ಶ್ರೀ ವೇದವ್ಯಾಸ ಕರಾವಲಂಬನ ಸ್ತೋತ್ರಂ ಯದುಪತ್ಯಾಚಾರ್ಯ ವಿರಚಿಮ್

 ಶ್ರೀಮತ್ ಯದುಪತ್ಯಾಚಾರ್ಯ ವಿರಚಿತಂ ಶ್ರೀ ವೇದವ್ಯಾಸ ಕರಾವಲಂಬನ

ತ್ರಯ್ಯಾ ವಿಕಾಸ-ಕಮಜಂ ಮುಹುರನ್ತರೇವ

ಸಚ್ಞಿನ್ತ್ಯ ಮಧ್ವ-ಗುರು-ಪಾದ-ಯುಗಂ ಗುರೂಂಶ್ಚ |

ವೇದೇಶ-ಪಾದ-ಜಲಜಂ ಹೃದಿ ಸಾಧು ಕೃತ್ವಾ

ಸಂಪ್ರಾರ್ಥಯೇ ಶ್ರುತಿ-ವಿಕಾಸಕ-ಹಸ್ತ ದಾನಮ್ || 1 ||

ಪದ್ಮಾಸನಾದಿ ಸುರಸತ್ತಮ-ಭೂಸುರಾದಿ

ಸಲ್ಲೋಕ-ಬೋಧ-ಜಜನೇ ಬದರೀ-ನಿವಾಸಿನ್ |

ಸಚ್ಛಾಸ್ತ್ರ-ಶಸ್ತ್ರ-ಹೃತ-ಸತ್ಕುಮತೇ ಸದಿಷ್ಟ

ವಾಸಿಷ್ಠಕೃಷ್ಣ ಮಮ ದೇಹಿ ಕರಾವಲಮ್ಬಮ್ || 2 ||

ಆಮ್ನಾಯ-ವಿಸ್ತರ-ವಿಶಾರದ ಶಾರದೇಶ

ಭೂತಾಧಿಪಾದಿ-ಸುರ-ಸಂಸ್ತುತ ಪಾದಪದ್ಮ |

ಯೋಗೀಶ ಯೋಗಿ-ಹೃದಯಾಮಲ-ಕಞ್ಜವಾಸ

ವಾಸಿಷ್ಠಕೃಷ್ಣ ಮಮ ದೇಹಿ ಕರಾವಲಮ್ಬಮ್ || 3 ||

ಸದ್ಬ್ರಹ್ಮ-ಸೂತ್ರ-ವರಭಾರತ-ತನ್ತ್ರಪೂರ್ವ-

ನಿರ್ಮಾಣ ನಿರ್ಮಲ-ಮತೇ-ಖಿಲ-ದೋಷದೂರ |

ಆನನ್ದ-ಪೂರ್ಣ-ಕರುಣಾಕರ ದೇವದೇವ

ವಾಸಿಷ್ಠಕೃಷ್ಣ ಮಮ ದೇಹಿ ಕರಾವಲಮ್ಬಮ್ || 4 ||

ಅರ್ಕ-ಆತ್ಮಜಾ-ಜಲ-ತರಙ್ಗ-ವಿಚಾರಿ-ಚಾರು-

ವಾಯೂಪನೀತ-ಶುಭ-ಗನ್ಧ-ತರೀಯ-ವಾಸಿನ್ |

ಅರ್ಕ-ಪ್ರಭೈಣ-ವರ-ಚರ್ಮ-ಧರೋರು-ಧಾಮನ್

ವಾಸಿಷ್ಠಕೃಷ್ಣ ಮಮ ದೇಹಿ ಕರಾವಲಮ್ಬಮ್ || 5 ||

ತರ್ಕಾ-ಭಯೇತಕರ ತಾತ ಶುಕಸ್ಯ ಕೀಟ

ರಾಜ್ಯಪ್ರದಾ-ಘಟಿತ-ಸಂಘಟಕ-ಆತ್ಮಶಕ್ತೇ |

ಭೃತ್ಯ-ಅರ್ತಿಹನ್ ಪ್ರಣತ-ಪೂರು-ಸುವಂಶಕಾರಿನ್

ವಾಸಿಷ್ಠಕೃಷ್ಣ ಮಮ ದೇಹಿ ಕರಾವಲಮ್ಬಮ್ || 6 ||

