ಬ್ರಹ್ಮಕೃತಂ ಗೌರೀಸ್ತೋತ್ರಂ
(ಸೌರಪುರಾಣೇ 25-ಅಧ್ಯಾಯಾಂತರ್ಗತಂ)
ಬ್ರಹ್ಮೋವಾಚ-
ತ್ವಾಂ ನಮಾಮಿ ಶಿವಾಂ ಶಾಂತಾಮೀಶ್ವರಾರ್ಧಶರೀರಿಣೀಂ .
ಅನಾದ್ಯನಂತವಿಭವಾಂ ಮೂಲಪ್ರಕೃತಿಮೀಶ್ವರೀಂ .. 13..
ಜನ್ಮಮೃತ್ಯುಜರಾತೀತಾಂ ಜನ್ಮಮೃತ್ಯುಜರಪಹಾಂ .
ಕ್ಷೇತ್ರಜ್ಞಶಕ್ತಿನಿಲಯಾಂ ಪರಮಾಕಾಶಮಧ್ಯಗಾಂ .. 14..
ಬ್ರಹ್ಮೇಂದ್ರವಿಷ್ಣುನಮಿತಾಮಷ್ಟಮೂರ್ತ್ಯಂಗಿನೀಮಜಾಂ .
ಪ್ರಧಾನಪುರುಷಾತೀತಾಂ ಸಾವಿತ್ರೀಂ ವೇದಮಾತರಂ .. 15..
ಋಗ್ಯಜುಃಸಾಮನಿಲಯಾಮೃಜ್ವೀಂ ಕುಂಡಲಿನೀಂ ಪರಾಂ .
ವಿಶ್ವೇಶ್ವರೀಂ ವಿಶ್ವಮಯೀಂ ವಿಶ್ವೇಶ್ವರಪತಿವ್ರತಾಂ .. 16..
ವಿಶ್ವಸಂಹಾರಕರಣೀಂ ವಿಶ್ವಮಾಯಾಪ್ರವರ್ತಿನೀಂ .
ಸರ್ಗಸ್ಥಿತ್ಯಂತಕರಿಣೀಂ ವ್ಯಕ್ತಾವ್ಯಕ್ತಸ್ವರೂಪಿಣೀಂ .. 17..
ಪಾಹಿ ಮಾಂ ದೇವದೇವೇಶಿ ಶರಣಾಗತವತ್ಸಲೇ .
ನಾನ್ಯಾ ಗತಿರ್ಮಹೇಶಾನಿ ಮಮ ತ್ರೈಲೋಕ್ಯಚಂದಿತೇ .. 18..
ತ್ವಂ ಮಾತಾ ಮಮ ಕಲ್ಯಾಣಿ ಪಿತಾ ಸರ್ವೇಶ್ವರಃ ಶಿವಃ .
ಸೃಷ್ಟೋಽಹಂ ತ್ರಿಪುರಘ್ನೇನ ಸೃಷ್ಟಯರ್ಥಂ ಶಂಕರಪ್ರಿಯೇ .. 19..
ವಿವಿಧಾಶ್ಚ ಪ್ರಜಾಃ ಸೃಷ್ಟಾ ನ ವೃದ್ಧಿಮುಪಯಾಂತಿ ತಾಃ .
ತತಃ ಪರಂ ಪ್ರಜಾಃ ಸರ್ವಾ ಮೈಥುನಪ್ರಭವಾಃ ಕಿಲ .. 20..
ಸಂವಧಯಿತುಮಿಚ್ಛಾಮಿ ಕೃತ್ವಾ ಸೃಷ್ಟಿಮತಃ ಪರಂ .
ಶಕ್ತಿನೀ ಖಲು ಸರ್ವಾಸಾಂ ತ್ವತ್ತಃ ಸೃಷ್ಟಿಃ ಪ್ರವರ್ತತೇ .. 21..
ನೈವ ಸೃಷ್ಟಂ ತ್ವಯಾ ಪೂರ್ವಂ ಶಕ್ತೀನಾಂ ಯತ್ಕುಲಂ ಶಿವೇ .
ಸರ್ವೇಷಾಂ ದೇಹಿನಾಂ ದೇವಿ ಸರ್ವಶಕ್ತಿಪ್ರದಾಯಿನೀ .. 22..
ತ್ವಮೇವ ನಾತ್ರ ಸಂದೇಹಸ್ತಸ್ಮಾತ್ತ್ವಂ ವರದಾ ಭವ .
ಮಮ ಸೃಷ್ಟಿವಿವೃದ್ಧ್ಯರ್ಥಮಂಶೇನೈಕೇನ ಶಾಶ್ವತೇ .. 23..
ಮಮ ಪುತ್ರಸ್ಯ ದಕ್ಷಸ್ಯ ಪುತ್ರೀ ಭವ ಶುಚಿಸ್ಮಿತೇ .
ಪ್ರಾರ್ಥಿತಾ ವೈ ತದಾ ದೇವೀ ಬ್ರಹ್ಮಣಾ ಮುನಿಪುಂಗವಾಃ .. 24..
ಏಕಾಂ ಶಕ್ತಿಂ ಭೂಯೋರ್ಮಧ್ಯಾತ್ಸಸರ್ಜಾತ್ಮಸಮಪ್ರಭಾಂ .
ಆಹ ತಾಂ ಪ್ರಹಸನ್ಪ್ರೇಕ್ಷ್ಯ ದೇವೀಂ ವಿಶ್ವೇಶ್ವರೋ ಹರಃ .. 25..
ಬ್ರಹ್ಮಣೋ ವಚನಾದ್ದೇವಿ ಕುರು ತಸ್ಯ ಯಥೇಪ್ಸಿತಂ .
ಆದಾಯ ಶಿರಸಾ ಶಂಭೋರಾಜ್ಞಾಂ ಸಾ ಪರಮೇಶ್ವರೀ .. 26..
ಅಭವದ್ದಕ್ಷದುಹಿತಾ ಸ್ವೇಚ್ಛಯಾ ಬ್ರಹ್ಮರೂಪಿಣೀ .
ಪುನರಾದ್ಯಾ ಪರಾ ಶಕ್ತಿಃ ಶಂಭೋರ್ದೇಹಂ ಸಮಾವಿಶತ್ .. 27..
ಅರ್ಧನಾರೀಶ್ವರೋ ದೇವೋ ವಿಭಾತೀತಿ ಹಿ ನಃ ಶ್ರುತಿಃ ..
ತತಃ ಪ್ರಭೃತಿ ವಿಪ್ರೇಂದ್ರಾ ಮೈಥುನಪ್ರಭವಾಃ ಪ್ರಜಾಃ .. 28..
ಏವಂ ವಃ ಕಥಿತಾ ವಿಪ್ರಾ ದೇವ್ಯಾಃ ಸಂಭೂತಿರುತ್ತಮಾ .
ಪಠೇದ್ಯಃ ಶೃಣುಯಾದ್ವಾಽಪಿ ಸಂತತಿಸ್ತಸ್ಯ ವರ್ಧತೇ .. 29..
🪷 ಇತಿ ಸೌರಪುರಾಣೇ ಪಂಚವಿಂಶತ್ಯಧ್ಯಾಯಾಂತರ್ಗತಂ ಬ್ರಹ್ಮಕೃತಂ ಗೌರೀಸ್ತೋತ್ರಂ ಸಂಪೂರ್ಣಂ
***
No comments:
Post a Comment