ಶ್ರೀ ಗೌರೀ ದಶಕಮ್ ಆದಿ ಶಂಕರಾಚಾರ್ಯ ಕೃತಂ गौरीदशकम् GOWRI DASHAKAM by adi shankaracharya

ಗೌರೀದಶಕಮ್ 

ಲೀಲಾಲಬ್ಧಸ್ಥಾಪಿತಲುಪ್ತಾಖಿಲಲೋಕಾಂ

ಲೋಕಾತೀತೈರ್ಯೋಗಿಭಿರನ್ತಶ್ಚಿರಮೃಗ್ಯಾಮ್ ।

ಬಾಲಾದಿತ್ಯಶ್ರೇಣಿಸಮಾನದ್ಯುತಿಪುಂಜಾಂ

ಗೌರೀಮಮಮ್ಬಾಮಮ್ಬುರುಹಾಕ್ಷೀಮಹಮೀಡೇ ॥ 1॥

ಪ್ರತ್ಯಾಹಾರಧ್ಯಾನಸಮಾಧಿಸ್ಥಿತಿಭಾಜಾಂ

ನಿತ್ಯಂ ಚಿತ್ತೇ ನಿರ್ವೃತಿಕಾಷ್ಠಾಂ ಕಲಯನ್ತೀಮ್ ।

ಸತ್ಯಜ್ಞಾನಾನನ್ದಮಯೀಂ ತಾಂ ತನುರೂಪಾಂ

ಗೌರೀಮಮ್ಬಾಮಮ್ಬುರುಹಾಕ್ಷೀಮಹಮೀಡೇ ॥ 2॥

ಚನ್ದ್ರಾಪೀಡಾನನ್ದಿತಮನ್ದಸ್ಮಿತವಕ್ತ್ರಾಂ

ಚನ್ದ್ರಾಪೀಡಾಲಂಕೃತನೀಲಾಲಕಭಾರಾಮ್ ।

ಇನ್ದ್ರೋಪೇನ್ದ್ರಾದ್ಯರ್ಚಿತಪಾದಾಮ್ಬುಜಯುಗ್ಮಾಂ

ಗೌರೀಮಮ್ಬಾಮಮ್ಬುರುಹಾಕ್ಷೀಮಹಮೀಡೇ ॥ 3॥

ಆದಿಕ್ಷಾನ್ತಾಮಕ್ಷರಮೂರ್ತ್ಯಾ ವಿಲಸನ್ತೀಂ

ಭೂತೇ ಭೂತೇ ಭೂತಕದಮ್ಬಪ್ರಸವಿತ್ರೀಮ್ ।

ಶಬ್ದಬ್ರಹ್ಮಾನನ್ದಮಯೀಂ ತಾಂ ತಟಿದಾಭಾಂ

ಗೌರೀಮಮ್ಬಾಮಮ್ಬುರುಹಾಕ್ಷೀಮಹಮೀಡೇ ॥ 4॥

ಮೂಲಾಧಾರಾದುತ್ಥಿತವೀಥ್ಯಾ ವಿಧಿರನ್ಧ್ರಂ

ಸೌರಂ ಚಾನ್ದ್ರಂ ವ್ಯಾಪ್ಯ ವಿಹಾರಜ್ವಲಿತಾಂಗೀಮ್ ।

ಯೇಯಂ ಸೂಕ್ಷ್ಮಾತ್ಸೂಕ್ಷ್ಮತನುಸ್ತಾಂ ಸುಖರೂಪಾಂ

ಗೌರೀಮಮ್ಬಾಮಮ್ಬುರುಹಾಕ್ಷೀಮಹಮೀಡೇ ॥ 5॥

ನಿತ್ಯಃ ಶುದ್ಧೋ ನಿಷ್ಕಲ ಏಕೋ ಜಗದೀಶಃ

ಸಾಕ್ಷೀ ಯಸ್ಯಾಃ ಸರ್ಗವಿಧೌ ಸಂಹರಣೇ ಚ ।

ವಿಶ್ವತ್ರಾಣಕ್ರೀಡನಲೋಲಾಂ ಶಿವಪತ್ನೀಂ

ಗೌರೀಮಮ್ಬಾಮಮ್ಬುರುಹಾಕ್ಷೀಮಹಮೀಡೇ ॥ 6॥