ಕಾಲೇ ಜಲೇ ಜಲದನೀಲ ಕೃತೋರು-ವರ್ಮನ್

ಆಮ್ನಾಯ-ಹಾರಿ-ಸುರವೈರಿ-ಹರ-ಅವತಾರ |

ಮತ್ಸ್ಯ-ಸ್ವರೂಪ ಕೃತ-ಕಞ್ಜ-ಜವೇ-ದದಾನ

ವಾಸಿಷ್ಠಕೃಷ್ಣ ಮಮ ದೇಹಿ ಕರಾವಲಮ್ಬಮ್ || 7 ||

ಗೀರ್ವಾಣ-ದೈತ್ಯ-ಬಲ-ಲೋಲಿತ-ಸಿನ್ಧು-ಮಗ್ನ-

ಮನ್ಥ-ಅಚಲೋ-ಉದ್ಧರಣ ದೇವ ಸುಧಾಪ್ತಿ-ಹೇತೋಃ |

ಕೂರ್ಮ-ಸ್ವರೂಪ ಧೃತ-ಭೂಧರ ನೀರಚಾರಿನ್

ವಾಸಿಷ್ಠಕೃಷ್ಣ ಮಮ ದೇಹಿ ಕರಾವಲಮ್ಬಮ್ || 8 ||

ಕ್ಷೋಣೀ-ಹರೋರು-ಬಲ-ದೈತ್ಯ-ಹಿರಣ್ಯ-ನೇತ್ರ-

ಪ್ರಧ್ವಂಸ-ದಂಷ್ಟ್ರ-ಯುಗಲಾಗ್ರ-ಸುರ-ಪ್ರಮೋದ |

ಪೃಥ್ವೀ-ಧರಾ-ಅಧ್ವರ-ವರಾಙ್ಗ ವರಾಹ-ರೂಪ

ವಾಸಿಷ್ಠಕೃಷ್ಣ ಮಮ ದೇಹಿ ಕರಾವಲಮ್ಬಮ್ || 9 ||

ಪ್ರಹ್ಲಾದ-ಶೋಕ-ವಿನಿಮೋಚನ ದೇವಜಾತ

ಸಂತೋಷ-ದೋರು-ಬಲದೈತ್ಯ-ಹಿರಣ್ಯದಾರಿನ್ |

ಸಿಂಹಾಸ್ಯ-ಮಾನುಷ-ಶರೀರಯುತಾ-ವತಾರ

ವಾಸಿಷ್ಠಕೃಷ್ಣ ಮಮ ದೇಹಿ ಕರಾವಲಮ್ಬಮ್ || 10 ||

ದೇವೇಂದ್ರ-ರಾಜ್ಯ-ಹರ-ದಾನವ-ರಾಜಯಜ್ಞ-

ಶಾಲಾರ್ಥಿ-ರೂಪಧರ ವಜ್ರ-ಧರಾರ್ತಿ-ಹಾರಿನ್ |

ಯಾಞ್ಚೌಮಿಷಾ-ದಸುರ-ವಂಚಕ ವಾಮನೇಶ

ವಾಸಿಷ್ಠಕೃಷ್ಣ ಮಮ ದೇಹಿ ಕರಾವಲಮ್ಬಮ್ || 11 ||

ತಾತಾಪಕಾರಿ-ನೃಪವಂಶ-ವನಪ್ರದಾಹ-

ವಹ್ನೇ ಭೃಗು-ಪ್ರವರ ರಾಮ ರಮಾ-ನಿವಾಸ |

ಸೂರ್ಯಾಂಶು-ಶುಭ್ರ-ಪರಶು-ಪ್ರವರಾಯುಧಾಢ್ಯ

ವಾಸಿಷ್ಠಕೃಷ್ಣ ಮಮ ದೇಹಿ ಕರಾವಲಮ್ಬಮ್ || 12 ||

ರಕ್ಷೋಧಿ-ರಾಜ-ದಶ-ಕನ್ಧರ-ಕುಮ್ಭಕರ್ಣ-

ಪೂರ್ವಾರಿಕಾಲನ ಮರುದ್ವರ-ಸೂನು-ಮಿತ್ರ |

ಸೀತಾಮನೋಹರ ವರಾಙ್ಗ ರಘೂತ್ಥ-ರಾಮ

