ಶ್ರೀ ಕಾಮಾಕ್ಷೀ ಸ್ತೋತ್ರಮ್ 3 ಆದಿ ಶಂಕರಾಚಾರ್ಯ ಕೃತಂ कामाक्षी स्तोत्रम् sri kamakshi stotram by adi shankaracharya

ಶ್ರೀಕಾಮಾಕ್ಷೀಸ್ತೋತ್ರಮ್ 3 

ಕಲ್ಪಾನೋಕಹಪುಷ್ಪಜಾಲವಿಲಸನ್ನೀಲಾಲಕಾಂ ಮಾತೃಕಾಂ

ಕಾನ್ತಾಂ ಕಂಜದಲೇಕ್ಷಣಾಂ ಕಲಿಮಲಪ್ರಧ್ವಂಸಿನೀಂ ಕಾಲಿಕಾಮ್ ।

ಕಾಂಚೀನೂಪುರಹಾರದಾಮಸುಭಗಾಂ ಕಾಂಚೀಪುರೀನಾಯಿಕಾಂ

ಕಾಮಾಕ್ಷೀಂ ಕರಿಕುಮ್ಭಸನ್ನಿಭಕುಚಾಂ ವನ್ದೇ ಮಹೇಶಪ್ರಿಯಾಮ್ ॥ 1॥

ಕಾಶಾಭಾಂಶುಕಭಾಸುರಾಂ ಪ್ರವಿಲಸತ್ಕೋಶಾತಕೀಸನ್ನಿಭಾಂ

ಚನ್ದ್ರಾರ್ಕಾನಲಲೋಚನಾಂ ಸುರುಚಿರಾಲಂಕಾರಭೂಷೋಜ್ಜ್ವಲಾಮ್ ।

ಬ್ರಹ್ಮಶ್ರೀಪತಿವಾಸವಾದಿಮುನಿಭಿಃ ಸಂಸೇವಿತಾಂಘ್ರಿದ್ವಯಾಂ

ಕಾಮಾಕ್ಷೀಂ ಗಜರಾಜಮನ್ದಗಮನಾಂ ವನ್ದೇ ಮಹೇಶಪ್ರಿಯಾಮ್ ॥ 2॥

ಐಂ ಕ್ಲೀಂ ಸೌರಿತಿ ಯಾಂ ವದನ್ತಿ ಮುನಯಸ್ತತ್ತ್ವಾರ್ಥರೂಪಾಂ ಪರಾಂ

ವಾಚಾಂ ಆದಿಮಕಾರಣಂ ಹೃದಿ ಸದಾ ಧ್ಯಾಯನ್ತಿ ಯಾಂ ಯೋಗಿನಃ ।

ಬಾಲಾಂ ಫಾಲವಿಲೋಚನಾಂ ನವಜಪಾವರ್ಣಾಂ ಸುಷುಮ್ನಾಶ್ರಿತಾಂ

ಕಾಮಾಕ್ಷೀಂ ಕಲಿತಾವತಂಸಸುಭಗಾಂ ವನ್ದೇ ಮಹೇಶಪ್ರಿಯಾಮ್ ॥ 3॥

ಯತ್ಪಾದಾಮ್ಬುಜರೇಣುಲೇಶಂ ಅನಿಶಂ ಲಬ್ಧ್ವಾ ವಿಧತ್ತೇ ವಿಧಿರ್-

ವಿಶ್ವಂ ತತ್ ಪರಿಪಾತಿ ವಿಷ್ಣುರಖಿಲಂ ಯಸ್ಯಾಃ ಪ್ರಸಾದಾಚ್ಚಿರಮ್ ।

ರುದ್ರಃ ಸಂಹರತಿ ಕ್ಷಣಾತ್ ತದ್ ಅಖಿಲಂ ಯನ್ಮಾಯಯಾ ಮೋಹಿತಃ

ಕಾಮಾಕ್ಷೀಂ ಅತಿಚಿತ್ರಚಾರುಚರಿತಾಂ ವನ್ದೇ ಮಹೇಶಪ್ರಿಯಾಮ್ ॥ 4॥

ಸೂಕ್ಷ್ಮಾತ್ ಸೂಕ್ಷ್ಮತರಾಂ ಸುಲಕ್ಷಿತತನುಂ ಕ್ಷಾನ್ತಾಕ್ಷರೈರ್ಲಕ್ಷಿತಾಂ

ವೀಕ್ಷಾಶಿಕ್ಷಿತರಾಕ್ಷಸಾಂ ತ್ರಿಭುವನಕ್ಷೇಮಂಕರೀಂ ಅಕ್ಷಯಾಮ್ ।

ಸಾಕ್ಷಾಲ್ಲಕ್ಷಣಲಕ್ಷಿತಾಕ್ಷರಮಯೀಂ ದಾಕ್ಷಾಯಣೀಂ ಸಕ್ಷಿಣೀಂ  var  ಸಾಕ್ಷಿಣೀಂ

