ಹನುಮಾನ್ ಹನುಮತ್ ಸ್ತೋತ್ರಮ್ ವಿಭೀಷಣ ವಿರಚಿತಮ್ hanuman hanumat stotram by vibheeshana

ಆಪದುದ್ಧರಣ ಸ್ತೋತ್ರಮ್

      || ಹರಿ: ಓಂ ||

ಅಸ್ಯ ಶ್ರೀ ಆಪದುದ್ಧರಣ ಹನುಮತ್ ಸ್ತೋತ್ರ 

ಮಂತ್ರಸ್ಯ ವಿಭೀಷಣ ಋಷಿ: |

ಆಪದುದ್ಧರಣೋ ಹನುಮಾನ್ ದೇವತಾ |

ಆಪದುದ್ಧರಣ ಹನುಮತ್ಪ್ರಸಾದ 

ಸಿದ್ಧ್ಯರ್ಥೇ ಜಪೇ ವಿನಿಯೋಗ: ||

           || ಧ್ಯಾನಮ್ ||

ವಾಮೇ ಕರೇ ವೈರಿಭಿದಂ ವಹಂತಂ

ಶೈಲಂ ಪರೇ ಶೃಂಖಲಹಾರಿ ಟಂಕಂ |

ಪಿಧಾನಮಚ್ಛಚ್ಛವಿ ಯಜ್ಞಸೂತ್ರಂ

ಭಜೇ ಜ್ವಲತ್ಕುಂಡಲಮಾಂಜನೇಯಂ ||೧||

ಸಪೀತ ಕೌಪೀನಮುದಂಚಿತಾಂಜಲಿಂ

ಸಮುಜ್ವಲನ್ ಮೌಂಜ್ಯಜಿನೋಪವೀತಿನಂ

ಸಕುಂಡಲಂ ಲಂಬಶಿಖಾ ಸಮಾವೃತಂ

ತಮಾಂಜನೇಯ ಶರಣಂ ಪ್ರಪದ್ಯೇ || ೨||

ಆಪನ್ನಾಖಿಲ ಲೋಕಾರ್ತಿಹಾರಿಣೇ ಶ್ರೀ ಹನೂಮತೇ |

ಅಕಸ್ಮಾದಾಗತೋತ್ಪಾತ ನಾಶನಾಯ ನಮೋಸ್ಸ್ತು ತೇ ||೩||

ಸೀತಾವಿಯುಕ್ತ ಶ್ರೀರಾಮಶೋಕದು:ಖಭಯಾಪಹ |

ತಾಪತ್ರಿತಯ ಸಂಹಾರಿನ್ ಆಂಜನೇಯ ನಮೋಽಸ್ತು ತೇ || ೪ ||

ಆದಿವ್ಯಾದಿ ಮಹಾಮಾರಿ ಗ್ರಹಪೀಡಾಪಹಾರಿಣೇ |

ಪ್ರಾಣಾಪಹರ್ತೇ ದೈತ್ಯಾನಾಂ ಯಮಪ್ರಾಣಾತ್ಮನೇ ನಮ: ||೫||

ಸಂಸಾರ ಸಾಗರಾವರ್ತ ಕರ್ತವ್ಯ ಭ್ರಾಂತಚೇತಸಾಮ್ |

ಶರಣಾಗತ ಮರ್ತ್ಯಾನಾಂ ಶರಣ್ಯಾಯ ನಮೊಸ್ತುತೇ ||೬||

ರಾಜದ್ವಾರೇ ಬಿಲದ್ವಾರೇ ಪ್ರವೇಶೇ ಭೂತಸಂಕುಲೇ |

ಗಜ ಸಿಂಹ ಮಹಾವ್ಯಾಘ್ರ ಚೋರ ಭೀಷಣ ಕಾನನೇ ||೭||

ಶರಣಾಯ ಶರಣ್ಯಾಯ ವಾತಾತ್ಮಜ ನಮೋಸ್ತುತೇ |

ನಮ: ಪ್ಲವಗ ಸೈನ್ಯಾನಾಂ ಪ್ರಾಣಭೂತಾತ್ಮನೇ ನಮ: || ೮||

ರಾಮೇಷ್ಟಂ ಕರುಣಾ ಪೂರ್ಣಂ ಹನೂಮಂತಂ ಭಯಾಪಹಂ |

ಶತೃನಾಶಕರಂ ಭೀಮಂ ಸರ್ವಾಭೀಷ್ಟ ಫಲಪ್ರದಂ ||೯||

ಪ್ರದೋಷೇ ವಾ ಪ್ರಭಾತೇ ವಾ ಯೇ ಸ್ಮರಂತ್ಸಂಜನಾಸುತಂ |

ಅರ್ಥಸಿದ್ಧಿ ಯಶ:ಕೀರ್ತಿಂ ಪ್ರಾಪ್ನುವಂತಿ ನ ಸಂಶಯ: ||೧೦||

ಕಾರಾಗೃಹೇ ಪ್ರಯಾಣೇ ಚ ಸಂಗ್ರಾಮೇ ದೇಶವಿಪ್ಲವೇ |

ಯೇ ಸ್ಮರಂತಿ ಹನೂಮಂತಂ ತೇಷಾಂ ನಾಸ್ತಿ ವಿಪತ್ತದಾ ||೧೧||

ವಜ್ರದೇಹಾಯ ಕಾಲಾಗ್ನಿ ರುದ್ರಾಯಾಸ್ಮಿತ ತೇಜಸೇ |

ಬ್ರಹ್ಮಾಸ್ತ್ರ ಸ್ತಂಭನಾಯಾಸ್ಮೈ ನಮ: ಶ್ರೀ ರುದ್ರಮೂರ್ತಯೇ ||೧೨||

ಜಪ್ತ್ವಾ ಸ್ತೋತ್ರಮಿದಂ ಮಂತ್ರಂ ಪ್ರತಿವಾರಂ ಪಠೇನ್ನರ: |

ರಾಜಸ್ಥಾನೇ ಸಭಾಸ್ಥಾನೇ ಪ್ರಾಪ್ತವಾದೇ ಜಪೇತ್ ಧೃವಮ್ ||೧೩||

ವಿಭೀಷಣಕೃತಂ ಸ್ತೋತ್ರಂ ಯ: ಪಠೇತ್ ಪ್ರಯತೋ ನರ: |

ಸರ್ವಾಪದ್ಬ್ಯೋವಿಮುಚ್ಯೇತ ನಾತ್ರ ಕಾರ್ಯಾ ವಿಚಾರಣಾ ||೧೪||

||ಇತಿ ಶ್ರೀ ಆಧ್ಯಾತ್ಮ ರಾಮಾಯಣಾಂತರ್ಗತ ವಿಭೀಷಣ ಕೃತಂ ಆಪದುದ್ಧರಣ ಹನುಮತ್ ಸ್ತೋತ್ರಮ್ ||

*********