ವಾಸಿಷ್ಠಕೃಷ್ಣ ಮಮ ದೇಹಿ ಕರಾವಲಮ್ಬಮ್ || 13 ||

ಕೃಷ್ಣಾ-ಪ್ರಿಯಾ-ಪ್ರಿಯಕರಾ-ವನಿಭಾರ-ಭೂತ

ರಾಜನ್ಯಸೂದನ ಸುರ-ದ್ವಿಜ-ಮೋದ-ದಾಯಿನ್ |

ಭೈಷ್ಮೀ-ಪುರಃಸರ-ವಧೂ-ವರ-ಕೇಲಿಕೃಷ್ಣ

ವಾಸಿಷ್ಠಕೃಷ್ಣ ಮಮ ದೇಹಿ ಕರಾವಲಮ್ಬಮ್ || 14 ||

ಸದ್ಧರ್ಮಚಾರಿ-ಜಿನಮುಖ್ಯ-ಸುರಾರಿ-ವೃನ್ದ-

ಸಮ್ಮೋಹನ ತ್ರಿದಶ-ಬೋಧನ ಬುದ್ಧರೂಪ |

ಉಗ್ರಾದಿ-ಹೇತಿ-ನಿಚಯಗ್ರ-ಸನಾಮಿತಾತ್ಮನ್

ವಾಸಿಷ್ಠಕೃಷ್ಣ ಮಮ ದೇಹಿ ಕರಾವಲಮ್ಬಮ್ || 15 ||

ಜ್ಞಾನಾದಿ-ಸದ್ಗುಣ-ವಿಹೀನ-ಜನ-ಪ್ರಕೀರ್ಣ-

ಕಾಲೇ ಕಲೇ-ಸ್ತುರಗ-ವಾಹನ ದುಷ್ಟಹಾರಿನ್ |

ಕಲ್ಕಿಸ್ವರೂಪ ಕೃತ-ಪೂರ್ವ-ಯುಗ-ಪ್ರವೃತ್ತೇ

ವಾಸಿಷ್ಠಕೃಷ್ಣ ಮಮ ದೇಹಿ ಕರಾವಲಮ್ಬಮ್ || 16 ||

ಯಜ್ಞೈತರೇಯ-ಕಪಿಲರ್ಷ-ಭದತ್ತ-ಧನ್ವಂ-

ತರ್ಯಶ್ವ-ಸನ್ಮುಖ-ಕುಮಾರ-ಸುಯೋಷಿದಾತ್ಮನ್ |

ಸದ್ಧರ್ಮ-ಸೂನುವರ ತಾಪಸ ಹಂಸರೂಪ

ವಾಸಿಷ್ಠಕೃಷ್ಣ ಮಮ ದೇಹಿ ಕರಾವಲಮ್ಬಮ್ || 17 ||

ಸತ್ಕೇಶವಾದಿ-ದ್ವಿಷಡಾತ್ಮಕ-ವಾಸುದೇವಾ-

ದ್ಯಾತ್ಮಾ-ದಿನಾ ಸುಚತು-ರೂಪ ಸುಶಿಂಶುಮಾರ |

ಕೃದ್ಧೋಲ್ಕ-ಪೂರ್ವಕ-ಸುಪಞ್ಚಕ-ರೂಪ ದೆವ

ವಾಸಿಷ್ಠಕೃಷ್ಣ ಮಮ ದೇಹಿ ಕರಾವಲಮ್ಬಮ್ || 18 ||

ನಾರಾಯಣಾದಿ-ಶತರೂಪ ಸಹಸ್ರರೂಪ

ವಿಶ್ವಾದಿನಾ ಸುಬಹು-ರೂಪ ಪರಾದಿನಾ ಚ |

ದಿವ್ಯಾಜಿತಾ-ದ್ಯಮಿತ-ರೂಪ ಸುವಿಶ್ವ-ರೂಪ

ವಾಸಿಷ್ಠಕೃಷ್ಣ ಮಮ ದೇಹಿ ಕರಾವಲಮ್ಬಮ್ || 19 ||

ಶ್ರೀವಿಷ್ಣು-ನಾಮ-ಗಷ್ಣು-ವರ್ಣಗ-ಸಂಧಿಗಾತ್ಮನ್

ಮಂಡೂಕ-ಸತ್ತನುಜ-ಹ್ರಸ್ವ-ಸುನಾಮಕೇನ |