ಕಾಮಾಕ್ಷೀಂ ಶುಭಲಕ್ಷಣೈಃ ಸುಲಲಿತಾಂ ವನ್ದೇ ಮಹೇಶಪ್ರಿಯಾಮ್ ॥ 5॥

ಓಂಕಾರಾಂಗಣದೀಪಿಕಾಂ ಉಪನಿಷತ್ಪ್ರಾಸಾದಪಾರಾವತೀಮ್

ಆಮ್ನಾಯಾಮ್ಬುಧಿಚನ್ದ್ರಿಕಾಂ ಅಧತಮಃಪ್ರಧ್ವಂಸಹಂಸಪ್ರಭಾಮ್ ।

ಕಾಂಚೀಪಟ್ಟಣಪಂಜರಾಽಽನ್ತರಶುಕೀಂ ಕಾರುಣ್ಯಕಲ್ಲೋಲಿನೀಂ

ಕಾಮಾಕ್ಷೀಂ ಶಿವಕಾಮರಾಜಮಹಿಷೀಂ ವನ್ದೇ ಮಹೇಶಪ್ರಿಯಾಮ್ ॥ 6॥

ಹ್ರೀಂಕಾರಾತ್ಮಕವರ್ಣಮಾತ್ರಪಠನಾದ್ ಐನ್ದ್ರೀಂ ಶ್ರಿಯಂ ತನ್ವತೀಂ

ಚಿನ್ಮಾತ್ರಾಂ ಭುವನೇಶ್ವರೀಂ ಅನುದಿನಂ ಭಿಕ್ಷಾಪ್ರದಾನಕ್ಷಮಾಮ್ ।

ವಿಶ್ವಾಘೌಘನಿವಾರಿಣೀಂ ವಿಮಲಿನೀಂ ವಿಶ್ವಮ್ಭರಾಂ ಮಾತೃಕಾಂ

ಕಾಮಾಕ್ಷೀಂ ಪರಿಪೂರ್ಣಚನ್ದ್ರವದನಾಂ ವನ್ದೇ ಮಹೇಶಪ್ರಿಯಾಮ್ ॥ 7॥

ವಾಗ್ದೇವೀತಿ ಚ ಯಾಂ ವದನ್ತಿ ಮುನಯಃ ಕ್ಷೀರಾಬ್ಧಿಕನ್ಯೇತಿ ಚ

ಕ್ಷೋಣೀಭೃತ್ತನಯೇತಿ ಚ ಶ್ರುತಿಗಿರೋ ಯಾಂ ಆಮನನ್ತಿ ಸ್ಫುಟಮ್ ।

ಏಕಾನೇಕಫಲಪ್ರದಾಂ ಬಹುವಿಧಾಽಽಕಾರಾಸ್ತನೂಸ್ತನ್ವತೀಂ

ಕಾಮಾಕ್ಷೀಂ ಸಕಲಾರ್ತಿಭಂಜನಪರಾಂ ವನ್ದೇ ಮಹೇಶಪ್ರಿಯಾಮ್ ॥ 8॥

ಮಾಯಾಮಾದಿಮ್ಕಾರಣಂ ತ್ರಿಜಗತಾಂ ಆರಾಧಿತಾಂಘ್ರಿದ್ವಯಾಮ್

ಆನನ್ದಾಮೃತವಾರಿರಾಶಿನಿಲಯಾಂ ವಿದ್ಯಾಂ ವಿಪಶ್ಚಿದ್ಧಿಯಾಮ್ ।

ಮಾಯಾಮಾನುಷರೂಪಿಣೀಂ ಮಣಿಲಸನ್ಮಧ್ಯಾಂ ಮಹಾಮಾತೃಕಾಂ

ಕಾಮಾಕ್ಷೀಂ ಕರಿರಾಜಮನ್ದಗಮನಾಂ ವನ್ದೇ ಮಹೇಶಪ್ರಿಯಾಮ್ ॥ 9॥

ಕಾನ್ತಾ ಕಾಮದುಘಾ ಕರೀನ್ದ್ರಗಮನಾ ಕಾಮಾರಿವಾಮಾಂಕಗಾ  var  ಕಾಮದುಹಾ

ಕಲ್ಯಾಣೀ ಕಲಿತಾವತಾರಸುಭಗಾ ಕಸ್ತೂರಿಕಾಚರ್ಚಿತಾ

ಕಮ್ಪಾತೀರರಸಾಲಮೂಲನಿಲಯಾ ಕಾರುಣ್ಯಕಲ್ಲೋಲಿನೀ

ಕಲ್ಯಾಣಾನಿ ಕರೋತು ಮೇ ಭಗವತೀ ಕಾಂಚೀಪುರೀದೇವತಾ ॥ 10॥

ಇತಿ ಶ್ರೀಮದ್ ಆದಿಶಂಕರಾಚರ್ಯವಿರಚಿತಂ ಶ್ರೀ ಕಾಮಾಕ್ಷೀಸ್ತೋತ್ರಂ ಸಮ್ಪೂರ್ಣಮ್ ।