ಯಸ್ಯಾಃ ಕುಕ್ಷೌ ಲೀನಮಖಂಡಂ ಜಗದಂಡಂ

ಭೂಯೋ ಭೂಯಃ ಪ್ರಾದುರಭೂದುತ್ಥಿತಮೇವ ।

ಪತ್ಯಾ ಸಾರ್ಧಂ ತಾಂ ರಜತಾದ್ರೌ ವಿಹರನ್ತೀಂ

ಗೌರೀಮಮ್ಬಾಮಮ್ಬುರುಹಾಕ್ಷೀಮಹಮೀಡೇ ॥ 7॥

ಯಸ್ಯಾಮೋತಂ ಪ್ರೋತಮಶೇಷಂ ಮಣಿಮಾಲಾ-

ಸೂತ್ರೇ ಯದ್ವತ್ಕ್ಕಾಪಿ ಚರಂ ಚಾಪ್ಯಚರಂ ಚ ।

ತಾಮಧ್ಯಾತ್ಮಜ್ಞಾನಪದವ್ಯಾ ಗಮನೀಯಾಂ

ಗೌರೀಮಮ್ಬಾಮಮ್ಬುರುಹಾಕ್ಷೀಮಹಮೀಡೇ ॥ 8॥

ನಾನಾಕಾರೈಃ ಶಕ್ತಿಕದಮ್ಬೈರ್ಭುವನಾನಿ

ವ್ಯಾಪ್ಯ ಸ್ವೈರಂ ಕ್ರೀಡತಿ ಯೇಯಂ ಸ್ವಯಮೇಕಾ ।

ಕಲ್ಯಾಣೀಂ ತಾಂ ಕಲ್ಪಲತಾಮಾನತಿಭಾಜಾಂ

ಗೌರೀಮಮ್ಬಾಮಮ್ಬುರುಹಾಕ್ಷೀಮಹಮೀಡೇ ॥ 9॥

ಆಶಾಪಾಶಕ್ಲೇಶವಿನಾಶಂ ವಿದಧಾನಾಂ

ಪಾದಾಮ್ಭೋಜಧ್ಯಾನಪರಾಣಾಂ ಪುರುಷಾಣಾಮ್ ।

ಈಶಾಮೀಶಾರ್ಧಾಂಗಹರಾಂ ತಾಮಭಿರಾಮಾಂ

ಗೌರೀಮಮ್ಬಾಮಮ್ಬುರುಹಾಕ್ಷೀಮಹಮೀಡೇ ॥ 10॥

ಪ್ರಾತಃಕಾಲೇ ಭಾವವಿಶುದ್ಧಃ ಪ್ರಣಿಧಾನಾ-

ದ್ಭಕ್ತ್ಯಾ ನಿತ್ಯಂ ಜಲ್ಪತಿ ಗೌರಿದಶಕಂ ಯಃ ।

ವಾಚಾಂ ಸಿದ್ಧಿಂ ಸಮ್ಪದಮಗ್ರಯಾಂ ಶಿವಭಕ್ತಿಂ

ತಸ್ಯಾವಶ್ಯಂ ಪರ್ವತಪುತ್ರೀ ವಿದಧಾತಿ ॥ 11॥

ಇತಿ ಶ್ರೀಮತ್ಪರಮಹಂಸಪರಿವ್ರಾಜಕಾಚಾರ್ಯಸ್ಯ

ಶ್ರೀಗೋವಿನ್ದಭಗವತ್ಪೂಜ್ಯಪಾದಶಿಷ್ಯಸ್ಯ

ಶ್ರೀಮಚ್ಛಂಕರಭಗವತಃ ಕೃತೌ

ಗೌರೀದಶಕಮ್ ಸಮ್ಪೂರ್ಣಮ್  ॥

************

गौरीदशकम् 

लीलालब्धस्थापितलुप्ताखिललोकां
लोकातीतैर्योगिभिरन्तश्चिरमृग्याम् ।
बालादित्यश्रेणिसमानद्युतिपुञ्जां
गौरीममम्बामम्बुरुहाक्षीमहमीडे ॥ १॥