ಧ್ಯಾತರ್ಷಿಣಾ ಸುಸುಖತೀರ್ಥ-ಕರಾಬ್ಜ-ಸೇವ್ಯ

ವಾಸಿಷ್ಠಕೃಷ್ಣ ಮಮ ದೇಹಿ ಕರಾವಲಮ್ಬಮ್ || 20 ||

ವೈಕುಂಠ-ಪೂರ್ವಕ-ತ್ರಿಧಾಮ-ಗತ-ತ್ರಿರೂಪ

ಸ್ವಕ್ಷ್ಯಾದಿ-ಧಾಮಗತ-ವಿಶ್ವಪುರಃ-ಸರಾತ್ಮನ್ |

ಸತ್-ಕೇಶವಾದಿ-ಚತುರುತ್ತರ-ವಿಂಶ-ರೂಪ

ವಾಸಿಷ್ಠಕೃಷ್ಣ ಮಮ ದೇಹಿ ಕರಾವಲಮ್ಬಮ್ || 21 ||

ಸತ್-ಪಞ್ಚರಾತ್ರ-ಪ್ರತಿಪಾದ್ಯ-ರಮಾದಿರೂಪ-

ವ್ಯೂಹಾತ್-ಪುರಾಸು-ಪರಿಪೂಜ್ಯ-ನವ-ಸ್ವರೂಪ |

ವಿಮಲಾದಿ-ಶಕ್ತಿ-ನವಕಾತ್ಮಕ-ದಿವ್ಯರೂಪ

ವಾಸಿಷ್ಠಕೃಷ್ಣ ಮಮ ದೇಹಿ ಕರಾವಲಮ್ಬಮ್ || 22 ||

ಸ್ವಾಯಂಭುವಾದಿ-ಮನು-ಸಂಸ್ಥಿತ ದಿವ್ಯರಾಜ-

ರಾಜೇಶ್ವರಾತ್ಮಕ ತಥಾ ಸದುಪೇನ್ದ್ರ-ನಾಮನ್ |

ಸರ್ವೇಷು ರಾಜಸು ನಿವಿಷ್ಠ-ವಿಭೂತಿ-ರೂಪ

ವಾಸಿಷ್ಠಕೃಷ್ಣ ಮಮ ದೇಹಿ ಕರಾವಲಮ್ಬಮ್ || 23 ||

ಪ್ರದ್ಯುಮ್ನ-ಪಾರ್ಥ-ನರವೈನ್ಯ-ಬಲಾನಿರುದ್ಧ-

ಪೂರ್ವೇಷು ಸಂಸ್ಥಿತ-ವಿಶೇಷ ವಿಭೂತಿರೂಪ |

ಬ್ರಹ್ಮಾದಿ-ಜೀವ-ನಿವಹಾಖ್ಯ-ವಿಭಿನ್ನ-ಕಾಂಶ

ವಾಸಿಷ್ಠಕೃಷ್ಣ ಮಮ ದೇಹಿ ಕರಾವಲಮ್ಬಮ್ || 24 ||

ಶ್ರೀವೆಂಕಟೇಶ ಹರಿನಾಮಕ-ವ್ಯೂಹ ರಙ್ಗ-

ನಾಥಾ-ವಿಮುಕ್ತಿಗ-ಪ್ರಯಾಗ-ಗಮಾಧವಾತ್ಮನ್ |

ಕಾಞ್ಚೇಸ್ಥ-ಸತ್-ವರದರಾಜ-ತ್ರಿವಿಕ್ರಮಾತ್ಮನ್

ವಾಸಿಷ್ಠಕೃಷ್ಣ ಮಮ ದೇಹಿ ಕರಾವಲಮ್ಬಮ್ || 25 ||

ಸತ್-ಪೃಶ್ರ್ನಿಗರ್ಭ-ಪಿತೃಹೃದ್ಯ-ಗಯಾಪ್ರಯಾಗ-

ವಾರಾಣಸೀ-ಸ್ಥಿತ-ಗದಾಧರ-ಮಾಧವಾತ್ಮನ್ |

ಸಚ್ಛ್ರೀಕರಾಖ್ಯ-ಹರಿ-ನಾಮಕ-ವ್ಯೂಹ-ರೂಪ