***********

श्री कामाक्षीस्तोत्रम् ३ ॥

कल्पानोकहपुष्पजालविलसन्नीलालकां मातृकां
कान्तां कञ्जदलेक्षणां कलिमलप्रध्वंसिनीं कालिकाम् ।
काञ्चीनूपुरहारदामसुभगां काञ्चीपुरीनायिकां
कामाक्षीं करिकुम्भसन्निभकुचां वन्दे महेशप्रियाम् ॥ १॥

काशाभांशुकभासुरां प्रविलसत्कोशातकीसन्निभां
चन्द्रार्कानललोचनां सुरुचिरालङ्कारभूषोज्ज्वलाम् ।
ब्रह्मश्रीपतिवासवादिमुनिभिः संसेविताङ्घ्रिद्वयां
कामाक्षीं गजराजमन्दगमनां वन्दे महेशप्रियाम् ॥ २॥

ऐं क्लीं सौरिति यां वदन्ति मुनयस्तत्त्वार्थरूपां परां
वाचां आदिमकारणं हृदि सदा ध्यायन्ति यां योगिनः ।
बालां फालविलोचनां नवजपावर्णां सुषुम्नाश्रितां
कामाक्षीं कलितावतंससुभगां वन्दे महेशप्रियाम् ॥ ३॥

यत्पादाम्बुजरेणुलेशं अनिशं लब्ध्वा विधत्ते विधिर्-
विश्वं तत् परिपाति विष्णुरखिलं यस्याः प्रसादाच्चिरम् ।
रुद्रः संहरति क्षणात् तद् अखिलं यन्मायया मोहितः
कामाक्षीं अतिचित्रचारुचरितां वन्दे महेशप्रियाम् ॥ ४॥

सूक्ष्मात् सूक्ष्मतरां सुलक्षिततनुं क्षान्ताक्षरैर्लक्षितां
वीक्षाशिक्षितराक्षसां त्रिभुवनक्षेमङ्करीं अक्षयाम् ।
साक्षाल्लक्षणलक्षिताक्षरमयीं दाक्षायणीं सक्षिणीं  var  साक्षिणीं
कामाक्षीं शुभलक्षणैः सुललितां वन्दे महेशप्रियाम् ॥ ५॥