प्रत्याहारध्यानसमाधिस्थितिभाजां
नित्यं चित्ते निर्वृतिकाष्ठां कलयन्तीम् ।
सत्यज्ञानानन्दमयीं तां तनुरूपां
गौरीमम्बामम्बुरुहाक्षीमहमीडे ॥ २॥

चन्द्रापीडानन्दितमन्दस्मितवक्त्रां
चन्द्रापीडालंकृतनीलालकभाराम् ।
इन्द्रोपेन्द्राद्यर्चितपादाम्बुजयुग्मां
गौरीमम्बामम्बुरुहाक्षीमहमीडे ॥ ३॥

आदिक्षान्तामक्षरमूर्त्या विलसन्तीं
भूते भूते भूतकदम्बप्रसवित्रीम् ।
शब्दब्रह्मानन्दमयीं तां तटिदाभां
गौरीमम्बामम्बुरुहाक्षीमहमीडे ॥ ४॥

मूलाधारादुत्थितवीथ्या विधिरन्ध्रं
सौरं चान्द्रं व्याप्य विहारज्वलिताङ्गीम् ।
येयं सूक्ष्मात्सूक्ष्मतनुस्तां सुखरूपां
गौरीमम्बामम्बुरुहाक्षीमहमीडे ॥ ५॥

नित्यः शुद्धो निष्कल एको जगदीशः
साक्षी यस्याः सर्गविधौ संहरणे च ।
विश्वत्राणक्रीडनलोलां शिवपत्नीं
गौरीमम्बामम्बुरुहाक्षीमहमीडे ॥ ६॥

यस्याः कुक्षौ लीनमखण्डं जगदण्डं
भूयो भूयः प्रादुरभूदुत्थितमेव ।
पत्या सार्धं तां रजताद्रौ विहरन्तीं
गौरीमम्बामम्बुरुहाक्षीमहमीडे ॥ ७॥

यस्यामोतं प्रोतमशेषं मणिमाला-
सूत्रे यद्वत्क्कापि चरं चाप्यचरं च ।
तामध्यात्मज्ञानपदव्या गमनीयां
गौरीमम्बामम्बुरुहाक्षीमहमीडे ॥ ८॥

नानाकारैः शक्तिकदम्बैर्भुवनानि
व्याप्य स्वैरं क्रीडति येयं स्वयमेका ।
कल्याणीं तां कल्पलतामानतिभाजां
गौरीमम्बामम्बुरुहाक्षीमहमीडे ॥ ९॥

आशापाशक्लेशविनाशं विदधानां
पादाम्भोजध्यानपराणां पुरुषाणाम् ।
ईशामीशार्धाङ्गहरां तामभिरामां
गौरीमम्बामम्बुरुहाक्षीमहमीडे ॥ १०॥

प्रातःकाले भावविशुद्धः प्रणिधाना-
द्भक्त्या नित्यं जल्पति गौरिदशकं यः ।
वाचां सिद्धिं सम्पदमग्रयां शिवभक्तिं
तस्यावश्यं पर्वतपुत्री विदधाति ॥ ११॥

इति श्रीमत्परमहंसपरिव्राजकाचार्यस्य
श्रीगोविन्दभगवत्पूज्यपादशिष्यस्य
श्रीमच्छंकरभगवतः कृतौ

गौरीदशकम् सम्पूर्णम्  ॥
********