ವಾಸಿಷ್ಠಕೃಷ್ಣ ಮಮ ದೇಹಿ ಕರಾವಲಮ್ಬಮ್ || 26 ||

ಸದ್ವಾರಕಾ-ರಜತ-ಪೀಠ-ಸುವರ್ಣ-ಪೂರ್ವ-

ಬ್ರಹ್ಮಣ್ಯ-ಮಧ್ಯಮಠ-ಸಂಸ್ಥಿತ-ದಿವ್ಯಮೂರ್ತೇ |

ಸತ್‍ಪಾಜಕ-ಸ್ಥಿತ-ಗಯಾಸ್ಥ-ಗದಾಧರಾತ್ಮನ್

ವಾಸಿಷ್ಠಕೃಷ್ಣ ಮಮ ದೇಹಿ ಕರಾವಲಮ್ಬಮ್ || 27 ||

ವೇದೇಶ-ಮದ್‍ಗುರು-ಕರಾರ್ಚಿತ-ಪಾದಪದ್ಮ-

ಶ್ರೀಕೇಶವ-ಧ್ರುವ-ವಿನಿರ್ಮಿತ-ದಿವ್ಯಮೂರ್ತೇ |

ಶ್ರೀ-ಭೀಮರಥ್ಯಾಮಲ-ತೀರ-ಮಣೂರ-ವಾಸಿನ್

ವಾಸಿಷ್ಠಕೃಷ್ಣ ಮಮ ದೇಹಿ ಕರಾವಲಮ್ಬಮ್ || 28 ||

ಶ್ರೀ-ಪಾಂಡುರಙ್ಗ-ಸುಸ್ಯಮನ್ತಕ-ಗಂಡಿಕಾ-ಶ್ರೀ-

ಮುಷ್ಣಾದಿ-ಕ್ಷೇತ್ರ-ವರಸಂ-ಸ್ಥಿತಾನೈಕ-ಮೂರ್ತೇ |

ರೂಪೈರ್-ಗುಣೈರ್-ಅವಯವೈ-ಸ್ತದಿತಃ ಸ್ವನನ್ತ

ವಾಸಿಷ್ಠಕೃಷ್ಣ ಮಮ ದೇಹಿ ಕರಾವಲಮ್ಬಮ್ || 29 ||

ಅ ಆದಿಕ್-ಷಾನ್ತ-ತತವರ್ಣ-ಸುವಾಚ್ಯ-ಭೂತೈ-

ರ್ನಿರ್ಭೇದ-ಮೂರ್ತಿಕ-ಮಹಾ-ಸದಜಾದಿ-ರೂಪೈಃ |

ಶಕ್ತ್ಯಾದಿ-ಭಿರ್ವಿಗತ-ಭೇದ-ದಶೈಕರೂಪ

ವಾಸಿಷ್ಠಕೃಷ್ಣ ಮಮ ದೇಹಿ ಕರಾವಲಮ್ಬಮ್ || 30 ||

ಸೂರ್ಯಾನಲ-ಪ್ರಭೃತಿ-ಹೃದ್-ದುರಿತೌಘ-ತೂಲ-

ರಾಶಿ-ಪ್ರದಾಹಕ-ಸುದರ್ಶನ-ನಾಮಧೇಯ |

ನಾರಾಯಣ-ಆದಿಕ-ಸುಪಞ್ಚಕ-ದಿವ್ಯರೂಪ

ವಾಸಿಷ್ಠಕೃಷ್ಣ ಮಮ ದೇಹಿ ಕರಾವಲಮ್ಬಮ್ || 31 ||

ಇಚ್ಛಾದಿ-ಶಕ್ತಿ-ತ್ರಿತಯೇನ ತಥಾ„ಣಿಮಾದಿ-

ಶಕ್ತ್ಯಾಷ್ಟಕೇನ-ವಿಗತಾ-ಖಿಲ-ಭೇದಮೂರ್ತೇ |

ಸನ್ಮೋಚಕಾದಿ-ನವಶಕ್ತ್ಯ-ವಿಭಿನ್ನಕಾಂಶ

ವಾಸಿಷ್ಠಕೃಷ್ಣ ಮಮ ದೇಹಿ ಕರಾವಲಮ್ಬಮ್ || 32 ||

ಜೀವ-ಸ್ವರೂಪ-ವಿನಿಯಾಮಕ-ಬಿಮ್ಬರೂಪ

