ಹನುಮಾನ್ ಹನುಮದ್ರಕ್ಷಾ ಸ್ತೋತ್ರಮ್ ಸುದರ್ಶನ ಸಂಹಿತಾಯಾಂ hanuman hanumad raksha stotram in sudarshana samhita

ಹನುಮದ್ರಕ್ಷಾ ಸ್ತೋತ್ರಮ್ 

ವಾಮೇಕರೇ ವೈರಿಭಿದಂ ವಹಂತಂ ಶೈಲಂ ಪರೆ ಶೃಂಖಲಹಾರಿಟಂಕಂ |

ದಧಾನಮಚ್ಚಂತು ಸುವರ್ಣ ವರ್ಣಂ ಭಜೇ ಜ್ವಲತ್ಕುಂಡಲಮಾಂಜನೇಯಮ್ ||೧||

ಪದ್ಮರಾಗ ಮಣಿಕುಂಡಲತ್ವಿಷಾ ಪಾಟಲೀ ಕೃತ ಕಪೋಲಮಸ್ತಕಂ|

ದಿವ್ಯ ಹೇಮಕದಲೀವನಾಂತರೇ ಭಾವಯಾಮಿ ಪವಮಾನನಂದನಮ್ ||೨||

ಉದ್ಯದಾದಿತ್ಯ ಸಂಕಾಶಮುದಾರ ಭುಜವಿಕ್ರಮಂ|

ಕಂದರ್ಪಕೋಟಿಲಾವಣ್ಯಂ ಸರ್ವ ವಿದ್ಯಾವಿಶಾರದಂ ||೩||

ಶ್ರೀ ರಾಮ ಹೃದಯಾನಂದಂ ಭಕ್ತ ಕಲ್ಪಮಹೀರುಹಂ|

ಅಭಯಂ ವರದಂ ದೋರ್ಭ್ಯಾಂ ಕಲಯೇ ಮಾರುತಾತ್ಮಜಂ ||೪||

ವಾಮಹಸ್ತ ಮಹಾಕೃಚ್ಛ್ರ ದಶಾಸ್ಯಕರ ಮರ್ದನಂ|

ಉದ್ಯದ್ವೀಕ್ಷಣ ಕೋದಂಡಂ ಹನೂಮಂತಂ ವಿಚಿಂತಯೇತ್ ||೫||

ಹನೂಮಾನಂಜನೀ ಸೂನು: ವಾಯು ಪುತ್ರೋ ಮಹಾಬಲ:|

ರಾಮೇಷ್ಟ: ಫಲ್ಗುಣ ಸಖ: ಪಿಂಗಾಕ್ಷೋಸ್ ಮಿತವಿಕ್ರಮ: ||೬||

ಉದಧಿಕ್ರಮಣಶ್ಚೈವ ಸೀತಾಶೋಕವಿನಾಶನ:|

ಲಕ್ಷ್ಮಣ ಪ್ರಾಣದಾತಾ ಚ ದಶಗ್ರೀವಸ್ಯ ದರ್ಪಹಾ ||೭||

ಏವಂ ದ್ವಾದಶನಾಮಾನಿ ಕಪೀಂದ್ರಸ್ಯ ಮಹಾತ್ಮನ:|

ಸ್ವಾಪಕಾಲೇ ಪ್ರಬೋಧೇಚ ಯಾತ್ರಾಕಾಲೇ ಚ ಯ: ಪಠೇತ್|

ತಸ್ಯ ಸರ್ವಭಯಂ ನಾಸ್ತಿ ರಣೇ ಚ ವಿಜಯೋ ಭವೇತ್ ||೮||

ಉಲ್ಲಂಘ್ಯ ಸಿಂಧೋಸ್ಸಲಿಲಂ ಸಲೀಲಂ

ಯ: ಶೋಕವಹ್ನಿ: ಜನಕಾತ್ಮಜಾಯಾ:|

ಆದಾಯ ತೇನೈವ ದದಾಹ ಲಂಕಾಂ

ನಮಾಮಿ ತಂಪ್ರಾಂಜಲಿರಾಂಜನೇಯಮ್ ||೯||

ಸ್ಪಟಿಕಾಭಂ ಸ್ವರ್ಣಕಾಂತಿಂ ದ್ವಿಭುಜಂ ಕೃತಾಂಜಲಿಂ|

ಕುಂಡಲದ್ವಯ ಸಂಶೋಭಿ ಮುಖಾಂಭೋಜಂ ಹರಿಂ ಭಜೇ ||೧೦||

ಮನೋಜವಂ ಮಾರುತತುಲ್ಯವೇಗಂ

ಜಿತೇಂದ್ರಿಯಂ ಬುದ್ಧಿಮತಾಂ ವರಿಷ್ಠಂ|

ವಾತಾತ್ಮಜಂ ವಾನರ ಯೂಥಮುಖ್ಯಂ

ಶ್ರೀ ರಾಮ ದೂತಂ ಶಿರಸಾ ನಮಾಮಿ ||೧೧||

||ಇತಿ ಶ್ರೀ ಸುದರ್ಶನ ಸಂಹಿತಾಯಾಂ ಹನುಮದ್ರಕ್ಷಾ ಸ್ತೋತ್ರಂ||

*********