ಸತ್ಯವಿಜಯ ತೀರ್ಥ ಸ್ತುತಿಃ ಸತ್ಯಪ್ರಿಯ ತೀರ್ಥ ವಿರಚಿತಮ್

 ಶ್ರೀ ಸತ್ಯವಿಜಯ ತೀರ್ಥ ಸ್ತುತಿಃ

ಶ್ರೀ ವಿಭೀಷಣ ಸಾಮ್ರಾಜ್ಯ ಪ್ರದರಾಮ ಪದಾಂಬುಜೇ

ಸಂಸಕ್ತಸ್ಯ ವಿಜಯ ಹಂಸೋ ಮೇ ಭಾಸತಾಂ ಹೃದಿ.      ೧

ಅತಿಸತ್ಯವಾದನಿರತೋ ತನುಧೀಃ

ಸುಕೃತಾಂತಸಂ ಪ್ರವಚನೇ ಚತುರಃ

ಸ ಉದೈಷ್ಟ ಸತ್ಯವಿಜಯೋ ವಿಜಯಿ

ಸಕಲಾಸು ದಿಕ್ಷು ಋತಪೂರ್ಣೇ ಮುನೇಃ.   ೨ 

ಶ್ರೀ ಸತ್ಯವಿಜಯಂ ವಂದೇ ಸರ್ವಾಭೀಷ್ಟ ಪ್ರದಾಯಕಂ

ಶ್ರೀಮದಾನಂದತೀರ್ಥಾರ್ಯ ಪಾದಯೋರ್ಭಕ್ತಿದಂ ಸದಾ.       ೩

ಸತ್ಯಜೈತ್ರಾಭಿದಂ ನೌಮಿ ಶ್ರೀಮಂತಂ ಶ್ರೀಪ್ರದಂ ಮಮ

ಜ್ಞಾನದಂ ಭಕ್ತಿದಂ ಮೇದ್ಯ ಜಯತೀರ್ಥಾರ್ಯ ಸೇವಕಂ      ೪

ಸತ್ಯಪೂರ್ಣಾಬ್ಧಿಸಂಭೂತಂ ಭಕ್ತಸ್ವಾಂತೋತ್ಫಲಂ ಸದಾ

ವಿಕಾಸಯಂತಂ ಸಂಶುದ್ಧಂ ಸತ್ಯಜೈತ್ರೇಂದುಮಾಶ್ರಯೇ.      ೫

ವೇದಾಂತ ಶಾಸ್ತ್ರೇಷು ಸದಾ ರಮಂತಂ

ಸ್ಭಭಕ್ತ ಸಂರಕ್ಷಣ ಬದ್ಧಚಿತ್ತಂ 

ಮಹಾನುಭಾವಂ ಭುವನೈಕ ವಂದ್ಯಂ

ವಂದೇ ಗುರುಂ ಸತ್ಯಜಯಾಭಿದಾನಂ.     ೬

ಬಂಧುಸ್ತ್ವಂ ಗುರುರಿಷ್ಟ ದೈವತಮಿತಿ ತ್ವತ್ಪಾದ ಪಂಕೇರುಹಂ

ಪ್ರಾಪ್ತಂ ಮಾಂ ಪರಿಪಾಲಯೇತಿ ಸತತಂ ಯಾಚೇ ನಿಬದ್ಧಾಂಜಲಿಃ

ಚಿತ್ತಂ ಮದ್ಗುಣದೋಷ ಚಿಂತನವಿಧೌ ನೂನಂ ಮನಾಙ್ ಮಾ ಕೃಥಾಃ

ನಾನ್ಯಾ ಮೇ ಗತಿರಸ್ತಿ ಸತ್ಯವಿಜಯ ಸ್ವಾಮಿನ್ ತ್ವದಂಘ್ರಿಂ ವಿನಾ.      ೭

ರಾಮಪೂಜಾ ರತಾನ್ ನಿತ್ಯಂ ಗುರುಪಾದ ಪ್ರಪೂಜಕಾನ್

ಶ್ರೀ ಸತ್ಯಜಯತೀರ್ಥಾಖ್ಯಾನ್ ಪ್ರಪದ್ಯೇ ಜ್ಞಾನಸಿದ್ದಯೇ.        ೮

ಸತ್ಯಪೂರ್ಣಾಂಬುಧೇರ್ಜಾತೋ ವಿದ್ವಜ್ಜನವಿಜೃಂಭಿತ: |

ಧನೀಧ್ವಂಸೀತು ನಸ್ತಾಪಂ ಶ್ರೀಸತ್ಯವಿಜಯೋಡುಪ: ||.       ೯

ಇತೀ ಶ್ರೀ ಸತ್ಯಪ್ರಿಯ ತೀರ್ಥ ವಿರಚಿತ ಶ್ರೀ ಸತ್ಯವಿಜಯ ತೀರ್ಥ ಸ್ತುತಿಃ ಸಂಪೂರ್ಣಂ. ಶ್ರೀ ಕೃಷ್ಣಾರ್ಪಣಮಸ್ತು🙏🏻

ಶ್ರೀ ಶ್ರೀ ವಿದ್ಯಾಧೀಶ ಸೇವಾ ಪ್ರತಿಷ್ಠಾನ

***