ಮೂಲೇಶ-ನಾಮಕ ಸುಸಾರ-ಭುಗಿನ್ಧ-ರೂಪ |

ಪ್ರಾದೇಶ-ರೂಪಕ ವಿರಾಡಥ ಪದ್ಮನಾಭ

ವಾಸಿಷ್ಠಕೃಷ್ಣ ಮಮ ದೇಹಿ ಕರಾವಲಮ್ಬಮ್ || 33 ||

ಕ್ಷೀರಾಬ್ಧಿ-ಸಙ್ಗತ-ಮಹಾ-ಜಲಪಾತೃ-ವಾಡ

ವಾಗ್ನಿ-ಸ್ವರೂಪ ಪರಮಾಣು-ಗತಾಣು-ರೂಪ |

ಅವ್ಯಾಕೃತಾಂಬರ-ಗತಾ-ಪರಿಮೇಯ-ರೂಪ

ವಾಸಿಷ್ಠಕೃಷ್ಣ ಮಮ ದೇಹಿ ಕರಾವಲಮ್ಬಮ್ || 34 ||

ಬ್ರಹ್ಮಾದಿ-ಸರ್ವ-ಜಗತಃ ಸು-ವಿಶೇಷತೋ ವೀ

ಸರ್ವತ್ರ ಸಂಸ್ಥಿತಿ-ನಿಮಿತ್ತತ ಏವ ಚಾಸಃ |

ವ್ಯಾಸಃ ಸ ವೀತಿ ಹಿ ಶೃತೇ-ರಿತಿ ವ್ಯಾಸ-ನಾಮನ್

ವಾಸಿಷ್ಠಕೃಷ್ಣ ಮಮ ದೇಹಿ ಕರಾವಲಮ್ಬಮ್ || 35 ||

ನಿರ್ದೋಷ-ಪೂರ್ಣ-ಗುಣ-ಚಿಜ್ಜಡ-ಭಿನ್ನರೂಪ

ಶೃತ್ಯಾ ಯತಸ್ತ್ವಧಿ-ಗತೋಸಿ ತತಸ್ತ್ವ-ನಾಮನ್ |

ಸಚ್ಛ್ರೀಕರಾಖ್ಯ-ಹರಿನಾಮಕ-ವ್ಯೂಹರೂಪ

ವಾಸಿಷ್ಠಕೃಷ್ಣ ಮಮ ದೇಹಿ ಕರಾವಲಮ್ಬಮ್ || 36 ||

ಪೈಲೌ-ಡುಲೋಮಿ-ವರ-ಜೈಮಿನಿ-ಕಾಶ-ಕೃತ್ಸ್ನ-

ಕೃಷ್ಣಾಜಿನಿ-ಪ್ರಭೃತಿ-ಶಿಷ್ಯ-ಸುಸೇವಿತಾಙ್ಛ್ರೇ |

ಕಾನೀನ ಮದ್‍ಗುರು-ಸುಸೇವ್ಯ-ಪದಾಬ್ಜ-ಯುಗ್ಮ

ವಾಸಿಷ್ಠಕೃಷ್ಣ ಮಮ ದೇಹಿ ಕರಾವಲಮ್ಬಮ್ || 37 ||

ನಾನಾ-ವಿಕರ್ಮ-ಜನಿತಾ-ಶುಭ-ಸಾಗರಾನ್ತಃ

ಸಂಭ್ರಾಮ್ಯತಃ ಪರಿಹತಸ್ಯ ಷಡೂರ್ಮಿ-ಜಾಲೈಃ |

ಪುತ್ರಾದಿ-ನಕ್ರ-ನಿಗೃಹೀತ-ಶರೀರಕಸ್ಯ

ವಾಸಿಷ್ಠಕೃಷ್ಣ ಮಮ ದೇಹಿ ಕರಾವಲಮ್ಬಮ್ || 38 ||

ಆಶಾಮದ-ಪ್ರಭೃತಿ-ಸಿಂಹ-ವೃಕಾದಿ-ಸತ್ವಾ-

ಕೀರ್ಣೇ-ಟತೋ ಭವ-ಭಯಂಕರ-ಕಾನನೇ„ಸ್ಮಿನ್ |

ಪಞ್ಚೇಷು-ಚೋರ-ಹೃತಬೋಧ-ಸುವಿತ್ತಕಸ್ಯ