ओङ्काराङ्गणदीपिकां उपनिषत्प्रासादपारावतीम्
आम्नायाम्बुधिचन्द्रिकां अधतमःप्रध्वंसहंसप्रभाम् ।
काञ्चीपट्टणपञ्जराऽऽन्तरशुकीं कारुण्यकल्लोलिनीं
कामाक्षीं शिवकामराजमहिषीं वन्दे महेशप्रियाम् ॥ ६॥

ह्रीङ्कारात्मकवर्णमात्रपठनाद् ऐन्द्रीं श्रियं तन्वतीं
चिन्मात्रां भुवनेश्वरीं अनुदिनं भिक्षाप्रदानक्षमाम् ।
विश्वाघौघनिवारिणीं विमलिनीं विश्वम्भरां मातृकां
कामाक्षीं परिपूर्णचन्द्रवदनां वन्दे महेशप्रियाम् ॥ ७॥

वाग्देवीति च यां वदन्ति मुनयः क्षीराब्धिकन्येति च
क्षोणीभृत्तनयेति च श्रुतिगिरो यां आमनन्ति स्फुटम् ।
एकानेकफलप्रदां बहुविधाऽऽकारास्तनूस्तन्वतीं
कामाक्षीं सकलार्तिभञ्जनपरां वन्दे महेशप्रियाम् ॥ ८॥

मायामादिम्कारणं त्रिजगतां आराधिताङ्घ्रिद्वयाम्
आनन्दामृतवारिराशिनिलयां विद्यां विपश्चिद्धियाम् ।
मायामानुषरूपिणीं मणिलसन्मध्यां महामातृकां
कामाक्षीं करिराजमन्दगमनां वन्दे महेशप्रियाम् ॥ ९॥

कान्ता कामदुघा करीन्द्रगमना कामारिवामाङ्कगा  var  कामदुहा
कल्याणी कलितावतारसुभगा कस्तूरिकाचर्चिता
कम्पातीररसालमूलनिलया कारुण्यकल्लोलिनी
कल्याणानि करोतु मे भगवती काञ्चीपुरीदेवता ॥ १०॥


इति श्रीमद् आदिशङ्कराचर्यविरचितं श्री कामाक्षीस्तोत्रं सम्पूर्णम् ।
************

ಕಾಮಾಕ್ಷಿ ಸ್ತೋತ್ರ 

LYRICS

Kāmākṣhi mātarnamaste 
Kāma dānaikadakṣhe sthite bhaktapakṣhe  
Kāmārikānte kumāri kāla kālasya bhartukkare dattahaste
Kāmāya kāmapradātrī kāmakotistha poojye giram dehi mahyam 

Kāmākṣhi mātarnamaste 
Kāma dānaikadakṣhe sthite bhaktapakṣhe  
Kāmākṣhi mātarnamaste 

Śrīchakra madhye vasantīm 
Bhūta rakṣhah piśhāchādi duṣhṭān harantīm 
Śrīkāmakoṭyām jvalantīm 
Kāma hīnaissugamyām bhaje dehivācham

Indrādimānye sudhanye 
Brahma viṣhṇvādi vandye girīndrasya kanye
Mānyām na manye tvadanyām 
Māni tānghrim munīndrairbhaje mātaram tvām

Kāmākṣhi mātarnamaste 
Kāma dānaikadakṣhe sthite bhaktapakṣhe  

[Kāmāya kāmapradātrī]

Simhādirūḍhe namaste 
Sādhu hrtpadmagūḍhe hatāśheṣhamūḍhe
Rooḍham haratvam gadam me 
Kaṇṭha śhabdam drḍham dehi vāgvādini tvam

Kalyāṇadātrīm janitrīm 
Kancha patrābhanetrām kalānātha vaktrām
Śhrīskanda putrām suvastrām 
Saccharitrām śhive tvām bhaje dehi vācham  

Bhaktyā krtam stotra ratnam 
Dīkṣhitānanta rāmeṇa devī prasādāt
Nityam paṭhet bhakti pootam 
Tasya sarvārthasiddhirbhavedeva nūnam

Kāmākṣhi mātarnamaste 
Kāma dānaikadakṣhe sthite bhaktapakṣhe  

Kāmākṣhi mātarnamaste
*********