ಜಮಖಂಡೀ ವಾದಿರಾಜಾಚಾರ್ಯಷ್ಟಕಂ ಪಾಂಡುರಂಗಾಚಾರ್ಯ ವಿರಚಿತಮ್

 ಶ್ರೀಮತ್ಕಿರಣೀ ಪಾಂಡುರಂಗಾಚಾರ್ಯಕೃತ-

ಜಮಖಂಡೀ ವಾದಿರಾಜಾಚಾರ್ಯಷ್ಟಕಂ

*

ವಂದೇ ಸಂಕರ್ಷಣಂ ದೇವಂ 

ಶ್ರೀಪತಿಂ ಮಧ್ವವಲ್ಲಭಮ್ |

ವಾದಿರಾಜಾರ್ಯಕ ಶ್ರೀಮದ್‌ಹೃದಯಾಮಲಮಂದಿರಮ್ ||

ಸದಾ ಶ್ರೀವಾದಿರಾಜಾಖ್ಯ

 ಯತಿಧ್ಯಾನರತಾನ್ ಸುಧೀನ್ |

ಜಮಖಂಡೀಪುರಾಗಾರಾನ್

 ವಾದಿರಾಜಗುರೂನ್‌ ಭಜೇ || ೧ ||

ಕೃಷ್ಣಾಪುರಯತೀಂದ್ರಾಖ್ಯ

ಕಲ್ಪದ್ರುಮಸಮಾಶ್ರಿತಾನ್ |

ಜಮಖಂಡೀಪುರಾಗಾರಾನ್

 ವಾದಿರಾಜಗುರೂನ್ ಭಜೇ || ೨ ||

ಶ್ರೀಮತ್ಸಮೀರರಾದ್ಧಾಂತ

ಪಠನೇ ಚರಿತವ್ರತಾನ್ |

ಜಮಖಂಡೀಪುರಾಗಾರಾನ್

 ವಾದಿರಾಜಗುರೂನ್‌ ಭಜೇ || ೩ ||

ಶ್ರೀಮದ್ಧರಿಕಥಾದಿವ್ಯ

ಸುಧಾಸಾರಾರ್ಥಬೋಧಕಾನ್|

ಜಮಖಂಡೀಪುರಾಗಾರಾನ್

 ವಾದಿರಾಜಗುರೂನ್ ಭಜೇ || ೪ ||

ವಾಗ್‌ಭಂಗೀಜಿತತುಂಗಾಂಗರಂಗ

ತ್ಪಣಿವರಾನ್ ವರಾನ್ |

ಜಮಖಂಡೀಪುರಾಗಾರಾನ್

 ವಾದಿರಾಜಗುರೂನ್ ಭಜೇ || ೫ ||

ನಾಟ್ಯಾಭಿನಯಧಾಟೀಷು

 ನಿಟಿಲಾಕ್ಷಾಯಿತಾನ್ ಪಟೂನ್ |

ಜಮಖಂಡೀಪುರಾಗಾರಾನ್

 ವಾದಿರಾಜಗುರೂನ್ ಭಜೇ || ೬ ||

ಅದ್ವೈತವಾದಿಸಿದ್ದಾಂತ

ತಮೋ ಭೇದನಭಾಸ್ಕರಾನ್ |

ಜಮಖಂಡೀಪುರಾಗಾರಾನ್

 ವಾದಿರಾಜಗುರೂನ್ ಭಜೇ || ೭ ||

ತೀರ್ಥಯಾತ್ರೋತ್ಸುಕಾನ್‌ ಧೀರಾನ್ ಕ್ಷೇತ್ರದರ್ಶನದೀಕ್ಷಿತಾನ್ |

ಜಮಖಂಡೀಪುರಾಗಾರಾನ್

 ವಾದಿರಾಜಗುರೂನ್‌ ಭಜೇ || ೮ ||

ಜಂಬುಖಂಡ್ಯಾರ್ಯವರ್ಯಾಣಾ

ಮಷ್ಟಕಂ ನಿರ್ಮಿತಂ ಮಯಾ ।

ಕಿರಣೀತ್ಯುಪನಾಮ್ನಾಚ ಪಾಂಡುರಂಗಾಭಿಧಾಯುಜಾ || 1 ||

ಶ್ರಾವಣಸ್ಯಾಸಿತೇ ಪಕ್ಷೇ ಹ್ಯಬೈದುರ್ಮುಖಿನಾಮಕೇ।

ಸ್ಥಿರವಾಸರಯುಕ್ತಾಯಾಂ ತ್ರಯೋದಶ್ಯಾಂ ಭಗೋದಯೇ ॥ 2॥

ತುಂಗಭದ್ರಾನದೀತೀರೇ ಪಂಪಾಕ್ಷೇತಸಮೀಪಗೇ ।

ಕಮಲಾಪುರವಿಖ್ಯಾತೇ ವಸಂತಃ ಪುಟಭೇದನೇ || 3 ||

ಸುಂಕೋಪಪದರಾಮಾರ್ಯ

ಪುತ್ರಾಶ್ವತ್ಥಗೃಹೇ ಶುಭೇ |

ಶ್ರೀಮತ್ಸಂಕರ್ಷಣಧ್ಯಾನ

ನಿರತಾ ಗುರುವರ್ಯಕಾಃ || 4 ||

ಮಧುಕೃದ್‌ವೃತ್ತಿ ಸಂಯುಕ್ತಾಃ ಶ್ರೀನೃಸಿಂಹಾರ್ಚಕಾಸ್ಸದಾ ।

ವಾದಿರಾಜಗುರೂಣಾಂ ಸನ್ಮೃತ್ತಿಕಾಲಿಪ್ತದೇಹಿನಃ || 5 ||

ಜಮಖಂಡ್ಯಾರ್ಯನಾಮಾನಃ ತನುಂ ತ್ಯಕ್ತ್ವಾದಿವಂ ಯಯುಃ ।

ಏತಾದೃಶಾರ್ಯವರ್ಯಾಣಾಂ ಹೃದ್ಗತಃ ಪ್ರಾಣಸಂಸ್ಥಿತಃ |

ನರಸಿಂಹಃ ಸದಾ ಪ್ರೀತಃ ಶ್ರೀಪತಿಃ ಸ್ಯಾನ್ಮಮ ಪ್ರಿಯಃ || 6 ||

ಇತಿ ಶ್ರೀಮತ್ಕಿರಣೀ ಪಾಂಡುರಂಗಾಚಾರ್ಯಕೃತ-

ಜಮಖಂಡೀವಾದಿರಾಜಾಚಾರ್ಯಾಷ್ಟಕಂ ಸಂಪೂರ್ಣಮ್ |

||ಮಧ್ವಾಂತರ್ಗತ ಶ್ರೀಕೃಷ್ಣಾರ್ಪಣಮಸ್ತು ||

ಜಮಖಂಡ್ಯಾರ್ಯೋಪಾಸ್ಯವಾದಿರಾಜಗುರ್ವಂತರ್ಗತ ಶ್ರೀಹಯಗ್ರೀವಃ ಪ್ರಿಯತಾಮ್||

***