ಶ್ರೀ ಪುಷ್ಕರಾಷ್ಟಕಂ ಆದಿ ಶಂಕರಾಚಾರ್ಯ ಕೃತಂ पुष्कराष्टकम् pushkarashtakam by adi shankaracharya

ಪುಷ್ಕರಾಷ್ಟಕಮ್ 

ಶ್ರೀಗಣೇಶಾಯ ನಮಃ ॥ 

ಶ್ರಿಯಾಯುತಂ ತ್ರಿದೇಹತಾಪಪಾಪರಾಶಿನಾಶಕಂ

     ಮುನೀನ್ದ್ರಸಿದ್ಧಸಾಧ್ಯದೇವದಾನವೈರಭಿಷ್ಟುತಮ್ ।

ತಟೇಸ್ತಿ ಯಜ್ಞಪರ್ವತಸ್ಯ ಮುಕ್ತಿದಂ ಸುಖಾಕರಂ

     ನಮಾಮಿ ಬ್ರಹ್ಮಪುಷ್ಕರಂ ಸವೈಷ್ಣವಂ ಸಶಂಕರಮ್ ॥ 1॥

ಸದಾರ್ಯಮಾಸಶುಷ್ಕಪಂಚವಾಸರೇ ವರಾಗತಂ

     ತದನ್ಯಥಾನ್ತರಿಕ್ಷಗಂ ಸುತನ್ತ್ರಭಾವನಾನುಗಮ್ ।

ತದಮ್ಬುಪಾನಮಜ್ಜನಂ ದೃಶಾಂ ಸದಾಮೃತಾಕರಂ

     ನಮಾಮಿ ಬ್ರಹ್ಮಪುಷ್ಕರಂ ಸವೈಷ್ಣವಂ ಸಶಂಕರಮ್ ॥ 2॥

ತ್ರಿಪುಷ್ಕರ ತ್ರಿಪುಷ್ಕರ ತ್ರಿಪುಷ್ಕರೇತಿ ಸಂಸ್ಮರೇತ್-

     ಸ ದೂರದೇಶಗೋಽಪಿ ಯಸ್ತದಂಗಪಾಪನಾಶನಮ್ ।

ಪ್ರಪನ್ನದುಃಖಭಂಜನಂ ಸುರಂಜನಂ ಸುಧಾಕರಂ

     ನಮಾಮಿ ಬ್ರಹ್ಮಪುಷ್ಕರಂ ಸವೈಷ್ಣವಂ ಸಶಂಕರಮ್ ॥ 3॥

ಮೃಕಂಡುಮಂಕಣೌ ಪುಲಸ್ತ್ಯಕಣ್ವಪರ್ವತಾಸಿತಾ

     ಅಗಸ್ತ್ಯಭಾರ್ಗವೌ ದಧೀಚಿನಾರದೌ ಶುಕಾದಯಃ।

ಸಪದ್ಮತೀರ್ಥಪಾವನೈಕದ್ದಷ್ಟ್ಯೋ ದಯಾಕರಂ

     ನಮಾಮಿ ಬ್ರಹ್ಮಪುಷ್ಕರಂ ಸವೈಷ್ಣವಂ ಸಶಂಕರಮ್ ॥ 4॥

ಸದಾ ಪಿತಾಮಹೇಕ್ಷಿತಂ ವರಾಹವಿಷ್ಣುನೇಕ್ಷಿತಂ

     ತಥಾಽಮರೇಶ್ವರೇಕ್ಷಿತಂ ಸುರಾಸುರೈಃ ಸಮೀಕ್ಷಿತಮ್ ।

ಇಹೈವ ಭುಕ್ತಿಮುಕ್ತಿದಂ ಪ್ರಜಾಕರಂ ಘನಾಕರಂ

     ನಮಾಮಿ ಬ್ರಹ್ಮಪುಷ್ಕರಂ ಸವೈಷ್ಣವಂ ಸಶಂಕರಮ್ ॥ 5॥

ತ್ರಿದಂಡಿದಂಡಿಬ್ರಹ್ಮಚಾರಿತಾಪಸೈಃ ಸುಸೇವಿತಂ

     ಪುರಾರ್ಧಚನ್ದ್ರಪ್ರಾಪ್ತದೇವನನ್ದಿಕೇಶ್ವರಾಭಿಧೈಃ ।

ಸವೈದ್ಯನಾಥನೀಲಕಂಠಸೇವಿತಂ ಸುಧಾಕರಂ

     ನಮಾಮಿ ಬ್ರಹ್ಮಪುಷ್ಕರಂ ಸವೈಷ್ಣವಂ ಸಶಂಕರಮ್ ॥ 6॥

ಸುಪಂಚಧಾ ಸರಸ್ವತೀ ವಿರಾಜತೇ ಯದನ್ತ್ತರೇ

     ತಥೈಕಯೋಜನಾಯತಂ ವಿಭಾತಿ ತೀರ್ಥನಾಯಕಮ್ ।

ಅನೇಕದೈವಪೈತ್ರತೀರ್ಥಸಾಗರಂ ರಸಾಕರಂ

     ನಮಾಮಿ ಬ್ರಹ್ಮಪುಷ್ಕರಂ ಸವೈಷ್ಣವಂ ಸಶಂಕರಮ್ ॥ 7॥

ಯಮಾದಿಸಂಯುತೋ ನರಸ್ತ್ರಿಪುಷ್ಕರಂ ನಿಮಜ್ಜತಿ

     ಪಿತಾಮಹಶ್ಚ ಮಾಧವೋಪ್ಯುಮಾಧವಃ ಪ್ರಸನ್ನತಾಮ್ ।

ಪ್ರಯಾತಿ ತತ್ಪದಂ ದದಾತ್ಯಯತ್ನತೋ ಗುಣಾಕರಂ

     ನಮಾಮಿ ಬ್ರಹ್ಮಪುಷ್ಕರಂ ಸವೈಷ್ಣವಂ ಸಶಂಕರಮ್ ॥ 8॥

ಇದಂ ಹಿ ಪುಷ್ಕರಾಷ್ಟಕಂ ಸುನೀತಿನೀರಜಾಶ್ರಿತಂ

     ಸ್ಥಿತಂ ಮದೀಯಮಾನಸೇ ಕದಾಪಿ ಮಾಽಪಗಚ್ಛತು ।

ತ್ರಿಸನ್ಧ್ಯಮಾಪಠನ್ತಿ ಯೇ ತ್ರಿಪುಷ್ಕರಾಷ್ಟಕಂ ನರಾಃ

     ಪ್ರದೀಪ್ತದೇಹಭೂಷಣಾ ಭವನ್ತಿ ಮೇಶಕಿಂಕರಾಃ ॥ 9॥