ವಾಸಿಷ್ಠಕೃಷ್ಣ ಮಮ ದೇಹಿ ಕರಾವಲಮ್ಬಮ್ || 39 ||

ಲಕ್ಷ್ಮೀ-ನಿವಾಸ ಭವನೀರ-ವಿಹೀನ-ಕೂಪ-

ಮಧ್ಯ-ಸ್ಥಿತಸ್ಯ ಮದಭಾರ-ವಿಭಿನ್ನ-ಬುದ್ಧೇಃ |

ತೃಷ್ಣಾಖ್ಯ-ವಾರಣ-ಭಯೇನ ದಿಗನ್ತ-ಭಾಜೋ

ವಾಸಿಷ್ಠಕೃಷ್ಣ ಮಮ ದೇಹಿ ಕರಾವಲಮ್ಬಮ್ || 40

||

ಅಜ್ಞಾನ-ಮೋಹ-ಪಟಲಾದ್-ಗತ-ಚಕ್ಷುಷೋ„ಲಂ

ಮಾರ್ಗಾನ್-ನಿಜಾತ್ ಸ್ಖಲತ ಈಶ-ದಯಾಮ್ಬು-ರಾಶೇ |

ಕಿಂ-ಗಮ್ಯಮ್-ಇತ್ಯವಿರತಂ ರಟತೋ ರಮೇಶ

ವಾಸಿಷ್ಠಕೃಷ್ಣ ಮಮ ದೇಹಿ ಕರಾವಲಮ್ಬಮ್ || 41 ||

ಆಜನ್ಮ-ಚೀರ್ಣ-ಬಹು-ದೋಷಿಣ ಈಶ ಜಾತು

ತ್ವತ್ಪಾದ-ನೀರಜ-ಯುಗಂ ಹೃದಿ ಕುರ್ವತೋ„ಲಮ್ |

ದೇವಾಪರಾಧ-ಮನ-ವೇಕ್ಷ್ಯ ಚ ವೀಕ್ಷ್ಯ ಭಕ್ತಿಂ

ವಾಸಿಷ್ಠಕೃಷ್ಣ ಮಮ ದೇಹಿ ಕರಾವಲಮ್ಬಮ್ || 42 ||

ಆಮ್ನಾಯ-ಭಾರತ-ಪುರಾಣ-ಸರಃ-ಪ್ರಭೂತ-

ವಾಸಿಷ್ಠಕೃಷ್ಣ-ಸ್ತುತಿ-ಪಂಕಜ-ಮಾಲಿಕೇಯಮ್ |

ದೇವ ತ್ವದರ್ಥ-ಮಮಲಾಂ ರಚಿತೋಚಿತಾಂ ತಾಂ

ಕೃತ್ವಾ ಧ್ರಿಯಸ್ವ ಹೃದಯೇ ಭವ ಭೂತಿದೋ ಮೇ || 43 ||

ವಾಸಿಷ್ಠಕೃಷ್ಣ-ಪದಪದ್ಮ-ಮಧುವ್ರತೇನ

ವೇದೇಶತೀರ್ಥ-ಗುರುಸೇವಕ-ಯಾದವೇನ |

ಹಸ್ತಾವಲಂಬನ-ಮಿದಂ ರಚಿತಂ ಪಠೇದ್ಯಃ

ತಸ್ಯ ಪ್ರದಾಸ್ಯತಿ ಕರಂ ಬದರೀ-ನಿವಾಸೀ || 44 ||

ವೇದೇಶತೀರ್ಥ-ಗುರುಮಾನಸ-ನೀರಜಸ್ಥ-

ಶ್ರೀಮಧ್ವ-ಹೃತ್ಕಮಲ-ವಾಸಿ-ರಮಾನಿವಾಸಃ |

ಪ್ರೀತೋ-ತ್ಸ್ವನೇನ ಶುಭದೋ ಮಮ ದೇವಪೂಜಾ

ವ್ಯಾಖ್ಯಾದಿ-ಸತ್ಕೃತಿ-ಕೃತೋ ಬದರೀನಿವಾಸೀ || 45 ||

|| ಇತಿ ಶ್ರೀಮತ್ ಯದುಪತ್ಯಾಚಾರ್ಯ ವಿರಚಿತಂ ಶ್ರೀ ವೇದವ್ಯಾಸ ಕರಾವಲಂಬನ

**