ಗಾಯತ್ರ್ಯಷ್ಟೋತ್ತರ ಶತ ನಾಮ ಸ್ತೋತ್ರಂ

ಗಾಯತ್ರ್ಯಷ್ಟೋತ್ತರ ಶತನಾಮ ಸ್ತೋತ್ರಂ

ತರುಣಾದಿತ್ಯಸಂಕಾಶಾ ಸಹಸ್ರನಯನೋಜ್ಜ್ವಲಾ ।

ವಿಚಿತ್ರಮಾಲ್ಯಾಭರಣಾ ತುಹಿನಾಚಲವಾಸಿನೀ ॥ 1 ॥

ವರದಾಭಯಹಸ್ತಾಬ್ಜಾ ರೇವಾತೀರನಿವಾಸಿನೀ ।

ಪ್ರಣಿತ್ಯಯವಿಶೇಷಜ್ಞಾ ಯಂತ್ರಾಕೃತವಿರಾಜಿತ ॥ 2 ॥

ಭದ್ರಪಾದಪ್ರಿಯಾ ಚೈವ ಗೋವಿಂದಪಥಗಾಮಿನೀ ।

ದೇವರ್ಷಿಗಣಸಂಸ್ತುತ್ಯಾ ವನಮಾಲಾವಿಭೂಷಿತಾ ॥ 3 ॥

ಸ್ಯಂದನೋತ್ತಮಸಂಸ್ಥಾ ಚ ಧೀರಜೀಮೂತನಿಸ್ವನಾ ।

ಮತ್ತಮಾತಂಗಗಮನಾ ಹಿರಣ್ಯಕಮಲಾಸನಾ ॥ 4 ॥

ದೀನಜನೋದ್ಧಾರನಿರತಾ ಯೋಗಿನೀ ಯೋಗಧಾರಿಣೀ ।

ನಟನಾಟ್ಯೈಕನಿರತಾ ಪ್ರಣವಾದ್ಯಕ್ಷರಾತ್ಮಿಕಾ ॥ 5 ॥

ಚೋರಚಾರಕ್ರಿಯಾಸಕ್ತಾ ದಾರಿದ್ರ್ಯಚ್ಛೇದಕಾರಿಣೀ ।

ಯಾದವೇಂದ್ರಕುಲೋದ್ಭೂತಾ ತುರೀಯಪಥಗಾಮಿನೀ ॥ 6 ॥

ಗಾಯತ್ರೀ ಗೋಮತೀ ಗಂಗಾ ಗೌತಮೀ ಗರುಡಾಸನಾ ।

ಗೇಯಗಾನಪ್ರಿಯಾ ಗೌರೀ ಗೋವಿಂದಪದಪೂಜಿತಾ ॥ 7 ॥

ಗಂಧರ್ವನಗರಾಗಾರಾ ಗೌರವರ್ಣಾ ಗಣೇಶ್ವರೀ ।

ಗದಾಶ್ರಯಾ ಗುಣವತೀ ಗಹ್ವರೀ ಗಣಪೂಜಿತಾ ॥ 8 ॥

ಗುಣತ್ರಯಸಮಾಯುಕ್ತಾ ಗುಣತ್ರಯವಿವರ್ಜಿತಾ ।

ಗುಹಾವಾಸಾ ಗುಣಾಧಾರಾ ಗುಹ್ಯಾ ಗಂಧರ್ವರೂಪಿಣೀ ॥ 9 ॥

ಗಾರ್ಗ್ಯಪ್ರಿಯಾ ಗುರುಪದಾ ಗುಹಲಿಂಗಾಂಗಧಾರಿಣೀ ।

ಸಾವಿತ್ರೀ ಸೂರ್ಯತನಯಾ ಸುಷುಮ್ನಾನಾಡಿಭೇದಿನೀ ॥ 10 ॥

ಸುಪ್ರಕಾಶಾ ಸುಖಾಸೀನಾ ಸುಮತಿ-ಸ್ಸುರಪೂಜಿತಾ ।