ಇತಿ ಶಞ್ಕರಾಚಾರ್ಯವಿರಚಿತಂ ಶ್ರೀಪುಷ್ಕರಾಷ್ಟಕಂ ಸಮಾಪ್ತಮ್ ॥

***********

पुष्कराष्टकम् 

श्रीगणेशाय नमः ॥ 
श्रियायुतं त्रिदेहतापपापराशिनाशकं
     मुनीन्द्रसिद्धसाध्यदेवदानवैरभिष्टुतम् ।
तटेस्ति यज्ञपर्वतस्य मुक्तिदं सुखाकरं
     नमामि ब्रह्मपुष्करं सवैष्णवं सशङ्करम् ॥ १॥

सदार्यमासशुष्कपञ्चवासरे वरागतं
     तदन्यथान्तरिक्षगं सुतन्त्रभावनानुगम् ।
तदम्बुपानमज्जनं दृशां सदामृताकरं
     नमामि ब्रह्मपुष्करं सवैष्णवं सशङ्करम् ॥ २॥

त्रिपुष्कर त्रिपुष्कर त्रिपुष्करेति संस्मरेत्-
     स दूरदेशगोऽपि यस्तदङ्गपापनाशनम् ।
प्रपन्नदुःखभञ्जनं सुरञ्जनं सुधाकरं
     नमामि ब्रह्मपुष्करं सवैष्णवं सशङ्करम् ॥ ३॥

मृकण्डुमङ्कणौ पुलस्त्यकण्वपर्वतासिता
     अगस्त्यभार्गवौ दधीचिनारदौ शुकादयः।
सपद्मतीर्थपावनैकद्दष्ट्यो दयाकरं
     नमामि ब्रह्मपुष्करं सवैष्णवं सशङ्करम् ॥ ४॥

सदा पितामहेक्षितं वराहविष्णुनेक्षितं
     तथाऽमरेश्वरेक्षितं सुरासुरैः समीक्षितम् ।
इहैव भुक्तिमुक्तिदं प्रजाकरं घनाकरं
     नमामि ब्रह्मपुष्करं सवैष्णवं सशङ्करम् ॥ ५॥

त्रिदण्डिदण्डिब्रह्मचारितापसैः सुसेवितं
     पुरार्धचन्द्रप्राप्तदेवनन्दिकेश्वराभिधैः ।
सवैद्यनाथनीलकण्ठसेवितं सुधाकरं
     नमामि ब्रह्मपुष्करं सवैष्णवं सशङ्करम् ॥ ६॥

सुपञ्चधा सरस्वती विराजते यदन्त्तरे
     तथैकयोजनायतं विभाति तीर्थनायकम् ।
अनेकदैवपैत्रतीर्थसागरं रसाकरं
     नमामि ब्रह्मपुष्करं सवैष्णवं सशङ्करम् ॥ ७॥

यमादिसंयुतो नरस्त्रिपुष्करं निमज्जति
     पितामहश्च माधवोप्युमाधवः प्रसन्नताम् ।
प्रयाति तत्पदं ददात्ययत्नतो गुणाकरं
     नमामि ब्रह्मपुष्करं सवैष्णवं सशङ्करम् ॥ ८॥

इदं हि पुष्कराष्टकं सुनीतिनीरजाश्रितं
     स्थितं मदीयमानसे कदापि माऽपगच्छतु ।
त्रिसन्ध्यमापठन्ति ये त्रिपुष्कराष्टकं नराः
     प्रदीप्तदेहभूषणा भवन्ति मेशकिङ्कराः ॥ ९॥

इति शञ्कराचार्यविरचितं श्रीपुष्कराष्टकं समाप्तम् ॥
***********