगणशिखागीतचरितो
जगन्नाथः स्वामी नयनपथगामी भवतु मे ॥ ४ ॥

रथारूढो गच्छन् पथि मिलितभूदेवपटलैः
स्तुतिप्रादुर्भावं प्रतिपद मुपाकर्ण्य सदयः ।
दयासिन्धुर्बन्धुस्सकलजगता सिन्धुसुतया
जगन्नाथः स्वामी नयनपथगामी भवतु मे ॥ ५ ॥

परब्रह्मापीडः कुवलयदलोत्फुल्लनयनो
निवासी नीलाद्रौ निहितचरणोऽनन्तशिरसि ।
रसानन्दो राधासरसवपुरालिङ्गनसखो
जगन्नाथः स्वामी नयनपथगामी भवतु मे ॥ ६ ॥

न वै प्रार्थ्यं राज्यं न च कनकतां भोगविभवं
न याचेऽहं रम्यां निखिलजनकाम्यां वरवधूं ।
सदा काले काले प्रमथपतिना गीतचरितो
जगन्नाथः स्वामी नयनपथगामी भवतु मे ॥ ७ ॥

हर त्वं संसारं द्रुततरमसारं सुरपते
हर त्वं पापानां विततिमपरां यादवपते ।
अहो दीनानाथं निहितमचलं निश्चितपदं
जगन्नाथः स्वामी नयनपथगामी भवतु मे ॥ ८ ॥


इति श्रीमद् शङ्कराचार्यप्रणीतं जगन्नाथाष्टकं सम्पूर्णं॥
***********