ಸುಷುಪ್ತ್ಯವಸ್ಥಾ ಸುದತೀ ಸುಂದರೀ ಸಾಗರಾಂಬರಾ ॥ 11 ॥

ಸುಧಾಂಶುಬಿಂಬವದನಾ ಸುಸ್ತನೀ ಸುವಿಲೋಚನಾ ।

ಸೀತಾ ಸತ್ತ್ವಾಶ್ರಯಾ ಸಂಧ್ಯಾ ಸುಫಲಾ ಸುವಿಧಾಯಿನೀ ॥ 12 ॥

ಸುಭ್ರೂ-ಸ್ಸುವಾಸಾ ಸುಶ್ರೋಣೀ ಸಂಸಾರಾರ್ಣವತಾರಿಣೀ ।

ಸಾಮಗಾನಪ್ರಿಯಾ ಸಾಧ್ವೀ ಸರ್ವಾಭರಣಭೂಷಿತಾ ॥ 13 ॥

ವೈಷ್ಣವೀ ವಿಮಲಾಕಾರಾ ಮಹೇಂದ್ರೀ ಮಂತ್ರರೂಪಿಣೀ ।

ಮಹಲಕ್ಷ್ಮೀ-ರ್ಮಹಾಸಿದ್ಧಿ-ರ್ಮಹಾಮಾಯಾ ಮಹೇಶ್ವರೀ ॥ 14 ॥

ಮೋಹಿನೀ ಮದನಾಕಾರಾ ಮಧುಸೂದನಚೋದಿತಾ ।

ಮೀನಾಕ್ಷೀ ಮಧುರಾವಾಸಾ ನಗೇಂದ್ರತನಯಾ ಉಮಾ ॥ 15 ॥

ತ್ರಿವಿಕ್ರಮಪದಾಕ್ರಾಂತಾ ತ್ರಿಸ್ವರಾ ತ್ರಿವಿಲೋಚನಾ ।

ಸೂರ್ಯಮಂಡಲಮಧ್ಯಸ್ಥಾ ಚಂದ್ರಮಂಡಲಸಂಸ್ಥಿತಾ ॥ 16 ॥

ವಹ್ನಿಮಂಡಲಮಧ್ಯಸ್ಥಾ ವಾಯುಮಂಡಲಸಂಸ್ಥಿತಾ ।

ವ್ಯೋಮಮಂಡಲಮಧ್ಯಸ್ಥಾ ಚಕ್ರಿಣೀ ಚಕ್ರರೂಪಿಣೀ ॥ 17 ॥

ಕಾಲಚಕ್ರವಿತಾನಸ್ಥಾ ಚಂದ್ರಮಂಡಲದರ್ಪಣಾ ।

ಜ್ಯೋತ್ಸ್ನಾತಪಾಸುಲಿಪ್ತಾಂಗೀ ಮಹಾಮಾರುತವೀಜಿತಾ ॥ 18 ॥

ಸರ್ವಮಂತ್ರಾಶ್ರಯಾ ಧೇನುಃ ಪಾಪಘ್ನೀ ಪರಮೇಶ್ವರೀ ।

ನಮಸ್ತೇಽಸ್ತು ಮಹಾಲಕ್ಷ್ಮೀ-ರ್ಮಹಾಸಂಪತ್ತಿದಾಯಿನಿ ॥ 19 ॥

ನಮಸ್ತೇ ಕರುಣಾಮೂರ್ತೇ ನಮಸ್ತೇ ಭಕ್ತವತ್ಸಲೇ ।

ಗಾಯತ್ರ್ಯಾಃ ಪ್ರಜಪೇದ್ಯಸ್ತು ನಾಮ್ನಾಮಷ್ಟೋತ್ತರಂ ಶತಮ್ ॥ 20 ॥

ತಸ್ಯ ಪುಣ್ಯಫಲಂ ವಕ್ತುಂ ಬ್ರಹ್ಮಣಾಪಿ ನ ಶಕ್ಯತೇ ।

ಇತಿ ಶ್ರೀಗಾಯತ್ರ್ಯಷ್ಟೋತ್ತರಶತನಾಮಸ್ತೋತ್ರಂ ಸಂಪೂರ್ಣಮ್ ।

***